Aktakuzë ndaj Arid Ukës

[Zero Cool]

Gjermania ngre aktakuzë ndaj Arid Ukës



http://www.zeri.info/fotot/32023/main_arid-uka.jpg



Prokurorët federalë gjermanë thanë se kanë dorëzuar akuzat për vrasje kundër Arid Ukës, 21 vjeçarit me prejardhje nga Kosova, për shkak se vrau dy ushtarë amerikanë jashtë aeroportit të Frankfurtit.

Në një deklaratë të lëshuar sot, prokurorët thanë se Arid Uka përballet me dy akuza për vrasje dhe tri për tentim-vrasje në lidhje me sulmin e 2 marsit.

Nëse, dënohet, ai përballet me dënim të përjetshëm.

Prokurorët pretendojnë se Uka është një mysliman radikal, i cili ka vrarë ushtarët amerikanë për shkak të përfshirjes amerikane në Afganistan.

Ata thonë se ai ishte inspiruar nga propaganda xhihadiste në internet, por hetimet e tyre nuk kanë rezultuar në ndonjë lidhje të Ukës me ndonjë organizatë terroriste.

Uka është arrestuar në aeroport dhe mbahet në paraburgim që nga incidenti. Nuk është dhënë data e fillimit të gjykimit.

[Zero Cool]

Nesër vazhdon gjykimi i Arid Ukës


http://www.telegrafi.com/fo/kosove/f.0913134333716_m.jpg


Shqiptari(ziu) i Kosovës, i akuzuar për vrasjen e pilotëve amerikanë në aeroportin e Frankfurtit, kthehet të mërkurën në gjykatore, dy javë pasi publikisht pranoi vrasjet - në hapjen e gjyqit kundër tij.

I pandehuri 21 vjeçar, Arid Uka, ka thënë muajin e kaluar se “ajo që kam bërë ka qenë e gabuar, por unë nuk mund ta zhbëjë më". Ai gjithashtu u bëri apel të tjerëve që të mos kërkojnë inspirim në sulmin e tij, duke thënë se ai kishte qenë i ndikuar nga propaganda xhihadiste në internet.

Uka është ngarkuar me dy akuza, për vrasjen më 2 mars të dy oficerëve të lartë amerikanë, Nicholas J. Alden (25 vjeç) nga Carolina e Jugut dhe Zachary R. Cuddeback (21 vjeçar) nga Virginia.

Familja e Cuddebackut është bashkë-paditëse në këtë rast, e përfaqësuar nga një avokat gjerman i cili mund t’u bëjë pyetje dëshmitarëve, të bëjë mocione dhe të apelojë vendimet e panelit të pesë gjyqtarëve të ngarkuar me këtë rast. Avokati Marcus Steffel ka thënë se ai do të kërkojë dënim me burg jashtëzakonisht të gjatë për Ukën.

Nëse shpallet fajtor, Uka mund të përballet me burgim të përjetshëm, dënim ky më i rëndi në Gjermani.

Uka po ashtu përballet edhe me tre akuza të vrasjes në tentativë, për plagosjen edhe të dy pilotëve para se revolja e tij bllokohet kur ai kishte për qëllim pilotin e tretë, thonë autoritetet. Pilotët hipnin ose kishin hipur në autobusin që do t’i dërgonte ata në bazën ajrore Ramsten, para vendosjes së tyre në Afganistan.

Uka, i cili u zhvendos në Gjermani me familjen e tij si një fëmijë dhe i cili ka punuar në një zyrë postare të aeroportit, ka përshkruar në dëshminë e tij gjyqësore se ishte bërë introvert disa muaj para sulmit, duke luajtur lojëra kompjuterike dhe duke shikuar propaganda islamike ekstremiste në internet.

Prokurorët kanë thënë Uka ka shikuar një video në internet që supozohej se shfaqte ushtarët amerikanë tek dhunojnë një vajzë adoleshente myslimane, por ajo çfarë ai kishte parë ishte një skenë nga filmi "Redacted", që bazohet në dhunimin dhe vrasjen e një vajze irakiane nga trupat amerikane më 2006.

"Unë mendova se atë që kam parë në atë video, këta njerëz do ta bëjnë në Afganistan", u ka thënë Uka gjykatësve muajin e kaluar.

“Nëse më pyesni se pse e kam bërë, mund vetëm të them... Nuk e kuptojë më se si shkova aq larg”, raporton AP, transmeton Stars and Stripes.

Procedura e së mërkurës, si dhe gjykimi në vijim më 5 tetor, priten të jenë të shkurtë, ka thënë një zëdhënës i gjykatores, pa dëshmitarë të ftuar, por duke lexuar bisedat në internet dhe shkëmbimet e shënimeve. Gjyqi është caktuar të vazhdojë me pauza deri në janar. Pilotët amerikanë do të jenë në mesin e dëshmitarëve në seancën e 24 tetorit dhe 14 nëntorit.

Edhe pse Gjermania ka përjetuar rezultatet e sulmeve terroriste në dekadat e fundit, kryesisht nga grupet e majta si Fraksioni i Ushtrisë së Kuqe, sulmi në aeroport ishte i pari që i atribuohej një ekstremisti islamik.

Autoritetet gjermane kanë thënë se ai ka vepruar vetëm.

Ukaj po ashtu është paditur për vrasje nga gjykata federale amerikane. /Telegrafi/