Kosova nuk do bashkimin as me Shqiprin e as me Serbin

[murrizi]

Kosova fillon të gjejë identitetin e pavarur

http://gdb.rferl.org/6006956D-10F3-4DB6-B4C1-E61D213D730C_w527_s.jpg (http://gdb.rferl.org/6006956D-10F3-4DB6-B4C1-E61D213D730C_mw800_mh600_s.jpg) Sheshi "Nënë Tereza" në Prishtinë

18.08.2010

"Time"

Në kafenenë e tij moderne në Prishtinë, pronari Petrit Selimi dëshiron që bota ta kuptojë se kosovarët janë larg stereotipit të atij bujku nga fshati me kallashnikov në dorë.

Sipërmarrësi i ri dhe ish-aktivist i të rinjve, thekson se Kosova është e re, moderne dhe liberale.

“Çdo të dytën ditë këtu këndon Snoop Dogg, të drejtat e grave dhe të homoseksualëve janë në agjendën politike. A e dini se në Prishtinë njerëzit për çdo ditë pinë nga 20 milionë makiato?”, pyet Petriti.

Njëmbëdhjetë vjet pas fushatës ajrore të NATO-s, e cila i detyroi forcat serbe të largohen, Kosova po e zbulon identitetin e vet. Deklarata e pavarësisë e vitit 2008 është njohur nga 69 shtete, përfshirë SHBA-të dhe shumicën e BE-së.

Vendimi i Gjykatës Ndërkombëtare të Drejtësisë se pavarësia “nuk është e jashtëligjshme” i dha një shtysë tjetër shtetit të ri, por pavarësia e Kosovës nuk është ende e njohur nga një numër vendesh të fuqishme, të cilat druajnë për precedentin e secesionizmit.

Kështu, Kosova mbetet jashtë shumë organizatave ndërkombëtare, përfshirë Kombet e Bashkuara. Nuk e ka as kodin telefonik të vetin, por megjithatë, për shumë kosovarë, shtetësia nuk vihet në dyshim.

Një tregues i besimit të kosovarëve në pavarësinë është marrëdhënia e tyre me Shqipërinë fqinje, me të cilën shumica e ndajnë gjuhën dhe identitetin etnik. Bashkimi me Shqipërinë ishte temë e përbashkët për ata që i luftonin serbët një dekadë më parë, por tash partitë politike që angazhohen për bashkim kanë marrë vetëm 2 për qind të votave.

Sigurisht që kosovarët janë të lumtur që kanë lidhje të mira me Shqipërinë, pasi blloku i Lindjes i la të dy të vendet të izoluar për 50 vjet. Autostrada e re bëri që 1.3 milionë njerëz ta kalojnë kufirin gjatë qershorit, që është shumë për popullsinë dy milionëshe sa ka Kosova.
Në Sheshin “Nëna Terezë” në Prishtinë, vazhdon të shitet flamuri kuq e zi me shqiponjën dykrerëshe. Por, gjithashtu, ka mjaft suvenirë me flamurin e ri të Kosovës, të frymëzuar nga standardet e BE-së.

Një diplomat vëren se flamuri i ri ka filluar të shfaqet edhe në dasma, ku më herët kryesisht valonte flamuri shqiptar, bashkë me atë amerikan, në shenjë nderimi të Uashingtonit për mbështetjen e Kosovës.

“Kosova po i kap gjërat”, thotë Selimi. “Kur Snoop Dogg performoi këtë verë, ai parakaloi me flamurin e Kosovës, dhe mund t’i ndjenit emocionet në publik. Bashkimi nuk është më në agjendë. Kosovarët po punojnë për të ardhmen e tyre të pavarur”, thotë ai.

Shteti po ndërtohet, por korrupsioni është i përhapur në të gjitha nivelet e shoqërisë, thotë Eulex-i. Zyrtarë të lartë të Qeverisë, së fundmi, janë vënë nën dyshime. Krimi i organizuar dhe shpëlarja e parave gjithashtu përbëjnë shqetësim të madh.

Ekonomia legale rritet, por ngadalë. Vendi mjaft varet nga importi dhe remitencat jashtë. Shumë sipërmarrës gjithashtu janë skeptikë për mjedisin e biznesit. “Gara është e egër”, thotë Agim Dushi, pronar i fabrikës “Bonita” për ujë të pijshëm.

Ai thotë se 25 kompani të ngjashme të ujit janë ndërtuar shpesh herë pa kontroll të cilësisë. “Duhet të përshtatemi nëse duam të mbijetojmë”, thotë ai.

Mungesa e energjisë elektrike gjithashtu i pengon bizneset, megjithëse kanë filluar përmirësime në sistemin e përfitimit të energjisë nga thëngjilli dhe uji.

Problem kryesor për zbatimin e ligjit mbetet statusi i enklavës serbe në veri të vendit, ku popullata e sheh Beogradin si qeveri legjitime. Kufiri i saj me Serbinë nuk patrullohet, duke i lënë dyert hapura për trafikantët.

Zbatimi i ligjit gjithashtu është i vështirë, sepse policia në veri nuk u raporton drejtpërdrejt autoriteteve në Prishtinë.

“Veriu po bëhet gjithnjë e më shumë çështje e rendit dhe ligjit”, thotë komisionari i policisë, Behar Selimi. Ai sheh përparim në bashkëpunimin me autoritetet lokale në veri, por e përshkruan situatën si kaotike.

Momenti më i rëndësishëm për pavarësinë e Kosovës do të jenë marrëdhëniet e saj me Beogradin. Pasi dështoi ta bindë Gjykatën Ndërkombëtare të Drejtësisë për ta hedhur poshtë pavarësinë e Kosovës, Beogradi mund të bëhet më i hapur.

Përderisa njohja nuk është në tavolinë, ai tash flet për zgjidhje të pranueshme nga të dyja palët për të gjitha çështjet e hapura.

“Situata aktuale nuk është në interesin e askujt”, ka thënë sekretari shtetëror për Kosovën në Beograd. Prishtina dhe Beogradi shpresojnë t’i bashkëngjiten BE-së. Kjo mund të nxitë bashkëpunim më të madh dhe të krijojë kokëçarje për shumë trafikantë.(v.p.)

http://www.youtube.com/watch?v=4kWAuedSh20&feature=related

[murrizi]

hajde de... ?
se po i del afati .
A po doni me Shqipni a me Serbi ?

folni , sa nuk nuk është rregulluar globi për këtë mijëvjeqar, Harta të reja për Evropë do të ketë tek në milleniumin e ardhshëm (po thojn)!

[murrizi]

Thaçi: Kërkesat e shqiptarëve mund të jenë më shumë se pavarësia

Kryeministri, Hashim Thaçi iu ka kërkuar sot zyrtarëve serbë që të ndalojnë deklarimet për ndarje të Kosovës. Në të kundërtën kërkesat e Kosovës mund të jenë më të mëdha se sa të tyre, tha kryeministri Thaçi në mbledhjen e sotme të qeverisë. Edhe me këtë rast, kryeministri garantoi se nuk do të ketë ndarje të Kosovës, ndryshim kufijsh apo cenim të integritetit të vendit. ...Postuar në rtklive: 01.06.2011

Kryeministri i Kosovës Hashim Thaçi kundërshtoi sërish idenë për ndarjen e Kosovës. Duke iu kundërpërgjigjur deklaratave të zyrtarëve serbë rreth kësaj çështje, Thaçi theksoi se kjo do të jetë e papranueshme. Komentet ai i bëri në mbledhjen e sotme të qeverisë.

“Ritheksojmë shumë fuqishëm se në asnjë rrethanë dhe me asnjë çmim se:

Nuk do të ketë ndarje të Kosovës,
Nuk do të ketë shkëmbim territoresh,
Nuk do të ketë autonomi në veri,
Nuk do të ketë ndryshim kufijsh”, ka than sot Hashim Thaçi.

Kryeministri Thaçi i bëri thirrje Beogradit që t’ua bëjë me dije serbëve të veriut të Mitrovicës, se edhe ajo është pjesë e territorit të Kosovës, është Kosovë, dhe se ata janë qytetarë të Republikës së Kosovës dhe kryeqytet i tyre është Prishtina.

Zëvendëskryeministri serb, Ivica Daçiq, është ndër zyrtarët serbë më të zëshëm i cili vazhdon deklarimet për ndarjen e Kosovës. Së fundmi ai ka thënë se Serbia ka bërë gabim të madh, që nuk ka biseduar me Shqipërinë për Kosovën, duke thënë se Kosova duhet të ndahet midis Serbisë dhe Shqipërisë.

“Është e nevojshme të përcaktohet vija kufitare midis Serbisë dhe Shqipërisë, dhe ky është opsion real. Serbia nuk është dashur të pranojë askënd tjetër si negociator përpos Shqipërisë”, ka thënë Daçiq.

(Drita Loshi)

[murrizi]

Murriz, ja ke nis me fol vetmeveti , nuk a puna mirë !

Po bre, bile se di çka ma prishe estetiken se ?
Jo burr po quditna çdo ditë e ma shumë sa fort po i përngjanë Ibrahim Rugovës qeky njeri a!
nejse ka nji "dallim t'vogel" ktu, Thaçi po ja lëmon doren Erdoganit, Rugova Vatikanit.

[Zero Cool]

"Si pjesëtar i Ushtrisë Çlirimtare të Kosovës, betohem se do të luftoj për çlirimin e tokave të pushtuara të Shqipërisë dhe bashkimin e tyre; do të jem përherë besnik, luftëtar i denjë i lirisë, vigjilent, guximtar dhe i disiplinuar, i gatshëm që në çdo kohë, pa kursyer as jetën, të luftoj për t'i mbrojtur interesat e shenjta të Atdheut. Nëse shkel këtë betim, le të ndëshkohem me ligjet më të ashpra të luftës dhe nëse tradhtoj, qoftë i humbur gjaku im. Betohem!"

(Betimi i ushtarit të UÇK-së)

[elvio]

S'do s'do!

Shqiptaret aq meritojne,por dem gjaku i cili u derdh.

[Fshatari]

Kosovë: Policia konfiskon armatim në Shtërpce
14.06.2011
Policia e Kosovës ka konfiskuar sasi të madhe të armatimit në fshatin Sevçe të Shtërpcës.
Zëdhënësi i policisë së Kosovës, Baki Kelani, ka thënë se gjatë aksionit është gjetur një sasi e madhe e municionit, predha të ndryshme dhe disa armë të kalibrit të rëndë.
Armatimi është gjetur në një shtëpi të pabanuar, të një qytetari serb.
Për momentin nuk janë dhënë detaje të tjera, ndërkaq është paralajmëruar se gjatë ditës do të jepen më shumë hollësi në lidhje me këtë rast dhe armatimin e konfiskuar.
______________________________
Radio Evropa e lirë
_________________________________
Kjo eshte goditje e fuqishme ne suratin e ndyre te eulexit dhe strukturave kriminale te serbise qe po perpiqen
me nda shtetin e Kosoves e me shkaktue trazira ne ballkan sipas reçetave te tadiçit e daçiçit e marnakut.
Perpjekjet e ketyne klloshave do te jene te kota sepse :


Thaçi: Kërkesat e shqiptarëve mund të jenë më shumë se pavarësia



“Ritheksojmë shumë fuqishëm se në asnjë rrethanë dhe me asnjë çmim se:

Nuk do të ketë ndarje të Kosovës,
Nuk do të ketë shkëmbim territoresh,
Nuk do të ketë autonomi në veri,
Nuk do të ketë ndryshim kufijsh”, ka than sot Hashim Thaçi.
Kryeministri Thaçi i bëri thirrje Beogradit që t’ua bëjë me dije serbëve të veriut të Mitrovicës, se edhe ajo është pjesë e territorit të Kosovës, është Kosovë, dhe se ata janë qytetarë të Republikës së Kosovës dhe kryeqytet i tyre është Prishtina.

Zëvendëskryeministri serb, Ivica Daçiq, është ndër zyrtarët serbë më të zëshëm i cili vazhdon deklarimet për ndarjen e Kosovës. Së fundmi ai ka thënë se Serbia ka bërë gabim të madh, që nuk ka biseduar me Shqipërinë për Kosovën, duke thënë se Kosova duhet të ndahet midis Serbisë dhe Shqipërisë.

“Është e nevojshme të përcaktohet vija kufitare midis Serbisë dhe Shqipërisë, dhe ky është opsion real. Serbia nuk është dashur të pranojë askënd tjetër si negociator përpos Shqipërisë”, ka thënë Daçiq.

(Drita Loshi)

U terhoq serbia nga negociatat e kurdisura nga i veteshpalluri "bashkim evropjan"! Le t'a kethej tani ne tavolinene e bisedimeve...!

[rastesishT]

se po i del afati .
A po doni me Shqipni a me Serbi ?

folni , sa nuk nuk është rregulluar globi për këtë mijëvjeqar, Harta të reja për Evropë do të ketë tek në milleniumin e ardhshëm (po thojn)!


Gjate kohes kur a kan gjyshi partizan 43 -ten ne fund te luftes partizant nga kosova i kishin pas vet a doni me shipni a me serbi kishin pas than ma shume se gjysa jo po dojm me serbi knej.... !

E qekjo thanja jote a po doni me shqipni a me serbi sa e mire se tutna me qit ne sondazh pa i kthehen serbis gjysa e sdijm per qka jan ra ato viktima... Ama as me shqipni tyben gja mire sna bjen po rrijm flla qysh duhet.

[Zero Cool]

“Shqipëri i thonë gjithë atij vendi tek rrinë shqiptarët” (Sami Frashëri)


Pas deklarimit të pavarësimit nga Serbia, rryma e vjetër titiste, filosllave, e përkrahur fuqishëm nga vende dhe qarqe të njohura kundërshqiptare, ka marrë hyxhym kundër flamurit, kundër gjuhës dhe kundër çdo gjëje shqiptare. Dikur të veshur me petkun ideologjik të titizmit dhe patriotizmit jugosllav, ndërsa sot me petkun ideologjik të “solanomisë” dhe patriotizmit evropian, ky soj i “shqiptarëve” po përpiqen të na bindin se copëtimi i Shqipërisë dhe i kombit shqiptar është i përfunduar dhe i përjetshëm!? Shqiptarët e krahinës shqiptare të Kosovës tashmë, sipas tyre, janë “kosovarë”, gjuha e
tyre është “gegërishtja”, ndërsa “flamuri” i tyre është lecka e propozuar nga plani i Atisarit dhe e miratuar nga klasa politike kozmopolite dhe kombmohuese e Kosovës. Gjithmonë sipas tyre, Kosova dhe “kosovarët” tashmë janë vend dhe popull më vete!? Me vendin dhe shtetin e tyre, Shqipërinë, mund të kenë vetëm marrëdhënie të fqinjësisë, njësoj si me Serbinë, si me Malin e Zi dhe si me “Maqedonië”!? Madje, ndaj Serbisë dhe Malit të Zi, Kosova duhet të jetë më e hapur se ndaj vendit të saj AMË, Shqipërisë! Pastaj, në Kosovë secili mund të jetë dhe është ai që është (serb, malazez, rom, turk, hashkali, egjiptian, etj.), vetëm shqiptari nuk mund të jetë SHQIPTAR, por duhet të bëhet “kosovar”!? Secila nga këto pakica mundet dhe do ta përdor lirshëm flamurin e saj, përveç shumicës, shqiptarëve (95% e popullit të Kosovës), të cilët duhet “doemos” të heqin dorë nga flamuri i tyre dhe ta përvetësojnë si të vetin “flamurin” (leckën) e Atisarit!? Ky përfundim doli edhe nga një debat në RTK-në kundërshqiptare nga sahanlëpirsit e tipit Kelmendi, Matoshi e Spahiu.

Ndërsa filozofi i shkretë, Kullashi, tha se “flamuri i ri ishte bërë me plebishit”!? Nëse u besojmë shpjegimeve që japin fjalorët për fjalën “plebishit”, del se Kullashi ka gënjyer… Plebishit, sipas fjalorit, do të thotë “votim i përgjithshëm për një çështje politike me rëndësi të veçantë; referendum: plebishit popullor”. Për leckën-flamur, more zoti filozof, jo që nuk ka pasur votim të përgjithshëm, referendum, por për të nuk është votuar as në Kuvendin e Kosovës!! Sikur nuk është votuar as për planin dhe kushtetutën e Atisarit. Mbase ke qenë larg, në Paris, e s’e ke marrë vesh!

Propagandë dhe dhunë e shfrenuar institucionale dhe mediale ndaj identitetit shqiptar

Këta kalemxhinj të paguar mirë nga qarqe, fonde dhe shtete kundërshqiptare kanë në dorën e tyre dhe i kontrollojnë plotësisht edhe mediat e shkruara dhe ato elektronike. Soji dhe sorollopi i tyre ishin të lirë dhe të paguar mirë edhe në kohën e pushtimit. Pena e tyre villte helm e vrer kundër përpjekjeve kombëtare për ruajtjen e identitetit gjuhësor, kulturor e kombëtar dhe kundër përpjekjeve për çlirimin e tokave të pushtuara të Shqipërisë nga Serbia, Maqedonia dhe Mali i Zi. Kjo bandë mercenarësh dhe soji i tyre atëherë përpiqeshin dhe angazhoheshin për krijimin e kombit “jugosllav”. Eksperimenti i tillë u kushtoi popujve jo serbë të Jugosllavisë qindra mijëra viktima dhe shkatërrime kolosale. Fitorja e kombit shqiptar ndaj forcave pushtuese serbe në Kosovë i frikësoi dhe i luhati përkohësisht këto forca, që vepronin si kolonë e pestë brenda kombit shqiptar. Mirëpo, kalimi i disa drejtuesve të Luftës Antipushtuese Çlirimtare të UÇK-së në anën e tyre u dha zemër dhe forcë këtyre bastardëve të gjuhës dhe të kombit shqiptar. Shpalosja e leckës së Atisarit në kullën e Komandantit Legjendar, Adem Jashari, nuk ishte vetëm fyerje dhe provokim i pashembullt për KULLËN e Jasharajve dhe për KULLËN shqiptare, por ishte edhe një shenjë dhe dritë e gjelbërt për forcat kundërshqiptare në Kosovë e më gjerë në trojet shqiptare.

“Ai që s’do kombin e mëmdhenë e tij është tradhtar e i lig; i tilli s’mund të quhet njeri. Shqiptarët më tepër se çdo komb duan dhe e nderojnë kombin e mëmdhenë e tyre. Shqiptari i vërtetë vritet për kombin e tij dhe s’mund kurrë të duroj e të dëgjoj njeri t’i shaj shqiptarinë” shkruante i madhi Sami Frashëri. Sot, njëqind e nëntëmbdhjetë vjet pas botimit të veprës madhore të S. Frashërit, “Shqipëria ç’ka qenë, ç’është e çdo të bëhet”, sot, gati nëntë vjet pas çlirimit të krahinës më të madhe shqiptare të pushtuar, Kosovës, jetojnë ca matoshër, ca kelmendër, ca spahinj e ca politikanër, të cilët, me moton “grusht bashkuar”, kanë marrë përsipër zhbërjen e shqiptarisë në Kosovën e mbetur pas copëtimit dhe ndarjes së tokave të pushtuara të Shqipërisë midis Serbisë, “Maqedonisë” dhe Malit të Zi. Veprimtaria e kalemxhinjve të paguar mirë dhe e politikanëve të dalur nga shkolla titisto-kolaboracioniste nuk i habit shqiptarët. Ajo që ka ngjallur habi dhe shqetësim është nënshtrimi dhe bashkimi me shkollën titisto-kolaboracioniste i disa figurave të dalura nga shkolla e qëndresës dhe e luftës kundërpushtuese!! Të parët janë betuar e stërbetuar para padronëve të vjetër e të rinj për zhbërjen e qenies shqiptare në Kosovë, ndërsa të dytët ishin betuar e stërbetuar për çlirimin dhe bashkimin e tokave të pushtuara të Shqipërisë!! Populli shqiptar i Kosovës dhe i gjithë Shqipërisë nuk mund ta besonte kurrë se pas Luftës së UÇK-së, pas gjithë atyre përpjekjeve, flijimeve dhe pas atij gjenocidi e holokausti serb do të përpiqej dikush t’ia ndërronte flamurin dhe përkatësinë kombëtare!?
Klasa politike dhe institucionale atisariane, media e shkruar dhe ajo elektronike, si dhe një pjesë e inteligjencies në Kosovë po prodhojnë dhe ushtrojnë dhunë të pashembullt institucionale, mediale, politike, psikologjike dhe shpirtërore ndaj popullit shqiptar. Nuk po lënë formë as mjet pa përdorur për ta detyruar këtë pjesë të popullit shqiptar të heq dorë nga identiteti i tij kombëtar, gjuhësor, kulturor, shpirtëror, etj., në një kohë që të gjitha pakicave në Kosovë u njihet e drejta, madje janë paraparë garanci kushtetuese, ligjore, administrative, politike, financiare, etj., për mbrojtjen dhe fuqizimin e identitetit të tyre!!
Askush nuk ia ndalon Matoshit, Kelmendit, Spahiut dhe sojit të tyre, por as atyre që kanë tradhtuar bindjet dhe shpirtin e tyre shqiptar, të deklarohen francezë, italianë, evgjitë, romë, “kosovarë” ose “jugosllavë”, e çka të duan, sepse kombi shqiptar nuk mbetet keq pa ta, por duhet t’u ndalohet të ushtrojnë dhunë mediatike, politike dhe institucionale ndaj popullit shqiptar. Këtë e ndalojnë edhe të gjitha dokumentet dhe aktet ndërkombëtare, të cilat është zotuar t’i respektojë “paria” e Kosovës. As ata, dhe askush në botë nuk ka të drejtë ta përdor gazetën, televizionin, institucionin shtetëror, arsimor a politikë për t’ia mohuar të drejtën një populli dhe për t’ia dhunuar dhe nëpërkëmbur identitetin e tij gjuhësor, kulturor dhe kombëtar. Po të bëhej një fushatë dhe dhunë e përmasave shumëherë më të vogla se kjo ndaj pakicës serbe, ndaj gjuhës, flamurit dhe kulturës së saj, do të bëheshin fletëparaqitje dhe ndjekje penale, do të dënoheshin autorët dhe të mbylleshin mediat me arsyetimin “e nxitjes së urrejtjes kombëtare”, etj. Edhe përpjekjet dhe dhuna për spastrimin shpirtëror, kulturor dhe gjuhësor të popullit shqiptar në Kosovë duhet të denoncohen, të ndiqen penalisht dhe të dënohen e të ndalohen. Barra kryesore për mbrojtjen e shqiptarëve jashtë kufijve të shtetit shqiptar bie mbi Tiranën zyrtare, e cila për këtë detyrohet edhe nga Kushtetuta. Kjo fushatë dhe dhunë e shfrenuar ndaj shqiptarisë duhet të denoncohet edhe në gjykatat ndërkombëtare.

[Zero Cool]

Nuk mund të zhbëhet identiteti shqiptar në Kosovë

Këta maskarenj të tipit Matoshi, Kelmendi e Spahiu, që kapen shumë pas demokracisë evropiane (sa për t’i hedh hi syve opinionit), asnjëherë nuk e ngritën zërin kundër ndarjes dhe copëtimit të tokave shqiptare. Këta mercenarë, që thirren në filozofinë e integrimeve evropiane, kur vjen puna te integrimet shqiptare, kanë fytyrë dhe guxim të ngriten edhe kundër gjuhës së njësuar shqipe!! Porosinë e Samiut të pavdekshëm se “s’mund të ketë Shqipëri pa shqiptarë, s’mund të ketë shqiptarë pa gjuhë shqipe, s’mund të ketë gjuhë shqipe pa shkronja shqipe, pa shkolla në të cilat mësohet gjuha shqipe” e kanë kuptuar ashtu siç e ka kuptuar Serbia dhe shovinistët tjerë, që i tremb për vdekje ribashkimi i Shqipërisë dhe i kombit shqiptar. Prandaj, janë kaq të zëshëm kundër çdo gjëje që bashkon, janë për një copëzim sa më të madh të qenies shqiptare. Sepse, vetëm kështu Serbia, Greqia, Rusia, etj. mund të shpresojnë të sundojnë në Ballkan pa asnjë telashe dhe t’i shfrytëzojnë dhe zhbëjnë tokat e pushtuara të Shqipërisë. Këta paloshqiptarë kur shkruajnë dhe flasin gjuhën e Vuk Stefanoviç Karaxhiçit, kur shkruajnë dhe flasin gjuhën angleze apo ndonjë gjuhë tjetër të huaj u përmbahen tërësisht normave të atyre gjuhëve. Vetëm normën dhe njësimin e gjuhës shqipe nuk mund ta durojnë këta maskarenj të padenjë për emrat më të bukur në botë, SHQIPTAR dhe SHQIPËRI. Ata parapëlqejnë të vetëquhen “kosovarë”, sepse kështu ndihen më afër Serbisë se sa Shqipërisë… Të bindur se kanë marrë përsipër një “mission impossible”, ky grup dhe politikanët që e mbështesin atë po kërkojnë shpëtim dhe mbështetje kudo dhe te kushdo që është i gatshëm t’i përkrah. Për realizimin e këtij misioni dhe të këtij programi të papërfunduar (pjesë të tij janë realizuar më herët) të Garashaninit, Cvijiçit, Çubriloviçit, Pashiçit, Rankoviçit e Titos kanë dështuar dhe kanë thyer qafën dhe kokën e tyre sa e sa presednikë dhe sa e sa laro të tipit Hasani, Shukriu, Vllasi, Morina, etj. Në përpjekjet e tyre për ta zhbërë popullin shqiptar, gjuhën dhe flamurin e tij kanë dështuar edhe sa e sa perandorë, sulltanë e krajla. Do ta thyeni qafën dhe kokën tuaj edhe ju në murin shqiptar. Për këtë nuk ka asnjë dyshim.
Në ndihmë të kësaj bande “kosovare” ditë më parë u vu edhe Solana, i cili deklaroi se “në Kosovë po lind një komb i ri”. Po ta “përkthejmë këtë deklaratë i bie që në Kosovë nuk do të ketë më popull shqiptar!? Kjo deklaratë sigurisht që ishte një frymëzim i fuqishëm për zvarranikët e tipit Matoshi. Mirëpo, të nesërmen, Ambasadori amerikan në Tiranë, i erdhi në ndihmë popullit të pathyeshëm shqiptar, duke deklaruar se “në Kosovë duhet të fuqizohet identiteti shqiptar”. Deklarata e Solanës u botua në të gjitha gazetat e Kosovës dhe u dha në media elektronike, ndërsa deklarata e Ambasadorit amerikan, që ishte përgjigje publike në deklaratën e Solanës, nuk u botua në asnjë gazetë dhe as u transmetua nga ndonjë medium elektronik “kosovar”!! Megjithatë, populli shqiptar i Kosovës, i përkrahur nga mbarë kombi, po ecën rrugës së tij shekullore, rrugës shqiptare. Është fat që kjo rrugë e ka edhe përkrahjen e Amerikës dhe të gjitha vendeve që respektojnë të drejtën e popujve dhe të njerëzve për ta ruajtur dhe deklaruar identitetin e tyre kombëtar. Por, nuk duhet të mungojnë edhe përpjekjet dhe bashkërendimi i tyre nga të gjithë atdhedashësit dhe shqiptarët përparimtarë, të cilët, bashkë me mbarë kombin shqiptar, do të duhej të krijonin një digë të pakapërcyeshme për fundrrinën e kombit dhe për vendet kundërshqiptare, që duan një gjeografi, një histori, një kulturë shpirtërore e materiale, një gjuhë, një ekonomi dhe një komb shqiptar të copëzuar dhe të shkërmoqur. Kjo DIGË (ribashkimi i Shqipërisë në një shtet) do të ishte ndihmesë jashtzakonisht e madhe edhe për paqen dhe qëndrueshmërinë afatgjate në Ballkan e më gjerë. Zaten edhe nuk kemi rrugë tjetër. Jemi të detyruar ose “të dënuar” të bashkohemi dhe të jetojmë si popujt tjerë të qytetëruar me nder dhe dinjitet.

[Zero Cool]

Kombi i shkokëzuar


Vështrim sinoptik: asnjë komb në Europë nuk është shkokëzuar si kombi shqiptar. Po ushtrohet një sakrilegj mbi çdo personalitet, mbi integritetin e tyre dhe mbi veprimtarinë, e cila deri dje vlente si shëmbëlltyrë e kombit. Nuk ka mbetur asnjë vete me rëndësi kombëtare, qoftë historike, qoftë e gjallë, që nuk është kryqëzuar kryq e tërthor. Krejt varet nga interesi, pikëvështrimi, bagazhi ideologjik, grupi, shoqata, apo analisti që e zë ngoje. Për disa vjet demokraci, u shndërruam në komb pa shëmbëlltyra: u shkokëzuam tërësisht! Po shkatërrojmë të kaluarën tonë, po dëmtojmë të tashmen rrjedhimisht po e bëjmë të pasigurt të ardhmen. Asnjë komb në Evropë nuk gjallon në një kaos dhe mjegullnajë të tillë.

Nuk ka vend në botë, ku festohet dita e pushtimit. Te ne po! Nuk ka asnjë vend në botë, që dëshiron të ndërtojë komb të ri duke huazuar një fjalë nga gjuha e atij, që i robëroi dhe masakroi. Te ne po! Nuk ka asnjë vend në botë, ku me dëshirë do të rrëzohej përmendorja e themeluesit të kombit dhe vihej e pushtuesit. Te ne po. Madje, mëtojnë edhe ta fshijnë nga librat dhe kujtesa. Madje, dëshirojnë t’ i imponojnë njerëzve ndjenja turpi dhe fajësie për krenaritë e djeshme. Diçka e tillë nuk ndodhë askund në Evropë. Te ne po!

Predikuesit e brendshëm në favor të shteteve të jashtme, përhapin ide edhe kundër qenies shqiptare. Çdonjëri ka shpjegimet e veta historike dhe shkencore. Çdonjëri arsyeton, përligj dhe “dokumenton” faktet e veta. Çdonjëri përpiqet të fitojë njerëz. Dhe, çudia më e madhe shqiptare, të gjitha këta gjoja përpiqen për të mirën e kombit. Të gjithë këta qëndrimet e veta i quajnë patriotike. Nuk ka demokraci funksionale aty ku rrënohet çdo gjë e shenjtë kombëtare, por anarki vlerash, i gjykimeve dhe i qëndrimeve. Kaos i plotë politik dhe shoqëror: gjendje patologjike. Plogështia, oportunizmi dhe depresion shoqëror shquhet si rezultat. Ata mundohen të ndërtojnë realitete dhe bindje të reja. Pasi të përmbyllin këtë dezorientimin tërësor, do të paraqiten si shpëtimtarë dhe udhërrëfyes. Ky është qëllimi i tyre. Prandaj u duhet kjo zallamahi.

Dikur posedonim një kohezion shpirtëror dhe kishim një strumbullar, ku lidheshim dhe patëm personalitete që nderonim dhe adhuronim të gjithë. Si kombet tjera për rreth. Sot, kombi shqiptar, si asnjë komb tjetër, ka ngelur pa shëmbëlltyra të veta. Madje, kësaj dukurie vetëshkatërruese, nuk i shpëtoi as Nënë Tereza. Rinia e sotshme ka probleme orientimi. Ajo nuk mund të konsiderojë si shëmbëlltyrë një politikan shqiptar. Politika jonë ka rënë në shkollarizëm dhe vetëm zbaton ide, që i jepen nga jashtë. Nga të gjitha anët.

Nëse rinia zgjedh një shkrimtar si shëmbëlltyrë të veten, shfaqet tjetri, që mendon se din më shumë dhe ia rrënon. Çdo lagje ka analistin dhe predikuesin e vet të madh. Rinia nuk ka me kë të mburret e as modele të pa damkosur, që do të duhej t’i imitonte. Këtë gjendje mund t’ia dëshironte një vendi vetëm armiku. Komb i shkokëzuar dhe i shkokëluar. Pse ndodh kjo? Kjo ndodh sepse ne nuk kuptojmë demokracinë. Ne mendojmë se në demokraci mund të shkatërrohet çdo gjë që nuk i pëlqen një grupi të caktuar apo nuk i përshtatet bindjeve të disave apo të një individi. Nëse një personalitet kombëtar me veprën e vet na imponon respekt dhe mirënjohje, ngrihen “intelektualët” dhe kërkojnë “fakte” për ta poshtëruar në mënyrë sa më të përkryer. Në një vend të tillë nuk mund të funksionojë si duhet as shteti, as ligji, as ekonomia. Ata që duhet të kujdesen për mirëqenie e popullit, merren me thashetheme dhe mirëqenien e vet! Ata nxjerrin përfitime nga kjo katrahurë.

Me elitën e sotshme politike, me orientimin e saj dhe me punën e saj, mirëqenien do ta kërkojmë me teleskop duke e drejtuar atë drejt Perëndimit, si në shekullin XX. Si në kohën e komunizmit. Asnjë komb tjetër në Evropë nuk ka problem të orientimit. Ky është eksperimenti më oportunist, që po bëhet dhe tolerohet nga klasa politike shqiptare me kombin e vet. Kombit i duhet një lajtkulturë, një doktrinë politike dhe morale, sepse jemi katandisur si asnjë komb tjetër. Ajo që shkatërrohet te ne me aq lehtësi dhe pasion, nuk mund të shihet askund! Më të përçarë se ne, nuk mund të gjendet tjetër komb në Evropë.

Duket se po na ndjek sindroma e Rozafatit. Atë që ndërtojmë ditën me shumë mund, rrënojmë natën me shumë lehtësi. Pasdarke, nëpër oda, nëpër gazeta e nëpër internet. Dikur mburreshim me Kadarenë të gjithë, tani u shfaq R. Qosja dhe shpalli letërsinë tonë inferiore kundrejt asaj perëndimore. E ku lexohet Kadare? Në Perëndim. E çka thotë kritika perëndimore për Kadarenë? Ajo e konsideron si njërin nga shkrimtarët më të mëdhenj të gjallë në botë...

Ne shajmë Nënë Terezën, kurse Shkupi i falë qytetit të Nyrnbergut një shtatore të saj, e cila vendoset në oborrin e spitalit. Jo vetëm që i falin, por siç njoftonte N-TV, Shkupi ia falte duke e quajtur maqedonase Nënën që quhet Gonxhe. Televizori gjerman bën të ditur se shtatorja e Nënë Terezës është shndërruar në vend vizitorësh, ku njerëzit vendosin pusulla me dëshira për shërimin e shpejt të të dashurve, apo dhe copëza letrash me falënderime për shërimin nga sëmundjet. Gjermanët dhuratën e maqedonasve, jo të shqiptarëve të Maqedonisë, e pranuan me falënderime.

Maqedonasit i ndërtojnë përmendore Lekës së Madh. Ne përlloçim tonat. Maqedonasit mburren me Nënën tonë, ne protestojmë kundër shtatores së saj. Sllavët fshehin krimet edhe të kriminelëve të vet, ne përpiqemi t’i kriminalizojmë edhe humanistët që fisnikërojnë imazhin tonë. Serbet fshehin mendimet fashiste të Ivo Andriçit, neve trishtohemi nëse Kadare fiton Çmimin Nobel dhe me zell të madh jemi kundër. Naiviteti jonë dhe zelli infantil për drejtësi, nuk ka fund. Ne prodhojmë iluzione dhe dëshirojmë t’i bindim bashkëkombësit se jetojmë në një botë ideale ku sundon drejtësia dhe peshorja e mëkateve...Të shkruhet për moralin, normat e mirësjelljes, për esëllim në një vend ku çdo gjë matet me dobi vetjake, përfitim, inat dhe smirë, është gjëja ma më e pamoralshme që mund ta bëjë njeriu! Për fat të keq, po ditojmë duke hëngër vetveten! Greqia hëngri shtetin, ne po hamë kombin!

[Neferta]

BE apo Shqipëria e Madhe: Çfarë të ardhme ka Kosova?



nga Panorama
Gazetari, Francesco Guarascio ka botuar sot një shkrim në sajtin Public Service Europe, i specializuar për analiza, debate dhe opinione për çështjet evropiane. Shkrimi i tij titullohet, BE-ja apo Shqipëria e Madhe: Çfarë të ardhme ka Kosova?, duke shtruar një pyetje thelbësore për të, Perspektiva evropiane për të dy vendet, a do të mund të bindë numrin e lartë të mbështetësve të “Shqipërisë së Madhe” të heqin dorë nga bashkimi?
Shkrimin e plotë e lexoni më poshtë
Kosova mund të ketë pak kohë që ka fituar Pavarësinë e saj, por ideja e bashkimit në një Shqipëri të Madhe gjen mbështetje nga një numër në rritje i njerëzve.
Ndërsa ecën në qendër të kryeqytetit gumëzhues të Kosovës, Prishtinë, kalimtarët nuk mund të mos venë re numrin e madh të referencave që vijnë nga Shqipëria. Flamuri me gjashtë yje i miratuar nga Bashkimi Evropian për Kosovën në vitin 2008 shihet shumë rrallë, ndërsa shqiponja dykrenare në flamurin shqiptar është e shfaqur me krenari në çdo qoshe. Dyqanet e dhuratave në rrugët kryesore turistike shesin me shumë T-shirt me Shqipërinë sesa me Kosovën. Të pyesësh një shofer taksie për një restorant, ata menjëherë të çojnë në një vend me specialitete shqiptare.
“Ne do të bashkoheshim me Shqipërinë menjëherë, nëse Amerika do të ishte dakord,” thotë Edmond Zhita, një menaxher hoteli në Pejë, qyteti i dytë më i madh. Ideja e tij është e përhapur në Kosovë, ku shqiptarët përfaqësojnë pothuajse 90 përqind të popullsisë. Një sondazh i publikuar nga Gallup në vitin 2010 tregoi se 81 përqind e shqiptarëve që jetojnë në Kosovë janë në favor të një Shqipërie të Madhe, një shtet ëndërr që përfshin territorin e Shqipërisë, Kosovës dhe rajoneve fqinje në Maqedoni, Greqi, Serbi dhe Mali i Zi që janë të banuara kryesisht nga shqiptarët.
Përqindja e atyre në favor të një Shqipërie të Madhe është rritur në mënyrë të vazhdueshme që kur Kosova shpalli pavarësinë në vitin 2008, kur vetëm 54 për qind e kampionit e mbështesnin idenë. Në shtator, Kosova do të fitojë të drejta të plota të sovranitetit, ndërsa do të përfundojë pavarësia e mbikëqyrur. Megjithatë EULEX-i dhe trupat paqëruajtëse të NATO-s do të mbeten në vend për të parandaluar përplasjet etnike mes shqiptarëve etnikë dhe pakicës serbe.
Koncepti i Shqipërisë së Madhe nuk është i ri, ka lindur në qytetin e Prizrenit në Kosovë në shekullin e 19-të. Kjo mund të tingëllojë e çuditshme, që pas një lufte të gjatë për pavarësi nga Serbia, shteti më i ri i Evropës është i tunduar tashmë nga ideja e lënies së sovranitetit të sa, për të hyrë në një “bashkim” të ri me Shqipërinë fqinje. Gjendja e vështirë ekonomike e vendit të rrethuar me tokë – i cili është i rrënuar nga korrupsioni dhe përplasjet e shpeshta me pakicat etnike serbe – ka rritur gradualisht vullnetin për t’u bashkuar me fqinjin më të afërt.
Por duhen dy për të kërcyer një tango, dhe Shqipëria është duke treguar oreks të pakët në mbështetje të këtij projekti, që do të shkaktonte shqetësim jo vetëm në rajon, por edhe në Bruksel dhe Uashington. Shumica e shqiptarëve nga Shqipëria mbeten në favor të një Shqipërie të Madhe, por numri i përkrahësve është duke u pakësuar. Përqindja ka rënë nga 68 për qind në vitin 2009 në 63 përqind në vitin 2010, sipas anketës së Gallup.
“Dinamika kontradiktore e mbështetjes, në Shqipëri dhe Kosovë, për idenë e Shqipërisë së Madhe është ilustrimi më i mirë se sa e rëndësishme është perspektiva europiane për rajonin”, shpjegon Ivan Krastev, një ekspert i politikës ballkanike.
“Shpjegimi për këto trende kontradiktore është mjaft i qartë – në kohën e sondazhit, ndërsa shqiptarët ishin duke pritur heqjen e vizave për të udhëtuar në BE, vetëm 7 për qind e kosovarëv mendonin se regjimi pa viza mund të miratohej së shpejti pwr ta”- argumenton ai.
Europa është e angazhuar fuqimisht t’i japë Kosovës një perspektivë të qartë drejt BE-së. Puna është duke u zhvilluar për të nisur një marrëveshje stabilizimi- asociimi, një hap i rëndësishëm për një vend që dëshiron të fitojë statusin e kandidatit zyrtar për anëtarësim në BE. Procesi i liberalizimit të vizave është në vazhdim.
“Unë konfirmoj angazhimin e vazhdueshëm të BE-së për perspektivën evropiane të Kosovës”, përsëriti President i Këshillit Europian, Herman Van Rompuy, pas një takimi në korrik me Presidenten e Kosovës, Atifete Jahjaga. Kosova ka miratuar tashmë euron si valutë zyrtare, pavarësisht se janë jashtë eurozonës. Ligjet kombëtare janë në dispozicion në anglisht, duke ua bërë më të lehtë investitorëve të huaj mjedisin ligjor të vendit.
Megjithatë, pavarësisht nga të gjitha përpjekjet, rruga për në Bruksel mbetet me pengesa. Vetëm 22 nga 27 vendet anëtare të BE-së e kanë njohur deri tani shtetin e ri. Greqia dhe Qiproja ende e kundërshtojnë këtë lëvizje, kryesisht për shkak të frikës së një Shqipërie të Madhe. Spanja, Sllovakia dhe Rumania janë gjithashtu kundër njohjes, duke besuar se kjo mund të shkaktojë kërkesa të ngjashme në mesin e minoriteteve baske, hungareze dhe katalanase. Serbia po ashtu ka deklaruar se nuk do ta njohë kurrë Kosovën.
Një mënyrë për të shuar ambiciet potencialisht të rrezikshme për një Shqipëri të Madhe është që Brukseli të mbajë gjallë perspektivën evropiane të Shqipërisë, edhe pse vendi është ende larg përmbushjes së kritereve themelore. Tiranës iu dha statusi kandidatit në vitin 2003, por paraqiti aplikimin e saj për anëtarësim vetëm në vitin 2009. Që atëherë, procesi ka lëvizur ngadalë në mes të betejave të dhunshme të pushtetit dhe korrupsionit të përhapur në vend. Përqafimi i ngrohtë i BE-së ka penguar shpërbërjen e shumë vendeve evropiane për vite me rradhë duke përfshirë – Belgjikën dhe Spanjën.
Pyetja është; Perspektiva evropiane, a do t’i bindë ata që janë në favor të bashkimit, të heqin dorë nga bashkimi?