Lajme nga bota e artit

[Zero Cool]

Rikthehet “Skënderbeu”



http://www.top-channel.tv/foto/lajme/SKENDERBEU.jpg



I pari dokumentar për Skënderbeun ka nisur të marrë jetë. Dubël pas dubli po formësohet figura e heroit tonë kombëtar në filmin që mban si titull vetëm emrin e tij “Skënderbeu”.
Regjisori Vladimir Prifti, njëherazi producent dhe ekipi realizues i filmit-dokumentar prej ditësh gjenden në sheshin e xhirimit të këtij projekti madhor.

Kineasti Prifti ndalet për të rrëfyer detajet se si do të vijë ky film i cili kryefjalë do të ketë faktet historike.

“Është një skenar i ndërtuar me disa seri. Ka qenë pak e vështirë sepse kemi një figurë të rëndësishme. Është shkruar nën logjikën e disa historianëve që janë marrë gjatë me Skëndërbeun. Leximi do ketë dy historianë që lidhin dy ambjente dhe dy aktorë. Gjithçka flitet me dokumente”, theksoi Prifti.

Kryeroli në filmin-dokumentar “Skënderbeu” interpretohet nga Sokol Angjeli, ai është filli lidhës i tërë historisë. Një përgjegjësi e madhe për një rol të madh, kështu e cilëson protagonizmin e tij aktori Angjeli.

“Vështirësia artistike profesionale për ta bërë mirë. Përmban një detyrë për të ndërlidhur pjesët, për ta bërë të prekshme dhe të afërt. Për ta larguar nga legjenda”, u shpreh Alngjeli.

Një sfidë si artiste, edhe një detyrim për figurën e Skënderbeut është për aktoren e zëshme Roza Anagnosti të qenit pjesë e këtij projekti që po realizohet me jo pak sakrifica.

“Mu duk një gjë e mrekullueshme dhe kurajoze nga Vladimir Prifti që ka nisur një projekt pas filmit artistik. Nuk ka dokumentare për këtë figurë. Kisha një hezitim, por një gjë e madhe më shtyu të bëhesha pjesë e këtij projekti”, është shprehur Roza.

Janë katër historianët të cilët kanë këshilluar kineastin Prifti për skenarin e këtij dokumentari, Kristo Frashëri, Pëllumb Xhufi, Luan Malltezi dhe Pranvera Bogdani.

Me kamera të Erjon Muharremit dhe operator zëri Eno Kotorri, episodi i parë i dokumentarit “Skënderbeu” që mban vulën e Vladimir Priftit si regjisor e producent është një bashkëprodhim i “Eurofilm” drejtuar nga kineasti Prifti dhe “Top Channel” e do të ketë premierën në prag të 100 vjetorit të Pavarësimit të Shqipërisë.

[Zero Cool]

Birmani, dëbohet aktorja Michelle Yeoh



http://www.top-channel.tv/foto/lajme/michelle-yeoh.jpg



Aktorja kineze Michelle Yeoh, që interpreton Aung San Suu Kyi në një film që do të dalë në kinema këtë vit, është dëbuar nga Brimania menjëherë sapo ka arritur në aeroportin e Rangunit.
Lajmin e kanë bërë të ditur autoritetet lokale, sipas të cilave Yeoh figuronte në listën e zezë të qeverisë.

48-vjecarja, e famshme për rolet në filmat “007-E Nesërmja nuk vdes kurrë”, “Tigri dhe Dragoi” dhe “Kujtimet e një Geishe” është zgjedhur nga regjisori francez Luc Besson për filmin “Zonja”, e bazuar në jetën e lideres së opozitës së Birmanisë.

[Zero Cool]

Filmi, sfida e re e Kështjellës


http://www.telegrafi.com/fo/intervista/f.0628211021966_m.jpg


Kështjella Pepshi është një vajzë entuziaste, e bukur dhe modeste. Jeta e saj ka ndryshuar, sepse tashmë si miss, duhet të jetë në konkurse të ndryshme bukurie, në evenimente të tjera të modës dhe ekranit.



Kështjella, tashmë ka krijuar një profil të mirëfilltë, është shpallur si më e bukura e "Miss Kosova Univers 2010", megjithëse ajo është shprehur se edhe po mos të ishte realizuar ky eveniment do të ecte përpara dhe kjo falë karakterit që ka. 23 vjeçarja, me orgjinë nga Peja, është studente dhe jeton me prindërit dhe familjen e saj në Bernë të Zvicrës.


http://www.telegrafi.com/fo/ke1.jpg


Si e nisët këtë përvojë që tashmë ju çoi në kurorëzimin tuaj si "Miss Kosova Univers 2010".
Nuk e kisha synim fitimin me doemos të çmimit. Më tepër e nisa për një eksperiencë të re e të bukur dhe vetëm pjesëmarrja në një konkurs të tillë është një objektiv i lakmueshëm për të gjitha moshataret e mia, pastaj kurorëzimi është një ëndërr që ia vlen të bëhet realitet.

Sa janë përmbushur synimet tuaja, edhe pse është kohë e shkurtër?
Me krenari e kam arsyetuar kurorën e "Miss Universit 2010, ndërsa, edhepse nuk kam mundur që t`i realizoj të gjitha me këtë titull. Detyrën që kam pasur ta përfaqësoj shtetin e Kosovës, e kam kryer me respekt dhe ndershmëri. Jam shumë e lumtur që jam kjo që jam.

Cili është takimi më i rëndësishëm që ke pasur gjatë kësaj periudhe sa keni titullin "Miss"?
Takimi më i rëndësishëm ishte me regjisorin e Francës z.Ballmes të shtëpisë filmike "Les Filmes".


http://www.telegrafi.com/fo/ke1a.jpg


Ju pëlqen moda, do t'ju shohim si pjesë të sfilatave të ndryshme?
Moda me pëlqen shumë dhe jam një ndjekëse e rregullt e saj. Për sa u përket sfilatave, besoj se në të ardhmen mund edhe të jem pjesë e tyre.

Të tremb ideja e krijuar se në botën e modës ka abuzime pa fund?
Jo, nuk më tremb sepse do të jem vetvetja, do të jem prapë unë dhe mua nuk më pëlqen që të bëj gjëra që janë në dëmin tim.

Ku do të të shohim më vonë?
Nëpër skena dhe ekrane...


http://www.telegrafi.com/fo/ke2.jpg


E kishit vështirë të ecnit me rrobebanjo?
Në fillim hezitoja, sepse skuqesha, por më vonë, i thash vetes se njeriu del edhe në plazh dhe kështu m’u largua ajo ndjenjë.

Sikurse të jepet ndonjë ofertë për ndonjë firmë të njohur për veshje të brendshme do të kishe pranuar?
Hmmmmm, varet se cila shtëpi e modës do t`ma ofronte këtë…edhe pse nuk do të kisha pranuar. E preferoj më tepër modën e veshjes.

Çfarë do të thotë për ju të jesh e bukur?
Të jesh e bukur është fat që ia dhuron natyra fizikut tënd, por sigurisht nuk është gjithçka. Për mua bukuria fizike është bosh pa shpirtin e madh dhe inteligjencën. Të bashkuara të treja do të ishin të lakmueshme nga kushdo.

Mund ta thoni recetën tuaj "magjike" për një look dhe formë kaq të mirë...?
Ndihem shumë mirë kur më thonë se mund të kem një recetë magjike, por të them të vërtetën, nuk ekziston asnjë recetë magjike, nuk bëj asgjë të veçantë për t'u kujdesur për veten.


http://www.telegrafi.com/fo/ke4.jpg


Çfarë defekti fizik sheh te vetja apo çfarë do të doje të ndryshoje?
Ndihem mirë me pamjen time, dhe nuk do doja të ndryshoja asgjë, thjesht shpresoj që mos të kem asnjëherë probleme me mbipeshën…

Po si karakter?
Jam karakter i fortë dhe këmbëngulës në atë që dua, por me kalimin e kohës dhe mund të dua ta ndryshoj pasi dhe mund të lodhem duke kërkuar tek vetja gjithmonë diçka të re.

Ndaj cilave gabime jeni më tolerante?
Ndaj gabimeve që nuk sjellin pasoja.


http://www.telegrafi.com/fo/ke5.jpg


Ka Kështjella ndonjë ëndërr të parealizuar ende?
Sa të duash…por besoj që do ti realizoj me kohën.

Merreni me shkrime, shkruani poezi?
Po, shkruaj poezi me tepër për këngë, sepse këndoj edhe vet.

Kur ju e “thoni” poezinë, a ju vjen së bashku me muzikën?
Pak a shumë. Më vjen krejt natyrshëm, por kjo bën pjesë në kulturën që ka secili brenda vetes. Ajo që vlen të poeti është kultura...


http://www.telegrafi.com/fo/ke6.jpg


Duket se keni talent edhe për aktrim?
Edhe ky talent më ka provokuar, por kam shumë angazhime dhe nuk po arrij të shpërndahem gjithandej. Pikësëpari, do të luaj në një film dokumentar francez.

Ka Kështjella dikë pranë, një djalë (të dashur e kam fjalën)?
Herët, madje shumë herët. Prioritet imi është përfundimi i studimeve dhe jam e preokupuar me karrierën time artistike. Jam e lumtur që kam mundësi dhe dhunti, por edhe përkrahje për një gjë të tillë. Besoj se fati vjen atëherë kur është koha e duhur.

http://www.telegrafi.com/fo/kefund.jpg

[Hajra]

Film mbi trafikimin e organeve


E mërkure 3 Gusht 2011 15:57 Gazetat serbe ditëve të fundit po i kushtojnë rëndësi të dorës së parë trilerit me elemente horrori të titulluar “Captifs” (Robërit), të regjisorit të ri francez Yann Gozlan, ku rrëfehet historia e tregtisë me organe në vendet e Ballkanit Perëndimor.
Por, ndryshe nga raporti i zviceranit Dick Marty, filmi i produksionit francez serbët nuk i prezanton si viktima të tregtisë me organe, por si kryesit e këtij krimi.
Ky detaj i vogël i ka prekur tej mase serbët, të cilët që tani filmin “Captifs” e kanë cilësuar si film të financuar nga shqiptarët, shkruan gazeta serbe “Novosti”. Filmi sipas kësaj gazete, është hedhur në treg një muaj para se Dick Marty ta prezantojë raportin e tij kontradiktor para Këshillit të Evropës.
“Captifs” flet për një grua me emrin Carole, e cila punon si aktiviste humanitare në ish-Jugosllavi dhe kur niset në drejtim të Kosovës me dy kolegë rrëmbehet nga një bandë e maskuar, të cilët në fakt janë trafikantë me organe njerëzore.
Edhe pse të rrëmbyer ata ushqehen me rregull dhe trajtohen mirë që të jenë në gjendje të mirë shëndetësore, gjë që shkakton huti te viktimat. Kur ata e zbulojnë arsyen pse ndodh kjo thuajse vdesin nga frika.
Sipas skenarit, Zorani dhe miku i tij kanë një varrezë veturash, ku i rregullojnë makinat e ushtarëve amerikanë që punojnë në UNMIK.
Por, në bodrumin e “shtëpisë së qetë familjare” të rrethuar me kodra të ulta ndodhen disa qeli si të burgut dhe në fund të korridorit të gjatë ndodhet edhe thertorja e pashmangshme, ku ndryshe nga pjesa tjetër e shtëpisë drita është gjithmonë e ndezur.
Për ta bërë situatën edhe më dramatike në murin e ftohtë ngjyrë gri ndodhet i kapur një telefon – gjetje kjo sipas medieve serbe origjinale e regjisorit- cingërima e të cilit është uverturë e vrasjes së njërit nga të burgosurit.
Siç tregohet në film, telefonin e ngrit gjithmonë mjeku i veshur me mantel të bardhë por që nganjëherë e vesh edhe mantelin e gjelbër të përgjakur nga operimi. Shikimin mjeku e ka akullt fare pa ndjenja.
Personazhi tjetër negativ në shpinë e ka tatuazhin me fjalinë “Zoti e ruan Serbinë” gjë që sipas medieve serbe, do të duhej të ishte një dëshmi e fuqishme që ai ka marrë pjesë në ndonjë luftë ballkanike gjatë viteve të nëntëdhjeta si pjesëtar i njësiteve paramilitare. Gjithmonë ky personazh shfaqet duke folur pisët, ku çdo e dyta fjalë e tij është “të q...fsha”. Serbët paraqiten në film si organizatorë të trafikimit me organe njerëzore. Në role janë të angazhuar aktorë francezë dhe disa nga Ballkani.
Filmi përfundon me ikjen nga burgu të Caroles, personazhit kryesor bashkë me një vajzë të burgosur dhe vrasjen e serbëve, që në film prezantohen në role negative.

[Zero Cool]

Weaver konfirmon rolin në Avatar 2


Aktorja Sigourney Weaver thotë se do të paraqitet në vazhdimin e filmit shkencor-fantastik ‘Avatar’, pavarësisht se personazhi i saj vdes në filmin e parë.


http://www.gazetaexpress.com/repository/images/large/shtylle,%2018%20shtator%2011_134922_thumb_large.jp g


Nga Express më 19 shtator 2011 në ora 11:01
“Mos u shqetësoni, do të kthehem”, ka thënë ajo për websajtin amerikan të filmit Coming Soon.

Weaver e ka luajtur rolin e botanistes Grace Augustine në filmin epik 3D, i cili grumbulloi më shumë se 2.7 miliardë dollarë nëpër tërë botën.

Personazhi i saj lëndohet për vdekje në një beteje për mjedis, por aktorja tha se regjisori James Cameron i ka thënë asaj se “askush kurrë nuk vdes në një film shkencor-fantastik”.
“Ai m’i ka treguar historitë për dy filmat e ardhshëm dhe më duhet të them se janë absolutisht të mrekullueshme”, shtoi ajo.

“Tani vetëm duhet t’i bëjmë ato”.

‘Avatari’ origjinal, i cili tregon rrëfimin e njerëzve që gërmojnë nën dhe në një planet të huaj duke kërkuar rezerva të mineralit të quajtur Unobtanium, është filmi me të ardhura më të larta në të gjitha kohët.

Regjisori James Cameron ka premtuar se do ta kthejë historinë në një trilogji nëse faturat e box office arrijnë në një miliard dollarë.

Puna në skenarë ka filluar por ende nuk ka orar të xhirimeve.

Kur të fillojnë xhirimet, ‘Avatar 2 dhe 3’ do të bëhen në të njëjtën kohë, me muaj të postproduksionit për të krijuar botën e huaj të prodhuar në kompjuter Pandora.
Duke folur në tapetin e kuq në dhënien e çmimeve Oscar në vitin 2010, Cameron pat pranuar: “Nëse do të filloja ‘Avatar 2’ nesër, ende do të ishte tri vite larg”.

Më vonë ai konfirmoi se data e lansimit të mundshëm të parë për vazhdimin e filmit ishte Krishtlindja e vitit 2014.

“Shefi, Jim Cameron, nuk do ta bëjë atë vetëm ashtu sa për ta bërë”, pat thënë vitin e kaluar aktori Sam Worthington për Radio 1 Newsbeat.

“Ai gjithmonë dëshiron të sfidojë, ai gjithmonë dëshiron të ecë përpara dhe unë mendoj se audienca do të ketë nevojë për ‘Avatar 2’”.

“Kur ai e gjen sfidën atëherë ne i kthehemi punës”.

[Zero Cool]

Basha mbështet autorët e filmit “Falja e Gjakut”


http://www.gazetaexpress.com/repository/images/large/Heder%201,%2017%20shtator%2011_194037_thumb_large. JPG



Nga Express më 18 shtator 2011 në ora 17:47
Kryetari i Bashkisë së Tiranës, Lulzim Basha priti regjisorët dhe producentët e filmit “Falja e Gjakut”, fitues i Ariut të Argjendtë në festivalin e filmit të Berlinit, për skenarin më të mirë.

“Falja e Gjakut” u shfaq të premten në Tiranë, në premierën e tij botërore. Bashkia e Tiranës ka mbështetur premierën e filmit. Kryetari i Bashkisë, Lulzim Basha shprehu vlerësimin e tij për filmin dhe për mënyrën se si regjisori amerikan, Joshua Marston dhe bashkëproducenti shqiptar, Andamion Murataj e kanë trajtuar realitetin tonë.

Filmi “Falja e Gjakut”, është vlerësuar nga kritika e filmit dhe gëzon shumë shanse që të nominohet për çmimin Oskar, për skenarin më të mirë.

[Zero Cool]

4 filma shqiptarë në garë për “Oscar”




TIRANË, Një prej katër filmave, “Amnistia” , “Maya” , “Ballkan Pazar” dhe “Falja e gjakut” do të përzgjidhet nga Bordi artistik i Qendrës Kombëtare të Kinematografisë për të përfaqësuar Shqipërinë në Akademinë e Çmimit Oscar.
Sipas burimeve nga QKK, bordi do të mbidhet ditën e enjte dhe një nga çështjet kryesore do të jetë dhe përzgjedhja e filmit shqiptar që do të shkojë në “Academy of Motion Pictures, Arts and Sciences”.
Rregullorja parashikon që bordi merr parasysh prodhimet shqiptare apo bashkëprodhimet shqiptare me të huajt, që kanë dalë në qarkullim nga shtatori 2010 deri në shtator 2011. Filmi duhet të jetë shfaqur për jo më pak se një javë rresht dhe jo më parë se 1 tetor 2010 e jo më vonë se 30 shtator 2011.


http://www.lajmeshqip.com/wp-content/uploads/2011/09/Balkan-BazaarposterBalkan_Bazar_poster.jpg


“Amnistia” i Bujar Alimanit, premierë në Tiranë në maj të këtij viti, është shfaqur për herë të parë në Festivalin Ndërkombëtar të Filmit në Berlin dhe ka fituar disa çmime. Komedia “Ballkan Pazar” i regjisorit Edmond Budina pas premierës së tij të parë në Festivalin e 15-të të Filmit në Sofje, u shfaq edhe në Tiranë, ndërkohë që në janar të këtij viti u shfaq edhe premiera e filmit “Maya” të Pluton Vasit.
Premiera e fundit në Shqipëri është ajo e filmit “Falja e gjakut” nga Joshua Martson, që pas suksesit në Festivalin e Filmit në Berlin, vazhdon të shfaqet në kryeqytet.


http://www.lajmeshqip.com/wp-content/uploads/2011/09/amnistie-poster.jpg


Që prej vitit 1996 katër filma shqiptarë kanë aplikuar për “Academy of Motion Pictures, Arts and Sciences”, por asnjëri nuk është nominuar për “Oscar”.



http://www.lajmeshqip.com/wp-content/uploads/2011/09/images1.jpg


Në vitin 1996 Shqipëria u prezantua me “Kolonel Bunker” të Kujtim Çashkut, në vitin 2002 ishte “Slogans” i Gjergj Xhuvanit, në vitin 2008 ishte filmi “Trishtimi i Zonjës Shnajder” i Eno e Pirro Milkanit, në 2009 konkuroi “Gjallë” i Artan Minarollit dhe një vit më parë konkuroi “Lindje-Perëndim-Lindje” i Gjergj Xhuvanit.


http://www.lajmeshqip.com/wp-content/uploads/2011/09/Maya_21.jpg

[Zero Cool]

Ndihem shqiptar


http://www.gazetaexpress.com/repository/images/large/joshua_332085_thumb_large.jpg


Nga Express më 24 shtator 2011 në ora 14:56


Pasi ka marrë lajmin e përzgjedhjes së filmit “Falja e Gjakut” në garën e “OSCAR”, regjisori amerikan, Joshua Marston, ka nisur pak rreshta për punën që ka bërë në Shqipëri për realizimin e tij

“Pas tri viteve punë për këtë film, pasi jetova në Shqipëri, mësova gjuhën shqipe, punova me njerëzit e këtij vendi, mësova të ndihem shqiptar.

“Duke u përpjekur të realizonim këtë film dhe të bënim diçka të vërtetë, m’u desh të kuptoja të gjitha detajet, jo vetëm për kanunin dhe gjakmarrjen, por për jetën, për shpresat dhe zhgënjimet e adoleshentëve, p.sh. për të përfunduar edhe shkollën e lartë. Kam bërë qindra biseda gjatë të cilave kam bërë mijëra pyetje dhe kam pirë shumë raki. (Besoj se e vetmja gjë që e vonon pasaportën time është se duhet të kisha hequr dorë nga duhani).

“Jam shumë krenar që pasi dilnin nga kinemaja, njerëzit thoshin se dukej një film i bërë nga një shqiptar. E vërteta është se ai është realizuar nga qindra shqiptarë dhe ndihem i privilegjuar që pata mundësinë të punoja me ta”, ka thënë regjisori Marston.

[Hajra]

Stili i çmendur i Lady Gagës në rrugët e Londrës

Ekstravagantja Lady Gaga është fotografuar duke dalë nga hoteli londinez ku ajo po qëndron prej disa ditësh gjysmë e zhveshur. Pop stari amerikan, e cila gjithmon të lë me gojë hapur për veshjet e saj të cuditshme edhe këtë herë ka habitur të gjithë, duke u veshur vetëm me geta rrjete dhe një pjesë pelice.

http://botasot.info/reklama/gaga-oufit1.jpg (http://www.botasot.info/reklama/gaga-oufit1.jpg)

http://botasot.info/reklama/gaga-oufit5.jpg (http://www.botasot.info/reklama/gaga-oufit5.jpg)

http://botasot.info/reklama/gaga-oufit6.jpg (http://www.botasot.info/reklama/gaga-oufit6.jpg)
Shpërndaje (http://addthis.com/bookmark.php?v=250) [/URL] (http://botasot.info/def.php?gjuha=0&category=71&id=139059#)

Komente (0) [URL="http://botasot.info/def.php?gjuha=0&category=71"]Kthehu (http://www.addthis.com/bookmark.php?v=250&winname=addthis&pub=xa-4a6fa0940d669194&source=tbx-250&lng=de-DE&s=googlebuzz&url=http%3A%2F%2Fbotasot.info%2Fdef.php%3Fgjuha%3D 0%26category%3D71%26id%3D139059&title=Bota%20Sot%20%C2%BB%20Stili%20i%20%C3%A7mend ur%20i%20Lady%20Gag%C3%ABs%20n%C3%AB%20rrug%C3%ABt %20e%20Londr%C3%ABs&ate=AT-xa-4a6fa0940d669194/-/-/4e902680ee335c39/1&frommenu=1&uid=4e902680aa2d8634&ct=1&pre=http%3A%2F%2Fwww.botasot.info%2Findex.php&tt=0) | 07.10.2011



Komenti





http://botasot.info/mesme/gaga-oufit.jpg
http://botasot.info/reklama/gaga-oufit3.jpg (http://www.botasot.info/reklama/gaga-oufit3.jpg)

http://botasot.info/reklama/gaga-oufit2.jpg (http://www.botasot.info/reklama/gaga-oufit2.jpg)

http://botasot.info/reklama/gaga-oufit4.jpg (http://www.botasot.info/reklama/gaga-oufit4.jpg)

[Elina]

Keshtu e kan disa artiste.Kjo Lady tip interesant...unikat ne veshje.
Para disa muajsh,kam pa disa foto te saje,ku kish qene e mbeshtjelle me copa mishi,,,bile edhe ne koke nje cope,vend sheshirit po get.:biggrin:

Pse jo,e guximshme :tongue:

[Neferta]

, Mirush Kabashi rrëfen “Apologjinë e Sokratit”
Mardi 29 mai 2012
Soirée Albanaise
« Apologie de Socrate » avec Mirush Kabashi (Tirana) Performance
Lieu : Salle Rameau


Duartrokitjet e publikut dhe ovacionet zgjatën gjatë, duke përshëndetur performancën e Mirush Kabashit në monodramën “Apologjia e vërtetë e Sokratit”, e shfaqur në festivalin teatror “Pranvera e Europës”, në Lion të Francës.
“Nuk e imagjinoja që gjuha shqipe të tingëllonte kaq bukur në vesh”, i tha shkrimtari Zhak Bruja ambasadorit shqiptar në Francë, Ylljet Aliçka. “Kultura shqiptare është e panjohur për ne francezët, e ndjehem i tronditur deri në themelet e qenies sime para demonstrimit të artit të madh të këtij populli të vogël”, shtoi shkrimtari lionez Bruja.
Korrespodenti i portalit LajmeShqip.com, njofton nga Lioni se Drejtori i Përgjithshëm i Festivalit Teatror, Reno Lekyje, e cilësoi të jashtëzakonshëm interpretimin e Kabashit në sallën Rameau në qendër të Lionit. “Ishte i jashtëzakonshëm. E kisha parë Mirush Kabashin në Youtube, por, ta ndjekësh direkt në skenë është gjë tjetër. Shfaqja e trupës shqiptare ishte nga më të mirat e Festivalit. E kisha një parandjenjë kur vendosa që trupa shqiptare, e udhëhequr nga Mirush Kabashi, të kishte vendin e nderit në Festival”, u shpreh Lekyje.
Protagonisti Mirush Kabashi u shpreh pas shfaqjes se jo vetëm që shfaqja u prit me shumë duartrokitje e thirrje entuziaste, jo vetëm që mori pjesë për herë të parë në festivalin “Pranvera Europiane”, por dhe sepse për herë të parë spektatorët lionezë dëgjuan gjuhën shqipe,raportoj vipat.
Premiera e shfaqjes “Apologjia e vërtetë e Sokratit”, me udhëheqës artistik Alfred Bualotin, i përket vitit 1997 dhe përveç qyteteve të vendit ajo është shfaqur të paktën në 15 vende të Evropës, si dhe në Kanada.
Në shtator të vitit 1997 Mirush Kabashi është nderuar me çmimin “Aktori më i mirë” i edicionit të 9-të të Festivalit Ndërkombëtar të Teatrit në Kajro (Egjypt) si dhe ka fituar çmime të tjera në Ukrainë, Bullgari, etj.

[Zero Cool]

Venecia, filmi italo-shqiptar, dokumentari më i mirë i festivalit


http://knninfo.com/repository/images/Venecia.jpg



Venecia, 08.09.2012
Historia e dhimbshme e eksodit shqiptar, shfaqur më 3 shtator në Festivalin e Filmit në Venecia, përmes dokumentarit “La nave dolce”, u vlerësua dje me çmimin “Francesco Pasinetti”.

Sipas gazetarëve të kinemasë (SNGCI), të pranishëm në Venecia, dokumentari më i mirë i Festivalit të Venecias 2012 është “La nave dolce”, me regji të Daniele Vicarit, një bashkëprodhim shqiptaro-italian i “Indigo Film” dhe “Apulia Film Commission”, prodhuar me Rai Cinema në bashkëpunim me Ska-Ndal Production (përfaqësuar nga Ilir Butka dhe Genc Përmeti) dhe Telenorba.

Sipas të gjitha mediave të huaja, që nuk i kursyen hapësirat e tyre për të prezantuar filmin e Vicarit dhe të producentëve italo-shqiptarë, dokumentari i cili u shfaq jashtë konkurrimit, u prit me një sukses të madh nga publiku dhe kritika, shkruan gazeta tiranase Panorama.

“Anija e ëmbël”, e cila mori këtë emër për shkak të anijes që mbartte sheqer, tregon zbarkimin në brigjet italiane të mbi 20 mijë shqiptarëve më 7 gusht të vitit 1991. Një histori dhimbjeje dhe shprese, e treguar mjeshtërisht dhe në mënyrë fare të sinqertë përmes vetë “heronjve” të kësaj ngjarjeje të 21 viteve më parë. Janë njerëz të cilët jetuan ferrin dhe parajsën e largimit nga një vend komunist drejt shpresës, e cila gjithsesi nuk ishte ajo që kishin ëndërruar.

Disa prej tyre gjithsesi ia dolën, të tjerë… Atë çfarë ndodhi atë verë mbi anijen “Vlora” e tregojnë Halim Milaqi (komandanti i Vlorës), Eva Karafili, Agron Sula, Kledi Kadiu, Robert Budina, Nicola Montano, Domenico Stea, Fortunata Dell’Orzo, Luca Turi, Raffaele Nigro, Maria Brescia etj.

“Dhjetë vjet më parë e mora këtë çmim për filmin tim të parë artistik. Këtë radhë, çmimi ‘Pasinetti’ shkon për një dokumentar e kjo është shumë e rëndësishme për kinemanë dokumentaristike”, është shprehur dje gjatë ceremonisë së dorëzimit të çmimit regjisori Daniele Vicari.

Mësohet se kjo është hera e parë që SNGCI ka vendosur t’ia japë çmimin “Pasineti” një filmi jashtë konkurrimit, duke e kthyer fokusin e vet drejt një tjetër kinemaje, që premton të tjera këndvështrime dhe breza të rinj kineastësh.

[Zero Cool]

CIA vret zëvendëskryeministrin e Kosovës(Kosta Beqiraj), kreun e krimit të organizuar


http://www.knninfo.com/repository/images/27_02_13_54934_cia.jpg



Është destinacioni i radhës i operacionit të Njësitit “Divison”, pjesë e shërbimit sekret amerikan të SHBA-së, në episodin më të ri të serialit amerikan “Nikita”. Si raporton KTV, cak është zëvendëskryeministri i Kosovës, Kosta Beqiraj, që seriali e identifikon si kreun e krimit të organizuar, të trafikimit të drogës dhe njerëzve në Kosovë.

Para nisjes për në Kosovë, ka dyshime nëse ndërhyrja në një shtet të pranuar ndërkombëtarisht do të shkaktonte incident diplomatik.

Personazhi kryesor i serialit, Nikita, që luhet nga aktorja Maggie Q (në foto), niset për në Kosovë për të gjetur mjekun Heidecker, i cili vjen këtu për t’ia mirëmbajtur këmbën artificiale Beqirajt.

Ai e kishte humbur këmbën, kur një vit më parë CIA kishte dështuar ta eliminojë zv/kryeministrin e Kosovës.

Por, Nikitia ia del ta gjejë në vilën ku ai mban prostituta. Ndihmësit e tij të shumtë bëjnë që Beqiraj të arrijë t’i marrë peng Nikitën dhe Heideckerin.

Duhet intervenimi i bazës në SHBA, që e dërgon në Kosovë pjesën tjetër të ekipit të “Division”-it, për ta shpëtuar Nikitën.

Në vilën e Beqirajt, fillimisht amerikanët vrasin dy pjesëtarë të FSK-së e më pas hyjnë brenda, ku e heqin përfundimisht qafe edhe zv/kryeministrin, duke e vrarë, por duke e lënë të kuptohet që këtë e bëri një nga rojat e tij.

Pas suksesit të operacionit në Kosovë me vrasjen e Beqirajt, presidenti i jep detyra të reja të rëndësishme Njësitit “Division”.

Seriali “Nikita” është në sezonin e tretë dhe transmetohet në CW Network në SHBA, ku shikohet nga mesatarisht 2.4 milionë shikues çdo natë.

Ai transmetohet edhe në Britani të Madhe, Francë, Holandë, Bullgari dhe në shtete të tjera.

[Zero Cool]

Regjisori kroat me projekt madhor, kërkon ta rrisë imazhin e Kosovës


http://www.knninfo.com/repository/images/Regjisori_Kroat.jpg


Prishtinë, 01.07.2013

Në konkursin e shpallur nga Qendra Kinematgrafike e Kosovës (QKK) për subvencione të filmave të metrazhit të gjatë ka konkurruar edhe regjisori me famë ndërkombëtare, Arsen Ostojiç. Ai është fitues i mbi 100 çmimeve ndërkombëtare, përfshirë vlerësimin e Akademisë Filmike Evropiane për filmin nga më të mirët në vitin 2009, çmimin për filmin më të mire të shkurtër në New York International Film, ndërsa në vitin 2005, regjisori kroat Ostojiç nga 26 kritikë filmi të Hollivudit është votuar se ka bërë filmin më të mirë kroat në pesë vitet e fundit.

Projekti filmik me të cilin ka konkuruar regjisori Ostojiç përfshin ngritjen ndërkombëtare të Kosovës dhe demaskimin e propagandës serbe.

Ostojiç ka në ekipin e vet edhe skenaristin i njohur boshnjak me famë ndërkombëtare, Fedja Fehim Isovic. Siç shkruan gazeta “Zëri” skenaristi Isoiviç ka bërë një skenar enkas për Kosovën me emrin “Bjeshkët e Nemuna”, ku trajton dhunën shtetërore të Serbisë të ushtruar në Kosovë dhe përpjekjet e popullsisë shqiptare për ta fituar lirinë. Ndonëse të shtypur në mënyrën më të egër, skenaristi Isovic në skenar veçon vlerat se si përkundrejt vrasjeve dhe torturave masive, megjithatë shqiptarët ka mbrojtur popullatën serbe në Kosovë.

Projekti filmik, siç shkruan “Zëri, gjithashtu demaskon strategjitë e policisë serbe e cila vriste serbët dhe inskenonte sikur vrasjet i kanë kryer shqiptarët, me qëllim që më pastaj të ndërmarrë operacione të spastrimit etnik dhe të fajësojë shqiptarët për gjoja dhunën ndaj popullsisë serbe.

Por, në anën tjetër flitet se projekti i cili do të subvencionohet i është premtuar një projekti vendor (projektit të Blerta Zeqirit, “Dasma”) , cilësia e të cilit lë shumë për të dëshiruar dhe që nuk mund të kontribuojë për interesin e Kosovës që ky vend më në fund të prezantohet me projekte serioze filmike në festivalet prestigjioze ndërkombëtare.

Janë 20 filma të gjatë dhe pesë animacione që kanë konkurruar për subvencione të cilat ndahen nga QKK-ja.

Nga regjisorët e Kosovës “Zëri” ka konfirmuar pjesëmarrjen e regjisorëve vendorë, si: Naser Shillova, Halil Budakova, Ekrem Kryeziu, Mentor Berisha, Visar Arifaj, Jetmir Grezda, Shkumbin Ferizi, Blerta Zeqiri, etj, disa prej të cilëve edhe në vitet e kaluara kanë përfituar subvencione financiare nga QKK-ja me projektet e tyre filmike. Përveç këtyre, kësaj radhe në garë janë edhe projekte të huaja, si ato të regjisorit të ri francez Mathiev Jouffre, kroati Jakov Sedlar dhe regjisori i ri slloven i filmave dokumentarë, Bostjan Slatensek.

Ndërkaq, juria 7-anëtarëshe në kuadër të QKK-së e përbërë nga Ilir Butka, Doruntina Basha, Ilir Bokshi, Fatmir Spahiu, Visar Krusha, Emin Halili dhe Shkelzen Maliqi, pritet që gjatë javës së parë të korrikut t’i vlerësojë pjesëmarrësit në konkursin e projekteve filmike të vitit 2013, ndërsa rezultatet të shpallen një javë më vonë. Kosova ndan 600 mijë euro nga buxheti i Ministrisë së Kulturës për projektet filmike dhe ende nuk ka arritur që një projekt filmik ta prezantojë në festivale të rëndësishme ndërkombëtare.

[Zero Cool]

“Nusja e Kosovës”, fotoja e ditës në “National Geographic”



http://knninfo.com/repository/images/Nusja_e_Kosoves.jpg



Venecia, 17.12.2013

“The Bride”, fotografia që portretizon një traditë unike të makijazhit të nuseve në Kosovë, realizuar nga Nita Zeqiri, e cila po shfaqej në ekspozitën ndërkombëtare “Smart Cities & Hybrid Indenties” në Venecia, Itali, ka bërë që fotografia nga shteti i Kosovës, mes shumë shteteve, të zgjidhet si fotoja e ditës në “National Geographic”.

Fotografia është realizuar në rajonin e Prizrenit. Vizatimet ën fytyrë thuhet se kanë një traditë më të vjetër se 1000 vjet. Ato i takojnë rajonit të Prizrenit, në Zhupë, Ljubinje të poshtme, aty ku edhe realizuar fotografia.

Ajo paraqet një traditë ndonëse jo fort të njohur për publikun kosovar, por llogaritet të jetë shumë e vjetër. Fotografja Nita Zeqiri ka thënë për “Zërin” se ka disa vite që ka hulumtuar në trashëgiminë kulturore dhe shpirtërore në Kosovë.

“Unë për 3 vite jam duke punuar në dokumentimin e trashëgimisë kulturore dhe shpirtërore në Kosovë me projektin ‘Tung Kosova’, me këtë projekt kemi dokumentuar edhe shumë pjesë të tjera të kulturës. Si fotografe, veçantia te kjo nuse ishte përshkrimi i ciklit të jetës në fytyrë. Kjo fotografi mendoj qe ka nxitur kureshtjen e njerëzve të eksplorojnë më shumë për Kosovën. Për mua si fotografe ka një rëndësi të madhe, ta kem një vlerësim të tillë nga ‘National Geographics’ në njëfarë mënyre me motivon të punoj më shumë në fushën e fotografisë dhe promovimit të kulturës dhe traditave në Kosovë”, ka thënë Nita Zeqiraj për “Zërin”.

Pas publikimit të fotografisë në “National Geographic” menjëherë ka pasur komente të shumta rreth fotos. Vetë autorja ka thënë se është pritur shumë mirë: “Prej se është publikuar fotoja në National Geographic ka pasur reagime të shumta dhe ato pozitive nga njerëz anembanë botës”, ka thënë Zeqiri.
Një nuse ashtu si është edhe në foton e “Bride, Kosovo” të Zeqirit, është edhe personazhi qendror i dokumentarit mbi martesat e hershme në rajonin e Prizrenit, e realizuar nga Qendra Kosovare për Studime Gjinore. Tregimi që rezulton nga ky dokumentar flet për përvojat e jetës së grave dhe familjeve të tyre në zonat e largëta dhe rurale dhe trajton çështjen e martesës së hershme.

Ndërkaq, sot kjo traditë është në prag të zhdukjes, pasi vetëm një zonjë 65 vjeçe vazhdon të merret me këtë, pra përgatitjen e nuseve të reja sipas traditave të tyre. Fytyra e nuses është pikturuar në shumë shtresa të bukura të ngjyrave. Tri qarqet e artë simbolizojnë ciklet e jetës që janë të lidhura me njëra-tjetrën nga rrugët e arta që i kalon gjatë jetës së tyre. Qarqet e brendshme të kuqe janë simbole të pjellorisë. Ndërkaq e gjithë fytyra është e mbuluar nga pikat e kuqe dhe blu, me të cilët i dëshirojnë asaj një familje të shëndetshme dhe të lumtur.

“Smart Cities and hybrid Identities”, është festival ndërkombëtar i fotografisë, videove artistike, grafikës kompjuterike, arkitekturës dhe arteve performuese dhe mbahet në kuadër të Karnavalit të Venecias. Është organizuar nga “International ArtExpo” dhe është kuruar nga Luca Curci. Përveç Zeqirit, në ekspozitën me fotografi, janë prezantuar edhe artistë si Antonella Iovienella nga Italia, Nirit Zer nga Turqia, Liene Straupe nga Letonia, Linda Riseley nga Australia e shumë të tjerë.

[Ylli-1]

Di Caprio: Skenat e seksit në filma, i bëj vërtet
Bota Sot | 17.12.2013 21:50

Bota Sot | 17.12.2013 21:50

http://images.botasot.info/uploads/largea_leonardo1387313433.jpg

Roli më i fundit i Leonardo Di Caprios është ai i Jordan Belfort në filmin e Martin Scorsese me titull ‘The Wolf Of Wall Street’. Në këtë dramë, aktori 39-vjeçar shfaqet në shumë skena të nxehta dhe në një intervistë për ‘Extra’ ka garantuar se nuk ka përdorur dublant për këto skena.

“Jam vetëm unë aty. Kur merr përsipër role si ky, duhet të pranosh gjithçka. Duhet të reflektoja karakterin e një personazhi të tillë dhe nuk mund të mendoja për veten. Në film jam dikush tjetër dhe duhet të bëj çdo gjë që bën ky dikushi”, deklaroi Di Caprio.

Filmi ‘The Wolf of Wall Street’ përmban shumë skena me pullë të kuqe, duke përfshirë një skenë orgjie, ku shumë aktorë të kastit shfaqen para kamerave krejtësisht nudo.

Di Caprio shpjegoi se pse kishte 6 vite që priste të luante një personazh të tillë: “Mendoj se Jordan Belfort përfaqëson atë që nuk shkon me Amerikën e sotme. Doja me çdo kusht që sjelljen e tij ta vija në ekranin e madh të kinemasë.”

[Zero Cool]

“Engjëjt janë larg” rrëfim për luftën e Kosovës



http://www.knninfo.com/repository/images/engjujt.jpg



Prishtinë, 28.12.2013

“Engjëjt janë larg” filmi më i fundit i regjisorit Gjergj Xhuvani ka qenë dhe prodhimi kinematografik, i cili ka marrë shumë vëmendje gjatë kësaj kohe. Filmi me regji dhe skenar të Xhuvanit përqendrohet te drama kosovare, dhe kjo ka bërë që në kastin e aktorëve të përfshihen edhe artistë nga Kosova, por nuk mungojë edhe aktorë nga Italia. Në rolet kryesore interpretojnë aktori italian Rinaldo Rocco dhe Teuta Krasniqi.

Producenti Dritan Huqi tregon se filmi edhe pse ka në vëmendje luftën e Kosovës, në qendër të tij ka histori njerëzore, me dramën e saj. “Historia njerëzore, përfshihet në atmosferën e luftës së Kosovës, por nuk është vetëm ajo. E gjitha vjen nga historia e personazheve, nga fëmijëria e tyre, është një film dramatik, ka situata të vështira”, tregon mbi filmin producenti Dritan Huqi, duke shtuar se më e rëndësishmja e filmit, është fakti se filmi do të shfaqë një atmosferë të luftës nga fytyra e fëmijëve. “Në fund të luftës të gjitha personazhet dalin të ndryshuar, sepse kanë përjetuar një situatë tejet të vështirë dhe kanë mbijetuar në luftë”, shton më tej producenti Dritan Huqi.

Filmi i cili është miratuar nga Qendra Kombëtare e Kinematografisë në vitin 2010, përballë problemeve me buxhetin që nuk kanë qenë të pakta vetëm gjatë muajve të fundit të 2013 arriti të niste xhirimet për të qenë tashmë pranë fundit të tyre. Xhirimet e këtij filmi përfshijnë Gjakovën në Kosovën, Bajram Currin dhe një pjesë e tyre do të jenë në Itali. Tashmë xhirimet në Kosovë kanë mbaruar dhe zgjatën 4 javë, për të vijuar më pas dhe në Bajram Curri dhe Itali për disa ditë. Edhe pse me jo pak vështirësi, sipas producentit Dritan Huqi në vjeshtë të 2014 “Ëngjëjt janë larg” mund të vijë premierë.

Historia e filmit “Ëngjët janë larg” zhvillohet në mars të vitit 1999, Kosovë. Periudha e bombardimeve të NATO-s, shpërngulja masive me karakter etnik të shqiptarëve. Terrori, frika, pasiguria, uria ka pllakosur qytetin e Gjakovës në kufi me Shqipërinë. Ngjarjet e filmit zhvillohen në harkun e 70 ditëve të bombardimeve. Kohëzgjatja e filmit do të jetë 90 minuta. Filmi është co produksion shqiptaro-italian dhe nga Kosova. Xhirimet kanë nisur në vjeshtën e këtij viti.