Policia nuk tërhiqet pa e marrë edhe 1-n

[Gloss]

05:08 Përfundojnë bisedimet ndërmjet EULEX-it dhe përfaqësuesëve të Serbisë. Priten vendime për tërheqjen ose jo të barrikadës

04:49 Ministri i Brendshëm, Bajram Rexhepi konfirmon për KTV se një polic është plagosur me granatë dore në këmbë. Zëdhënësi Brahim Sadria thotë se ai është jashtë rrezikut për jetën

04:23 AP e Reuters raportojnë për përpjekjet e Prishtinës për të marrë nën kontroll pjesën e saj veriore të kontestuar

04:01 Komandanti i KFOR-it, Erhard Buhler ka nisur një takim me shefin e ekipit negociator serb, Borko Stefanovic

03:49 KIM Radio raporton se Njësia Speciale po çarmatos policët serbë të Policisë së Kosovës

03: 43 Bogdanovic dhe Stefanovic që kanë mbërritur në veri janë në bisedime me përfaqësues të EULEX-it

03: 39 Një helikopter i KFOR-it vazhdon të fluturojë në pjesën veriore të vendit

03: 31 Portali Indeksonline mëson se Njësia Speciale e Policisë së Kosovës ka tentuar sërish zhbllokimin e rrugës dhe marrjen nën kontroll të Pikës 1, por nuk ia ka dalur.

03:24 Serbia ka "alarmuar" BE-në, NATO-n dhe OKB-në për aksionin e Policisë në veri të Kosovës

03:07 Rreth 200 serbë vazhdojnë të jenë të mbledhur tek pika 31, duke kërkuar largimin e forcave të Njësisë Speciale të Policisë së Kosovës

02: 49 EULEX: Hapat e njëanshëm janë të dëmshëm - Komunikata e plotë
"Është e rëndësishme që situata aktuale të zgjidhet në mënyrë të qetë dhe paqësore. EULEX po bashkëpunon ngushtë me KFOR-in për ta bërë këtë dhe për ta ruajtur sigurinë. EULEX nuk ka qenë në asnjë formë i përfshirë në aksionin e ndërmarrë nga Njësitë Speciale të Policisë së Kosovës. EULEX-i dhe Bashkimi Evropian në Bruksel e kanë bërë të qartë se çështja e vulave doganore duhet të zgjifhet nëpërmjet dialogut ndërmjet Prishtinës dhe Beogradit. Veprimet e njëanshme nga cilado palë nuk ndihmojnë aspak. Problemet duhet të zgjidhen në mënyrë paqësore”

02: 41 Karabinierët italianë janë ende në përkrahje të Policisë së Kosovës, në Rudare tek Pika 1, dhe pritet të ndihmojë marrjen nën kontroll edhe të kësaj pike.

02: 31 Komandanti i KFOR-it, Buhler dhe trupat e tij janë tërhequr nga Rudarja, duke u thënë serbëve që të shkojnë të flenë. Aty kanë mbetur forcat e Njësisë Speciale të Policisë së Republikës. Ato kanë marrë urdhër nga lart që të mos largohen, pa e marrë nën kontroll Pikën 1.

02:07 Policia e Kosovës ka arrestuar 4 serbë në Brnjak, tek pika 1, pas një përleshje me serbët lokalë

01 : 43 Një polic i Njësisë Speciale është lënduar lehtë gjatë aksionit në veri, dhe është evakuuar nga atje, raporton ARTA.
01: 26 Ka shkuar në 1500 numri i serbëve të mbledhur afër pikës kufitare 1, që janë të vendosur të mos lejojnë kalimin e Njësisë speciale për të marrë kontrollin e kësaj pike. KFOR-i po vazhdon negociatat me ta.

01:21 I ashtuquajturi ministër për Kosovën në qeverinë e Serbisë, Goran Bogdanovic bashkë me shefin e ekipit negociator, Borko Stefanoviq kanë ardhur me urgjencë në veri të Kosovës
01:16 KFOR-i ka dërguar një komunikatë, ku shefi i tij, Erhard Buhler ka bërë thirrje që të mos ketë eskalim të dhunës, dhe që të tregohet maturi, sepse KFOR-i është i gatshëm të veprojë për të ndaluar dhunën
01:10 Serbët kanë nisur të mblidhen tek ura kryesore në Mitrovicë, ku ka forca të KFOR-it dhe tashmë edhe të Njësisë Speciale të Policisë së Kosovës

01:04 RTK pohon se ushtarët e KFOR-it janë sulmuar me gurë në pikën 1, teksa Buhler po provon të bindë serbët që të lirojnë rrugën

00:51 RTV 21 raporton se serbët e mbledhur tek Pika 1, nuk po lëshojnë pe, dhe me kamionë, traktorë e buldozerë kanë bllokuar rrugë. Komandanti i KFOR-it, Buhler po negocion me Policinë e Kosovës dhe me përfaqësuesit serbë për ta liruar rrugën

00:51 Kuçi në KTV : "Nuk duam që me këtë aksion të frikësojmë serbët tanë në këtë pjesë dhe ky është një aksion normal. U bëj thirrje qytetarëve për qetësi e maturi"

00:44 Po vazhdon operacioni në veri të vendit, dhe sipas KTV-së ka makina të thyera të Policisë. Operacioni po udhëhiqet nga ana e Shpend Maxhunit, zv/drejtor i Operativës

00:34 Raportohet se në drejtim të veriut është nisur edhe vetë Komandanti i KFOR-it, Erhard Buhler

00: 26 Dhjetëra serbë kanë filluar një marsh drejt pikës 31. RTK njofton se bëhet fjalë për rreth 100 serbë me makinë. Ndërkohë në anën tjetër, njësitë speciale të Policisë janë në gjendje gatishmërie.

00: 16 Rexhepi: “E kami marrë nën kontroll 31, por nuk do të provokojmë situatën, dhe për shkak të bllokadës nuk do të mund të marrim njëherë pikën 1. Po provojmë të ruajmë edhe qytetarët dhe policinë”

00:13: Rexhepi: “Nuk ka pasur fare koordinim me EULEX-in. Kemi tentuar, por ata nuk kanë pasur gatishmërinë për të ndihmuar aksionin”

00:04: Bajram Rexhepi: “Kemi forca shtesë në rast nevoje. Policia e Kosovës nuk tërhiqet”

23:51 Korrespodenti i Kohës Ditore në Mitrovicë raporton se serbët e tubuar kanë gjuajtur me armë në drejtim të Policisë së Kosovës, ndërkohë që MUP-i ka bërë thirrje për mobilizim të serbëve për të bllokuar rrugët.

23: 48: Drejtorit të Policisë nuk iu kërkua mendimi për aksionin në veri, dhe ky ishtë një vendim i ministrit Rexhepi. Ai tha në KTV se nuk u lajmërua fare për dorëheqjen. Ish-drejtori Maliqi tha se ai ishte i gatshëm që vetë të udhëheqë në veri aksionin për marrjen e dy pikave kufitare. “Nuk qëndron. Unë kam pasur gjithmonë gatishmërinë për të treguar përkushtimin për vendin”, ka thënë Maliqi.

23:46: Megjithëse pika 31 është vënë në kontrollin e Policisë së Kosovës, pika 1 ende nuk është në duar të Policisë. Banorë serbë lokalë raportohet se e kanë bllokuar rrugën për në pikën 1. Forca të mëdha të Policisë po tentojnë që të bisedojnë me banorët serbë për ta zhbllokuar rrugën, por ende nuk është gjetur asnjë zgjidhje.

23:34: Oliver Ivanoviq: “Është vendim i pamenduar, që mund ta eskalojë situatën ndeshjëm në veri. Situata veç është e tensionuar"

23:29: Zv/kryeministrja Kusari – Lila – “ Duhet të kuptohet se Kosova është një njësi territorial dhe ligjet vlejnë në krejt territorin. Nuk mund të ketë dy zona doganore. Vendimi është në përputhje me Kushtetutën e Kosovës. Kemi shkuar atje për ta implementuar në tërësi vendimin për reciprocitetin."

23:12 Pika 1 tashmë është marrë nën kontroll, njofton RTK. Policia e Kosovës e ka njoftuar EULEX-in se është aty me urdhër të Ministrit të Brendshë, dhe ka për detyrë të ndalojë kamionët që hyjnë nga Serbia. Situata është e qetë.

23:04 Disa serbë në fshatrat e Leposaviqit kanë tentuar të bllokojnë kalimin e Njësisë Speciale në pikat kufitarë në veri.

22: 54 Forca të shumta të Njësisë Speciale janë nisur me urgjencë për në veri të vendit, me urdhër të kryeministrit Thaçi. Transmetuesi publik, RTK, bën me dije se policia ka shkuar për të marrë nën kontroll total pikat 1 dhe 31 të kufirit me Serbinë. Aksioni i Thaçit vjen për të respektuar reciprocitetin me Serbinë, vendim i marrë para pak ditësh. Në këto momente, raportohet se kryeministri Thaçi është duke zhvilluar takime me ndërkombëtarët.

eaLEsMnxaEM

Burimi: http://www.indeksonline.net/?page=1,2,5475

[Zero Cool]

Pika 1 dhe 31 nën kontroll të Policisë së Kosovës


http://www.telegrafi.com/fo/kosove/f.0726085733617_m.jpg


Zëvendëskryeministri i vendit, Hajredin Kuçi konfirmoi të martën për Telegrafin se edhe pika doganore 1 është vendosur nën kontroll të autoriteteve të shtetit të Kosovës. Derisa, pika doganore 31 është vendosur mbrëmë nën kontroll, pika 1 është vendosur sot në orët e mëngjesit dhe në këtë pjesë të vendit pritet të arrijnë forca shtesë.
Ndërsa, gjatë një interviste në RTK, Kuçi theksoi se ky realisht është një aktivitet i rëndomtë që e ka policia e vendit për vënien e sundimit të ligjit, mirëpo sipas tij, kjo mund të duket ndryshe për situatën që ka qenë vendi.

Ai tha se duhet kuptuar si një aksion kushtetues, që për qëllim vënien e rendit dhe ligjit në këto dy pika. Sipas tij, një aksion i tillë ishte menduar të bëhet edhe në shtator të vitit të kaluar, por është shtyrë për shkak të zgjedhjeve.

Zëvendëskryeministri vlerësoi se aksioni është i menduar mirë dhe i konsultuar, megjithëse është vendim kryekëput i kryeministrit dhe në këtë rrjedhë institucionet e vendit janë linjën e parë.

Kuçi më tej vlerësoi se nuk duhet të ketë panik dhe të frikësohen serbët e asaj pjese, pasi sipas tij, e tëra po bëhet për vënien e sundimit të ligjit dhe shumë shpejt edhe qytetarët e asaj ane do të shohin se janë çliruar nga një pjesë e njerëzve që thirren në patriotizëm të rrejshëm.

Ai tha se aksioni i mbrëmshëm mund t’i pengojë vetëm atyre që merren me kontrabandë dhe jo atyre që dëshirojnë stabilitet dhe sundim të ligjit.

Zëvendëskryeministri konfirmoi se Policia e vendit ka bërë përgatitjet e duhura dhe qëllim do të jetë vendosja e doganierëve tanë. Ai tha se derisa pika 31 është marrë menjëherë në kontroll, në pikën 1 ka pasur pengesa për shkak të perceptimeve, mirëpo edhe kjo pikë është arritur në jetë nën kontroll në orët e mëngjesit të së martës.

Kuçi duke folur rreth aksionit tha se ka qenë vendor, ndërsa duke folur rreth bashkëpunimit tha se aksioni ka qenë mirë i menduar dhe i konsultuar, edhe pse sipas tij EULEX-i ndoshta nuk ka qenë ndihmues në këtë proces, por autoritetet vendore e kanë marrë barrën.

Ai tha se KFOR-i është duke e kryer punën e vet, ndërsa shprehu besimin se edhe EULEX-i do të ketë aktivitet shtesë. Sipas tij, edhe ata që kanë qenë hezitues të këtij aksioni do t’i shohin rezultatet pozitive.

Zëvendëskryeministri i ftoi qytetarët të jenë bashkëpunues me autoritetet vendore dhe ndërkombëtare, dhe shprehu besimin edhe KFOR-i edhe EULEX-i do ta kryejnë punën si duhet.
Sipas tij, institucionet e vendit nuk janë duke u ndeshur me askënd, por është aksion që ka për qëllim shtrimin e sovranitetit.

Ai tha se janë të vendosur që vendimin ta qojnë deri në fund dhe t’i kryejnë detyrat kushtetuese ashtu si duhet, por pa pasoja.

[Zero Cool]

REAGON SERBIA


Për aksionet e njësiteve të Policisë së Kosovës dhe marrjes nën kontroll të pikave 1 dhe 31 të doganave në veri të vendit, kanë reaguar edhe institucionet e Serbisë. ...


Presidenti i Serbisë, Boris Tadic dhe kryeministri, Mirko Cvetkoviq kanë kontaktuar menjëherë Komisionin Evropian, OKB-në, NATO-n dhe institucionet tjera ndërkombëtare, pas intervenimit të Policisë së Kosovës në veri për të marrë kontrollin në pikat kufitare me Serbinë.

[Zero Cool]

Serbët bllokojnë rrugën, situata e menaxhueshme


Serbët e veriut kanë bllokuar rrugën që shpie për në pikën doganore 1, si dhe bllokadë të rrugës ka edhe në rrugën për në pikën doganore 31. Megjithatë, Policia e Kosovës duke i mbajtur nën kontroll pikat doganore 1 dhe 31, ndërsa situatën në veri e konsideron të qetë dhe të menaxhueshme.
Korrespondenti i Telegrafit njofton se serbët e veriut kanë bllokuar rrugën në fshatin Rudar, që shpie për në pikën doganore 1.

Bllokadë të rrugës ka edhe në fshatin Zhazh, ku serbët kanë shkarkuar zhavorr mes rrugës për të pamundësuar qarkullimin e mjeteve në atë pjesë, gjegjësisht për në pikën doganore 31.

Pjesëtarë të KFOR-it shihen aktiv në këtë pjesë, ndërkohë më të rrallë janë kontrollet nga Policia e Kosovës.

Megjithatë, Policia e Kosovës duke i mbajtur nën kontroll pikat doganore 1 dhe 31, ndërsa situatën në veri e konsideron të qetë dhe të menaxhueshme.

[Zero Cool]

Vetëvendosje: Kurrsesi s’bën të zmbrapsemi tash


Lëvizja Vetëvendosje përmes një komunikate për media aksionin e Policisë së Kosovës për marrjen nën kontroll të pikave doganore 1 dhe 31 e quajti vendim të kuptueshëm, të drejtë dhe të arsyeshëm.
Sipas Vetëvendosjes vendimi për moslejimin e mallrave prej Serbisë në Kosovë, në kuadër të reciprocitetit karshi Serbisë, është praktikisht i pamundur të zbatohet pa i marrë nën kontroll këto dy pika doganore, “prandaj, vendimi i fundit i Qeverisë është i kuptueshëm, i arsyeshëm dhe i drejtë”.

“Me këtë rast, shpresojmë që nuk është menduar vetëm hapi i parë. Shpresojmë që qeveria ka nisur me zbatimin e një plani e një strategjie më të gjerë për ta bërë Kosovën sovrane e me integritet territorial. Nëse është menduar vetëm hapi i parë, atëherë mund të bëhet edhe më keq seç ka qenë deri më tash. Nëse nuk vazhdohet me ofensivë të vendosur deri në fund, pikat e marra nën kontroll mund të mos mbrohen gjatë...”, thuhet në komunikatë.

“Sidoqoftë, edhe nëse qeveria e Kosovës nuk ka menduar më shumë e më gjatë se këtë hapin e parë që e ndërmori, mungesa e planit dhe strategjisë duhen kompensuar me thirrjen e domosdoshme që qeveria dhe Presidentja duhet t’ia bëjnë gjithë popullit dhe shoqërisë sonë në mbrojtje të Kosovës në këto momente të jashtëzakonshme. Populli dhe qytetarët e Kosovës, qeveria dhe organet më të larta shtetërore, duhet të jenë në gjendje gatishmërie për njëri-tjetrin dhe së bashku të gatshëm për Kosovën. Ajo çfarë ndodh ose nuk ndodh brenda disa ditëve në kohëra si kjo, kollaj mund të përcaktojë periudha të tëra prej disa dekadave më pastaj”, thuhet më tej në komunikatën e Vetëvendosjes.

Sipas tyre, shteti i Kosovës kurrsesi nuk bën të zmbrapset tash. “Populli dhe institucionet e Kosovës tash duhet të jenë vigjilentë dhe të organizuar për ta mbrojtur Kosovën, për ta mbështetur pa kursim policinë e Kosovës që e mbron Kosovën. Organizimi i përbashkët i popullit, institucioneve dhe subjekteve politike e shoqërore do ta përshpejtonte dhe lehtësonte fitoren. Lëvizja VETËVENDOSJE!, me të gjithë aktivistët dhe anëtarët e saj, është e gatshme dhe shumë e interesuar që të kontribuojë për këtë. Tash është koha që institucionet më të larta shtetërore të mos administrojnë teknikisht por të prijnë politikisht”.

[Zero Cool]

AAK inkurajon Qeverinë për aksionin në veri



Aleanca për Ardhmërinë e Kosovës inkurajon Qeverinë e Kosovës që me vendosmëri të përfundojë operacionin policor në veri të Kosovës.
AAK është e bindur se situata e krijuar për vite me radhë në veri të Kosovës është problem i mungesës së sundimit të ligjit dhe meriton trajtim të tillë nga institucionet vendore dhe ndërkombëtare.

“Aleanca për Ardhmërinë e Kosovës (AAK) po përcjellë me kujdes zhvillimet e fundit në veri të Kosovës. Duke pasur parasysh nevojën jetike për rivendosjen e kontrollit shtetëror legjitim në atë pjesë të Kosovës dhe posaçërisht në pikat kufitare-doganore 1 dhe 31, vlerësojmë se operacioni i Policisë së Kosovës duhet të rezultojë me krijimin e mundësisë për zbatimin e Kushtetutës dhe ligjeve në veri të vendit”, thuhet në komunikatë.

AAK inkurajon Qeverinë e Kosovës që me vendosmëri të përfundojë operacionin policor në veri të Kosovës, në mënyrë që atje të vendoset siguria publike dhe qytetarëve të asaj pjese t’u sigurohet të drejtat e njeriut.

“Kujdesi i shtuar dhe profesionalizmi në realizimin e operacionit është tejet i rëndësishëm për ruajtjen e jetës së qytetarëve të Kosovës në atë pjesë dhe oficerëve policorë. Ne çmojmë vullnetin e oficerëve të Njësive Speciale të Policisë për detyrën ndaj vendit, duke qenë të bindur në përgatitjet e larta fizike dhe profesionale të tyre”, thuhet në komunikatë.

Në të njëjtën kohë, AAK fton Qeverinë e Kosovës që të koordinojë plotësisht aktivitetet e veta me KFOR-in, si garantues i sigurisë së përgjithshme të vendit.

AAK thotë se ka insistuar që nga pjesa e parë e vitit 2008 që autoriteti i shtetit të përdoret për të vendosur rendin dhe ligjin në tërë territorin e Kosovës, si e drejtë e pakontestueshme sovrane e Republikës së Kosovës.

“Dëmet e deritashme që i janë shkaktuar shtetit dhe popullit të Kosovës kërkojnë adresim shtetëror, prandaj angazhimi i trupave speciale të Policisë së Kosovës ka qenë i pashmangshëm”, thuhet në komunikatën e AAK-së.

[Zero Cool]

Intervenimi në veri, Veteranët: Të gatshëm të ndihmojmë


Organizata e Veteranëve të Luftës së UÇK-së, përmes një komunikate për medie, ka përshëndetur vendimin e Qeverisë dhe aksionin e MPB-së, për vendosjen e rendit në pikat doganore 1 dhe 31.

Kjo organizatë vlerëson se është obligim i institucioneve të shtetit, ruajtja e rendit dhe sovranitetit në tërë territorin, dhe veprimin e fundit ne e konsiderojmë si veprim të zakonshëm të shtetit në kryerjen e detyrave të veta.

“Duke inkurajuar institucionet shtetërore që të vazhdojnë me ruajtjen e sovranitetit, ne ju bëjmë thirrje që të mos bien në presionet e EULEX-it, mision i cili me deklaratat e tij edhe njëherë u dëshmua i dëmshëm për Kosovën dhe i paaftë në realizimin e asaj për çka është ftuar. Tendenca që EULEX të pengojë një aksion legjitim për rendin dhe ligjin, është vetëm përpjekje për mbrojtje të strukturave kriminale serbe, detyra e të cilave është kontrabanda dhe krimi i organizuar. Siç shihet mosfunksionimi i shtetit ligjor në terë territorin e Kosovës, i konvenon EULEX-it për të zgjatur deri në pafundësi mandatin e tij në Kosovë”, thuhet në komunikatë.

OVL të UÇK-së shton se është duke përcjellë me kujdes zhvillimet e fundit, ndërkaq bën thirrje që populli i Kosovës, e në veçanti veteranët, “të mos bien në asnjë lloj provokimi, pasi që janë institucionet e shtetit ato që menaxhojnë situata të tilla”.

“Gjithsesi, në rast të nevojës për mobilizim të veteranëve, veteranët do të jenë të gatshëm të përgjigjen në çfarëdo lloj sfide, në mbrojtje të interesave të vendit”, theksohet në komunikatë.

[Zero Cool]

LDK përkrah aksionin në veri


Lidhja Demokratike e Kosovës përmes një deklarate për media ka shprehur përkrahjen për çdo veprim të institucioneve të Republikës së Kosovës, që ka mbështetje në Kushtetutën e vendit dhe që është në funksion të sundimit të ligjit.


LDK po ashtu shprehu mbështetjen e plotë për Policinë e Kosovës dhe bën thirrje për asistencë edhe të institucioneve gjegjëse ndërkombëtare me qëllim të kthimit të rendit dhe të ligjit në Veri të Kosovës.

“Lidhja Demokratike e Kosovës vlerëson se vetëm sundimi i rendit dhe i ligjit në tërë territorin e Republikës së Kosovës krijon kushte për jetë të qetë dhe prosperuese për të gjithë qytetarët, pa marrë parasysh përkatësinë etnike të tyre”, thuhet në komunikatë.

[Zero Cool]

Marrja e doganave nën kontroll, kërcënojnë serbët


http://www.zeri.info/fotot/33257/main_kfor-27-shtator---l.h..jpg


Pika kufitare në Jarinje, që njihet si Pika 1, është marrë nën kontroll totale nga njësitë speciale të Policisë së Kosovës. Në këtë pikë, të martën në mëngjes, ka qëndruar për rreth 15 minuta edhe komandanti i KFOR-it, Erhard Buhler, i cili ka vëzhguar edhe për së afërmi zhvillimet atje.

Gjatë qëndrimit të tij në pikën kufitare 1, ai ka zhvilluar një bisedë të shkurtër edhe me të ashtuquajturin kryeshef i qarkut të Mitrovicës, Radenko Nedelkoviq.

Burime të Kosovapress-it bëjnë të ditur se ky i fundit e ka kërcënuar komandantin e KOFOR-it se e tërë popullata serbe do të dal dhe të qëndrojë nëpër rrugë, duke mbajtur kështu ato të bllokuara, nëse komandanti nuk urdhëron largimin e forcave të KFOR-it dhe policisë në kufi. /rtv21/

. . .

Me helikopterë të KFOR-it marrin kontrollin e Pikës 1

Para aksionit për të marrë nën kontroll edhe pikën kufitare 1 në veri të Kosovës, kryeministri i Republikës së Kosovës, Hashim Thaçi, ka zhvilluar një takim me komandantin e KFOR-it, Erhard Buhler.

Pas këtij takimi, me dy helikopterë të KFOR-it, forcat e policisë dhe zyrtarët doganorë të Kosovës, janë dërguar në pikën 1 të kufirit, duke kompletuar kështu operacionin e Qeverisë së Kosovës për marrjen nën kontroll të pikave doganore 1 dhe 31, raporton RTK.

Bilanci i këtij operacioni ka qenë 4 policë të lënduar, 1 me armë zjarri të tjerët me gurë dhe gjësende të tjera të forta.

. . .

Edhe pika 1 nën kontrollin e shtetit

Lajmin për marrjen nën kontroll edhe të pikës 1 nga Policia e Kosovës, e ka konfirmuar edhe ministri i brendshëm i Kosovës, Bajram Rexhepi.

“Kemi pritur se mund të ketë vështirësi. Por, situata është qetë. Tani është shtrirë sovraniteti, dhe ky është një hap shumë i rëndësishëm”, ka thënë Rexhepi, raporton REL.

Ministri Rexhepi tha se futja nën kontroll e pikës 31 është bërë nën të ashtuquajturin Planin B. Ai njoftoi gjithashtu se gjatë aksionit, një polic është lënduar me një mjet shpërthyes, dhe dy-tre të tjerë janë lënduar nga hedhja e xhamave dhe gurëve, prej anës së serbëve lokalë, gjë të cilën, ministri e quan si dëm minimal.

Rexhepi ka thënë se njësitë speciale të policisë do të qëndrojnë në veri deri sa të jetë e nevojshme dhe derisa të vendosen doganierët.

. . .

Gentilini: Operacioni s’ishte i dobishëm

“Operacioni i kryer mbrëmë nga autoritetet e Kosovës nuk ishte i dobishëm. Ai nuk është bërë në konsultim me bashkësinë ndërkombëtare dhe BE-ja nuk e ka miratuar atë”, ka thënë Fernando Gentilini, Përfaqësuesit Special i BE-së për Kosovën në lidhje me situatën në veri.

“Është thelbësore që situata të qetësohet tani dhe të kthehemi ku kemi qenë. EULEX-i është i gatshëm t’i ndihmojë autoritetet e Kosovës në këtë”, ka thënë Gentilini, për të shtuar se “dialogu është e vetmja mënyrë që të zgjidhet çështja e vulave të doganave dhe të rivendosë tregti të lirë në të dy drejtimet”.

“Veprimet unilaterale nga njëra palë apo tjetra nuk mund ta zgjidhin problemin”, ka thënë Gentilini. /rel/

. . .

Zëvendëskryeministri i vendit, Hajredin Kuçi konfirmoi të martën për Telegrafin se edhe pika doganore 1 është vendosur nën kontroll të autoriteteve të shtetit të Kosovës. Derisa, pika doganore 31 është vendosur mbrëmë nën kontroll, pika 1 është vendosur sot në orët e mëngjesit dhe në këtë pjesë të vendit pritet të arrijnë forca shtesë.

Zëvendëskryeministri Kuçi, i pyetur nga “Zëri”, ka thënë se vendimi i kryeministrit Thaçi për të marrë kontrollin në pikat 1 dhe 31 në veri të Kosovës, është marrë në përputhje me faktorët ndërkombëtarë dhe me EULEX-in.

“Në vijën e parë do të jetë Policia e Kosovës, ndërsa presim mbështetje edhe nga EULEX-i dhe nga KFOR-i”, ka thënë Kuçi.

. . .

EULEX: Veprimet e njëanshme, nuk ndihmojnë

Me anë të një komunikate për media, EULEX-i ka reaguar për veprimet e Policisë së Kosovës.

“Është e rëndësishme që situata aktuale të zgjidhet në mënyrë të qetë dhe paqësore. EULEX po bashkëpunon ngushtë me KFOR-in për ta bërë këtë dhe për ta ruajtur sigurinë. EULEX nuk ka qenë në asnjë formë i përfshirë në aksionin e ndërmarrë nga Njësitë Speciale të Policisë së Kosovës”, thuhet në mes tjerash në komunikatën e EULEX-it.

“EULEX-i dhe Bashkimi Evropian në Bruksel e kanë bërë të qartë se çështja e vulave doganore duhet të zgjidhet nëpërmjet dialogut Prishtinë-Beograd. Veprimet e njëanshme nga cilado palë nuk ndihmojnë aspak. Problemet duhet të zgjidhen në mënyrë paqësore”, thuhet në fund të komunikatës së EULEX-it.

. . .

Tensionohet veriu, KFOR-EULEX thirrje për maturi

Komandanti i KFOR-it, Erhard Buhler ka bërë thirrje kundër eskalimit të dhunës në veri të vendit dhe ka kërkuar maturi nga të gjitha palët.

“KFOR-i nuk pranon kurrfarë dhune. Në nji shoqëri demokratike mendimet e ndryshme apo pozitat konfliktuoze duhet të zgjidhen në mënyrë paqësore me diskutime dhe negociata”, thuhet në një komunikatë për media të KFOR-it.

"KFOR është i informuar mbi situatën sonte dhe i ka alarmuar një numër të konsiderusëhëm njësish që të ndërhyjnë nëse është nevoja. KFOR-i mbikqyrë situatën dhe trupat e KFOR-it janë në veri të Kosovës dhe do të ndihmojnë për ta zbutur situatën nëse është nevoja".

Edhe zëdhënësi i EULEX-it, Nicholas Hawton në një prononcim për RTV21 ka bërë thirrje për qetësi nga të gjitha palët.

Ai ka thënë se EULEX-i nuk ka qenë në dijeni për aksionin e ndërmarrë nga forcat policore në veri të Kosovës – por ka shtuar se misioni evropian ka bashkëpunim shumë të afërt me KFOR-in dhe do t’i bashkërendojnë veprimet për ruajtjen e rendit dhe ligjit në veri të vendit.

Raportohet po ashtu se serbët kanë nisur të mblidhen tek ura kryesore në Mitrovicë, ku ka forca të KFOR-it dhe të njësisë speciale të Policisë së Kosovës.

Pika 31 nën kontroll, për pikën 1 pengesë edhe EULEX

Ministri i Brendshëm, Bajram Rexhepi deklaroi për mediet se janë të vendosur në realizimin e aksionit të tyre në marrjen nën kontroll të pikës 1 dhe 31.

Ai shtoi se EULEX-i nuk është treguar i gatshëm të ndihmojë në këtë aksion.

“Nuk ka pasur fare koordinim me EULEX-in. Kemi tentuar, por ata nuk kanë pasur gatishmërinë për të ndihmuar aksionin”, deklaroi ministri Rexhepi, duke shtuar se në dispozicion “kemi forca shtesë në rast nevoje”.

Ai gjithashtu bëri të ditur se Policia e EULEX-it po pengon hyrjen në pikën 1 të Njësisë Speciale të Kosovës, konkretisht në fshatin Rudare të Leposaviqit.

Ndërkaq, Policia e Kosovës në këto aksione është e pajisur me armë të ndryshme dhe autoblinda.

Ivanoviq: Situata mund të eskalojë

Sekretari shtetëror në Ministrinë serbe për Kosovën, Oliver Ivanoviq ka paralajmëruar se situata në veri të Kosovës mund të "eskalojë".

“Situata është mjaft e tensionuar, ai është një gjest i pamenduar për të cilën nuk ka asnjë shpjegim," ka thënë Ivanoviq, duke komentuar vendimin e Prishtinës për dërgimin e njësive special të policisë në vendkalimet kufitare.

Ai tha se ka folur me përfaqësues të bashkësisë ndërkombëtare dhe se pret përgjigje nga KFOR-i dhe EULEX-it.

Ivanoviq tha se "tensioni kryesor pritet në mëngjes" dhe se ekziston rreziku që situata "të përshkallëzohet”, raporton Evropa e Lirë.

****

Kusari-Lila: Ligjet vlejnë në krejt territorin

Në një prononcim për mediet, zëvendëskryeministrja dhe ministrja e Tregtisë dhe Industrisë, Mimoza Kusari-Lila tha se atje kemi shkuar për t’i implementuar në tërësi masat e reciprocitetit.

“Duhet të kuptohet se Kosova është një njësi territorial dhe ligjet vlejnë në krejt territorin. Nuk mund të ketë dy zona doganore. Vendimi është në përputhje me Kushtetutën e Kosovës. Kemi shkuar atje për ta implementuar në tërësi vendimin për reciprocitetin”, theksoi Kusari-Lila.

. . .

Policia merr nën kontroll Pikën 31

Policia e Kosovës tashmë ka marrë nën kontroll Pikën 31 të doganave në Veri të Kosovës, raporton RTK.

Ndërkaq, Pika 1, po sipas këtij televizioni, ende nuk është marrë nën kontrollin e Policisë së Kosovës, pasi që, siç u raportua, serbët e kësaj ane kanë dalë dhe kanë bllokuar rrugët që çojnë tek ajo pikë, mirëpo policia është e bindur se do ta marrë nën kontroll edhe këtë pikë.

. . .

Thaçi shkarkon Maliqin, policia aksion në veri

Kryeministri i Republikës së Kosovës, Hashim Thaçi sapo ka shkarkuar nga posti i drejtorit të Policisë së Kosovës, Reshat Maliqin. Ndërkaq, RTK ka njoftuar se njësitë speciale të Policisë së Kosovës kanë ndërmarrë një aksion për të marrë nën kontroll pikat 1 dhe 31 në veri të Kosovës – të cilat që një kohë ishin jashtë kontrollit të autoriteteve kosovare.

“Kryeministri i Republikës së Kosovës, Hashim Thaçi, në mbështetje të nenit 94 paragrafit (10) të Kushtetutës së Republikës së Kosovës dhe nenit 43.1 (a) të Ligjit Nr.03/L-035 për Policinë, ka marrë vendim që të shkarkojë z.Reshat Maliqi nga pozita e Drejtorit të Përgjithshëm të Policisë së Kosovës”, thuhet në një komunikatë të Zyrës për informim të kryeministrit.

Vetë Maliqi, në një prononcim për televizion publik të Kosovës, ka thënë se ai nuk është në dijeni për shkarkimin e tij, dhe se për të ka dëgjuar vetëm në televizion.

RTK ka njoftuar se njësitë speciale të Policisë së Kosovës kanë ndërmarrë një aksion për marrjen nën kontroll të pikave 1 dhe 31, në mënyrë që të vihet nën kontroll zbatimi i reciprocitetit me Serbinë.

Sidoqoftë, Maliqi, ka hedhur poshtë mundësinë që ai të jetë shkarkuar për shkak të kundërshtimit të aksionit në veri, sepse siç u shpreh në një bisedë telefonike, ai gjatë gjithë kohës ka kërkuar vendosjen e kontrollit në këto dy pika kufitare.

Po ashtu raportohet se kryeministri Thaçi është takuar me zyrtarët më të lartë ndërkombëtarë në vend.

[Zero Cool]

Vendoset kontrolli në kufi, RSU tërhiqet?


http://www.telegrafi.com/fo/kosove/f.0726132945499_m.jpg


E plotësuar- Ndërhyrja e Policisë Speciale të Kosovës për të vënë nën kontroll dy pikat kufitare në veri është realizuar.


Megjithatë, siç raporton RTK bazuar në burime brenda KFOR-it, është arritur marrëveshje në mes të kryeministrit Hashim Thaçi dhe negociatorit në bisedime me Kosovën, Borko Stefanovic për tërheqjen e forcave speciale të policisë (RSU) nga postblloku në Jarinje.

Mirëpo, pas tërheqjes së RSU, në pikat kufitare do të vendoset policia e rregullt e Kosovës, shumica e të cilëve të nacionalitetit serb, sikurse që është premtuar edhe zhbllokimi i rrugës nga protestuesit serbë.

Megjithatë lajmi për tërheqjen e Njësisë Speciale të Policisë nuk është konfirmuar ende zyrtarisht.

[Guri i madh]

ishte nji akcion i mir

po ka nevoj qe njisia speciale te jet ende prezent

[Zero Cool]

Plagoset rëndë polici i ROSU-së


http://www.telegrafi.com/fo/kosove/f.0726152605453_m.jpg


E plotësuar-Telegrafi mëson nga burime jozyrtare se ka pasur përleshje në pikën doganore 31, dhe si pasojë ka të lënduar nga të dy radhët, nga Policia e Kosovës dhe serbët që protestonin, ndërkaq një pjesëtar i ROSU-së është plagosur rëndë.
Ndërkaq, mediat raportojnë se Njësitet ROSU dhe FIT (njësiti për Intervenim të Parë), të cilët ishin nisur për në pikën 31, janë kthyer drejt Mitrovicës, pasi kanë rënë në pritë.

E plotësuar-Burime të Telegrafit bëjnë të ditur se pas tërheqjes së Njësisë Speciale të Policisë së Kosovës, ROSU sërish është nisur në aksion, në drejtim të veriut.

Bëhet e ditur se rreth 30 automjete të Policisë janë nisur drejt pikave doganore, pasi kryetari i Leposaviqit i ka ftuar qytetarët serb që të protestojnë në pikën 1, kundër marrjes së kontrollit nga autoritetet e Kosovës.

Pas tërheqjes, ROSU është nisur nga baza e tyre në Shipol të Mitrovicës për në pikat doganore.

I vetmi informacion që kanë dhënë Njësia Speciale është konfirmimi i aksionit.

E plotësuar- Mediat raportojnë se forcat speciale të policisë kanë qenë cak i gjuajtjes me armë zjarri pak minuta më parë, derisa po tërhiqeshin nga pika kufitare e Bërnjakut, ndërsa mësohet se nuk ka të lënduar nga ky sulm.

Në Mitrovicë para pak çastesh te tre rrokaqiejt ka ndodhur një shpërthim i fuqishëm e ende nuk dihen pasojat e tij.

E plotësuar- Ndërhyrja e Policisë Speciale të Kosovës për të vënë nën kontroll dy pikat kufitare në veri është realizuar.

Megjithatë, siç raporton RTK bazuar në burime brenda KFOR-it, është arritur marrëveshje në mes të kryeministrit Hashim Thaçi dhe negociatorit në bisedime me Kosovën, Borko Stefanovic për tërheqjen e forcave speciale të policisë (RSU) nga postblloku në Jarinje.

Mirëpo, pas tërheqjes së ROSU, në pikat kufitare do të vendoset policia e rregullt e Kosovës, shumica e të cilëve të nacionalitetit serb, sikurse që është premtuar edhe zhbllokimi i rrugës nga protestuesit serbë.

Megjithatë lajmi për tërheqjen e Njësisë Speciale të Policisë nuk është konfirmuar ende zyrtarisht.

[Zero Cool]

KPJ: Ftesa e Gentilinit është e papranueshme


Ftesa e Përfaqësuesit Special të Bashkimit Evropian për Kosovën, Fernando Gentilini, për kthim prapa në thelb është e papranueshme, sepse nënkupton kthim në paligjës, vlerëson Klubi për Politikë të Jashtme.


“Klubi për Politike të Jashtme shpreh përkrahjen për ndërhyrjen e Policisë së Kosovës për të vënë nën kontroll dy pikat kufitare në veri te vendit. KPJ e konsideron këtë veprim si pjesë të domosdoshme e vendosjes së rendit dhe ligjit dhe instalimit të një sistemi unik ligjor, kufitar e doganor në tërë territorin e vendit”, thuhet në komunikatë.

Po ashtu konsiderohet se vendosja e një sistemi unik ligjor në tërë territorin e vendit është edhe parakusht për një partneritet më të avancuar mes Republikës se Kosovës me Bashkimin Evropian.

“...Andaj, i bëjmë thirrje Bashkimit Evropian të jep një mesazh të fort përkrahës për vendosjen e kontrollit në pikat kufitare 1 dhe 31, si pjesë e përpjekjes për vendosjen e rendit dhe ligjit në veri të Kosovës”, thuhet në komunikatën e KPJ-së.

[Zero Cool]

Ta respektojmë vendimin e Qeverisë së Kosovës


http://www.telegrafi.com/fo/kosove/f.0726171730149_m.jpg


Nuk duhet pritur që EULEX-i të zbatojë vendimet e Qeverisë së Kosovës. Qeveria e Kosovës ka marrë në duart e veta përgjegjësinë që i takon, prandaj ne duhet ta respektojmë na pëlqeu ose jo. Kështu ka deklaruar për Radio Dukagjinin, ambasadori francez, Jean-Francois Fitou.


“Ky vendim ka krijuar një situatë të re dhe ne duhet të jetojmë me këtë situatë të re përderisa t’i njoftojmë të gjithë që tani është e rëndësishme të ruhet qetësia”, ka thënë Fitou.

Në shumë raporte vendore dhe ndërkombëtare, veriu i Kosovës është përmendur si çerdhe e krimit të organizuar, ndërsa Fitoi ka thënë se situata e re e mbush me shpresë që gjërat do të ndryshojnë për të mirë.

“Shpresoj shumë se krimi i organizuar nuk do të importohet apo eksportohet nga Kosova në këtë situatë të re. E nëse këto fenomene të trafikimit do të ndalen me situatën e re, kjo do të ishte gjëja më e mirë e mundshme”, ka deklaruar ai.

Ai ka sugjeruar EULEX-in dhe Qeverinë e Kosovës që të ulën dhe të bisedojnë për të gjetur mënyra se si të implementojnë vendimet e Qeverisë.

[Zero Cool]

Ndërron jetë një polic


http://www.telegrafi.com/fo/kosove/f.0726152605453_m.jpg


E plotësuar- Burime të Telegrafit konfirmojnë se një pjesëtar i njësisë speciale të Policisë së Kosovës ka humbur jetën si pasojë e shkëmbimit të zjarrit në veri, ndërsa nuk janë dhënë detaje të tjera.
E plotësuar-Telegrafi mëson nga burime jozyrtare se ka pasur përleshje në pikën doganore 31, dhe si pasojë ka të lënduar nga të dy radhët, nga Policia e Kosovës dhe serbët që protestonin, ndërkaq një pjesëtar i ROSU-së është plagosur rëndë.

Ndërkaq, mediat raportojnë se Njësitet ROSU dhe FIT (njësiti për Intervenim të Parë), të cilët ishin nisur për në pikën 31, janë kthyer drejt Mitrovicës, pasi kanë rënë në pritë.

E plotësuar-Burime të Telegrafit bëjnë të ditur se pas tërheqjes së Njësisë Speciale të Policisë së Kosovës, ROSU sërish është nisur në aksion, në drejtim të veriut.

Bëhet e ditur se rreth 30 automjete të Policisë janë nisur drejt pikave doganore, pasi kryetari i Leposaviqit i ka ftuar qytetarët serb që të protestojnë në pikën 1, kundër marrjes së kontrollit nga autoritetet e Kosovës.

Pas tërheqjes, ROSU është nisur nga baza e tyre në Shipol të Mitrovicës për në pikat doganore.

I vetmi informacion që kanë dhënë Njësia Speciale është konfirmimi i aksionit.

E plotësuar- Mediat raportojnë se forcat speciale të policisë kanë qenë cak i gjuajtjes me armë zjarri pak minuta më parë, derisa po tërhiqeshin nga pika kufitare e Bërnjakut, ndërsa mësohet se nuk ka të lënduar nga ky sulm.

Në Mitrovicë para pak çastesh te tre rrokaqiejt ka ndodhur një shpërthim i fuqishëm e ende nuk dihen pasojat e tij.

E plotësuar- Ndërhyrja e Policisë Speciale të Kosovës për të vënë nën kontroll dy pikat kufitare në veri është realizuar.

Megjithatë, siç raporton RTK bazuar në burime brenda KFOR-it, është arritur marrëveshje në mes të kryeministrit Hashim Thaçi dhe negociatorit në bisedime me Kosovën, Borko Stefanovic për tërheqjen e forcave speciale të policisë (RSU) nga postblloku në Jarinje.

Mirëpo, pas tërheqjes së ROSU, në pikat kufitare do të vendoset policia e rregullt e Kosovës, shumica e të cilëve të nacionalitetit serb, sikurse që është premtuar edhe zhbllokimi i rrugës nga protestuesit serbë.

Megjithatë lajmi për tërheqjen e Njësisë Speciale të Policisë nuk është konfirmuar ende zyrtarisht.


Ngushllime Kosove, ngushllime familjes dhe te afermeve te tij :frown:

[Zero Cool]

Aksioni ka përkrahjen e të gjithëve


http://www.telegrafi.com/fo/kosove/f.0726204323164_m.jpg


Aksioni i Policisë së Republikës së Kosovës, sipas vendimit të Qeverisë, për të marrë nën kontroll pikat 1 dhe 31 të vendkalimeve kufitare ndërmjet Republikës së Kosovës dhe Republikës së Serbisë, për të respektuar vendimin për masat e reciprocitetit në këmbimin doganor ndërmjet dy vendeve, është një veprim i qëlluar që ka përkrahjen e plotë të popullit dhe të gjitha subjekteve politike në Kosovë, por edhe përkrahjen ndërkombëtare, sepse është e drejtë sovrane dhe legjitime e shtetit që të ketë kontroll në mbarë territorin e vet- ka deklaruar presidentja e Republikës së Kosovës, Atifete Jahjaga.


“Ne kishim shumë shpresë në procesin e dialogut ndërmjet Republikës së Kosovës dhe Republikës së Serbisë që u zhvillua në Bruksel me ndërmjetësimin e Bashkimit Evropian, që ndihmon qytetarët e të dyja vendeve që të zgjidhen çështjet të cilat që nga viti 1999 me vendim të Serbisë u bënë pengesë për komunikimin e lirë ndërmjet njerëzve dhe për këmbim të mallrave duke u privuar kështu nga të drejtat dhe liritë e elementare. Pasi në raundin e fundit të bisedimeve Serbia u tërhoq pa asnjë shkas duke vënë në rrezik edhe tri marrëveshjet për të cilat dy delegacionet u pajtuan, më nuk kishte asnjë alternativë tjetër përveç që Republika e Kosovës me mjete legale e ligjore të shtrijë autoritetin e pushtetin në tërë territorin, duke luftuar kështu kontrabandën dhe krimin e organizuar, një nga parakushtet për integrim evropian të Republikës së Kosovës”, thuhet në deklaratën e presidentes.

Ajo ka thënë se Republika e Kosovës dhe të gjitha institucionet e saj janë të vendosura që të zbatojnë rendin dhe ligjin në mbarë territorin, që është në të mirën e të gjithë qytetarëve të vendit pa dallim dhe që i kontribuon paqes dhe stabilitetit në rajon dhe më gjerë.

“Dialogu është e vetmja rrugë e normalizimit të marrëdhënieve ndërmjet Republikës së Kosovës dhe Republikës së Serbisë si dy vende sovrane që në rrugën e integrimit në Bashkimin Evropian e kanë të ardhmen e përbashkët. Me këtë rast dua të lavdëroj punën dhe angazhimin e Policisë së Kosovës në veprimet shumë profesionale në zbatimin e kushtetutshmërisë dhe ligjshmërisë në vend. Në bisedën e mbrëmshme dhe në takimin e sotëm me kryeministrin e Kosovës i shpreha përkrahjen institucionale për këtë veprim të domosdoshëm në funksionim të shtetit”, thuhet më tej në deklaratë

[Zero Cool]

ICO mbështet aksionin e Qeverisë në veri


http://www.telegrafi.com/fo/kosove/f.0726174829979_m.jpg


Mbikëqyrësi i pavarësisë së vendit, Zyra Civile Ndërkombëtare, nëpërmjet zëdhënësit, Andy Mecguffy ka thënë se sikur çdo vend sovran, Qeveria ka të drejtë të ndërmarrë hapa për të siguruar administrim adekuat, përfshirë këtu kontrollin e kufirit dhe të doganave.

ICO ka deklaruar se inkurajon Qeverinë që përpjekjet e veta për të vendosur kontroll në tërë territorin e saj t’i përcjellë me përpjekje për t’i siguruar dhe mbështetur qytetarët e saj në veri të vendit.
/RTK/

[Zero Cool]

S’mund të tolerojmë përjetësisht të cenohet sovraniteti


http://www.telegrafi.com/fo/kosove/f.0726210259589_m.jpg


Kryeministri i Kosovës ka nënvizuar se aksioni i policisë në veri të vendit për të rivendosur kontrollin në pikat kufitare, në asnjë mënyrë nuk duhet kuptuar si veprim i nxitur dhe me qëllim provokues. Sipas tij, qëllimi vetëm ka qenë vendosja e rendit dhe ligjit në tërë territorin e Kosovës.

"Vendimi i mbrëmshëm ka qenë jo i lehtë, por i drejtë dhe i domosdoshëm, në fund të fundit si kryeministër kam përgjegjësi morale dhe ligjore të marr vendime të rënda, por është e rëndësishme të jenë vendime të drejta. S’mund të jemi indiferent dhe përjetësisht të tolerojmë që sovraniteti ynë të cenohet, që një pjesë e atdheut të përdoret si kontrabandë", citon Radio Evropa e Lirë fjalët e kryeministrit.

Thaçi ka ftuar qytetarët e Kosovës për mirëkuptim, qetësi dhe gjakftohtësi, kurse Beogradit i ka bërë thirrje që të evropianizojë qasjen në raport edhe me shtetin e Kosovës, duke thënë se bashkëpunimi është në interes të të dyja shteteve.

[Zero Cool]

DASH: Përmes dialogut të krijohen kushte pozitive


http://www.telegrafi.com/fo/kosove/f.0726213739681_m.jpg


Shtetet e Bashkuara ndjejnë keqardhje që veprimi i Qeverisë së Kosovës për të marrë kontrollin e pikëkalimeve kufitare në veri të Kosovës, nuk ka qenë në koordinim me komunitetin ndërkombëtar.


“Ne u bëjmë thirrje qeverive të Kosovës dhe Serbisë që të vazhdojnë të punojnë urgjentisht drejt një de-eskalimi të situatës së tanishme. SHBA-të i përshëndesin fuqishëm veprimet e KFOR-it për ta de-eskaluar situatën dhe që punuan drejt krijimit të një ambienti të qetë dhe të sigurt, dhe ne do të vazhdojmë ta mbështesim KFOR-in dhe aktorët tjerë ndërkombëtarë në këtë detyrë”, thuhet në deklaratën zyrtare të Departamentit amerikan të Shtetit, ndërsa raporton Zëri.

Më tej thuhet se lëvizja e lirë e mallrave në mes të Serbisë dhe Kosovës duhet të adresohet në dialogun e lehtësuar nga Bashkimi Evropian.

“Veprimet e njëanshme nga të dyja palët – vendosjen e njëanshme të embargos nga ana e Serbisë ndaj mallrave të Kosovës në vitin 2008, si dhe vendimi i fundit i Kosovës për masa reciprociteti pasi të dyja palët dështuan të arrijnë marrëveshje mbi normalizimin e doganave– kanë rezultuar në këtë rrugë qorre. Ne kemi besim në menaxhmentin e BE-së të përfshirë në dialog dhe kërkojmë nga të dyja palët të kthehen në tavolinën e negociatave menjëherë. Ne presim që Kosova dhe Serbia, përmes dialogut, të krijojnë kushte pozitive dhe reciproke që mundësojnë lëvizjen e lirë, si për njerëzit ashtu edhe për mallrat në mes të Kosovës dhe Serbisë”.

SHBA-të u bëjnë thirrje të gjitha palëve të përmbahen nga përdorimi i dhunës.

[Guri i madh]

ngushtllime familjes ndjerit i leht i qoft dheu i kosoves


shteit te KOSOVES ju shtue edhe nji deshmor

po kam frik se ky akcion esht ber per qellime politike per nji status special per 5 komunat serrbe ne veri


te pakten kshtu po flitet nga disa analist politik

[Zero Cool]

http://a5.sphotos.ak.fbcdn.net/hphotos-ak-ash4/268761_2300786441824_1314063634_2769843_2479266_n. jpg

ROSU Krenaria e Kombit.


http://a7.sphotos.ak.fbcdn.net/hphotos-ak-snc6/251538_2300817242594_1314063634_2769863_2994197_n. jpg

[Guri i madh]

ngushtllime familjes ndjerit i leht i qoft dheu i kosoves


shteit te KOSOVES ju shtue edhe nji deshmor

po kam frik se ky akcion esht ber per qellime politike per nji status special per 5 komunat serrbe ne veri


te pakten kshtu po flitet nga disa analist politik


polici i vrar esht nga fshati DUBOFC komuna e VUSHTRRIS


NGUSHTLLIME FAMILJES E FARE FISIT TE NDJERIT

[Arb]

Ngushellime familjes se te ndjerit!

Ngushellime edhe kolegeve te tij!

[uck_aksh]

Prishtinë, 26.07.2011(23.00) Nga QKUK-ja u bë e ditur, se megjithë përpjekjet e mëdha që u bën për t’ia shpëtuar jetën, nga plagët e marra në veri të Kosovës, ka vdekur pjesëtari i Policisë së Kosovës, Enver Zymberi (1979), baba i tre fëmijëve, nga Dubovci i Vushtrrisë


ngushllime familjes farefisit kolegeve edhe mbar popullit Shqiptar

[Zero Cool]

http://a1.sphotos.ak.fbcdn.net/hphotos-ak-ash4/282484_193066747421712_122448627816858_561126_1522 086_n.jpg


Enver Zymberit, Heroit të Sovranitetit Dardan

Ngushllime familjes, te afermeve te tij dhe te gjithe atyre qe ndjejne dhembje.

[Zero Cool]

ROSU është tërhequr nga veriu


http://www.telegrafi.com/fo/kosove/f.0727103955326_m.jpg


Njësitet speciale të Policisë së Kosovës ,“ROSU” kanë përmbushur detyrat e tyre dhe janë tërhequr nga veriu i Kosovës, bëjnë të ditur Zyrtarët e Policisë së Kosovës.

Zëdhënësi i kësaj policie, Brahim Sadriu, i ka thënë Radios Evropa e lirë, se në vendkalimet kufitare tashmë janë njësitet kufitare të policisë së Kosovës dhe doganierët.

“Mund të them se njësitet speciale e kanë kryer detyrën e tyre, për të cilën ishin ngarkuar. Kanë shkuar në vendkalimet kufitare, e kanë vënë situatën nën kontroll dhe ua kanë mundësuar që ta kryejnë detyrën e tyre njësive kufitare dhe doganave të Kosovës”, ka thënë Sadriu.

Ai gjithashtu ka theksuar se gjatë natës, por edhe tash, situata e sigurisë në veri është e qetë.

[Neferta]

Presidentja Jahjaga dekoron Enver Zymberin me urdhrin "Hero i Kosovës"

Prishtinë, 27 korrik 2011 - Presidentja e Republikës, zonja Atifete Jahjaga, ka marrë sot vendim që Enver Zymberi, polic i njësisë speciale të Policisë së Kosovës, i vrarë në krye të detyrës, të dekorohet me urdhrin "Hero i Kosovës", me motivacion "për trimërinë dhe përkushtimin e treguar deri në flijim për vendosjen e sundimit të ligjit në tërë territorin e Republikës së Kosovës". Vendimi u mor në bazë të Kushtetutës së Republikës së Kosovës, neni 84, pika 28, si dhe në bazë të Rregullores për Dekoratat, Urdhrat dhe Titujt e Nderit të Kosovës, që i jep Presidentja e Kosovës dhe Procedurat e Dhënies së tyre, nenet 3 dhe 5. Urdhri "Hero i Kosovës" u jepet qytetarëve të Republikës së Kosovës dhe të huaj, të kohëve moderne, nga Lidhja e Prizrenit e këndej, që kanë bërë vepra trimërie për lirinë dhe pavarësinë e Kosovës. Varrimi i policit Enver Zymberi do të bëhet me të gjitha ceremonitë dhe nderimet që janë të parapara për Heroin e Kosovës. Presidentja Jahjaga medaljen do t'ia dorëzojë familjes Zymberi në një ceremoni të veçantë.

[Zero Cool]

Sot, në orën 17:00 varroset polici Enver Zymberi


http://www.lajmeshqip.com/wp-content/themes/lajmeshqip/images/cache/fit111311769475_thumb_baza1325_225.jpg



Prishtinë – Sot, prej orës 12:00 janë mbajtur homazhe për policin e rënë në detyrë, Enver Zymberi. Homazhet janë organizuar në hapësirat e Shtabit të Policisë së Kosovës, në Prishtinë.
Ndërkaq, në orën 17:00 do të bëhet varrimi i tij në fshatin Dubovc të Vushtrisë.
Pjesëtari i Njësisë Speciale të Policisë së Kosovës, Enver Zymberi (1979), ra në krye të detyrës në operacionin e Qeverisë së Kosovës për marrjen e pikave kufitare 1 dhe 31 në veri të vendit. Ai ishte baba i tre fëmijëve dhe pjesëtar i policisë së Kosovës që nga viti 2000.

[Zero Cool]

ROSU është tërhequr nga veriu


http://www.telegrafi.com/fo/kosove/f.0727104415827_m.jpg


Ministri i Punëve të Brendshëm, Bajram Rexhepi ka konfirmuar se është arritur marrëveshja me KFOR-in për tërheqjen e njësive speciale nga pika 1 dhe 31 në veri. Ai ka thënë për KTV-në se njësia speciale tashmë ka kryer misionin e saj.


“Njësia speciale ka kryer misionin e vet, misioni i tyre ka qenë kthimi i ligjshmërisë në pikën 1 dhe 31”, ka thënë Rexhepi i cili ka shtuar se tashmë në pikat kufitare në veri do të vendosen policia e përbërë nga serbë dhe shqiptarë po ashtu edhe nga doganierët serb dhe shqiptar.

Edhe zyrtarë policor shprehen se Njësitet speciale të Policisë së Kosovës ,“ROSU” kanë përmbushur detyrat e tyre dhe janë tërhequr nga veriu i Kosovës, bëjnë të ditur Zyrtarët e Policisë së Kosovës.

Ai ka konfirmuar se policia dhe doganierët do të asistohen nga KFOR-i, nga se sipas tij, ky mision është përgjegjës për sigurinë në vend. Ministri i Brendshëm ka njoftuar se fillimisht policia dhe doganierët do të dërgohen në pikat kufitare me helikopter derisa të përmirësohet gjendja në veri.

Po ashtu ai ka thënë se është dhënë një ide që policët dhe doganierët të punojnë me orar të zgjatur nga 12 në 24 orë. Ndërsa televizioni serb raporton se rrugët në Leposaviq dhe Zubin Potok vazhdojnë të jenë të bllokuara.

Zëdhënësi i kësaj policie, Brahim Sadriu, i ka thënë Radios Evropa e lirë, se në vendkalimet kufitare tashmë janë njësitet kufitare të policisë së Kosovës dhe doganierët.

“Mund të them se njësitet speciale e kanë kryer detyrën e tyre, për të cilën ishin ngarkuar. Kanë shkuar në vendkalimet kufitare, e kanë vënë situatën nën kontroll dhe ua kanë mundësuar që ta kryejnë detyrën e tyre njësive kufitare dhe doganave të Kosovës”, ka thënë Sadriu.

Ai gjithashtu ka theksuar se gjatë natës, por edhe tash, situata e sigurisë në veri është e qetë.

[Zero Cool]

Qeveria, 25 mijë euro për familjen e policit të vrarë


http://www.telegrafi.com/fo/kosove/f.0727161026334_m.jpg


Qeveria e Kosovës ka ndarë të mërkurën 25 mijë euro ndihmë për familjen e policit Enver Zymberi të vrarë në aksionin e policisë për të vendosur rendin në veri, ndërsa ka paralajmëruar se do të rregulloj me ligj çështjen e policëve të rënë në detyrë.


Qeveria e Kosovës në mbledhjen e sotme ka ndarë 25 mijë euro si ndihmë për familjen e policitë të vrarë në aksionin e Policisë së Kosovës për të vendosur rendin në veri, ndërsa ka paralajmëruar se një herë e mirë do të rregulloj me ligj çështja e policëve të rënë në detyrë.

Kryeministri, Hashim Thaçi duke i shpreh ngushëllime familjes së policit të vrarë ka njoftuar se me propozimin e Qeverisë sot Presidentja e Kosovës ka nderuar pjesëtarin e Njësisë speciale të Policisë së Kosovës, Enver Zymberi me titullin “Hero i Kosovës”.

“Ia kemi borxh Enverit, e mbi të gjitha fëmijëve të tij, dhe gjithë Kosovës që sovranitetin e Kosovës, kufijtë e saj t’i ruajmë dhe t’i mbrojmë përgjithmonë. Heroi Zymberi ka rënë në mbrojtje të Kushtetutës, ligjeve, integritetit dhe tërësisë territoriale të vendit”, tha Thaçi.

Kryeministri ka bërë të ditur se ka biseduar me ministrin e Brendshëm, që në një të ardhme të afërt të rregullohet me ligj çështja e të gjithë policëve të rënë në detyrë, që familjet e tyre të ketë pensionet dhe kjo çështje të rregullohet njëherë e përgjithmonë me ligj.

[Zero Cool]

PNDSH: Pika 1 tё emërohet “Enver Zymberi”


http://www.lajmeshqip.com/wp-content/themes/lajmeshqip/images/cache/polici1311955539_thumb_baza1325_225.jpg



Prishtinë – Partia Nacionale Demokratike Shqiptare propozon qё pika kufitare e Kosovës në Jarinë, ku ndodhën trazirat e fundit për shtrirjen e sovranitetit dhe funksionimin e ligjit në tërë territorin e Kosovës, tё emërohet pika kufitare “Enver Zymberi”.
PDSH, përmes një komunikate për media, konsideron se me këtë emërim, i bëhet mirënjohje dhe vlerësim flijimit kuptimplotë të policit Enver Zymberi, i cili me të drejtë nga Presidenca e Kosovës u shpall “Hero i Kosovës”.
“Duke i vënë emrin Enver Zymberi kësaj pike kufitare, ne konsiderojmë se jo vetëm që do ta respektojmë heroin dhe flijimin e tij, por do ta mbajmë pandalshëm, dhe në vendin më të mirë të mundshëm, gjallë dhe aktive përjetësisht porosinë që del nga ky flijim, e cila është ruajtja me çdo kusht e çdo pëllëmbe të tokës së Kosovës, ruajtja e integritetit dhe sovranitetit të saj, paqes dhe prosperitetit të Kosovës”, thuhet në komunikatën e PNDSH-së, duke shpresuar se propozimi i tyre do të merret seriozisht nga institucionet përkatëse.

[Zero Cool]

RRËFIMI I DY PJESËTARËVE TË NJËSISË SPECIALE TË KOSOVËS


Njëri në mbrojtje të Jarinjës, tjetri të Bërnjakut, të panjohur për njëri-tjetrin, ndihen të privilegjuar që kanë qenë pjesë e një aksioni vendimtar për shtetin. Përveç uniformës, ata i lidh edhe kauza e përbashkët: mbrojtja e kufijve të Republikës së Kosovës....


Të prekur thellë në shpirt për humbjen e kolegut të tyre Enver Zymberi, por krenarë që kanë qenë pjesë e operacionit policor për vendosjen e ligjshmërisë dhe zbatimin e reciprocitetit edhe në pikat kufitare në Bërnjak e Jarinjë, dy pjesëtarë të njësive elite të Policisë së Kosovës, tregojnë në detaje për ndërhyrjen në pjesën veriore.
Ata në kushte anonimiteti kanë ndarë me lexuesit e “Epokës së re” çastet më emocionuese dhe sfiduese të kësaj ndërhyrje.

Njëri në mbrojtje të Jarinjës, tjetri të Bërnjakut, të panjohur për njëri-tjetrin, ndihen të privilegjuar që kanë qenë pjesë e një aksioni vendimtar për shtetin. Përveç uniformës, ata i lidh edhe kauza e përbashkët: mbrojtja e kufijve të Republikës së Kosovës.

Nisja për në veri

Ka mjaftuar një telefonatë, që secili prej pjesëtarëve të elitës së policisë ta veshë uniformën blu dhe të niset për në detyrë, pa ditur saktësisht se për çfarë plani operacional po bëhet fjalë. “Më 25 korrik rreth orës 20:00 nga Drejtoria e Përgjithshme e Policisë së Kosovës është dhënë urdhri për përgatitjen e njësive speciale”, tregon polici i parë.

Ai thotë se përshtypja e parë e policëve ka qenë se po bëhet fjalë vetëm për ndonjë ushtrim. “Fillimisht kemi menduar se është vetëm një ushtrim për ta matur kohën e reagimit dhe për ta testuar gatishmërinë tonë. Ne bëjmë shpesh ushtrime të tilla dhe përshtypja jonë ka qenë se është thjesht një ushtrim i radhës”, tregon ai.

Pas këtij urdhri ai kujton se rreth orës 21 e 30 kanë arritur në bazën e Mitrovicës, ku është mbajtur një takim informues nga eprorët më të lartë të Drejtorisë së Përgjithshme të Policisë së Kosovës. “Kur na thanë të pajisemi me të gjitha mjetet, blindat, helmetat armët e gjata dhe të gjitha pajisjet e tjera, për një aksion me rrezikshmëri të lartë, kuptuam se kemi të bëjmë me një operacion shumë të rëndësishëm.

Por, na njoftuan vetë pas pak. Urdhri ka qenë se duhet të shkojmë ta zbatojmë vendimin e Qeverisë për vendosjen e ligjshmërisë në pikat kufitare 1 dhe 31 dhe zbatimin e masave të reciprocitetit”, tregon ai. Më pas, ai thotë se çdonjëri prej policëve me vendosmëri të lartë është bërë gati për nisjen e aksionit. “Eprorët tanë na kanë pyetur se a jemi të gatshëm të shkojmë për aksion, mos jemi ndonjëri sëmurë apo ka ndonjë hezitim për veprim operativ, por askush nuk kundërshtoi. Përkundrazi, te të gjithë vëreheshin kënaqësia dhe gatishmëria për veprim të menjëhershëm”, tregon polici, duke shtuar se ka qenë edhe vetë i ngazëllyer me reagimin e kolegëve.

Ai tregon se janë ndarë në dy grupe, njëri për Jarinjë e tjetri për Bërnjak. “Jemi ndarë në dy grupe, i kemi ndarë detyrat në detaje dhe rreth orës 21 e 45 minuta jemi nisur për në pika. Të gjithë policët kanë treguar gatishmëri për veprim operativ. Gatishmëria e tyre ka qenë 100 për qind. Ne e kemi përgatitur planin që është mbajtur konfident, kemi llogaritur që gjithçka të shkojë mirë dhe të mos kemi humbje”, thotë ai. Por, sipas tij, situata në terren fatkeqësisht ka qenë tjetër.

Ai thotë se motiv të madh elitës së PK-së i ka dhënë qëndrimi i strukturave të larta si nga policia ashtu edhe ato politike nga ministria. “Na ka dhënë edhe më shumë forcë e motivim kur e kemi ditur se pas i kemi kryeministrin Thaçi, ministrin e Brendshëm Rexhepi dhe gjitha strukturat më të larta policore e shtetërore”, rrëfen ai.

Pengesat e para

Pas nisjes ai tregon se shumë shpesh gjatë rrugës kanë takuar qytetarë serbë të mbledhur në grupe, të cilët kanë dashur t’i pengojnë për të arritur te caku. “Gjatë gjithë rrugës kemi takuar qytetarë serbë me vetura me targa serbe, por nuk jemi marrë me ta, e rëndësishme për ne ka qenë arritja e objektivit: vendosja e ligjshmërisë në pikat kufitare”, shprehet ai. Pengesa më e madhe në rrugëtimin e tyre drejt pikës doganore, ai tregon se ka qenë në hyrje në Leposaviq.

“Deri në Leposaviq kemi pasur pengesa të shumta, kurse ajo në hyrje të Leposaviqit ka qenë më e madhja. Për dhjetë deri në pesëmbëdhjetë minuta aty janë grumbulluar rreth 1 mijë qytetarë të cilët qëndronin rreth 30 metra larg nesh”, kujton ai. Nga kjo pozitë policët e Kosovës kanë parë se dritaret e shtëpive serbe përballë rrugës kanë qenë të hapura dhe pranë tyre ka pasur njerëz të armatosur, edhe me snajperë.

“Kur e kemi parë këtë situatë, eprorët tanë në vendngjarje kanë kërkuar sugjerime nga dhoma operative. Pas konsultimit, na është thënë të mos kthehemi mbrapa”, shprehet polici. Serbët, në numër shumë të madh, tregon ai, e kishin bllokuar rrugën me bagerë, kamionë, drunj dhe mjete të tjera të forta. “Fatkeqësisht, ne nuk kemi pasur mjete t’i largojmë këto pengesa. Eprorët kanë biseduar me një prijës të serbëve që nuk dëshironin që ne të shkonim te pika. Problemi tjetër ka qenë se serbët, përveçse të dehur, të cilët kundërmonin alkool, kanë qenë edhe të armatosur”, thotë ai.

Të gjendur në këtë situatë shumë të rëndë dhe të tendosur, që çdo çast ka mundur të shpërthejë, policia ka kërkuar ndihmën e KFOR-it për zhbllokimin e rrugës, së cilës thirrje fillimisht nuk i është përgjigjur. “Kemi qenë në një situatë që nuk mund të ecej përpara. Nga eprorët tanë është kërkuar ndihmë nga KFOR-i që ta largonte bllokadën, por nuk ka ardhur. Kemi mbetur të bllokuar mes Levosaviqit e Rudarit për orë të tëra”, tregon ai.

Derisa policët e Kosovës ishin të rrethuar nga dy anët nga Rudari dhe Leposaviqi, në lokacionin tonë rreth orës 03:00 të natës ka arritur komandanti i KFOR-it, Erhard Buhler, i cili ka biseduar me serbët. “Gjatë kësaj kohe ka pasur bisedime në mes të serbëve të përfaqësuar nga Stefanoviq dhe Bogdanoviq dhe komandantit të KFOR-it, gjeneralit Buhler dhe udhëheqësit të njësive speciale të PK-së”, tregon ai.

Polici thotë se ka pasur kërkesa të tërhiqen, por kryeministri nuk është pajtuar me këtë. “Më vonë, pas një takimi në mes të kryeministrit Thaçi dhe gjeneralit Buhler në një vend në Mitrovicë, të cilët kishin arritur një marrëveshje, që në pikat doganore të dërgoheshin, me ndihmën e KFOR-it, doganierët dhe policia e rendit kufitar, në orët e para të mëngjesit të së mërkurës na është dhënë urdhri që të tërhiqemi”, ka vazhduar tregimin polici.

Por as rruga e kthimit për ta nuk ka qenë e lehtë, pasi në kthim prej Leposaviqit deri në Rudare ishin ballafaquar prapë me ekstremistë serbë.

“Kur kemi arritur në Rudare jemi ndeshur me shumë serbë të revoltuar. Nuk kemi dashur të përdorim forcë për të kaluar në Mitrovicë, por kemi vendosur të përdorim rrugë alternative. Kemi mundur të ndërhyjmë, por pasojat do të ishin shumë të rënda. Kishim forcë ta çanim bllokadën, por nuk ishte në interesin tonë të vritej askush”, thotë ai.

Dhe për ta evituar më të keqen, policia në këtë rast ka përdorur rrugë alternative. “Kemi shfrytëzuar një rrugë malore dhe kemi arritur në Mitrovicë në Drejtorinë Rajonale të PK-së”, tregon ai.

Luftuam ballë për ballë me serbët

Pjesëtari tjetër i Njësisë Speciale të Kosovës ka rrëfyer se si një grup i tyre është sulmuar rrugës për në pikën doganore 31, ku ka rënë polici Enver Zyberi. “Me një grup jemi nisur për të shkuar në pikën 31 për ta ndërruar grupin tjetër, por rrugës kemi hasur në një pritë të organizuar mirë nga ana e serbëve. Rruga ka qenë e bllokuar, kurse nga të dyja anët anësore të rrugës jemi sulmuar. Në atë rast edhe ne jemi kundërpërgjigjur me zjarr për ta mbrojtur veten.

Të gjithë kemi treguar profesionalizëm të lartë, kemi luftuar në afërsi të afërt me serbët e armatosur, nga të cilët dyshohet se ka edhe të vrarë, por fatkeqësisht kemi humbur edhe kolegun tonë Enver Zymberi. Enveri, i cili ndodhej në një automjet të policisë jo të blinduar, është qëlluar nga një snajperist”, tregon ai.

Në bazë të mënyrës se si janë sulmuar dhe armëve që janë përdorur nga bandat e organizuara kriminale , dyshohet se pjesë e serbëve të organizuar kanë qenë edhe njerëz të MUP-it.

Ai në vazhdim thotë se, pasi e kanë njoftuar bazën për gjendjen, kanë marrë një urdhër tjetër për t’u tërhequr nga aty. “Na erdhi urdhri nga baza, se duhet të tërhiqemi dhe u tërhoqëm, edhe pse ishim të përgatitur edhe për situata edhe më të rënda. U tërhoqëm për faktin se objektivi ynë ishte arritur: në pikat kufitare ishin kolegët tanë dhe doganierët e Kosovës”, ka thënë polici.

Përderisa tregon se edhe në terren EULEX-i nuk i ka përkrahur në operacionin e tyre për marrjen e të dy pikave doganore, ai lavdëron KFOR-in për rolin pozitiv që ka luajtur në këtë rast. “Veprimi i KFOR-it është për t’u lavdëruar”, thotë ai.

Dhe si çdo situatë që nxjerr në dritë anët pozitive dhe negative, edhe në këtë rast të dy policët tregojnë se është vërejtur se Njësisë Speciale të Kosovës i nevojiten më shumë mjete të blinduara dhe më shumë armë të gjata e moderne.

Dhimbje dhe krenari për kolegun Enver Zymberi

Pikat u morën pas 12 vjetësh nën kontroll nga shteti i Kosovës, por policia mbeti pa njërin prej djemve më të mirë të saj, Enver Zymberi. Pos krenarisë, të dy policët i bashkon dhimbja për kolegun e vrarë, tashmë i shpallur edhe hero. “Ndiejmë dhimbje për kolegun e vrarë në detyrë, Enver Zymberi, por edhe krenarë për shëmbëlltyrën e tij. Familjes së Enverit i shprehim ngushëllime më të thella. Dhimbjen për Enverin e kemi kthyer në krenari dhe objektivin e tij do ta realizojmë në tërësi në praktikë”, sikur betohet njëri nga policët.

Ata nuk i zmbraps humbja e kolegut, madje shprehen të gatshëm që në çdo çast të jenë aty ku i kërkon Kosova, transmeton Telegrafi.