Xhelozia, çfarë të ndërmerret kur frika del nga kontrolli...

[LaDy_Diaspora]

Xhelozinë më shpesh e ndiejnë njerëzit me vetëbesim të pakët, ata me karakter impulsiv, ata që janë të pushtuar me jetën emocionale, personalitetet narcizoidë që kërkojnë më tepër vëmendje dhe ata që kanë frikë nga vetmia. Xhelozia mund të jetë edhe ndjenjë e mësuar, nëse njëri prej prindërve është tepër xheloz dhe në këtë mënyrë edhe fëmijët e mësojnë një sjellje të tillë, si pjesë e pranuar dhe normale në shoqëri. Dallimi ndërmjet xhelozisë normale dhe asaj patologjike dallohet lehtë, ngase përderisa xhelozia normale shkaktohet nga situata konkrete, atë patologjike e shkaktojnë frika irracionale dhe pa kurrfarë baze në fakte. Në lidhjet kur njëri nga partnerët është xheloz patologjik, këshillohet shërimi nga kjo xhelozi, ngase në të kundërtën në mënyrë psikike e maltreton gjysmën tjetër të “shëndoshë”.

Xhelozia sipas mënyrës së mashkullit dhe femrës
Në rastet më të shpeshta, xhelozia shfaqet si pasojë e frikës të humbjes së partnerit. Një dozë e caktuar e xhelozisë është krejt normale dhe tregon se sa shumë i ka mbetur partnerit tjetër deri te kjo lidhje, por përkundër të gjithave, ajo shndërrohet në një helm për lidhjen. Derisa meshkujt janë më të ndjeshëm në shenjat e tradhtisë seksuale, për ç’gjë shpesh bëhen edhe agresiv, si fizikisht e po ashtu edhe verbalisht, femrat janë më të ndjeshme në shenjat e tradhtisë në mënyrë emocionale dhe xhelozinë e tregojnë duke u konfrontuar me partnerin.


Simptomat e xhelozisë patologjike
- Kontrollimi i partnerit disa herë brenda ditës.
- Ndalimi i daljeve apo tentimi i nxitjes për ta brejtur ndërgjegjja partnerin në mënyrë që të mos dalë.
- Akuzimi i rregullt i partnerit në tradhti, pa kurrfarë fakti.
- Propozimet për veshje më pak provokuese, kryesisht nga meshkujt xhelozë.
- Agresivitet fizik.


Parandalimi me analizën e frikës personale
Hapi më i rëndësishëm në tejkalimin e xhelozisë është analizimi dhe pranimi i atyre ndjenjave të këqija. Nëse xhelozia është e paarsyetuar, duhet pranuar pse vjen deri te një gjë e tillë. Më pas duhet punuar në arritjet e sigurisë dhe të vetëbesimit, e për një gjë të tillë nevojitet ndihma e psikologut. Po ashtu, duhet ndërprerë mendimi i skenarëve të zi brenda kokës. /shqipmedia

[emine]

Xhelozia jo qe shkatrrone nje lidhje te nje qifti,po ajo munde te shkatrroje familje,shoqeri ,moter dhe vella,eshte smunje e cilla cdo dit e me shume rritet dhe ushqehet nga ata qe jan te prekur nga kjo,,,,

[AlbaSoft]

Hiq sen xhelozia esht krejt normale gjdo qe e teprume te demton ty ose palen tjetr edhe kur qeshet pa mase dikush mund te preket nga e qeshura jote .

[Zero Cool]

Xhelozia është sëmundje që kurrë nuk kalon, është e pashërueshme dhe do t’ia preferoja secilit që është xheloz që të mos martohet nëse është i tillë, se aty nuk ka fat, nuk ka familje, ka vetëm skena të tmerrshme.
Xhelozia është krijuar për ta shkatërruar partnerin.

Ata që nuk e njohin se ç’është dashuria thonë që nuk ka dashuri pa xhelozi.
Xhelozia është sëmundje, ndërsa dashuria është mirësi.

[LaDy_Diaspora]

Ata që nuk e njohin se ç’është dashuria thonë që nuk ka dashuri pa xhelozi.
Xhelozia është sëmundje, ndërsa dashuria është mirësi.

Ashtu është.
Unë mendoj që një dozë xhelozi t'jetë prezente s'është ndonjë problem, përderisa nuk i besojmë akoma 100% partnerit tonë. Pas një kohe, kur njeriu është i sigurtë në vete dhe në lidhjen e krijuar, besoj që xhelozia shuhet në favor të dashurisë dhe mirëbesimit.
Në disa raste edhe partneret provokojnë xhelozinë, duke bërë flirt apo duke fshehur gjërat nga tjetri dhe kjo është diçka e keqe për një lidhje e cila duhet të ushqehet vetëm me dashuri dhe me të mirat e kësaj bote...

[elvio]

Ruaj rrobat tua qe te kesh gjysmat thuhet nje fjale,edhe pse populli yne se perdor.

Nuk e di per c'ka shkalle xhelozie duhet komentuar,por ne ato ekstremiste shkalle qe flasim per shkaterrim,shteti nderton spitale,edhe,,,,,,,,,,,,,,,,

S'mund te mbyll syrin te tregohem aq indiferent sikur s'kam pike interesimi,por nqs do thoja a ekziston sigurisht po,por eshte e pelqyeshme per mua-per ate.

Ajo qe s'te intereson c'ka vesh
ku del
pse del
etj tregues jo emancipim por ne nje lloj matesi ,edhe pse s'pelqen ta pranosh,pranojme e perkohshme dashuri.

[Zero Cool]

Jeta në cektinë prodhon frikë të pakufishme si xhelozinë. Xhelozia ndërtohet në krahasim.
Po të jetonte vetëm një njeri në botë, a do kishte xhelozi?. Por, xhelozia “ushqehet” nga frika. Ne bëhemi xheloz sepse dikush (me diçka) është gjithnjë më i mirë se na… dikush është më i suksesshëm,më i bukur,më i pasur,më i ri…etj. A ke harruar se je unik/e?
Kujtoja vetes këtë fakt!

[roadrunner]

Xhelozia shkakton probleme te panevojshme dhe eshte faktor i prishjes ne mes qifteve. Nuk bjen kunifar te mire ne mes dy vetve.

[Stuhi Rere]

Ata qe kan besim te mjaftueshem ne vehten e tyre kan besim edhe tek te tjeret dhe e kan me leht ti perballin keto dyshime kalimtare. E ata/ato qe nuk kan besim ne veten e tyre jan shume te ndjeshem dhe te luhatshem i udheheq mendja e keqe pra /xhelozia dhe vjen deri tek grindjet qe jan tash te njohura ne mesin ton.