Dita e tmerrit

[Neferta]

9/11http://www.patrioticon.org/images/flag3-1.gif http://www.patrioticon.org/images/flag3-1.gif http://www.patrioticon.org/images/flag3-1.gif

http://www.patrioticon.org/images/flag2-1.gif http://www.patrioticon.org/images/flag2-1.gif http://www.patrioticon.org/images/flag2-1.gif http://www.patrioticon.org/images/flag2-1.gif









http://image.shutterstock.com/display_pic_with_logo/122782/122782,1269131226,52/stock-photo-world-trade-center-ground-zero-site-graffiti-49590829.jpg (http://www.shutterstock.com/subscribe.mhtml)

[e-uritura]

0UjsXo9l6I8

[valiii]

Eshte gjest human te perkujtohen viktimat perderisa kjo nuk behet me ndonje prapavije... Te gjithe ata qe kane vdeke asnjoni s'ka honger bari, te gjithve ju dhimbesen, thjeshte ishin viktima te nje konspiracioni amatoresk te cias... Edhe une i perkujtoje sidomos ata 3 shqiptaret... Sa here me kujtohen keta shqiptar nuk ban vaki pa mshku mendja se qysh u ba mos me vdeke asnje çifut, bash asnjani nuk qelloje ne pune ate dite?
Si e "parashikoje" windowsi sulmin sulmin e kullave ne vet themelimin e saj? Po edhe disa filma hollivudian shume vjet para tragjedise jepnin imazhe te kullave te renuara, disa filma tjere mesazhe subkoshiente? Po 20 dollarshi si e parashikoje? A krejt kjo eshte rastesi... A s'po shihni a s'po doni me pa?

[uck_aksh]

dhimbje per viktimat e kjo qka ka ndodh esht e tera politik si mundet te hysh me thika ne ajroport e si mund te hysh ne kabinen e pilotit

[Hajra]

.......me vie shume keq per te gjitha viktimat duke fillu prej atyre ne aeroplan e te ato ne ndertesa e deri sot qe vazhdoin te vdesin ne luftera te ndryshme, me te njeitin skenar.

...ketu shtrohet pytja, si eshte e mundur te godasesh ndertesen kur dihet qe gjdo aeroplan dirigjohet nga toka dhe se ata qe e humbin kontaktin me token zakonish rrezohen dikund, hmm..

[Neferta]

.......me vie shume keq per te gjitha viktimat duke fillu prej atyre ne aeroplan e te ato ne ndertesa e deri sot qe vazhdoin te vdesin ne luftera te ndryshme, me te njeitin skenar.

...ketu shtrohet pytja, si eshte e mundur te godasesh ndertesen kur dihet qe gjdo aeroplan dirigjohet nga toka dhe se ata qe e humbin kontaktin me token zakonish rrezohen dikund, hmm..
Udhzimet i mer piloti nga sistemi i navigacionit toksore por pilotimin e bene vet ne menyre manuale duke e drejtuar vet dhe ne menyre automatike duke i futur te dhenat ne sistyemin e aeroplanit.
Dihet mirfilli se terroristet kan qene te ushtruar dhe kan kryer kurse pilotimi per aeroplan civi dhe nuk kan qen te armatosur, sikur se mendojn shumica, sepse ne hyrje detektoret i zbulojne mjetet dhe me te vogla metalike. Per rrembimin e aeroplanve kan perdorur thika te mases plastike gje qe ka qene e pa parashiquar per sigurimin.

[Shpati]

9/11http://www.patrioticon.org/images/flag3-1.gif http://www.patrioticon.org/images/flag3-1.gif http://www.patrioticon.org/images/flag3-1.gif

http://www.patrioticon.org/images/flag2-1.gif http://www.patrioticon.org/images/flag2-1.gif http://www.patrioticon.org/images/flag2-1.gif http://www.patrioticon.org/images/flag2-1.gif









http://image.shutterstock.com/display_pic_with_logo/122782/122782,1269131226,52/stock-photo-world-trade-center-ground-zero-site-graffiti-49590829.jpg (http://www.shutterstock.com/subscribe.mhtml)



Titulli i Temes esht palidhje.
Ne Bote ka pasur dit ku kan vdek edhe 50 her me shume Njerz kur esht hedh Bomba Atomike ne Hiroshim ose 100 her kur ka pasur Tsunami /Termet .
Por !
Amerikanet me propaganden e tyre po perpiqen vdekjen e 3000 personave ta fusin ne Kokat e Njerezve si Dite te Tmershme por Popujt tejer kan perjetuar edhe dite me te Tmerreshme se kjo Dit...
Ket Date po e perdorin Amerikanet dhe Katoliket si pretekst qe te shkaktojn qdo Dite te Tmerrshme te Muslimanet.

[Hajra]

Titulli i Temes esht palidhje.
Ne Bote ka pasur dit ku kan vdek edhe 50 her me shume Njerz kur esht hedh Bomba Atomike ne Hiroshim ose 100 her kur ka pasur Tsunami /Termet .
Por !
Amerikanet me propaganden e tyre po perpiqen vdekjen e 3000 personave ta fusin ne Kokat e Njerezve si Dite te Tmershme por Popujt tejer kan perjetuar edhe dite me te Tmerreshme se kjo Dit...
Ket Date po e perdorin Amerikanet dhe Katoliket si pretekst qe te shkaktojn qdo Dite te Tmerrshme te Muslimanet.


...ne fakt ketu fillon golgota e ketij shekulli, sepse shume luftera u zhvilluan me pretekst hakmarrje per kete dite, dhe keto luftera ende nuk kane mbarim. Mendoi qe ky eshte emer shume i qelluar per kete dite sepse u vrane qindra e mijera njerez ne emer te kesaj dite dhe ende vazhdoin te vriten, prandaj

[Zero Cool]

7KdUjZ1Reb8&feature=related

[Zero Cool]

Shoku dhe tmerri vazhdojnë të mbeten


Më 11 shtator 2001, pra para 10 vitesh, nga sulmet e koordinuara nga rrjeti terrorist al-Kaida, kundër Shteteve të Bashkuara, janë vrarë afro 3 mijë persona.


http://www.ekonomisti.net/fotot/25560/main_shba.jpg



10 shtator 2011
Sulmi më vdekjeprurës i jashtëm në tokën e Shteteve të Bashkuara në historinë e këtij vendi, ka shkaktuar dy luftëra dhe ka ndryshuar pothuajse çdo gjë: prej fluturimeve komerciale me aeroplanë, e deri te mbledhja qeveritare e informatave të inteligjencës.

Këto sulme kanë pasur ndikim të rëndësishëm si në skenën kombëtare ashtu edhe në atë ndërkombëtare. Për amerikanët, sulmi më i madh i jashtëm në tokën e tyre në histori, u shndërrua në thirrje për armë. Për pjesën tjetër të botës, pamja e shkatërrimeve më 11 shtator, në vendin më të fortë në botë, tregon se asnjë shtet nuk ishte i sigurt nga terrorizmi.

Por, për farefisin dhe miqtë e afro 3 mijë viktimave, tragjedia ishte thellësisht ndjenjë personale. Në këtë kuadër, megjithëqë kanë kaluar 10 vite nga kjo ditë e tmerrshme, ende nuk janë shuar plagët e dhembjes tek ata që i humbën më të dashurit e tyre.

Më 11 shtator 2001, 36 vjeçari Kenet Zelman punonte për kompaninë e sigurimeve Marsh&McLennan, që i kishte zyret në Kullën Veriore të Qendrës Botërore të Tregtisë në Nju Jork.

Kjo kullë u godit nga aeroplani i rrëmbyer në orën 8:36 minuta në katet 93 e deri në atë 99. Në katin e 99-të, Kenet Zelman ishte njëri nga 358 njerëzit të kësaj kompanie, që humbën jetën.

Vëllai i tij, Beri Zelman, tash 10 vite më vonë, thotë:

“Ai ishte vëllai i vetëm i imi. Ishte shumë i afërt me mua. Nuk mund të mendoj për diçka tjetër, që do të ishte më e keqe në jetën time se kjo që ka ndodhur”, tha Beri Zelman, i cili gjatë dekadës së fundit, pjesën më të madhe të kohës e ka shpenzuar duke kërkuar shpjegim se si kishin ndodhur sulmet.

Ai, menjëherë pas sulmeve, krijoi lidhje të forta me familjet e viktimave të tjetra të 11 shtatorit, të cilët sipas tij, ishin në “kërkim të fakteve se çka saktësisht kishte ndodhur atë ditë dhe përse Shtetet e Bashkuara ishin aq të ndjeshme”.

Beri Zelman thotë se ende kërkon që “të mësojë diçka për protokolet para dhe pas 11 shtatorit”.

Por, këto përpjekje janë të vështira, edhe për faktin se mijëra dokumente të ndërlidhura me sulmet ende konsiderohen sekrete nga qeveria amerikane. Ai nuk e kupton se përse administrata Bush i kishte bërë këto dokumente sekrete.

“Nuk e di realitetin e asaj se përse u bënë sekrete gjërat që nuk do të duhej të ishin të fshehta, përse ato nuk ishin transparente lidhur me faktet që e rrethonin 11 shtatorin. Ka shumë gjëra për të cilat ne ende nuk kemi përgjigje. Përse nuk kishte intervenim ushtarak, kur katër aeroplanë shkonin në drejtim të gabuar? Ne kurrë nuk kemi pasur përgjigje të kënaqshme”, thotë Beri Zelman.

Alison Krouther thotë se ajo tash e kupton më tepër se çka ka ndodhur atë ditë, por për këtë asaj i janë dashur vite të tëra.

Djali i saj 24 vjeçar, Uelles Krouther, punonte për kompaninë Sandler O’Nieill&Partners në Kullën Jugore të Qendrës Botërore të Tregtisë, më 11 shtator 2001.
“Kur së pari ndodhi, natyrisht, ne ishim në një shok të tmerrshëm dhe ne vetëm e dinim se ne realisht nuk e kuptonim se çka kishte ndodhur dhe se çka po zhvillohej. Kjo ditë do të mbetet gjithmonë në mendjen time. Bashkëshorti dhe unë – dhe besoj të gjithë njerëzit e prekur – e bartim këtë ditë thellë në zemrat tona për çdo ditë. Humbja e jetëve ishte e tmerrshme. Ata të gjithë ishin njerëz aq të mirë dhe ishin nga e gjithë bota. Të gjithë ata u vranë. Kjo kurrë nuk do të largohet nga ne”, tha Alison Krouther.

Djali i saj Uelles, që në moshën 16 vjeçare ishte stërvitur për zjarrfikje. Pasi aeroplani e kishte goditur Kullën Jugore, ai i kishte ndihmuar njerëzit e tjerë, që të shpëtojnë, por nuk e kishte mbrojtur jetën e vet.

Ling Jung, njëra prej grave që ai e kishte shpëtuar, tha se Uelles Krouther ishte “rojtari i saj engjëll”. Gruaja tjetër që ishte shpëtuar nga Uelles Krouther, Xhudi Uejn, tha se ai ishte “një hero i jashtëzakonshëm”.

Djali i zonjës Alise Hoaglund, po ashtu, ishte përpjekur për t’i ndihmuar të tjerët, para se të vdiste më 11 shtator 2001.

Djali i saj, Marg Bingham, 31 vjeçar, ishte në aeroplanin e rrëmbyer dhe kur kuptoi se çka po ndodhte ishte përpjekur t’i pengonte terroristët. Atij i ndihmuan edhe persona të tjerë.

“Jam aq krenare që ata qëndruan dhe luftuan. Nuk ka shumë lajme të mira nga 11 shtatori, por më bënë krenare që djali im ishte i aftë që së bashku me disa të tjerë të qëndroj, megjithëqë ata nuk kishin mundur ta shpëtonin jetën e tyre”, tha nëna e tij Alise Hoaglund.

[Zero Cool]

Papa: Asgjë s’e justifikon terrorizmin


“Tragjedia e asaj dite është rënduar nga preteksti i atentatorëve për të vepruar në emër të Zotit”. Kështu është shprehur Papa Benedikti XVI, në një letër dërguar arqipeshkvit të Nju Jorkut, Timothy Dolan, në kuadër të 10-vjetorit të 11 shtatorit.


http://www.ekonomisti.net/fotot/25564/main_kullat.jpg


10 shtator 2011
“Edhe njëherë duhet të theksohet pa asnjë keqkuptim se, asnjë rrethanë nuk justifikon aktet e terrorizmit”, ka thënë ati i shenjtë.

Nesër në ground zero të Nju Jorkut do të mbahet një ceremoni përkujtimore në nder të viktimave të atentateve terroriste.

Në të do të jetë i pranishëm presidenti amerikan Barack Obama, i shoqëruar nga pasardhësi i tij, George W. Bush.

Me urdhër të të zotit të shtëpisë, kryebashkiakut Michael Bloomberg, në këtë ceremoni nuk do të mbahen fjalime, por vetëm do të recitohen poezi.

Ky është përkujtimi i parë i ditës tragjike që ndryshoi botën, pas vrasjes së sheikut të terrorit Osama bin Laden, që konsiderohet dhe arkitekti i sulmeve.

Ndërkohë, masat e sigurisë në Shtetet e Bashkuara, kryesisht në Nju Jork dhe Uashington, janë në nivelet maksimale nga frika e ndonjë akti terrorist.

Autoritetet përgjegjëse deklarojnë se nuk kanë informacione për ndonjë sulm specifik, por u druhen sulmeve individuale.

[Zero Cool]

Kosova nderon viktimat e 11 Shtatorit


http://www.telegrafi.com/fo/kosove/f.0910171304197_m.jpg


Në përkujtim të dhjetëvjetorit të sulmeve terroriste të 11 shtatorit 2001 në Shtetet e Bashkuara të Amerikës, Ministria e Punëve të Jashtme e Republikës së Kosovës, do të organizojë një ceremoni përkujtimore për të nderuar viktimat e kësaj dite tragjike për SHBA-të dhe krejt botën demokratike.


“Populli i Republikës së Kosovës tashmë e ka shndërruar këtë përvjetor në ditë të kujtesës dhe respektit për Shtetet e Bashkuara të Amerikës, aleates themeltare të shtetësisë së Kosovës. Në këtë ditë, përmes akteve të bamirësisë dhe bashkimit të njerëzve të moshave, besimeve dhe përkatësive të ndryshme etnike, do të nderohen viktimat e sulmeve terroriste në mbarë botën”, thuhet në një komunikatë të MPJ-së.

Ministria e Punëve të Jashtme e Kosovës fton të gjithë qytetarët e Republikës së Kosovës, që të bashkohen në solidarizimin dhe nderimin për viktimat e 11 shtatorit, duke riafirmuar frymën e partneritetit dhe respektit të ndërsjellë dhe dënuar sulmet terroriste kundër lirisë, demokracisë dhe botës së përparuar perëndimore.

[Zero Cool]

Jahjaga: 11 shtatori, kujtesë për njerëzimin


http://www.telegrafi.com/fo/kosove/f.0911123845312_m.gif


Terrorizmi është rreziku më i madh dhe më serioz për shoqërinë njerëzore sot dhe askush nuk mund të injorojë ose të qëndrojë indiferent ndaj këtij kërcënimi, thuhet në deklaratën e presidentes së Kosovës, Atifete Jahjaga, me rastin e dhjetëvjetorit të sulmeve terroriste në SHBA, më 11 shtator 2001.

“Shtetet e Bashkuara të Amerikës, udhëheqja dhe qytetarët e saj, si gjithnjë në histori, e mundën edhe këtë tragjedi të madhe duke treguar forcën dhe madhështinë e tyre. Duke luftuar terrorizmin, si një të keqe shumë të madhe dhe një rrezik permanent për botën, ato treguan se e ardhmja e njerëzimit është demokracia dhe përparimi”, thuhet në kumtesë.

Jahjaga shpreh solidaritetin me familjarët e viktimave, duke shtuar se 11 shtatori duhet të shërbejë si kujtesë për gjithë njerëzimin se një gjë e tillë kurrë nuk duhet lejuar të ndodhë.

“Institucionet dhe qytetarët e Republikës së Kosovës, duke e ndjerë në çdo hap përkrahjen dhe ndihmën e vazhdueshme të SHBA-ve, janë të përkushtuara për një shoqëri njerëzore ku nuk do të ketë asnjëherë vend për terrorizmin dhe marrjen e jetëve të pafajshme”.

[Zero Cool]

SHBA dhe dhjetëvjetori i sulmeve të 11 shtatorit


http://www.telegrafi.com/fo/bote/f.0911105250333_m.gif


Nën masa të shtuara të sigurisë, Shtetet e Bashkuara përkujtojnë rreth 3000 viktimat e sulmeve terroriste vitit 2001.

Presidenti amerikan, Barack Obama, pritet të vizitojë gjatë ditës tri vende të cilat u patën sulmuar nga aeroplanët dhjetë vite më parë - Washingtonin, New Yorkun dhe Pennsylvanian.

Përkujtimet komemorative do të mbahen nën masa të shtuara të sigurisë në New York dhe Washington, për shkak të informatave për sulm eventual.

Obama citohet të ketë thënë se Shtetet e Bashkuara tani janë më të fuqishme dhe se al-Qaeda - rrjeti terrorist përgjegjës për sulmet e 11 shtatorit 2011 - është “në rrugën e shkatërrimit”.
Pas ngjarjeve të 11 shtatorit 2001, forcat amerikane kanë vrarë Osama bin Ladenin. Saddam Husseini dhe regjimi i tij janë histori. Apeli për luftë të shenjtë kundër Perëndimit është venitur.
Por, fitorja në të ashtuquajturën “luftë kundër terrorizmit” mbetet disi e turbullt. Zinxhiri i ngjarjeve që pasuan tragjedinë, është larg fundit të kënaqshëm.
Në nëntor të vitit 2001, Shtetet e Bashkuara, me sulme të furishme, larguan lëvizjen talibane nga pushteti në Afganistan, por ajo duket të jetë rigjallëruar përsëri. Qeveria e presidentit Hamid Karzai - e formuar me ndihmën amerikane në fillim të vitit 2002 – po ndjek bisedimet për ndarjen e pushtetit me guerilët e Mullah Omarit.
Në Irak, ndërhyrja e Shteteve të Bashkuara rrëzoi Husseinin më 2003, lufta civile që kërcënonte përçarjen e vendit ka nisur të zbehet. Por, qeveria e qëndrueshme dhe siguria për të gjithë qytetarët e vendit mbeten objektiva të largëta.
Në vetë Shtetet e Bashkuara, ngushëllimi për asnjë sulm masiv të terrorizmit përgjatë 10 vjetëve, përzihet me hidhërimin për koston e luftës globale kundër armikut në hije.
Michael Mandelbaum, profesor i marrëdhënieve ndërkombëtare në Universitetin Johns Hopkins, thotë se pasojat më serioze të 11 shtatorit kanë të bëjnë me shpërqendrimin e vëmendjes së liderëve amerikanë nga prioritetet e brendshme urgjente.
“Një nga sfidat më të mëdha janë deficitet, me të cilat po përballet qeveria federale. Ato janë përkeqësuar nga luftërat në Afganistan dhe Irak, për të cilat vendi nuk ka paguar. Ne kemi huazuar për t’i financuar këto luftëra”, thotë Mandelbaum, transmeton Radio Evropa e Lirë.
Disa ekspertë thonë se vitet pas 11 Shtatorit kanë parë rënie të ndikimit global të Shteteve të Bashkuara. Të tjerët vënë në dukje se SHBA-të mburren si ekonomia më e madhe në botë, edhe pas krizës financiare të 2008-ës. Ndërsa, epërsia e saj ushtarake mbetet e pasfidueshme.
Kjo e fundit sigurisht nuk është e çuditshme, marrë parasysh zgjerimin masiv të mekanizmit të sigurisë kombëtare që nga viti 2001. Sipas disa të dhënave, vetëm gjatë dekadës së fundit, Qeveria e Shteteve të Bashkuara ka shpenzuar rreth 7 trilionë dollarë për mbrojtjen kombëtare, sigurinë e vendit dhe shërbimet e inteligjencës.
Krijimi i Departamentit të Sigurisë Kombëtare dhe i Zyrës së Drejtorit të Inteligjencës Kombëtare pas sulmeve të 11 Shtatorit, dëshmuan për riorganizimin më të madh të burokracisë federale që nga Lufta e Dytë Botërore.
Sot, Shtetet e Bashkuara përbëjnë rreth 46 për qind të shpenzimeve ushtarake të të gjithë botës, ndërsa buxheti i inteligjencës është dyfishuar gjatë 10 vjetëve të kaluar.
Obsesioni për të parandaluar sulme të tjera terroriste ka bërë administratën e George W. Bushit të ndërmarrë një sërë masash të rënda, përfshirë “metodën e ashpër të hetimit të të burgosurve” – taktikë që nga disa është përshkruar si torturë – dhe programet për vëzhgimin e brendshëm të qytetarëve amerikanë.
Debati për efikasitetin e këtyre masave vazhdon ende. Mbrojtësit e tyre - si ish-zyrtari i Departamentit të Drejtësisë, John Yoo - argumentojnë se ato kanë luajtur një rol vendimtar në shmangien e sulmeve të reja.

Profesori i së drejtës në Universitetin Georgetown, David Cole, nuk pajtohet. Ai thotë se fakti që administrata e Bushit ka dhënë dritën e gjelbër për metoda të jashtëligjshme të hetimit, ka bërë që projektuesi i 11 Shtatorit, Khalid Sheik Mohammed, të mos dalë ende para gjyqit.

Sipas raporteve të mediave, hetuesit e CIA-s kanë përdorur “metoda të abuzimit me ujë” për Mohammedin.

“Kur ju përdorni taktikë të dhunshme për të nxjerrë informacionet nga një individ, çdo deklaratë që merret nga ai është e njollosur nga kjo taktikë dhe - në bazë të rregullave amerikane me të cilat qeverisin gjyqet penale - nuk mund të përdoret në asnjë mënyrë nga gjykata kriminale”, thotë Cole, transmeton REL.

Obama ka intensifikuar përdorimin e operacioneve të fshehta antiterroriste nga ana e CIA-s dhe njësiteve elite të Pentagonit kundër terrorizmit. Ai ka zgjeruar fushatën e sulmeve me telekomandë të CIA-s, që kanë në shënjestër caqet xhihadiste në zonat fisnore të Pakistanit.

Kritikët thonë se sulmet e tilla kanë vrarë operuesit terroristë, por edhe kanë destabilizuar Pakistanin dhe fuqizuar ekstremistët islamikë. Shifrat e zyrtarëve lokalë flasin për mbi 33 mijë pakistanezë të vrarë në luftën kundër terrorizmit, që nga 11 shtatori 2001. Ndërsa, mbi 6 mijë pjesëtarë të ushtrisë amerikane kanë vdekur në Irak dhe Afganistan.

Askush nuk mund të thotë se kur do të përfundojë lufta. Michael Mandelbaum thotë se rritja e Kinës dhe e ekonomive të tjera aziatike gjatë dekadës së fundit, paraqet sfida më të mëdha - sesa çfarëdo që ndodhë në Lindjen e Mesme - për vendin e Amerikës në botë.

“Lindja e Mesme është e rëndësishme për një sërë arsyesh, por jo se është qendër e rritjes ekonomike dhe fuqi e mundshme ushtarake”, thotë Mandelbaum.

Shumë gjëra kanë ndodhur në dhjetë vjetët e fundit, por historia e epokës së pas 11 Shtatorit thuhet të jetë ende larg fundit.

[Alima]

...


goxha do njerez te pafajshem rane viktim e ketij konspiracioni .... me te vertete gjunah !


....dikur moti ishte keshtu gjithashtu ....keshtu edhe nje numer i madhe u mbyt nga hitleri jahud , duke zbatu urdherat masone me te vetmin qellim te krijimit te nje shteti te improvizuar qifut !


nuk e kan prej "inati , por prej zanati !!!


.

[Zero Cool]

Shtetet e civilizuara më të fuqishme përballë terrorizmit


Ministri i Punëve të Jashtme i Republikës së Kosovës, Enver Hoxhaj, në 10 vjetorin e sulmeve terroriste të 11 shtatorit 2001 në Shtetet e Bashkuara të Amerikës, ka lëshuar një deklaratë për media, përmes së cilës ka shprehur dhimbjen dhe solidaritetin e popullit të Kosovës për viktimat, të mbijetuarit dhe familjet e të gjithë njerëzve që pësuan në këtë ngjarje tragjike.


http://www.telegrafi.com/fo/kosove/f.0911172215632_m.jpg


“Ngjarjet e 11 shtatorit 2001 përbëjnë aktet më të rënda terroriste kundër shtetit simbol të lirisë dhe demokracisë, kundër vlerave demokratike të botës së civilizuar, të cilat kërcënuan në mënyrën më të ashpër paqen dhe sigurinë botërore”, ka thënë Hoxhaj.

Ai ka theksuar se këto ngjarje të cilat goditën popullin amerikan dhe mbarë botën demokratike, shënojnë një etapë të re të angazhimit kundër kërcënimit terrorist.

“Dhjetë vjet pas këtyre sulmeve, Shtetet e Bashkuara të Amerikës dhe shtetet e civilizuara të të gjithë globit, janë më të fuqishme, më të përgatitura dhe më të bashkuara përballë terrorizmit, i cili përbën kërcënimin më të madh ndaj shoqërisë moderne demokratike”, ka thënë ministri.

Hoxhaj ka deklaruar se populli i Kosovës tashmë e ka shndërruar këtë përvjetor në ditë të kujtesës dhe respektit për SHBA-të, aleates themeltare të shtetësisë së Kosovës.

Me këtë rast, ministri ka rikonfirmuar vullnetin e palëkundur të Republikës së Kosovës për përmbushjen e angazhimeve të saj përkrah shteteve demokratike aleate, dhe për të kontribuuar në përmbylljen me sukses të luftës kundër terrorizmit duke garantuar në këtë mënyrë lirinë, demokracinë dhe paqen në botë.

[Zero Cool]

Thaçi: 11 shatori, sulm kundër botës demokratike


Me rastin e 10 vjetorit të sulmeve terroriste ndaj SHBA-ve, kryeministri i Kosovës, Hashim Thaçi, ka dërguar një mesazh ku thuhet se sulmet terroriste të 11 shtatorit 2001 ishin ndër ngjarjet më tragjike që goditën popullin amerikan dhe mbarë botën demokratike.


http://www.telegrafi.com/fo/kosove/f.0911132408587_m.gif



“Sulmet e 11 shtatorit e rikonfirmuan shpirtin e madh të kombit amerikan, që di t’i përballojë tragjeditë”, thuhet në mesazhin e kryeministrit Thaçi.

“Sot, pas dhjetë vjetësh, Shtetet e Bashkuara të Amerikës po dalin gjithnjë e më të fuqishme përballë forcave të organizuara terroriste, duke dëshmuar epërsinë e pakrahasuar të vlerave të demokracisë e të lirisë, duke përmbysur regjime diktatoriale, duke rritur hapësirën gjeografike dhe politike të shoqërive demokratike”.

Dhjetë vjet më parë qytetarët dhe institucionet e Kosovës u solidarizuan me Shtetet e Bashkuara të Amerikës, duke përjetuar rëndë sulmet terroriste mbi një vend mik, që kishte dhënë kontribut thelbësor në çlirimin e vendit tonë.

“Qytetarët e Kosovës gjithmonë u janë mirënjohës Shteteve të Bashkuara të Amerikës për ndihmesën e dhënë në rrugën e lirisë dhe të ndërtimit të demokracisë së shtetit tonë të ri”, ka thënë Thaçi.

[Zero Cool]

AAK solidarozohet me SHBA-të në 10-vjetorin e tragjedisë

Me rastin 10-vjetorit të sulmeve të shëmtuara terroriste kundër Shteteve të Bashkuara të Amerikës, 11 Shtatorit 2001, Aleanca për Ardhmërinë e Kosovës i kujton me respekt të gjithë ata që humën jetën në këtë tragjedi dhe solidarizohet me familjet e tyre, qeverinë dhe popullin amerikan.


http://www.ekonomisti.net/fotot/25646/main_aak.jpg


11 shtator 2011
Ekonomisti
“Sa herë që kujtojmë tragjedinë e dhjetë viteve më parë, të gjithë ne marrim më shumë forcë e motiv në luftën e përbashkët kundër terrorizmit, kësaj të keqeje që është kërcënimi më i madh i botës në shekullin XXI”, thuhet në një komunikatë për media të AAK-së.
AAK përcjellë bindjen e saj të fuqishme se populli i Kosovës do të qëndrojë përherë i rreshtuar përkrah SHBA-ve dhe demokracisë perëndimore, në frontin e përbashkët kundër terrorizmit dhe për mbrojtjen e lirisë e të paqes në mbarë botën.
Secila betejë e fituar kundër këtij kërcënimi botëror, e gëzon Kosovën dhe popullin e tonë. Populli i Kosovës, duke qenë për kohë të gjatë i shkelur e i kërcënuar nga nga regjime kriminale, shtypëse e terroriste, e kupton drejt dhe qartë vlerën e shenjtë të lirisë dhe të paqes.
“Ne iu jemi përherë mirënjohës SHBA-ve dhe demokracive perëndimore, të cilët në kohët më të rënda ishin përkrah nesh, në përpjekjet për liri e dinjitet kombëtar e qytetar. Ne do të jemi përherë të rreshtuar në anën e SHBA-ve dhe të demokracisë perëndimore, në frontin e përbashkët kundër shtypjes së lirisë dhe kërcënimit të paqes, kudo në botë”, thuhet në komunikatë.

[Zero Cool]

Fronti i përbashkët kundër terrorizmit


Shikuar në dimensionin global, sulmet terroriste të 11 Shtatorit në Shtetet e Bashkuara të Amerikës kanë ndryshuar formën e kërcënimeve dhe rreziqeve, duke bërë që këto të jenë më shumë të karakterit asimetrik, vlerësojnë ekspertët e çështjeve të sigurisë në Kosovë.

http://www.ekonomisti.net/fotot/25649/main_ne-lufte-kunder-terrorizmit.jpg


11 shtator 2011
Sipas tyre, kjo ka bërë që gatishmëria vepruese e institucioneve ndërkombëtare të sigurisë t’iu përshtatet rrethanave të reja.

Ramadan Qehaja, ekspert i çështjeve të sigurisë, vlerëson se luftimi i terrorizmit, gjatë këtyre 10 vjetëve, ka shfaqur dallime në koncepte ndërmjet Shteteve të Bashkuara të Amerikës dhe një pjese të Evropës.“Shtetet e Bashkuara të Amerikës kanë qenë më pro-aktive dhe do të thosha më parandaluese, duke angazhuar forca dhe mjete të duhura për t’iu kundërvënë kësaj dukurie, jo vetëm brenda, por edhe jashtë shtetit”.

“Në anën tjetër, një pjesë e shteteve evropiane e kanë trajtuar këtë dukuri nga këndveprimi i sigurisë publike, duke u koncentruar në ndërmarrjen e masave përbrenda dhe në luftimin e terrorizmit brenda shteteve të tyre”, thotë Qehaja.

Naim Maloku, po ashtu ekspert i çështjeve të sigurisë, vlerëson se shumica e njerëzve në botë janë vetëdijesuar se terrorizmi ndërkombëtar është rrezik për të gjithë dhe jo vetëm për një shtet.

“SHBA-të është dashur ta humbin një kohë për t’i bindur posaçërisht demokracitë perëndimore dhe popujt tjerë, se rreziku nga terrorizmi ndërkombëtar mund ta godasë secilin popull dhe secilin shtet. Pra, disa vite është dashur për këtë”.

“Por, mendoj se për këta 10 vjet, praktikisht, ka kaluar ajo faza e bindjes dhe është krijuar një front i përbashkët i shumë shteteve dhe popujve në atë luftë. Kjo është e arritura e botës në këta 10 vjet”, thekson Maloku.

Sa i përket Kosovës, sipas ekspertëve të sigurisë, terrorizmi ndërkombëtar nuk përbën ndonjë kërcënim të nivelit të lartë.

Sipas Qehajës, Kosova është vend i vogël dhe si i tillë nuk perceptohet si një cak i domosdoshëm i sulmit. Por, ai thotë se territori i Kosovës mund të shfrytëzohet si transit për kryerjen eventuale të sulmeve terroriste.

“Në kohën e fundit janë vërejtur implikime të disa grupacioneve apo organizatave, të cilat do të mund të kishin ndërlidhje të dyshimtë në këtë aspekt. Në aspektin institucional, baza ligjore kryesisht ekziston në vendin tonë dhe veprimet policore te ne janë vlerësuar kryesisht të suksesshme”.

“Mirëpo, mungesa e kapaciteteve të kuadrove dhe teknike të forcave për luftimin e ndonjë niveli më të lartë të terrorizmit, do të mund të privonte policinë në përballimin e sfidave të këtij lloji”, thotë Qehaja.
Sipas Malokut, Kosova dhe populli shqiptar kanë arritur të vetëdijesohen nga rreziku i terrorizmit ndërkombëtar dhe nuk kanë lejuar të jenë pre e përfshirjes eventuale nga ndonjë segment i rrezikshëm.

“Serbia është përpjekur shumë që ta keqpërdorë 11 Shtatorin, për të aluduar se Kosova dhe populli shqiptar - për shkak se shumica janë me përkatësi fetare islame - mund të jenë rrezik për popujt tjerë dhe për demokracitë perëndimore”.

“Mendoj se është arritur një bindje se Kosova është e rreshtuar përkrah fuqive të mëdha, të cilat e kanë barrën kryesore - do të thotë, SHBA-të dhe fuqitë e mëdha perëndimore - në luftën kundër terrorizmit ndërkombëtar”, shprehet Maloku.

Ekspertët e çështjeve të sigurisë në Kosovë vlerësojnë se, përkundër faktit se janë bërë hapa të mëdhenj, sidomos me eliminimin e kokës së Al Kaidës, Osama bin Laden, dhe shumë bashkëpunëtorëve të tij, lufta kundër terrorizmit ndërkombëtar do të vazhdojë.

Në këtë drejtim, sipas tyre, kërkohet bashkëveprim në të njëjtin front i të gjithë popujve dhe shteteve që dëshirojnë qetësi dhe siguri.

[Zero Cool]

Dita e zezë e 11 Shtatorit

http://www.telegrafi.com/fo/opinione/f.0911114615347_m.jpg

Frank Shkreli


Amerika dhe pothuaj e gjithë bota kujton këtë të diel 10-vjetorin e sulmeve terroriste të 11 Shtatorit të vitit 2001, në Nju Jork, në Uashington dhe në Pensilvani. Mëngjesin e asaj dite të zezë të vitit 2001, terroristët islamikë të Al Qaidës rrëmbyen katër aeroplanë pasagjerësh. Dy aeroplanë goditën godinat binjake të “World Trade Center” në Nju Jork. Një aeroplan tjetër u përplas në godinën e Pentagonit afër Uashingtonit dhe aeroplani i katërt, pasagjerët e të cilit u kacafytën me terroristët, e që besohet se kishte për objektiv Shtëpinë e Bardhë, u përplas në një fushë në Shansksvill të shtetit Pensilvania. Sulmi terrorist i 11 Shtatorit ishte më i rëndi në historinë e Amerikës duke shkaktuar pothuaj tre mijë viktima të pafajshme nga Shtetet e Bashkuara dhe nga shumë vende të tjera të botës, përfshirë edhe tre shqiptarë, Simon Dedvukaj, Rrok Camaj dhe Mon Gjonbalaj.

Anë e mbanë Shteteve të Bashkuara, në qytete të mëdha e të vogla, do të mbahen ceremoni përkujtimore me këtë rast, por në Nju Jork, Uashington dhe Pensilvani mbahen ceremoni të posaçme përkujtimore, pasi këto ishin vendet që pësuan sulmet e rënda terroriste. Presidenti i Shteteve të Bashkuara Barack Obama do të vizitojë të Dielën këto tri qendra, ku sipas zëdhënësit të Shtëpisë së Bardhë, Xhej Karni -- Presidenti do të nderojë kujtimin e atyre që kanë humbur jetën dhe do të nderojë të gjithë ata që iu përgjigjen kësaj tragjedie, si zjarrfikës, policë e të tjerë, duke humbur jetën e tyre dhe shumë veta që rrezikuan jetën për të shpëtuar të tjerët - në një ditë që është ngulit përgjithmonë në mendje e në zemër të amerikanëve. Thuhet se Presidenti Obama do të nderojë në këtë ditë edhe ushtarakët të cilët kanë shërbyer në luftërat e mëvonshme në Irak e në Afganistan, si dhe në vende të tjera, në përpjekje për të zhdukur terroristët përgjegjës për ato sulme të dhjetë vjetëve më parë.

Burimet zyrtare thonë se megjithëse autoritetet federale dhe vendore pohuan se ekziston një “kërcënim i besueshëm, por i pakonfirmuar terrorist” me rastin e 10-vjetorit të sulmeve terroriste të 11 Shtatorit, 2001, Presidenti Obama dhe zyrtarë të tjerë të lartë nuk e kanë në mend të ndryshojnë planet e udhëtimit për të nderuar viktimat në Nju Jork, në Uashington dhe në Pensilvani. Sekretarja e Shtetit Hillari Klinton, gjatë një fjalimi në Nju Jork, e përshkroi kërcënimin si një raport se “al-Kaida po përpiqet përsëri të dëmtojë amerikanët dhe në veçanti të vejë në shënjestër Nju Jorkun dhe Uashingtonin”.

Presidenti Obama do t'i drejtohet kombit me një fjalim të shkurtër gjatë një ceremonie në Qendrën e Arteve “Kenedi” në Uashington mbrëmjen e 11 Shtatorit, gjatë të cilit, sipas agjencisë së lajmeve Asociejted Pres, Presidenti Obama pritet t’i thotë kombit dhe botës se Amerika është më e fortë se sulmet e Al-Qaidës ose se çdo kërcënim tjetër ndaj atdheut. Sipas Asociejted Pres, e cila citon zëvendës këshilltarin e presidentit për çështje të sigurimit kombëtar, Ben Rodës, Presidenti Obama do të nënvizojë faktin se si ka ndryshuar jeta për shumë familje të prekura nga sulmet e 11 Shtatorit, si edhe për forcat e armatosura, të cilat gjatë kësaj periudhe në Irak dhe në Afganistan, kanë humbur mbi gjashtë mijë anëtarë të tyre dhe janë plagosur mbi 45-mijë të tjerë.

Ish-Presidenti Xhorxh W. Bush, që ishte president në kohën e sulmeve terroriste dhjetë vjet më parë, do të jetë së bashku me Presidentin Obama gjatë ceremonisë përkujtimore në Nju Jork. Ishte presidenti Bush, ai i cili pas sulmeve terroriste dhjetë vjet më parë, i shpalli luftë terrorizmit botëror, duke filluar sulmet kundër Al Qaidës si edhe luftërat në Irak dhe Afganistan, e të cilat i vazhdoi edhe Administrata e Presidentit Obama, përpjekje këto që më në fund çuan në kapjen dhe vrasjen e kryeterroristit Osama Bin Laden.

Edhe ish Kryebashkiaku i Nju Jorkut në kohën e sulmeve terroriste kundër qytetit të tij, Rudi Gjuliani do të jetë gjithashtu i pranishëm në ceremonitë përkujtimore në Nju Jork. Zoti Gjuliani, i cili u dallua për lidershipin e tij gjatë sulmit kundër godinave binjake të Nju Jorkut dhe është quajtur si kryebashkiaku i Amerikës, komentoi në një artikull mbi këtë përvjetor, botuar në gazetën kombëtare Usa Today, duke thënë se “Mësimi që mund të marrim nga sulmet e 11 Shtatorit, është se Amerika me të vërtetë është një vend unik e i jashtëzakonshëm. Ne i bëmë ballë sulmit armiqësor më të rëndë në historinë tonë, qëllimi i të cilit ishte të na shkatërronte. Dashuria jonë për lirinë dhe për njëri tjetrin na ka dhënë një fuqi për të cilën jemi habitur edhe ne vetë.... Ne nuk duhet të harrojmë kurrë fytyrën e ligë dhe të pakuptueshme të së keqes së asaj dite... Por ama, nuk duhet të harrojmë as dashurinë e thellë dhe dhembshurinë e pamasë të treguar atë ditë për njëri tjetrin. Sot, dhjetë vjet më vonë”, shkruan Zoti Gjuliani, “lufta vazhdon dhe kujtimet (e asaj dite) mbeten të ngulitura në themelet e karakterit tonë kombëtar”.

Në një kryeartikull botuar sot gjithashtu në gazetën Usa Today në kujtim të 11 Shtatorit, Presidenti Obama - siç duket në një përpjekje për të shfaqur ndjenjat e shumicës së bashkëkombësve të tij në këtë përvjetor - shkruan se “në ditën që të tjerët u përpoqën të na shkatërronin, ne vendosëm të ndërtonim... Si komb, ne përballemi me shumë sfida, dhe si qytetarë të një shoqërie demokratike ne angazhohemi në debate të ashpra e rigoroze mbi të ardhmen e vendit. Por, ndërkaq, le të mos harrojmë kurrë mësimin e marrë nga tragjedia e dhjetë vjetëve më parë - se ndryshimet midis nesh s'janë asgjë në krahasim me ato që na bashkojnë... Si një familje amerikane, Shtetet e Bashkuara do të dalin nga sprovat dhe sfidat edhe më të forta se përpara. Kjo ishte Amerika e 11 Shtatorit dhe e ditëve që pasuan. Dhe kjo është Amerika që mund dhe duhet të jetë gjithmonë”.

Dhjetë vjet më parë, jeta ndryshoi për të gjithë ndoshta për gjithmonë. Sulmet kundër godinave binjake në Nju Jork, në Pentagon dhe në Pensilvani ishin krime që u dënuan nga e gjithë bota e qytetëruar. Këto sulme të djallëzuara, dhjetë vjet më parë kundër njerëzve të pafajshëm, i pruri amerikanët ballë për ballë me një dhunë të tmerrshme e pothuaj të pa parë deri atëherë në brigjet e Amerikës. Këto dhjetë vjet nuk ishin të lehta, përkundrazi, për Amerikën ishin një periudhë shumë e vështirë dhe plot mos marrëveshje e nganjëherë grindje në lidhje me mënyrën se si të luftohet terrorizmi dhe si të mbrohet sigurimi kombëtar dhe çfarë çmimi duhet të paguhet për këto përpjekje, qoftë në kosto jete ushtarësh e financash në një kohë deficitesh buxhetore, sidomos kur vjen puna tek angazhimet ushtarake në Irak e Afganistan. Ky debat ka gjasë të vazhdojë për një kohë të gjatë, pasi edhe lufta kundër terrorizmit nuk do të pushojë për derisa të ekzistojnë njerëz të cilët në organizatën e Al Kaidës kanë gjetur strehim dhe frymëzim urrejtjeje kundër njerëzimit. Në këtë përvjetor, Amerika kujton dhe nderon viktimat e terrorizmit dhe në të njëjtën kohë ri-angazhohet për të mundur të keqen dhe për të mbrojtur të pafajshmit.

[Zero Cool]

Memoriali 9/11 hapet për publikun


http://www.kosovapress.com/ks/repository/images/kullat_thmb1.jpg


Memoriali përkujtimor për viktimat e 11 shtatorit është hapur për publikun njujorkez, një ditë pas 10- vjetorit të sulmeve. Memoriali përmban dy pishina të mëdha si ‘gjurmë’ të Kullave Binjake, ndërsa përreth tyre janë të gdhendur emrat e viktimave në pllaka bronzi.

Rreth 3.000 njerëz kanë humbur jetën kur katër aeroplanët e rrëmbyer u përplasen në Qendrën Botërore të Tregtisë në Nju Jork, në Pentagon dhe në Pensilvani, në vitin 2001.

Në 10- vjetorin e sulmeve, presidenti Barak Obama tha se amerikanët duhet t'i nderojnë ata që kanë vdekur, por të shohin me shpresë përpara.

[Zero Cool]

Al-Kaeda i shpall lufte Amerikës


E marte, 13 Shtator 2011 13:42

http://www.vizionplus.tv/images/stories/1_shtator_2011/al-zawahiri.jpg
Al-Zawahiri


Dy dite pasi Shtetet e Bashkuara te Amerikes kane kujtuar rreth 3 mije viktimat e sulmeve te 11 shtatorit ne SHBA, organizata me e rrezikshme terroriste Al-Kaeda ka publikuar nje video te re ku i shpall lufte te hapur Amerikes.
Ne kete mesazh paraqitet lideri i ri i kesaj organizate, Al-Zawahiri, i cili premton se shume shpejt SHBA-të do te pesojne nje tjeter sulm me permasa po aq tragjike ne viktima sa 11 shtatori. Al-Zawahiri eshte emeruar kreu i ri i Al-Kaedes, pas vrasjes se kryeterroristit Osama Bin Laden.

[Zero Cool]

Hija e 11 shatorit 2001


http://www.telegrafi.com/fo/opinione/f.0913211628592_m.jpg
Halit Mehmetaj


Një dekadë pas sulmeve terroriste te 11 shtatorit ndaj simbolit te lirisë, moment ky që amerikanet e konsiderojnë periudhë të errët të historisë moderne. Rreth kësaj date ka shumëçka te kujtohet dhe te vlerësohet nga ato çaste te tmerrshme të asaj dite, siç është qëndrueshmëria dhe përkushtimi amerikan për ta tejkaluar hijen e zezë të asaj dite. Siç dihet ky sulm ishte kryer mbi baza te fundamentalizmit islamik i ndikuar nga mbingarkesa ideologjike, qëllimi i te cilit ishte shkatërrimi i simboleve ushtarake e tregtare te Amerikës si dhe gjunjëzim ekonomik e politik i këtij shteti simbol për demokracinë në botë. Valët shokuese te 4 aeroplanëve te rrëmbyer nga militantë u përhapën me një shpejtësi si cunami në çdo cep te globit dhe vazhdojnë te ushtojnë edhe sot e kësaj dite.

Fenomeni i terrorizmit ndërkombëtarë kohëve të fundit është paraqitur me një kuptim më të plotë dhe më përmbajtje me të diferencuar. Për dallim nga sulmet terroriste të kohëve të mëparshme, sulmet terroriste te kohëve të fundit, për shkak të formave dhe përmasave të reja, që manifestohen në çdo aksion terrorist, ndikojnë, jo vetëm në çorganizimin e jetës politike të një shteti, por edhe në shkaktimin e krizave dhe konflikteve te ndryshme ndërshtetërore me pasoja te gjëra ndërkombëtare. Sulmi i 11 shtatorit te vitit 2001, kundër SHBA-ve, shkaktoi një recesion global ekonomik te përcjellë më kriza te shumta politike; vendosja mjeteve shpërthyese në disa trena të udhëtarëve në Madrid, ndikoi në ndërrimin e forcave politike në Spanjë dhe tërheqjen e ushtarëve të tyre nga Iraku etj. Në këtë drejtim vërehen edhe përpjekjet e shtuara në nivel global për pengimin e shfaqjes së terrorizmit ndërkombëtarë.

Atë ditë te frikshme na kujtohen skenat kur njësitë zjarrfikëse, ato te policisë, ambulancat e çdo gjë tjetër shtetërore ishin vënë në dispozicion për të shpëtuar jetët e njerëzve. Përgjigjja në fushën e mobilizimit në tragjedinë e 11 shtatorit ishte e fuqishme, ishte rekord, duke bërë çmos, madje duke e dhënë edhe jetën e tyre për ta shpëtuar atë të tjerëve. Imazhet sa prekëse aq edhe heroike janë te ngulitura thellë në memoriet e publikut amerikan dhe atij ndërkombëtar. Përpjekje kjo e jashtëzakonshme qe ndoshta i kaloi suazat e normales, e një normaleje që nuk është parë deri me sot ne historinë moderne. Falë përkushtimit të tyre dhe përpjekjeve titanike arritën t’i shpëtojnë 25 njerëz pak para se simboli i lirisë te rrezohej për dhe, pak para se ky simboli të marrë me vete edhe 2928 jetë të njerëzve te pafajshëm të cilët njëkohësisht u bënë heronj të rinj të luftës kundër terrorizmit. Që nga ndërtimi i Kullave Binjake simbolikë e lirisë e demokracisë në botë u dashtë një përkushtim gjigant si në aspektin e ndërtimit, arkitekturimit, në atë material e njerëzor, ishte një përpjekje titanike e popullit amerikan për ta bërë një vepër arkitektonike të përmasave unike siç ishin kullat binjake te cilat u kthyen në simbol te dedikimit njerëzor.

Amerika u përgjigj ndaj sulmeve te 11 shtatorit krejt ndryshe me atë çka terroristet kishin menduar e planifikuar. Amerika edhe pas këtij sulmi nuk u thye as nuk u gjunjëzua, përkundrazi u forcua edhe më shumë. Këto sulme hapen një kapitull te ri agjendash ne politiken amerikane sidomos atë te sigurisë. Presidenti i atëhershëm, Bush u zotua se do ta luftojë te keqen, do t’i luftojë ata qe e sulmuan simbolin e lirisë amerikane e globale dhe do t’i shpall luftë terrorizmit. Dhe lufta ndaj kësaj te keqeje vazhdon sot e dhjet vjet me përkushtimin me te madh amerikan. Ndoshta ende është herët për konkludime përfundimtare, por fituesit dhe humbësit pas 10 vitesh në një mënyrë mund te dihen.

Lufta ndaj terrorizmit edhe pse e kushtueshme është e suksesshme. Humbësi me i madh ne këtë mes është Bin Ladeni i cili u vra ne Maj 2011 nga njësitë special të Navy Seals në Pakistan. Organizata terroriste e tij Al Qaida e cila në masë të madhe është shndërruar në një organizatë të strukturuar operative, celulat e të cilës u shpërndanë në tërë botën e qytetëruar, pas sulmeve të 11 shtatorit pjesa me e madhe e udhëheqësve të kësaj organizate janë vrarë apo burgosur nga organet e rendit. Ata u vranë dhe bashkë me ta ngadalë po vdes edhe ideologjia për një kalifat islamik radikal qe ishte edhe emblemë e këtyre terroristëve. Ketë e tregojnë edhe protestat e fuqishme ne disa vende te Lindjes se Mesme, kundër diktatorëve sekulistë.

Pranvera arabe reflekton me se miri, dëshirën popullore për te pasur te drejtat politike e njerëzore dhe mundësi ekonomike se asnjë përgjigje ndaj 11 shtatorit, thirrjes se te inkriminuarve me dogma terroriste për goditje ndaj kulturës perëndimore. Doktrina e tyre nuk i helmojë vetëm marrëdhëniet mes shteteve, por edhe kokat e shume individëve që ranë pre e një ideologjie te tillë. Helmet e kësaj doktrine kanë arritur të marrin qindra jetë në sulmet e Londrës, Madridit si dhe mbi 40 tentim sulme qe dështuan kundër Amerikës. Ata kanë humbur luftën që filluan, sepse ne ketë rast nuk bëhet fjalë për terrorizmin e motivuar majtas ose fashist, por për një terrorizëm “postmoderrn”, i cili synon apokalipsin, që do të thotë transformimin e përgjithshëm botëror.

Sot kujtojmë nënat dhe baballarët qe me 11 shtator nuk erdhën ne shtëpi, zjarrfikësit, policët, te mbijetuarit, njerëz qe u hodhën nga dritaret e kullave binjake, dhe heronj që luftuan me te keqen e asaj dite. Edhe pas dhjetë vitesh sulmet e 11 shtatorit 2001, i japin formë historisë.

Bota e civilizuar ende e ndjek hija e sulmeve te shtatorit.
Presidenti Obama dhe ish presidenti Bush, majori i qytetit te New Yorkut, Bloomberg dhe ish-majori Xhuliani bashkë me shumë zyrtar tjerë ishin ne Graund Zero në ceremoninë përkujtimore te këtyre viktimave. Këto viktima jeta e te cilëve u vodh në atë ditë shtatori nga aktet terroriste dhe sulmet ndaj simbolit te lirisë përkujtohen në SHBA dhe gjithë boten demokratike duke nderuar kujtimin për ata dhe duke mos e harruar kurrë sakrificat e tyre.

Edhe ne shqiptaret e ndajmë dhimbjen dhe krenarinë me miqtë tanë amerikan, por edhe më familjet shqiptaro-amerikanë te cilët i humbën më të dashurit e tyre në këtë tragjedi siç janë: Simon Dedvuakaj, Rrok Camaj, Mon Gjonbalaj.
Lavdi e përjetshme të gjithë të rënëve në këtë ditë.

[Zero Cool]

Fytyra e terrorit pas 9/11


Që nga sulmet terroriste të 11 shtatorit 2001 në SHBA, në luftën kundër terrorit kanë pësuar shumë shtete, kurse me mijëra njerëz u vranë dhe miliona të tjerë kanë braktisur vendet e tyre duke kërkuar strehim në vende tjera si refugjatë lufte.


http://infoglobi.com/images/sized/images/uploads/files/Manhatan_2001-550x360.jpg


*Që nga fillimi i luftës në Aganistan dhe Irak mbi 5500 trupa amerikane kanë humbur jetën dhe mijëra të tjerë janë plagosur, kurse nga radhët e koalicionit mbi 1000 ushtarë kanë mbetur të vrarë e mbi 4000 të tjerë kanë marrur plagë.

*Gjatë kësaj dekade mbi 16 mijë Afganë janë vrarë, kurse numri i Irakianëve të vrarë shkon mbi 38 mijë.


Sulmet terroriste të 11 shtatorittë vitit 2001, në Shtetet e Bashkuara të Amerikës ( SHBA ) bënë që kjo e fundit të bëj ndryshime në politikën e jashtme të sigurisë së SHBA-ve. Ish presidenti George W Bush ishte ai që i shpalli luftë terrorizmit, e cila sotështë luftë globale.
Pas sulmeve të 11 shtatorit mbi kullat binjake në New York të SHBA-ve, grupe të ndryshme terroriste të lidhura me Al Qaedan apo të frymëzuara nga mesazhi i tyre shkaktuan akte dhune në mbarë globin.
SHBA-të zbuluan vendndodhjen e kokës së Al Qaedas Osama bin Laden, pothuajse 10 vite pas sulmeve të 11 shtatorit dhe e vranë atë, por ende mbetet sfidë eleminimi i kërcënimeve nga jashtë për sigurinë e Amerikës dhe të gjith globit nga grupet militante.
Avionët e kidnapuar nga terroristët goditën kullat binjake në Manhatan, Pentagonin në Washington DC, kurse avioni i katërt u rrëzua pa e goditur objektivin.
Al Qaeda e pranoi përgjegjësinë për sulmet dhe lideri i saj Osama bin Laden u vu në krye të listës së më të kërkuarve nga Qeveria e Amerikës.
Pas sulmeve mbi kullat binjake, sulm i përmasave të mëdha do të cilësohej edhe sulmi në Bali, ku përmes bombave të detonuara përnjëhërë në zonën e njohur të klubeve të natës ‘ Bari Kuta’ u vranë 202 persona, kryesisht turistë të huaj.
Sulmi iu atribua një organizate që kishte lidhje me ‘Al Qaedan’, e që njihej si ‘Jemaah Islamiah’. Kjo organizatë thuhet se u krijua në Malajzi diku rreth viteve të 80-ta, dhe mbanë përgjegjësinë edhe për sulmet me bombë mbi ambasdën e Australisë në Jakarta, me ç’rast u arrestuan 200 anëtarë të saj.
Pas Indonezisë ndodhi Iraku, ku një kamion përplot me eksploziv do të futej dhunshëm në ndërtesën e kombeve të Bashkuara në Bagdat nga shpërthimi i të cilit humbën jetën 19 njerëz në mesin e tyre edhe Përfaqësuesi Special i OKB-së për Irakun Sergio Vieira de Mello. Mbi 100 të tjerë mbetën të plagosur nga ky shpërthim.
Grupi i quajtur ‘Tawhid wa al-Jihad’ mori përgjegjësinë për sulmet. Ky grup udhëhiqet nga Abu Musab al-Zarqawi i cili më vonë do ta riemëronte organizatën e tij ‘Al-Qaeda e Irakut’.Nga sulmet e kësaj organizate humbën jetën mbi 400 persona dhe 400 të tjerë mbetën të lënduar në rajonin Sinjarit në vitin 2007, të dhëna këto të publikuara në televizionin britanik ‘BBC”.
Trenat e Madridit, padyshim se do të mbetën në mendjet e njerëzve po aq gjatë sa edhe sulmet mbi kullat binjake në Manhatan. Dhjetë bomba në mënyrë të koordinuar u aktivizuan në katër trena në kryeqytetin e Spanjës, Madrid. Nga këto sulme gjetën vdekjen 191 njerëz dhe mbi 1800 të tjerë u lënduan.Mes tjerash sipas të dhënave zyrtaretë Madridit u vërtetua se sulmet ishin akt i dhunës nga ekstermistët islamik, nuk kishte lidhje me ndonjë organizatë të veçantë. Shtatë të dyshuarit kryesorë, përfshi këtu edhe Tunizianin Serhane ben Abdelmajid Fakhet vdiqën nga një shpërthim në aparatamentin e tyre në Madrid, në prillin e 2004-ës, pasi policia u kishte rënë në gjurmë. Njëzet persona janë burgosur për involvime në këtë sulm.
Londra u tronditej nga katër vetëvrasës të cilët hodhën vetën në erë në Londrën qendrore duke lënë të vrarë 52 dhe plagosur më shumë se 700 të tjerë. Cak sulmi ishte sistemi i transportit në fund të ditës, ndryshe i njohur në zhargonin britanik edhe si “rush hour”. Janë gjetur evidencat që dëshmojnë lidhjen e terroristëve me organizata militante islamike në Pakistan.
Sulmi i dytë në sistemin e transportit në Londër do të vinte vetëm dy javë më vonë, por fatëmirësisht kësaj radhe bombat dështuan pasi ato nuk shkrepën.
Egjipti humbi 88 njerëz dhe mbi 200 të plagosur, nga një sulm në orët e hershme të mëngjesit në Sharam, resorti i Detit të Kuq. Shumica prej tyre ishin Egjiptianë. Nga tri shpërthimet, më vdekjeprurësi ishte ai në hyrje të një hoteli.
Pas kësaj Algjerinë e goditi rëndë terrori , ku dy autobomba goditën ndërtesat e Kombeve të Bashkuara dhe një autobus përplot me studentë. Mbi 30 njerëz u vranë nga këto sulme, përfshi këtu edhe 17 punonjës të Kombeve të Bashkuara. Prap përgjegjësinë, si tranmetuan mediat botërore atëbotë e mori njësia e Al Qaeda nga Magharebi. Kjo organizatë e cila është kundër qeverisë laike të Algjerisë është përgjegjëse për një sëri sulmesh me bomba në tërë vendin.
Kurse sulmi në Mumbai të Indisë i drejtuar nga një vrasës kishte për cak një stacion trenash, dy hotele luksoze dhe një spital. Lufta me forcat e sigurisë indiane zgjati për tri ditë të tëra. Nga këto sulme mbetën të vrarë 166 njerëz të pafajshëm, 9 ekstremistë, kurse vetëm një nga sulmuesit u arrestua.
Sulmi iu atribua militantëve islamik të Pakistanit ‘Lakshar e-Taiba’. Sulmuesi i vetëm i arrestuar Mohammad Ajmal Amir Qasab, shihej në kamera duke qëlluar pasagjerët në stacionin e trenave dhe më vonë u shpall fajtor për veprat: terrorizëm, vrasje dhe posedim eksplozivësh.
Edhe Uganda u godit nga një sulm me bomba në kryeqytetin Kampala, ku nga dy bomba 74 njerëz humbën jetën dhe 70 u lënduan. Shpërthimet ndodhën në një klub të ragbit dhe një restorant Etiopian, ku fansat e ragbit ishin mbledhur për të parë ndeshjen finale të Kupës së Botërorit. Grupi islamik ‘al-Shabab’ mori përgjegjësinë për sulmet. Ky grup i cili ka lidhje me al Qaedan po lufton që të fusë në fuqi ligjet e Sheriatit në Somali, të pakten kështu kan konstatuar zyrtarë të organizatës së Kombeve të Bashkuara.
Sipas të dhënave të fundit që nga fillimi i luftës kundër terrorit e deri më tash nga Afganistani dhe Iraku janë larguar mbi 7 milion njerëz, si refugjatë lufte në vendet fqinje si India, Pakistani etj.
Edhe mediat paguan ‘çmimin’ e tyre në luftën kundër terrorit. Gjatë raportimeve nga vendi i ngjarjes në Afganistan dhe Irak kanë humbur jetën 19 gazetarë, këto shifra i shpalon faqja e aktivistëve të cilët mbajnë evidencat e të vrarëve si pasojë e akteve terroriste dhe e luftës globale kundër terrorizmit.
Ndërkohë që lufta globale kundër terrorizmit ende po vazhdon, sfidë për koalicionin mbetet luftimi i njësive të ‘Al Qaedas” tashmë të shpërndarë nëpër celula autonome në mbarë botën, është fjali që dëgjohet thuajse përditë nga zyrtarë amerikan dhe ata të shtetve tjera pothuajse në gjithë botën. Info Globi/I.M.

[Zero Cool]

Ata që na sulmuan, dështuan


Ata që na sulmuan më 11 shtator donin të hapnin një gropë të madhe mes SHBA-së dhe pjesës tjetër të botës. Ata dështuan. Në këtë përvjetor, jemi të lidhur me miqtë dhe partnerët tanë, në kujtim të atyre që humbëm në këtë betejë.


Nga Barack Obama më 11 shtator 2011 në ora 12:11
Në këtë përvjetor të 10-të të atentateve të 11 shtatorit 2011, ne kujtojmë se ato sulme nuk ishin drejtuar vetëm kundër Shteteve të Bashkuara, por edhe kundër gjithë njerëzimit dhe shpresave tona. Prej 10 vjetësh, e gjithë bota ka qenë një. Në të gjithë globin njerëzit janë ndalur për të kujtuar atë moment.

Njerëzit janë lutur në kishë, xhami, sinagogë dhe në vende të tjera kulti. Ne, në Shtetet e Bashkuara nuk e harrojmë kurrë se në të katër anët e botës njerëzit treguan solidaritetin e tyre, duke u mbledhur para ambasadave tona, ku kishin ndezur qirinj dhe kishin vendosur lule.

Ne sjellim ndër mend, që në javët në vazhdim ne kemi vepruar së bashku me komunitetin ndërkombëtar. Me mbështetjen e një koalicioni të gjerë, ne e dëbuam Al-Qaida-n nga kapmet e saja në Afganistan, i përmbysëm talebanët, dhe i dhamë mundësinë popullit afgan të çlirohej nga terrorizmi. Për disa syresh, vitet që erdhën më pas, qenë të vështirë.

Si president, jam përpjekur që të rifreskojë bashkëpunimin botëror për të cilin kemi nevojë, për të zgjeruar gamën e sfidave botërore me të cilat duhet të përballemi. Duke nisur një erë të re angazhimesh, ne kemi krijuar me shtetet dhe vendet e tjera një partneritet, i bazuar në interes të përbashkët dhe respekt reciprok.

Si komunitet ndërkombëtar ne kemi treguar qartë se terroristët nuk kishin asnjë peshë përballë forcës dhe aftësitë rikuperuese të qytetarëve tanë. E kam bërë qartësisht të ditur, se Shtetet e Bashkuara nuk do të jenë në luftë me Islamin. Përkundrazi, me aleatët dhe partnerët tanë ne jemi bashkuar kundër al-Qaida-s, që ka sulmuar dhjetëra shtete dhe ka vrarë qindra burra, gra e fëmijë të pafajshëm- pjesa më e madhe myslimanë. Këtë javë ne do të kujtojmë të gjitha viktimat e Al-Qaida-s, po kështu do të kujtojmë kurajën dhe këmbënguljen e familjeve të tyre nga lindja e Afërme në Europë, nga Afrika në Azi.

Duke punuar së bashku ne kemi zbuluar komplotet e Al-Qaida-s, kemi eliminuar Osama Ben Ladenin dhe një pjesë të mirë të drejtuesve të organizatës së tij dhe e kemi çuar këtë organizatë drejt dështimit. Në të njëjtën kohë, popujt nëpërmjet Lindjes së Mesme dhe Afrikës së Veriut tregojnë se rruga më e drejtë e më e sigurt, është ajo e drejtësisë dhe forcës morale dhe të mos drejtohen nga terrorizmi dhe dhuna e verbër.

Eshtë e qartë se e ardhmja është e atyre që ndërtojnë, jo e atyre që prishin. Për vendet dhe popujt që duan një të ardhme në paqe dhe në prosperitet, SHBA-ja është gjithnjë partner. Edhe pse ne po merremi me sfidat tona të brendshme ekonomike, ne nuk do të rreshtim të luajmë një rol unik në krye të kombeve. Paralelisht me tërheqjen e forcave tona në Irak dhe transferimin e përgjegjësive në Afganistan, ne do ti mbështesim irakianët dhe afganët, që po përpiqen tu japin popujve të tyre sigurinë dhe mundësinë për t’ia dalë mbanë. Në botën arabe dhe përtej saj, ne do të mbrojmë dinjitetin dhe të drejtat universale të të gjithë njerëzve.

Në të gjithë botën ne do të vazhdojmë punën tonë në favor të paqes, zhvillimit që lejon të largohen nga varfëria, siguria ushqimore, shëndeti dhe mirëqeverisja. Në të njëjtën kohë, ne e kemi rinovuar angazhimin tonë për të aplikuar vlerat tona në vendin tonë. Komb të emigruarish, Shtetet e Bashkuara, presin njerëz nga të gjitha vendet, nga të gjitha kulturat. Amerikanët rishtar, na kujtojnë se me gjithë diferencat në lidhje me racën apo etninë, të vendit apo të besimit, ne jemi të lidhur me njëri-tjetrin nga shpresa e përbashkët se mund të bëjmë një botë më të mirë për gjeneratën aktuale dhe ato që do të vijnë.

Ata që na sulmuan më 11 shtator donin të hapnin një gropë të madhe mes SHBA-së dhe pjesës tjetër të botës. Ata dështuan. Në këtë përvjetor, jemi të lidhur me miqtë dhe partnerët tanë, në kujtim të atyre që humbëm në këtë betejë. Në kujtim të tyre, ne rikonfirmojmë shpirtin e partneritetit dhe respektin e përbashkët për të cilin ne kemi nevojë, për të bërë një botë ku çdo njeri të jetojë me dinjitet, në liri dhe paqe.

[Zero Cool]

Petraeus: Sulmet e Al Kaedes, SHBA ende e kercenuar


http://www.infoalbania.org/thumbnail.php?file=petraous_229689347.jpg&size=article_medium



SHBA - Dhjete vjet pas sulmeve te 11 shtatorit, SHBA vazhdojne te mbeten te shqetesuara me kercenimet qe po arrijne nga berthama e dobesuar e Al-Kaedas, theksoi Petraeus gjate adresimit te tij para Kongresit.

"Al-Kaeda ne Gadishullin e Arabise, ose ndryshe AKAP, del te jete nyja me e rrezikshme rajonale e xhihadit global", tha Petraeus gjate adresimit te tij te pare para Kongresit amerikan qe nga emerimi i tij si shef i ri i CIA-s.

AKAP eshte pergjegjese per planifikimin e aktivizimit te bombes ne aeroplanin amerikan te udhetareve afer Detroitit, ne dhjetor te vitit 2009, dhe per tentimin e dergimit te bombave brenda printereve kompjuterike permes dy aeroplaneve te mallrave, ne vitin 2010, theksoi Petraeus.

Trazirat politike ne Jemen i ndihmuan AKAP-it ne realizimin e bashkepunimit me fiset lokale dhe ne zgjerimin e ndikimit te vet atje, shtoi drejtori i CIA-s.

"Perkunder gjithe kesaj, bashkepunimi me Jemenin kunder terrorizmit eshte permiresuar gjate disa muajve te fundit", nenvizoi tutje ai.

"Edhe pse keto dege terroriste jane te lidhura me Al-Kaedan, ato posedojne edhe struktura te veta komanduese, por edhe resurse dhe plane operative, keshtu qe kryesisht veprojne si te pavarura", tha Petraeus.

Ai sqaroi se pjesa jugore e Somalise tani eshte shnderruar ne nje prej strehimeve me te medha te terroristeve, dhe se dega e Al-Kaedas ne ato zone eshte goxha e madhe dhe e financuar mire, dhe se, si rrjedhoje, atje jane stervitur qindra luftetare te ardhur nga jashte, perfshire ketu edhe disa shtetas amerikane.

Ndersa Sekretari amerikan i Mbrojtjes, Leon Paneta, ka paralajmeruar Pakistanin se Uashingtoni do te beje gjithçka te mundur per te mbrojtur forcat amerikane nga sulmet e militanteve pakistaneze drejt Afganistanit.Komentet e tij pasojne sulmet e militanteve ne ambasaden e Shteteve te Bashkuara dhe ne seline e NATO-s ne Kabul.Gjashtembedhjete njerez kane humbur jeten ne betejen qe ka zgjatur rreth 20 ore.Paneta ka fajesuar rrjetin Hakani - nje grup me seli ne Pakistan dhe aleat me Al Kaiden dhe Talibanet.

[Zero Cool]

Celula më e rrezikshme e Al-Qaeda’s


Celula e Al-Qaeda’s në Gadishullin e Arabisë, me seli në Jemen, po del të jetë dega më e rrezikshme e këtij grupi ekstremist, deklaroi shefi i ri i CIA’s, David Petraeus.


http://www.gazetaexpress.com/repository/images/large/SHTYLLE,%2014%20shtator%2011_943638_thumb_large.jp g



Nga Express më 15 shtator 2011 në ora 09:40
Dhjetë vjet pas sulmeve të 11 shtatorit, SHBA vazhdojnë të mbeten të shqetësuara me kërcënimet që po arrijnë nga bërthama e dobësuar e Al-Qaeda’s, theksoi Petraeus gjatë adresimit të tij para Kongresit.

"Al-Qaeda në Gadishullin e Arabisë, gjegjësisht AKAP, del të jetë nyja më e rrezikshme rajonale e xhihadit global”, tha Petraeus gjatë adresimit të tij të parë para Kongresit amerikan që nga emërimi i tij si shef i ri i CIA’s.

AKAP është përgjegjëse për planifikimin e aktivizimit të bombës në aeroplanin amerikan të udhëtarëve afër Detroitit, në dhjetor të vitit 2009, dhe për tentimin e dërgimit të bombave brenda printerëve kompjuterikë përmes dy aeroplanëve të mallrave, në vitin 2010, theksoi Petraeus.

Trazirat politike në Jemen i ndihmuan AKAP’it në realizimin e bashkëpunimit me fiset lokale dhe në zgjerimin e ndikimit të vet atje, shtoi drejtori i CIA’s.
"Përkundër gjithë kësaj, bashkëpunimi me Jemenin kundër terrorizmit është përmirësuar gjatë disa muajve të fundit”, nënvizoi tutje ai.

"Edhe pse këto degë terroriste janë të lidhura me Al-Qaeda’n, ato posedojnë edhe struktura të veta komanduese, por edhe resurse dhe plane operative, kështu që kryesisht veprojnë si të pavarura”, tha Petraeus.

Ai sqaroi se pjesa jugore e Somalisë tani është shndërruar në një prej strehimeve më të mëdha të terroristëve, dhe se dega e Al-Qaeda’s në ato zonë është goxha e madhe dhe e financuar mirë, de se, si rrjedhojë, atje janë stërvitur qindra luftëtarë të ardhur nga jashtë, përfshirë këtu edhe disa shtetas amerikanë.

Vrasja në maj të këtij viti e liderit të Al-Qaeda’s, Osama bin Laden, ishte një “goditje e tmerrshme” për këtë grup, sepse konsiderohet se pasardhësi i tij, Ayman al-Zawahiri, nuk ka autoritet aq të madh, andaj edhe do të ketë probleme që të ruaj kohezionin dhe motivacionin kolektiv të kësaj organizate.

Derisa po e shënonte 10-vjetorin e sulmeve terroriste në SHBA, Al-Qaeda publikoi një video-xhirim, në të cilin Zawahiri përshëndet revolucionet e “pranverës arabe”. Po ashtu, video-xhirimi përmban edhe porosi të Bin Ladenit të vrarë drejtuar popullit amerikan.

[Guri i madh]

...

çfar pirromanesh , aman jarabi ...


vet e kallin , vet vajtoin !


.


ma sqaron qet fjalen pirro man nga cila gjuh rrjedh kjo fjal dhe cili ishte aj pirromani i par qe njihet me ket emer

[Neferta]

Njerëz nga e gjithë bota janë familjarizuar më atë çka ndodhi në 11 Shtator të vitit 2001. Atë mëngjes, nëntëmbëdhjetë terroristë të Al-kaedës rrëmbyen katër avionë reaktiv të linjave ajrore për pasagjerë të SHBA-s dhe qëllimisht dy prej tyre u përplasën në Kullat Binjake të Qendrës Botërore të Tregtisë. Kullat Binjake u shembën brenda dy orëve pasi u goditën nga aeroplanët. Qytetarë nga 70 vende të ndryshme të botës u vranë në këtë sulm, me një total prej 2.995 viktimash. Në muajt para dhe pas 11 shtatorit ndodhën ngjarje shumë të rëndësishme ndërkombëtare.

[lovely]

https://fbcdn-sphotos-e-a.akamaihd.net/hphotos-ak-ash3/539801_10150621006621319_458230927_n.jpg




https://fbcdn-sphotos-d-a.akamaihd.net/hphotos-ak-ash3/535903_10150621008076319_416842477_n.jpg


https://fbcdn-sphotos-e-a.akamaihd.net/hphotos-ak-ash3/536728_10150620984266319_1328905518_n.jpg

[Neferta]

http://t1.gstatic.com/images?q=tbn:ANd9GcSuc0p-KQ1bqNDpcM93E8lbOEuxf5ofIIIutzw1frQXbeo5NfkpKQ MEMORIALI KUSHTUAR DITES SE TMERRIT

[Zero Cool]

SHBA, Shënohet 11 vjetori i sulmeve terroriste


http://www.knninfo.com/repository/images/11S-Bote_SHBA.jpg


Në Shtetet e Bashkuara gjatë ditës së sotme shënohet 11 vjetori i sulmeve terroriste më 11 shtator 2001, në të cilat u vranë afro 3 mijë vetë.

Në Nju Jork, familjarët e atyre që u vranë në kullat e Qendrës Botërore të Tregtisë, do t’i lexojnë emrat e viktimave, në vendin ku ndërtesat e larta qëndronin para 11 shtatorit të vitit 2001.

Raportohet se afro 1 mijë vdekje, gjatë 11 viteve të kaluara, janë të ndërlidhura me sëmundjet e shkaktuara nga pluhuri helmues gjatë shkatërrimit të Kullave Binjake.

Ceremoni përkujtimore parashihen edhe në Pentagon dhe në Pensilvani, ku poashtu u rrëzuan dy aeroplanë të rrëmbyer nga terroristët e al-Kaidës.

Presidenti amerikan, Barak Obama, e shënon përvjetorin në Shtëpinë e Bardhë, para se ta vizitoj Pentagonin.

Zëvendëspresidenti Xhoe Bajden merr pjesë në një ceremoni në Shanksville të Pensilvanisë, ku aeroplani i rrëmbyer u përplas, pasi udhëtarët ishin përpjekur ta marrin kontrollin ndaj aeroplanit nga rrëmbyesit.

[Zero Cool]

http://a1.sphotos.ak.fbcdn.net/hphotos-ak-ash4/303918_482689838422180_2089305675_n.jpg


Njëmbëdhjetë vjet më parë, pikërisht më 11 shtator të vitit 2001, New Yorku dhe Washingtoni pësuan tragjedinë më të rëndë në SHBA, vrasjen e tre mijë qytetarëve nga sulmet terroriste me përplasjen e dy aeroplanëve mbi Kullat Binjake në Manhatan dhe një tjetri mbi kompleksin e Pentagonit në Washington.
Presidenti amerikan Barack Obama, me këtë rast ka thënë se është përsëri koha për të kujtuar rreth 3000 burra, gra dhe fëmijë të pafajshëm, të cilët humbën jetën dhe lanë pas familjet e tyre.

“Është një rast për të nderuar guximin e përgjigjes së parë të atyre që rrezikuan jetën në atë ditë, dhe çdo ditë që nga ai vit dhe një mundësi falënderimi për amerikanët, burra e gra në uniformë, të cilët kanë shërbyer dhe sakrifikuar për të mbajtur të sigurt vendin tonë”, tha Presidenti Obama.
Ai më tej pohoi se SHBA-të i shpallën luftë Al-Qaedas, duke asgjësuar udhëheqjen e saj, dhe e futën atë në rrugën e mposhtjes.

“Dhe në sajë të guximit dhe aftësisë së personelit tonë të zbulimit dhe forcave të armatosura, Osama bin Laden kurrë nuk do të kërcënojë Amerikën përsëri”, tha Obama dhe shtoi se amerikanët i kanë rezistuar tundimit për të rënë në mosbesim dhe dyshim.

“Ne kurrë nuk do të jemi në luftë me Islamin, apo ndonjë fe tjetër. Ne jemi Shtetet e Bashkuara të Amerikës. Liria jonë dhe diversiteti na bëjnë unik dhe kjo gjithmonë do të jetë në qendër, se kush jemi si popull”, ka vlerësuar Obama.

[Zero Cool]

12 vjet nga sulmet terroriste të 11 shtatorit



http://www.knninfo.com/repository/images/11_09_13_139777_12.jpg



Sot bëhen saktësisht 12 vjet nga sulmet terroriste të 11 shtatorit kundër Shteteve të Bashkuara të Amerikës.

Është njoftuar se presidenti Barack Obama do të marrë pjesë në një minut heshtjeje në lëndinën e Shtëpipsë së Bardhë për t’iu bërë homazh rreth 3 mijë vetave të vrarë gjatë sulmeve më 11 shtator 2001.

Shtëpia e Bardhë ka thënë se ekipi i sigurisë kombëtare i Obamës është duke ndërmarrë hapa që të evitojë sulme terroriste që kanë të bëjnë me përvjetorin e së mërkurës.

Obama e ka diskutuar përgatitjen dhe sigurinë me ekipin e tij të martën.

Shtëpia e Bardhë nuk ka treguar hapat që po ndërmerren, por megjithatë ka njoftuar se këshilltarja e Obamas për siguri kombëtare dhe kundër terrorizmit, Lisa Monaco, për muaj të tërë ka qenë duke i rishikuar masat e sigurisë për përvjetorin në fjalë.

Kjo e përfshinë edhe një kërcënim të fundit të Al Kaedës që ka çuar deri te mbyllja e 19 misioneve diplomatike muajin e kaluar.

[Zero Cool]

U inaugurua rrokaqielli i parë në vendin e sulmeve terroriste të 11 shtatorit




http://www.knninfo.com/repository/images/rrokaqie.jpg




Nju Jork, 14.11.2013

Në qarkun administrativ Manhattan të New York-ut është inauguruar rrokaqielli i parë i ndërtuar në vendin ku ndodheshin Kullat Binjake, të shkatërruara nga sulmet terroriste të 11 shtatorit të vitit 2001.Ndërtesa e re 72-katëshe, e ndërtuar në këtë zonë, u quajt World Trade Center 4. Lartësia e rrokaqiellit është 298 metra. Sipërfaqja e përgjithshme e ndërtesës është 214 kilometra katrorë.

Rrokaqielli është projektuar nga arkitekti i njohur japonez 85-vjeçar, Fumihiko Maki.

[Zero Cool]

Sot, 13 vjet nga sulmet e 11 shtatorit


http://www.telegrafi.com/fo/bote/sot-13-vjet-nga-sulmet-e-11-shtatorit_hd.jpg


Nën masa të shtuara të sigurisë, Shtetet e Bashkuara shënojnë sot përvjetorin e trembëdhjetë të sulmeve terroriste të 11 shtatorit, 2001.

Ngjarja që ka ndryshuar botën ka lënë rreth 3,000 njerëz të vrarë.

Terroristët e Al Kaidës kanë rrëmbyer aeroplanë të pasagjerëve dhe kanë sulmuar ndërtesa në Nju Jork, Uashington dhe Pensilvani.

Përvjetori i sivjetmë vjen në kohën kur Shtetet e Bashkuara dhe aleatët e tyre po përballen me kërcënimin e militantëve të Shtetit Islamik, të cilët kanë pushtuar pjesë të mëdha të territorit në Irak dhe Siri.

Së fundmi, ata kanë vrarë edhe dy gazetarë amerikanë.



wNNTcHq5Tzk