100 vjetori i Pavarësisë

[Zero Cool]

Pavarësia e Shqipërisë Etnike 28 Nëntor 1912. Me 28 Nentor 2012 mbushen 100 vjet te Pavaresise.
Kjo eshte vetem nje pjese e Shqiprise Etnike, por gjithsesi ishte nje hap i madh i Shqiptareve ndaj ambicjeve hegjemoniste Serbo-Greke.

Çfare po organizohet per fesimin e ketij 100 vjetori?

http://arkivi.peshkupauje.com/wp-content/uploads/2006/11/28nentor1912.jpg

[Zero Cool]

Shakira koncert në Tiranë për 100 vjetorin e Pavarësisë


http://vipat.info/wp-content/uploads/2012/02/shakira-10.jpg


“Qeveria shqiptare planifikon të sjellë në Shqipëri njërën prej yjeve të muzikës botërore të momentit, Shakira.

Ideja është hedhur në komitetin ndërministror që merret me organizimin aktiviteteve për Festimet e 100 vjetorit të shpalljes së pavarësisë së Shqipërisë.
“Fituesi” në letër ka mbetur këngëtarja kolumbiane, Shakira, për të cilën kanë nisur tratativat që të vijë të japë një koncert në Shqipëri.

[Zero Cool]

A MUND TË SHPRESOJMË NË KTHESA HISTORIKE-PAQËSORE NË 100 VJETORIN E SHQIPËRISË SONË ?!

Motra dhe vëllezër – të gjithë fara arbërore, le të bashkohemi në këtë pikë të historisë, në Vitin e Shqiptarëve, duke shfrytëzuar të drejtën historike, të përdorim sa më mirë identitetin dhe origjinalitetin tonë, për t’ia hequr Shqipërisë dënimin e aneksimit të trojeve për 100 vjet, për ta bërë një shtet plot paqe e dashuri, mbi të gjitha trojet arbërore! Le të bashkohemi të gjithë në Forumin Imazh dhe Media, duke bërë imazh sa më të mirë shqiptar, kudo në botë, ta kurorëzojmë këtë ënërr tonën shekullore, në njërën nga festat e shumta të Imazhit Shqiptar, që kanë hapur në Durrës, më 18 dhjetor serinë e kremteve të jubileut tonë historik! Mendojmë shqip, flasim shqip, jetojmë shqip!!!



Shkruan: Engjëll KOLIQI

Rilindja Kombëtare Shqiptare, e filluar në vitet ’30 të shekullit XIX, që ka pasur shumë sfida e telashe nëpër histori, po vazhdon edhe sot, me njerëz të tjerë, sepse themeluesit nuk jetojnë më fizikisht në mesin tonë, por edhe këta janë njësoj – shqiptarë që e duan Shqipërinë, por që i nderojnë dhe respektojnë popujt tjerë dhe vendet tjera, pra ata shqiptarë të devotshëm jemi ne. Jemi e do të jemi gjithmonë, deri në amshim do të jetë e paepur fara arbërore, në gjenerata të pambaruara, edhe fëmijët, nipërit e stërnipërit tanë.
Por, a mund të shpresojmë se me ne, me intereset jetike të kombit tonë, më të lashtit në Ballkan, do të jenë edhe liderët e institucioneve dhe të politikës, në Tiranë, në Prishtinë e kudo që bukës i thënë bukë e ujit – ujë?!... A do e kemi fatin, që liderët tanë, të zgjedhur me votën e popullit, të mendojnë për popullin, për interesin e përbashkët kombëtar, për paqen, për dashurinë dhe për mirëqenien e farës arbërore, bashkë me fqinjët dhe me të gjithë të tjerët?!
E konsideroj vetin shqiptar i devotshëm i Shqipërisë Etnike – Reale Natyrore dhe ndjehem intelektual, gjë që më detyron brenda shpirtit tim, sidomos në cilësinë e ambasadorit të paqes, t’u drejtohem të gjithë Shqiptarëve, kudo që jetojnë, që të japin nga vetja maksimumin, për të mbyllur në mënyrën më të mirë e paqësore dënimin e Shqipërisë Sonë, me aneksimin e trojeve, në afat 100 vjeçar, në Konferencën e Ambasadorëve në Londër, gati njëqind vjet më parë. Eni o shqiptarë, eni të gjithë bashkë, të punojmë me shumë kujdes dhe pa hezituar as pa kursyer gjë, në ribërjen e Shqipërisë – shtet stabil, të fortë e paqësor, mbi të gjitha trojet arbërore. Eni të gjithë, edhe ju liderë institucionesh e pronarë të kabineteve e të kolltuqeve qeveritare e ministrore, eni a bashkohuni me shqiptarët e devotshëm në kurorëzimin e ëndërrës sonë të drejtë shekullore, të natyrshme. Eni, sepse në këtë spektakël mrekullie do të gjeni dhuratën më të çmueshme të jetës, që do të jua ëmbëlsojë shpirtin dhe zemrën.
Me projektet tuaja politike e diplomatike, duke përmbushur dëshira të miqve, por edhe të armiqëve të popullit tonë, mbase edhe mund të pasuroheni sot, por do të zhvisheni krejtësisht e do të vuani shumë, nesër e gjithmonë. Prandaj, kujdes – dëgjojeni me shumë seriozitet thirrjen e popullit, eni e bashkohuni në hapat e marshimit historik të bashkimit kombëtar, nën Flamurin e Dashurisë, të Paqes e të Mirësisë! Eni, mos u frigoni, as mos ngurroni, se më se të garantuara i keni intereset tuaja të ngushta, në interesin e përgjithshëm, të përbashkët kombëtar. Eni, të gjithë bashkë, ju thërras fuqishëm edhe me gojën e Nënëlokes Shqipëri! Eni, ju thërrasim në emër të paqes dhe të dashurisë! Eni të gjithë, se Nënës ia kemi borxh!
Me shumë devotshmëri, por edhe me krenari kombëtare, ju thërras fuqishëm, që të vini e të bashkoheni në Forumin Imazh dhe Media, në serinë e kremtimeve historike, që veç kanë filluar, me strategjinë e Kryetarit Doc Dr Astrit Memia – të njohur dhe të konsideruar nga të gjithë, si ministër i mirëfilltë i burrërisë! Eni, mos ngurroni as mos u frigoni! Përpara, deri në fitore të paqes dhe të dashurisë arbërore! Eni, të bëjmë imazh të mirë – shembullor, kudo në botë, duke menduar shqi dhe duke jetuar origjinal – shqip!!!


http://a5.sphotos.ak.fbcdn.net/hphotos-ak-ash4/396635_291813110868081_100001181825890_786783_6713 10762_n.jpg

[GURI SYLAJ]

28 Nentore 2012 !!

Njeqind vjete po e ruaj gurin,
pesqind vjete po e ruaj Flamurin!
Njeqind vjet me nate mbi krye,
njeqind vjete s'kan mujt me me thye!
Njeqind vjete me djepa plot,
njeqind vjet po e pres kete mot!
Njeqind vjet se humba shpresen ,
njeqind vjete e mbajta besen!
Njeqind vjete me zjarr ne oxhak ,
njeqind vjete s'muj mora hak!
Njeqind vjete po e rriti trimin ,
njeqind vjete po e prese bashkimin!
Njeqind vjet po u therras me loder,
njeqind vjete po u pres ne kete voter!
Njeqind vjete po e pres kete Mot,
marrue kjofte kush nuk vjen sot!!

Guri Sylaj
12.04.2010

[Neferta]

28 Nentore 2012 !!

Njeqind vjete po e ruaj gurin,
pesqind vjete po e ruaj Flamurin!
Njeqind vjet me nate mbi krye,
njeqind vjete s'kan mujt me me thye!
Njeqind vjete me djepa plot,
njeqind vjet po e pres kete mot!
Njeqind vjet se humba shpresen ,
njeqind vjete e mbajta besen!
Njeqind vjete me zjarr ne oxhak ,
njeqind vjete s'muj mora hak!
Njeqind vjete po e rriti trimin ,
njeqind vjete po e prese bashkimin!
Njeqind vjet po u therras me loder,
njeqind vjete po u pres ne kete voter!
Njeqind vjete po e pres kete Mot,
marrue kjofte kush nuk vjen sot!!

Guri Sylaj
12.04.2010
A thua se keshtu disi ishte beslidhja ne Taksim te Stambollit para 100 e ca vitesh. Pas nje diskutimi plot zjarr ne parlament me 11 janar 1912, ne lagjen Taksim te Stambollit deputetet shqiptare u mblodhen me iniciativen e Hasan Prishtines dhe Ismail Qemalit, per te shtruar rrugen e kryengritjes se armatosur ne Shqiperi.

[Zero Cool]

Clinton në Tiranë për 100 vjetorin e Pavarësisë


http://www.knninfo.com/repository/images/26JE_pol.Clinton_ne_Tirane_per_100_vjetorin_e_Pava resise.jpg


Tiranë, 26.04.2012

Sekretarja amerikane e Shtetit, Hillary Clinton premtoi se do të vizitojë Tiranën për të festuar së bashku me shqiptarët 100 vjetorin e Pavarësisë së Shqipërisë.

Këtë premtim sekretarja amerikane e Shtetit ia dha kryeministrit Sali Berisha gjatë vizitës së këtij të fundit në Washington DC, e zhvilluar sipas kryeministrit edhe për qëllimin e ftesës për të vizituar Shqipërinë.
Sekretarja amerikane e Shtetit vlerësoi gjatë fjalës së saj se Shqipëria është partnere e fortë me Shtetet e Bashkuara të Amerikës dhe NATO-n.

“Është një nder të mirëpres Kryeministrin e Shqipërisë, këtu, në Departamentin e Shtetit. Kryeministri dhe vendi i tij kanë qenë partnerë të fortë me Shtetet e Bashkuara të Amerikës në NATO, si pjesë e misionit tonë në Afganistan dhe ne kemi një marrëdhënie të gjerë e të thellë që e vlerësojmë lart. Mezi pres të diskutoj me
Kryeministrin Berisha për shumë çështje, për të cilat ne po punojmë si në aspektin dypalësh, rajonal dhe atë global. Zoti Kryeministër mirëserdhët!”, u shpreh Sekretarja Clinton.

Kryeministri Berisha teksa shprehu mirënjohjen për pritjen në DASH, theksoi se “Sekretarja Clinton është një mike e madhe e vendit dhe e kombit shqiptarë.

“Shqipëria ka pasur privilegjin e jashtëzakonshëm të mbështetet nga ky vend i madh, nga administrata e Presidentit Obama, nga Sekretarja Clinton, në të gjitha përpjekjet e saj për të ndërtuar një demokraci të bazuar në lirinë e tregut. Faleminderit shumë”, tha ndër të tjera Berisha.

[Zero Cool]

Rikujtim


Shpallja e pavarësisë së Shqipërisë


Në prag të luftërave Ballkanike të viteve 1912-1913, Shqipëria ndahej në katër vilajete nga Perandoria Osmane me kryeqytete Shkupin, Janinën, Manastirin dhe Shkodrën. Nuk dihet me siguri se sa ishte numri i popullsisë Shqiptare por studimet e fundit tregojnë se ajo arrinte shifrën e rreth 1,500,000 më 1912 në katër vilajetet e marra së bashku. Për nga sipërfaqja, Shqipëria etnike arrinte të mbulonte 70,000-75,000 kilometra katrorë. Shkupi, Janina dhe Manastiri ishin të treja qytete me shumicë Shqiptare por sot ndodhen jashtë kufijve të shtetit Shqiptar apo atij Kosovar. Vetem Shkodra nga katër qendrat e vilajeteve arriti të jetë deri më sot brenda kufijve Shqiptarë.

Për të arritur në pavarësinë dhe krijimin e një shteti të unifikuar, Shqiptarët kishin arritur të binin dakort për një alfabet të përbashkët më 1908 në Manastir, veprim i cili i hapi rrugë mësimdhënies dhe literaturës masive në Shqip. Po ashtu, u intensifikuan kryengritjet kundër perandorisë Osmane gjatë viteve 1910-1911 veçanërisht në Kosovë dhe në Malësinë e Mirditës. Rol të rëndësishëm patën edhe intelektualët të cilët nën shembullin e Ismail Qemalit (1844-1919) ishin të lidhur ngushtë me komitetet “Bashkim e Progres” dhe me idetë e revolucionit të vitit 1908. Më vonë u kuptua se përkrahja e revolucionit Xhon Turk të 1908 ishte e padobishme pasi këta të fundit porsa morën pushtetin e Perandorisë Osmane i braktisën idetë e tyre moderniste dhe i trajtuan Shqiptarët si Otomanët e mëparshëm duke i mohuar atyre të drejtën për vetvendosje. Rrjedhimisht, pakënaqësitë ndaj Xhon Turqve si dhe dobësimi i Perandorisë Osmane e cila në fund të vitit 1911 duhej të mbrohej edhe nga Italia bëri që më 12 Janar 1912, në Stamboll të shpallej vendimi për një kryengritje të përgjithshme. Në këtë mbledhje morën pjesë Ismail Qemali, Hasan Prishtina dhe disa deputetë të tjerë ndër më aktivët e levizjes për pavarësi. Kjo lëvizje u vendos që të fillonte në pranverë në Kosovë. Kryengritjet e armatosura nisën në Mars dhe në Maj ishin përhapur në të gjithë Kosovën. Rreth Qershorit të katër vilajetet ishin ngritur në kryengritje ndërkohë që dezertimet e shumta në rradhët e ushtrisë Osmane bënë që kjo e fundit të ishte e paaftë për t’i bërë ballë kësaj lëvizjeje të fuqishme të Shqiptarëve.

Më 17 Korrik qeveria Xhon Turke dha dorëheqjen dhe u zëvendësua nga Liberalët. Qeveritarët e rinj kërkuan bashkëbisedime me kryengritësit dhe i premtuan atyre zbatimin e kushtetutës. Më 18 Gusht 1912, qeveria Turke me anën e një deklarate pranoi shumicën e kushteve të kërkuara nga Shqiptarët dhe të hartuara nga Hasan Prishtina brenda një programi prej 14 pikash. Ky program parashikonte autonominë e Shqiptarëve brenda Perandorisë Osmane. Vetëm me miratimin fillestar të autonomisë së Shqiptarëve nga ana e Perandorisë Osmane kryengritësit i ulën armët duke menduar se synimi i lidhjes së Prizrenit të 1878 më në fund u arrit. Sidoqoftë kjo arritje nuk ishte e qëndrueshme mbi të gjitha në një situatë kur fqinjët e Shqiptarëve si Grekët, Bullgarët, Serbët dhe Malazezët nuk iu leverdiste një autonomi e vilajeteve Shqiptare pasi kishin synimet e tyre mbi këto treva. Në këtë aspekt dhe për këto qëllime u nënshkrua më 13 Mars 1912 një marrëveshje Serbo-Bullgare që synonte që Kosova t’i jepej Serbisë ndërkohë që territoret në lindje të lumit Struma t’i takonin Bullgarisë. Pjesa tjetër e asaj që sot është Ish Republika Jugosllave e Maqedonisë do të vendosej se si do të ndahej sipas marrëveshjes nga Rusia. Gjithashtu, përsëri për qëllime copëtimi u nënshkrua më 29 Maj 1912 një marrëveshje Bullgaro-Greke. Vetëm qëndrimi i Austro-Hungarisë, e cila ishte kundër sllavëve, qe në interesin e Shqiptarëve pasi ky shtet i bëri presion Osmanëve që të zbatohej një decentralizim në të katra vilajetet Shqiptare.

Në këtë kontekst historik nisën luftërat Ballkanike, e para e të cilave filloi në Tetor 1912. Serbët dhe Grekët i shpallën luftë Perandorisë Osmane duke shënuar fitore të rëndësishme. Serbët dhe Malazezët shpejt vërshuan drejt Kosovës dhe krahinës së Shkodrës duke pasur si synim pushtimin e tyre. Në të njëjtën kohë, Greqia pushtoi Maqedoninë deri në Selanik dhe Thesalinë. Në këto kushte, një autonomi brenda një Perandorie Osmane të rrënuar u bë e pakuptimtë për Shqiptarët të cilët tashmë duhej të shpallnin pavarësinë për të shpëtuar identitetin e tyre si komb.

Vlora u zgjodh si qyteti ku do të mblidheshin delegatë nga të katër vilajetet dhe data e kësaj mbledhjeje ishte 28 Nëntori i 1912. Kështu u shpall pavarësia e Shqipërisë nën kryesimin e Ismail Qemalit në një mbledhje ku arritën të mbërrinin 63 delegatë duke përfshirë edhe disa që erdhën të nesërmen siç ishte rasti i Isa Boletinit i cili mbërriti më 29 Nëntor së bashku me 400 luftëtarë Kosovarë. Bajram Curri megjithëse u nis për në Vlorë nuk arriti të mbërrinte duke u penguar nga luftimet. Në këto rrethana, 28 Nëntori 1912 mbeti si një datë ku populli Shqiptar po e merrte fatin në duart e veta për të jetuar të lirë e të pavarur duke ëndërruar krijimin e një shteti që do të përkonte me kufijtë etnikë Shqiptarë si dhe duke pritur njohjen e ndërkombëtarëve.

[Zero Cool]

Shqiptarët pushtojnë majën e Everestit


http://a3.sphotos.ak.fbcdn.net/hphotos-ak-prn1/s720x720/564910_319997104745649_145353477_n.jpg


Alpinistët shqiptarë, mes tyre dhe Gjergj Bojaxhi ia dalin të pushtojnë Everestin, për të ngritur në çatinë e botës flamurin shqiptar. Lajmi konfirmohet nga një mesazh i marrë nga presidenti i kompanisë udhërrëfyese. Aplinistët kanë mbërritur në majën e malit më të lartë në botë rreth orës lokale 07:00 (+5. 45 GMT).
Namaste Aleksander
Faleminderit. Nga informacionet e fundit 4/5 alpinistë shqiptarë kanë arritur majën e Everestit, 8884 metra rreth orës 07:00 me orën lokale. (+5. 45 GMT) dhe janë rrugës për në kampin 3. Na duhet të konfirmojmë sa dhe kush kanë arritur majën menjëherë sapo të arrijnë kampin 3
Sinqerisht
Pradip Kumar Limbu
Ekspedita Everest 2012 u ndërmor në kushtet më ekstreme të motit dhe të lartësisë, dhe është inisiativë me rastin e 100 vjetorit të pavarësisë.
Fation Plaku, Gerti Pishtari, Mateo Begeja, Gjergj Bojaxhi, Erlin Rudho dhe Xhimi Begeja, nisën në muajin Prill ngjitjen drejt pikës më të lartë të globit, për të vendosur flamurin shqiptar në zonën e flamujve, përkrahë flamujve të tjerë nga e gjithë bota.
“Të gjashtë antarët e ekspeditës dhe sherpat do të ngjiteshin për gjatë gjithë natës për të arritur majën. Të gjithë ishin të përgatitur për të suportuar temperaturat nga – 30 deri në - 40 gradë Celsius. Shqetësimi ishte rritur para pak ditësh kur një stuhi e papritur shkaktoi vdekjen e dy alpinistëve dhe humbjen e tre të tjerave në atë që quhet Maja e vdekjes. Por për fat të mirë ekspedita shqiptare pavarësisht disa kthimeve pas dhe aklimatizimeve ia ka dalë mbanë që të arrijë deri në pjesën finale të misionit. Një arritje jo pa vështirësi dhe sakrifica fizike.
DITARI
20 maj drejt kampit të ndërmjetëm 5.700 m.
21 Maj ngjitje në ABC; 6.400 m.
22 Maj qëndrim në ABC.
23 Maj ngjitje në Kampin 1 – 7.100 m.
24 Maj ngjitje në Kampin 2 – 7.900 m
25 Maj ngjitje në Kampin 3 – 8.300 m.
25 Maj ngjitja në Majën e Everest.

[Zero Cool]

Ditari i papublikuar Hajredin Cakranit. Detajet e diteve te pavaresise

Zbulohen kujtimet e firmëtarit të deklaratës së Pavarësisë. Rrëfime për takimet në Parlamentin turk, takimet me atdhetarë e rilindës, marrëdhënia me Ismail Qemalin etj.


http://a7.sphotos.ak.fbcdn.net/hphotos-ak-prn1/s720x720/527080_10150943482167210_1907946935_n.jpg



Deri para pak muajsh ndodheshin të dëmtuara e të mbyllura në një kasetë metalike, ku “dergjeshin” që prej viteve ’50 në një shtëpi në Cakran. Pasardhësit që i kishin trashëguar nuk e dinin se çfarë fshihej në dorëshkrimet e hapura për të parën herë në vitin 1992, duke besuar se ato ishin dokumente pronash.

Do të duhej një kontroll “i ri” që të mësohej se këto dokumente, tashmë të dëmtuar e ku balta dhe ndryshku kanë ngjitur fletët me njëra-tjetrën, ishin dokumente që rrëfenin së shumti për historinë e Shqipërisë.

Në to fshiheshin kujtime e letërkëmbime të vëllezërve Cakrani, dy prej firmëtarëve të deklaratës së Pavarësisë, të cilët kanë kontribuar së shumti në çështjen shqiptare.

Lufta e tyre për liri e pavarësi është tepër komplekse, e zë fill, së paku që në vitin 1908 kur ata shkuan në manastir për të takuar të gjithë rilindësit, përgjithësisht ata korçarë dhe i takuan të hapnin shkollën e tyre në Cakran vetëm disa muaj pas miratimit të alfabetit latin.

Këto rrëfime shfaqen në dokumentet e servirura nga Kujtim Cakrani, të cilat po përpunohen e sistemohen nga historiani Kastriot Bimo. Bimo është njohur me një dorëshkrim të Hajredin Cakranit që në dhjetor e tashmë po përgatit monografinë e tij.



“Balta dhe ndryshku i ka bërë të ngjiten fletët me njëra-tjetrën dhe në një punë prej mbi 6 muaj në një staf prej 5 vetësh në laborator po arrijmë në një punë jashtëzakonisht të vështirë fundin. Probleme shfaqin jo vetëm pjesët e dëmtuara e të palexueshme, të cilat janë korrigjuar me kuptim të përafërt, por edhe gjuha e asaj kohe duke qenë mjaft e ngarkuar me shprehi dhe elemente të gjuhës turke paraqet vështirësi në konvertimin e asaj zyrtare e letrare të kuptueshme të sotme”, shprehet Bimo, ndërsa shton se paralelisht për konvertimine këtyre dorëshkrimeve po punon edhe një pedagog i gjuhës shqipe.

Udhëtim në ngjarje që prej 1882-it

Materialet e studiuara i përkasin ngjarjeve nga viti 1882 e vazhdojnë në 1908, 1909, 1911, 1912 etj. Disa ngjarje që përshkruhen në këto shënime janë ato të takimit në Stamboll me Sami Frashërin ku Hajredin Cakrani i merr abetaren dhe libra të tjerë. Në to përfshihet edhe vajtja e tij së bashku me të vëllain Bektash Cakrani në Klubin e Manastirit ku hapin dhe shkollën e parë shqipe në Cakran, takimi në Stamboll i Bektash Cakranit, Dervish Himës, Mihal Gramenos me Nexhip Dragën e Hasan Prishtinën për fillimin e kryengritjes në Toskëri. Në këto shënime flitet edhe për kryengritjen e zhvilluar në Cakran nga Baki Gjirokastra, Namik Delvina, Idriz Guri, etj., sipas orientimeve të Ismail Qemalit, mbështetjen pa rezerva të kandidaturës së I.Qemalit për deputet. Flitet aty edhe për takimin me Ismail Qemalin e Luigj Gurakuqin në gusht 1912 në shtëpinë e tyre, ku dhe bujtin atë natë, kalimin nëpër Myzeqe duke e nxjerrë I.Qemalin nga rreziqet e përcjelljes në Vlorë si firmëtar. Por edhe për momentet kur ai është këshilltar i ministrit të Luftës M.pashë Drralla, apo kur i vëllai, Bektash Cakrani është drejtor thesari (sepse në mungesë të fondeve shumicën e aksioneve i jepnin të dy vëllezërit nga të ardhurat e çifligjeve të tyre), etj. Interesante është të shihen edhe momente të tjera, si: përplasja me Ismail Qemalin për arsye të koncesioneve të tij me bankën pa u bërë shteti në një promemorje të firmosur nga 67 krerë mes të cilëve: F.Konica, M.Frashëri, F.Toptani, M.Grameno, Th.Germenji, H.Prishtina, D.Hima, P.Cale, etj. dhe ku qeveria iu dërgon për raprezalje në Cakran bandën e Salih Vranishtit që ruante rendin në Vlorë, refuzimi i pjesëmarrjes në qarkun e Esat Pashës, lufta nën Princ Vidin, beteja në Lushnjë me fanatikët e Shqipërisë së Mesme në 1913, arratisja në Itali, bashkëpunimi me austriakët, apo takim- pajtimi i mundësuar prej tyre me I.Qemalin në 1918 në Vjenë. Ata janë ndër themeluesit e Kongresit të Lushnjës dhe Hajredin Cakrani është i pari që ngrihet dhe propozon Kabinetin e S.Delvinës, i cili bujt në shtëpi të tyre. Deputet i pavarur dhe në luftë në 1920 kundër italianëve në Vlorë, po si deputet i pavarur shkon përsëri në Vlorë në varrimin e Avni Rustemit. Me pikëpamje republikane, antizogist, themelues i lëvizjes së Fierit, dënohet me vdekje, por falë influencës i falet jeta etj. Shënimet e firmëtarit të deklaratës së pavarësisë janë në formë kujtimesh, por spikat aty një trajtë rrëfimtare herë-herë deri në detaje të ngjarjeve.

Më poshtë po sjellim një nga fletët e kujtimeve të shënuara prej tij, që flet për ditët e fundit para pavarësisë…

Transkipt

Më njëzet t’vjeshtës së tretë i përgjigjem telegramit për në Vlorë. Shirat nuk kishin pushuar dhe semani kishte dalë poshtë në çiflik. E panë një njeri me kalë drejt Petshanjit dhe i thanë se andej është çifliku i Hajredin Beut. Ai u fut tutje dhe kur m’a prunë në shtëpi e pieta nga vin. Kur e mori vesh q’ isha Hajredin Beu më fjalosi për një kartë q’e dërgon Bektash Beu nga Vlorë dhe gjall’a vdekur të t’a bija bej më tha. E këndova me një frymë e më shkruaj në gjuhë frënge të kem besim te njeriu i kartes. Pasi më sqaron fill e përpe thotë se Ismail Beu e Z.Luigj Gurakuqi me njerëz të tjerë do vinin nga Durresi në Vlorë ësht’ marrqë vesh e kish rrezik të përpiqen me ushtërinë e bëhet hataja. Duhet të bëja gati njerëzit t’u dilim ne Shkumbin e t’u prisim udhë e e t’i fusim në çiflik . Llafosa me njerinë t’im te besuar po ai tha se në këtë hata shi që po bie rruga as që duket. S’ke dëgjuar gjallë vdekur ti i bërtita. Si të urdhëroç Bej po j’a dolëm dot me buaj për ndryshe u mbymë. I bëni hazër buaj e qerre se s’mbytemi jo . Ku të ikim nata erdhi dhe andej s’luan dot. Me t’u gëdhirë po bënim hazër buajt kur erdhi paradite një tjetër njeri I bërë qull der’ ne pallce e pruri kartën e dytë. Hataja thuaj’ ish bërë se ushtërija kish muar urdhër t’a zir Ismail Bejnë me shokë se s’bën. Muarëm rrugën e sipërme të kënetës po as ajo s’dukej nga ujtë që kish dalë tejetej. Të dalë ku të dalë. Buajt ecin javash në llucë ne duhej të nxitonim po ku të linte ujtë e mjergulla që kish rënë vënde- vënde sikur kish dalë deti e qe ngjitur në rrëzë të kodrës..

Përshtatur

Më njëzet të nëntorit iu përgjigja telegramit për në Vlorë. Shirat nuk kishin pushuar dhe lumi i Semanit kishte dalë nga shtrati poshtë nga çifligjet. Kishin parë një njeri me kale që nxitonte drejt Petoshajt dhe i thanë se në atë drejtim ishte çifligu i Haredin bej Cakranit. Ai vazhdoi rrugën, që kështu e kapën dhe ma sollën mua në shtëpi, ku aty unë e pyeta se nga vinte. Kur u sigurua se unë isha Hajredin Cakrani vetë më tha për një letër që ma dërgonte im vëlla Bektash Cakrani nga Vlora dhe gjallë a vdekur të ta bija bej,- më tha. E lexova me një frymë ku më shkruante në frëngjisht që të kisha besim tek letërprurësi. Aty më sqaronte hollësisht se Ismail Qemal beu dhe zoti Luigj Gurakuqi së bashku me njerëz të tjerë do të vinë në Vlorë, por kjo gjë është marrë vesh dhe ka rrezik të përplasen me ushtrinë osmane dhe ndodh e keqja. Duhet të bëja gati njerëzit e t’u dilnim në Shkumbin , për t’u prerë rrugën e t’i fusnim pastaj nëpër çiflig për siguri. U mora vesh me një njeriun tim të besuar, por ai më tha se në këtë shi të tmerrshëm që po bie, rruga as që duket.- Ke dëgjuar gjallë-vdekur! I bërtita! Si të urdhrosh ti bej, por po ja dolëm dot me buaj se ndryshe do të mbytemi. I bëni gati buaj e qerre se nuk mbytemi, jo! Nuk kishim ku të shkonim se nata po vinte dhe në ato anë nuk lëviz dot në errësirë. Në të gëdhirë po i bënim gati buajt, kur paradite erdhi një njeri tjetër i lagur deri kë kockë, i cili solli letrën e dytë. E keqja pothuaj kish ndodhur se ushtria osmane kish marrë urdhër për të kapur Ismail Qemal beun me shokë me çdo kusht. Morëm rrugën e sipërme të kënetës, por ajo nuk dukej nga uji që kish dalë tej për tej.-Të dalë ku dalë! Buajt ecin ngadalë në baltë, ndërsa ne duhet të nxitonim, po ku të linte shiu e mjegulla që kishte rënë vënde-vënde e dukej sikur kish dalë deti e kish ardhur në rrëzë të kodrës…

Drejtori i thesarit në Qeverinë e Ismail Qemalit më 1912 Bektash Cakrani, e që ishte vënë aty për arsye se posedonte anën financiare ndihmëse të kësaj qeverie, i drejtoi një promemorje I.Qemalit, të firmosur nga 67 vetë (Faik Konica, Mit’hat Frasheri, Mihal Grameno, Themistokli Gërmenji, Dervish Hima, Hasan Prishtina, Pandeli Cale, Azis pashë Vrioni), ku thoshte se “dhënia me koncesion e krijimit të një banke austro-italiane, nga një qeveri e përkohëshme lokale, pa u vendosur akoma kufijtë e shtetit, nuk duket si aventurë, por tradhti e mirëfilltë…”

Konti Leopold Berchtold, ministri më i ri i Punëve të Jashtme në historinë e Perandorisë Austro-Hungareze, pyetjes së Ismail Qemalit e Luigj Gurakuqit se a do të hyjë në luftë në anën tonë Austria, sqaroi se “konflikti është ballkanik, po ndërhymë si thoni ju, s’është më i tillë. Më logjike është një shtet i pavarur shqiptar në Bllkan, se zgjerimi i konfliktit”, gjë të cilën nuk e evitoi dot më vonë, kur po në Ballkan nisi Lufta I Botërore.

…famëkeqi Max Valentineri me nëndetësen e tij gjermane, siluroi dhe mbyti anijen amerikane “Lusitania”, me gjithë pasagjerët e saj, duke futur SHBA-në në luftë, ku doli i humbur. Themistokli Germenji, Sevasti Qiriazi, e të tjerë të krishterë korçarë u bënë protestantë në kundërshtim me grekët dhe vetë ortodoksinë e tyre, por Fuqitë e Mëdha i quajtën këto çeta me orientim progjerman, duke na klasifikuar në anën e të humburve në Luftën e Parë Botërore.

Thuhet se vetë Ismail beu Kemal ka bërë pjesë në rrethet e Masonerisë, me apo pa dashje pasqyruar në të vetmin film që është bërë për të, ku shenja në fjalë i përket “lozhës” së mendjendriturve, tipar ky që s’i bëri dot punë në Shqipëri, pasi për arsye që dihen, qeveria e tij ra shumë shpejt.

[Neferta]

Elbasani zgjodhi Mid’hat Frashërin si përfaqësues në Vlorë dhe shpallja e pavarësisë më 25 nëntor.
Akti i Pavarësisë në Elbasan
http://www.panorama.com.al/wp-content/uploads/2012/07/Copy-of-dokumenti-i-pavaresise-Elbassan.jpg

[Zero Cool]

100 vjetori i Pavarësisë, takim mes Postës së Kosovës, Shqipërisë dhe Maqedonisë


Një takim u organizua ndërmjet Drejtorëve të Përgjitshëm të Postës së Kosovës, Postës Shqiptare dhe Postës së Maqedonisë të premten(7-9-2012) në Prizren – Prevalle.

Nikoqiri i organizimit të këtij takimi z.Rafet Jashari – Kryeshef i Postës së Kosovës përshëndeti delegacionin nga Posta Shqiptare ne krye me Z. Arqile Gorea Drejtor i Përgjithshëm, delegacionin nga Posta e Maqedonisë ne krye me Drejtorin e Përgjitshëm Z.Rafiz Haliti, dhe anëtarët e Bordit te PK-es ne krye me kryetar Z.Halit Isufi.

Në këtë takim u diskutua për tema të ndryshme, ku ndër to vlen të përmendet tema e thellimit të bashkëpunimit ndërmjet këtyre tri Administratave Postare, për miratimin e binjakëzimit të Filialit të Postave të Elbasanit me Filialin e Tetovës dhe Filialit të Postave të Beratit me atë të Gjakovës. Gjithashtu u diskutua dhe tema rreth emetimit të një pulle të përbashkët me rastin e 100 vjetorit të pavarësisë së Shqipërisë dhe organizimin e disa aktiviteteve të përbashkëta me rastin e kësaj ngjarje.

Para tri viteve këto tri Administrata Postare kanë nënshkruar një Memorandum Bashkëpunimi i cili ka hedhur pikat e veta jo vetëm në bashkëpunimin profesional por dhe në rregullimin e tregut dhe në afrimin e shërbimeve të ndërsjellta dhe në marrjen e iniciativave të përbashkëta. Iniciativa e cila u realizua me shume sukses si rrjedhoje e ketij Memorandumi e cila bashkon jo vetem keto tri administrate, por që bashkon gjithë popujt e botës, për një figurë madhështore që ka nxjerrë kombi ynë, shenjtoren Nënë Tereza, për të cilën Posta e Kosoves, e Maqedonise dhe Postat Shqiptare dolen me një pullë të përbashkët postare.

Tashmë është bërë traditë ndërmjet Postave të Kosovës, Shqipërisë dhe Maqedonisë realizimi i takimeve të kësaj natyre të cilat nuk janë vetëm pjesë e formalitetit rajonal por janë iniciativa funksionale.

Në fund të këtij takimi u ra dakord që me rastin e 100 vjetorit të pavarësisë të organizohet një konferencë rajonale nën tematikën: “E Ardhmja e shërbimit postar në rajonin e përbashkët”, ku të emetohet një pullë e përbashkët nga të tre Administratat Postare pjesmarrëse në këtë takim , të nënshkruhet binjakëzi ndërmjet Filialit të Postave të Elbasanit me Filialain e Tetovës dhe të Filialit të Postave të Beratit me atë të Gjakovës si dhe të organizohet në Shqipëri një garë e “Ecjes së shpejtë të postjerëve” nga Posta e tre shteteve respektive.

[Zero Cool]

http://dardania.de/vb/upload/images/icons/icon4.gif Peticionhttp://dardania.de/vb/upload/images/icons/icon4.gif


Humbi 2-3 minuta, nënshkruaj peticionin tek Google, kështu që ditën e 28 Nëntorit të 2012 të vendoset flamuri kombëtar ne faqen e tyre zyrtare www.google.com


3,245 NEEDED

Plotëso formularin këtu (http://www.change.org/petitions/google-have-a-doodle-for-albania-s-100-year-anniversary-of-independence)

[Zero Cool]

Kosovarët në Vlorën e 1912


Sipas kujtimeve të nipit të mbijetuar të Isa Boletinit


Isa Boletini, ishte një ndër personazhet më të rëndësishme në mbledhjen e Ferizajt, prej së cilës nisi më pas udhë lëvizja për shpalljen e zgjedhjeve të lira në Perandorinë Osmane. Ishte viti 1908. Baca i Boletinit, që vinte pas një periudhe të gjatë gjysmëinternimi e konfliktesh me Portën e Lartë, në fillim preferoi të mos ngatërrohej me intrigat për marrjen e pushtetit, që ndërkohë kishin mbërritur deri në Mitrovicë. Atëherë, sipas traditës së stërnjohur, si pa që atentatet kundër Bacës nuk dhanë rezultat, Porta e Lartë mbajti peng dy nga njerëzit e tij më të afërt: të nipin Tafilin dhe djalin Halitin, të cilët ndërkohë studionin në Stamboll. Ngjarjet që do të lexoni më poshtë janë bazuar pikërisht në kujtimet e njërit prej të paktëve Boletinë të mbetur gjallë që nga masakra e Podgoricës në 1916, nipit të tij, Tafilit, kur Isa Boletini dhe shumë nga njerëzit e tij u masakruan në mënyrë çnjerëzore.


Ofertat e xhonturqve dhe lajmi i Ismail Qemalit

Sipas kujtimeve të nipit, Tafilit, Stambolli kishte të gjithë intereein që të paqësonte Isa Boletinin. Në këtë periudhë del në skenë një tjetër emër i njohur i lëvizjes kombëtare shqiptare, Hasan Prishtina. Sipas Tafil Boletinit, ky, në qershorin e 1909, mbërrin në Mitrovicë, si i dërguar i posaçëm i Hysen Hilmi Pashës, Kryeministër i kohës. Prishtina, në emër të Stambollit, i premtoi Isës shpërblime dhe paqe nëse ky do të hiqte dorë nga kryengritjet e tij të herëpashershme. Baca refuzoi. Të njëjtën gjë bëri edhe disa muaj më vonë, kur mbërritën refugjatë të tjerë.

Andej nga fundi i vitit 1909, një lajm inkurajues mbërriti në bjeshkët e Rozhajës, atje ku Isa Boletini qe strehuar për t’u shpëtuar atentateve. Ismail Qemali, më vonë “babai i Pavarësisë’ i dërgon lajm me anë një të tregtari të njohur bagëtish: “Gajret o burrë, e mos u mërzit”. Lidhja mes dy burrave më të famshëm të Pavarësisë sapo kishte nisur të ngjizej. Përgjatë fillimit të 1910-s, Isa Boletini dhe trimat e tij përshkruan pjesën më të madhe të Malësisë së Gjakovës, me shpresën se populli e paria po bëhej gati për një goditje të madhe kundër Perandorisë Osmane. Ndërkohë, përplasja e madhe nuk mund të vononte. Një betejë e madhe në grykën e Cerralevës ka mbetur në histori si një nga përplasjet më të mëdha mes shqiptarëve të armatosur dhe Perandorisë Osmane. Ngjarja, ku osmanët mbetën të gozhduar për tri ditë me radhë, bëri përshtypje të madhe edhe në opinionin ndërkombëtar, çështja shqiptare kishte nisur të kishte simpatizantët e saj edhe nëpër botë. Të mbetur pa bukë, të përgjysmuar në numër, të vetmuar dhe pa aleatë të rëndësishëm, kryengritësit e Cerralevës, menduan t’i shpëtonin ekspeditës ndëshkimore që po afrohej. E vetmja rrugëdalje ishte Mali i Zi, i cili, asokohe për motive të vjetra, i joshte shqiptarët. Në Mal të Zi u strehua një pjesë e mirë e parisë dhe e kryengritësve kosovarë. Kjo ngjau që nga qershori i 1910-s e deri në mars të 1911. Vendi ku u strehuan krerët shqiptarë ishte Cetina, kryeqyteti historik i malazezëve. Përveç Isa Boletinit në Cetinë ishin strehuar edhe Dedë Gjo Luli, Mehmet Shendi dhe krerë të tjerë të malësorëve. Shkruan Tafil Boletini: “Në Cetinë gjeta ‘Historinë e Skënderbeut’ te një shqiptar katolik, tregtar. Abetare shqip s’kisha pa, por përfitova prej gërmave frengjishte, disa gërma që atëherë ndryshonin nga shqiptimi i fjalës kuptova se cilat ishin dhe mësova edhe qirilicën. Kështu e kalojshma kohën me lexime gazetash e librash serbishte. Nga Cetina axha Isa ka ra në kontakt me Aqif Pashë Elbasanin, që në atë kohë ndodhesh në Bari, e ma vonë edhe me Ismail Qemal Begun që gjendesh në Nice të Francës, për të bërë marrëveshje me ta çoi Abdullah Agën e Prizrenit te të dy dhe prej asaj kohe, deri sa kanë vdekë kanë qenë miq të sinqertë e miq të pandamë”. Diçka po lindte në horizontin politik të Ballkanit, diçka të cilët shqiptarët e ëndërronin, porse vetëm pakkush e besonte.



S’kam punë me sulltanin!

Në mars të 1911 malësorët e veriut të Shqipërisë nisën sulmin kundër garnizoneve osmane. Kjo i gjeti të papërgatitur si refugjatët shqiptarë në Cetinë, ashtu edhe krejt të tjerët. Knjaz Nikolla i Malit të Zi, thirri menjëherë krerët shqiptarë nga Cetina dhe i kërkoi që të merrnin menjëherë pjesë në këtë kryengritje. Boletini dhe të tjerët nuhatën se mund të bëheshin mish për to, kështu që më mirë preferuan të largohen nga Mali i Zi. Sipas Tafil Boletinit: “… Axha Isa, i drejtohet sërish krajlit: Nalmadhëni, na falni për bezdinë që ju kemi ba që nëntë muej, i jemi mirënjohës hospitalitetit të Naltmadhnisë tuej. Tani u afrue vera e jena ba gati me dal. Lusim që punët të na vinë mbarë e shpenzimet që keni ba për ne t’jua shpërblejmë”. Kosovarët nën drejtimin e Isa Boletinit, i dorëzuan për pak kohë armët me të mbërritur në Kosovë.

Në verën e 1911 Sulltani do mbërrinte në Kosovë në tyrben e Sulltan Muratit. Ceremonia ishte edhe një propagandë e madhe për të gjithë ata që ende besonin në Perandorinë Osmane. Isa Boletini ishte ndër të parët në listën e atyre që do prisnin “Hazretin”, porse ai refuzoi: “Dy ditë para ardhjes së sulltanit nga Prishtina – shkruan i nipi Tafil – tek axha çuen edhe mulla Shyqyri Vuçternin, si mik. Duket se i kishin ba presion të madh që si mik insistoi aq shumë për me e bindë axhën se mosprezantimi do të konsiderohej përbuzje e prestigjit të naltmadhënisë së tij dhe mund të pasonin edhe konsekuenca. Ma në fund Shyqyri efendia tha: E kush ka me ardh ma i madh në Kosovë, veç se Zoti! Axha Isa iu përgjigj: për çka po lodhesh e ke kot, se i di këto gjana ma mirë se ti, prandaj për këto çështje që s’kam ça kokë asnjëherë, s’kam nevojë për këshilla. Shko e thuju atyne që të kanë çue, se unë s’kam kurrfarë pune me sulltanin, që vjen në Kosovë për dallavere e propagandë, për na qitë pluhën syve e me i pa të mirat që ata i kanë këtij vendi. Mos të rrehen se me këto reklama kanë me e mashtrue popullin sa me e harrue dajakun e tyne”. Armiqësia sa vinte e po bëhej më e hapur. Të refuzoje sulltanin ishte një gjë e padëgjuar ndër këto troje që nga koha e Kastriotëve.



Kryengritja e 1912

Pas disa ngjarjeve sporadike në fundin e 1911, shqiptarët e Kosovës nisën të organizohen për një luftë në fronte të gjera. Një mbledhje e krerëve, e organizuar në Junik, shpalli fillimin e veprimeve të armatosura. “E para herë – shkruan Tafil Boletini – më takoi me pa se si djelmnia e dy krahinave u besatuan ndër vedi. Të gjithë me armë u rreshtuem përballë e i takuem armët me shoqi-shoqin e me ni za thërritëm: besa’besë, kemi me vdekë me Isa Boletinin! Mandej të gjithë së bashku ju afruem axhës, e me pushkë e tyne e takuem pushkën e axhës, që edhe ky, në atë moment, e mbante në dorë…”. Kryengritësit kosovarë shumë shpejt mbërritën në afër dhjetë mijë vetë. Ata çliruan Novi-Pazarin, Mitrovicën, Prishtinën, Vuçiternën, Ferizajn dhe mbërritën deri në Shkup, në qendrën e Vilajetit. Në këtë kohë nisi lufta ballkanike. Shqiptarët e panë veten disi vetëm. Duhej të nxitonin.


Drejt Vlorës së Pavarësisë

Pjesa tjetër e ngjarjeve nuk mund të rrëfehet më mirë se sa vetë dëshmitarët.

“… Tue pa se nuk ngeli ma vend për kurrfarë rezistence – shkruan Tafil Boletini – dhe Vlora me nxitim kërkonte mbledhjen, me 200 e ca vetë muerëm rrugën për në Vlorë… Lajmi i tërheqjes së ushtrisë i ftohi njerëzit nga përgatitja e ndonji rezistence. Filluen të mendonin si t’i largonin familjet përtej Drinit. Dhe mbledhja u shpërnda. Atëherë, me parinë e Lumës, përmes Kolisjanit, me Cen Dacin, Ramadan Zaskokun e të tjerë jemi nisë për në Kala të Dodës për me vijue udhëtimin, mbasi humbëm nji javë derisa mendohesh me luftue…”. Në Dibër grupit të kosovarëve u bashkohet edhe dërgata dibrane. Tani ishin afër tetëqind vetë që shkonin drejt Pavarësisë. Kalorësit kalojnë nga Dibra në Librazhd, më pas në Elbasan, Belsh, Fier. Rrëfen Tafili: “…Tej lumit na priste Sami bej Vrioni e Dervish bej Biçaku. Të gjithë shkuam mysafirë të Ymer pashë Vrionit. Me Ismail Qemalin, që na priste me padurim, përnjiherë filluen bisedimet me anë të maqinës telegrafike. Tue qenë se situata politike nuk premtonte vonesë, por edhe vajtja jonë natën nuk kishte mundësi, si nga lodhja, po sidomos sepse nga shinat e asaj vjeshte fushat ishin të mbulueme me ujë e baltë të madhe, atëherë delegatët e Kosovës: Isa Boletini, Zejnel beg Begolli, Mehmet pashë Dërralla, Riza beg Gjakova, Dervish beg Mitrovica, Hasan Hysejni i Budakovës e Ajdin Draga, të gjithë, me nji fjalë, autorizuen Ismail Qemalin me ngreh flamurin e me deklarue zyrtarisht indipendencën nesër më 28 nëntor 1912. Më 28 herët u nisëm për në Vlorë. Nuk më harrohet ai udhëtim, nëpër fusha e hendeqe të mbulueme me ujë e baltë, sa edhe ajo rrugë e keqe nuk dallohesh, kur disa shokë me gjithë kuaj rrokulliseshin nëpër hendeqe e disa shanin e disa qeshnin. Lumin e Vjosës në Mifol e kaluem po ashtu me një lundër të vogël dhe me ato mundime e me vonesë, sikurse lumin e Semanit në Mbrostar të Fierit. Populli i Vlorës e delegatë të viseve të ndryshme, me flamurë, na kishin dalë përpara në Nartë.

Në Sheshin e Flamurit, para shtëpisë së Hasan Sharrës, ku banonte Ismail Qemali, krejt populli e delegatët na pritën me flamurë në dorë. Fjalimin e mirëseardhjes së delegatëve të Kosovës e mbajti Kristo Meksi. Mbas fjalimeve të tjera të rastit, delegatët u përqafuen me Ismail Qemalin dhe e uruen për me lavdata për përpjekjet e palodhuna e sakrificat e mëdhaja që ai kishte ba pa nda derisa ia arriti qëllimit. Ismail Qemali, me falënderime, e lavdëroi axhën Isë për ndihmën që ka pasë në lamën politike prej luftave të tij të pakëputuna dhe i propozoi postin e ministrit të luftës. Por axha Isa i tha: Jo, nuk asht ai vend për mue, pse edhe ktu e mrapa kam shumë detyra, dhe ia rekomandoi Mehmet Pashë Dërallën. Ismail Qemali axhën Isa e ka dashtë shumë dhe ia kishte besimin, por edhe ky i ka qendrue besnik deri në fund duke e vlerësuar si faktorin kryesor që e shpëtoi Shqipninë në momentin ma kritik. Kurse të tjerëve, që ma vonë byrykateshin për pozita, në atë kohë nuk iu ra ndërmend nji gja e tillë si ngritja e flamurit. Ismail Qemali kërkoi nga axha Isa dy djem kosovarë nga njerëzit tanë, që t’i rrinin në derë. Axha Isa i la Halim Musa Bajgorën e Ahmet Ali Llapin, dy djem të Shalës, që në çdo pikëpamje i përgjigjeshin asaj detyre, meqenëse në fillim nuk kishte kurrfarë force të organizueme, njerëzit tanë rreth e rrotull banimit të tij banin rojen e natës dhe mbanin qetësinë. Por edhe mbasi u formue nji gjandërmëri, besimin e kishte mbështet te neve. Kur erdhi Princ Vidi iu caktuen tre burra të zgjedhun prej tri krahinave për me i ndejtë si roje nderi. Nga Kosova u caktua Halim Bajgora, si njeri i jonë që ia kishim dhanë Ismail Qemalit, nji tjetër, Riza Runa, ishte nga Kurveleshi, dhe i treti ishte nga Kastarati, Gjelosh Gjoka… Ismail Qemali ishte jo vetëm patriot, por edhe trim. Si pa gja të keqe thoshte: Kushdo që të na sulmojë, na në kala të Kaninës do të vdesim. Kah gjysma e dhjetorit 1912 erdhi telegram ku në princip u vendos njohja e nji Shqipnie. Nga gëzimi i këtij sihaqriqi të madh plasi pushka. Ishte natë. U shndritë prej flakëve të pushkëve. Na shpinë e kishim në krye të Vlonës. Pandehëm se na ranë grekët. Vrapuem te Ismail Qemali e te axha Isa, që ishin në shpi të Hasan Sharrës në fund. Tue vrapue teposhtë ndeshim me nji boshnjak me krah të përgjakun, i plagosun nga shtimja e pushkëve nëpër rrugë e penxhere. E pyetëm: Ç’po bahet? Ai, tue mos ditë me u shpreh mirë në shqip, na tha: Ato çka po lyp e gjete. Shoqi ynë, Isuf Bardhoshi, i tha: More budallë, kur paskemi kërkue të na thyhen duert? Po kur muerem vesht se u njoh Shqipëria edhe ne ia lëshuem nji batare. Unë hina te Ismail Qemali dhe e urova tue ia puth dorën. Tue qeshë tha: Tafil, u trembe se na hini greku e na erdhe në ndihmë? ‘Po zotnia juej na keni thanë se në nji rast të tillë do të vdesim në kala të Janinës?’. ‘S’ka gja, s’ka gja – tha – Shqipnia u njoh’. Dhe, nga gëzimi, edhe balli i qeshte. Edhe na ishim të vendosun për me vdekë. Sa u gëzuem për njohjen e Shqipërisë, kur u muer vesh se Kosova, ma se gjysma e Shqipnisë, u çkëput nga gjini i mamës së vet e ngeli nën thundrën e armikut, të gjithë fort u helmuem. Prandaj e lashë amanet: Kurdoherë që të lirohet, kudo që ta kem vorrin, me më lajmërue: Sihariq! Kosova tu lirue! Vetëm atëherëë kockat e mija nën tokën e zezë kanë me gjetë prehje e me u qetësue…”.

(Cituar sipas Tafil Boletini: Kujtime; përgatitur nga prof. dr. Marenglen Verli, Botimpex, Tiranë 2003).

[Zero Cool]

100 vjetori i Pavarësisë, 30 balona kuq e zi në qiellin e Francës


http://www.knninfo.com/repository/images/18S-Kult_100_vjetori_i_Pavaresise.jpg


18.09.2012

Tridhjetë balona kuq e zi të dimensioneve të ndryshme u ngritën në qiellin e qytetit bregdetar të Dieppit në Francë, duke performuar në spektaklin "Shqipëri 100 vjet Pavarësi", transmeton BW.

Shoqata e balonave, e kryesuar nga piktori Zamir Mati, me mbështetjen e ambasadës shqiptare në Francë, performuan në kuadrin e Takimit Ndërkombëtar të Balonave (Cerf-Volant) në qytetin Dieppe të Francës, nga data 15-16 Shtator këtë spektakël, ku ndër të tjera u ngrit dhe një objekt fluturues mbi 120 metra i gjatë, mbi të cilin ishte qendisur mbishkrimi: "Albanie 1912-2012".

Nisur nga vëmendja që zgjoi prania e një larmie objektesh kuq e zi në këtë manifestim, këndi shqiptar u bë objekt i mediave lokale të shkruara e atyre vizive si dhe i paneleve publicitare të ngritura me këtë rast. Në veprimtarinë e mësipërme ishte i pranishëm dhe ambasadori shqiptar Ylljet Aliçkaj.

Gjithashtu, për herë të parë në këtë manifestim u bë e mundur dhe pjesëmarrja e një ekipi nga Kosova, përfaqësuar nga piktori Eshref Qahili".

[Zero Cool]

''Mu shterrshin sytë nëse pushoj, lirinë tënde me ëndrrue,mallkue qoft gjaku im, nëse m'vrasin pa luftue''!

Agim Ramadani (Komandant KATANA)





"S’um ka lidhë as kral as mbreti, jo po m’lidh Kadri Mehmeti. Thuj Kadrisë, more budallë s'lidhet burri sa t'asht gjallë!"

Bajram Curri

[elvio]

FSK do parakaloje ne Tirane.


Në Bulevardin "Dëshmorët e Kombit" në Tiranë, për herë të parë do të shihet në parakalim përkrah Forcave të Armatosura të Republikës së Shqipërisë edhe një forcë tjetër.

Prej më shumë se një muaji 65 pjestarë të Forcës së Sigurisë së Kosovës, janë grumbulluar në Istog, në kazermën që mban emrin "Ushtarët e NATO-s".

Çdo ditë, ata janë duke bërë përgatitjet për marshimin që do ta bëjnë për herë të parë, dhe atë për 100 vjetorin e Pavarësisë së Shqipërisë.
"Pjestarët që sapo kanë filluar të trajnohen në dy pjesë. Në pjesën fizike e cila do të ndihmojë shumë në qëndrueshmërinë e tyre gjatë trajnimit këtu dhe gjatë marshimit atje. Dhe, në perfeksionimin e lëvizjeve të drillit, lëvizjeve të rregulloreve rreshtore që ata të jenë sa më koherent me njëri-tjetrin dhe të kenë një kohezion të mirë gjatë marshimit".
Stërvitjet e këtij kuadrati të formuar enkas për 28 Nëntorin, do të vazhdojnë deri pak ditë para kësaj date.

"Duke e parë rëndësinë e 100 vjetorit të Pavarësisë së Shqipërisë dhe duke e parë që është një privilegj shumë i madh për FSK-në të marrë pjesë me një kuadrat si forcë mbrojtëse dhe si ushtri në Republikën e Shqipërisë atëherë e kemi paraparë që të bëhet një trajnim pak më i gjatë, një trajnim rezident, 24 orë, dhe të del sa më mirë fundi".
Për pjestarët e FSK-së, të kuadratit për 100 vjetorin e Pavarësisë së Shqipërisë, të marrësh pjesë në marshimin për 100 vjetorin e shtetit shqiptar është krenari.

"Është një ndjesi shumë e mirë, është privilegj dhe nder të marrësh pjesë për 100 vjetorin e Pavarësisë së Shqipërisë. Ne po mundohemi të japim maksimumin në stërvitje dhe shpresoj që do të paraqitemi shumë mirë".

"Për neve është një krenari shumë e madhe, mund të them krenaria më e madhe që unë kam përjetuar...".
Në maj të këtij viti, ministri i mbrojtjes së Shqipërisë i pati bërë ftesë publike Forcës së Sigurisë së Kosovës për të marrë pjesë në paradën e 100 vjetorit të shpalljes së Pavarësisë së Shqipërisë, për çfarë miratimi kishte ardhur menjëherë.

[Zero Cool]

100 vjet Pavarësi, shtatore fringo për Adem Jasharin

Një nga elementet më të rëndësishme të festimeve të 100-vjetorit të Pavarësisë do të jetë shtatorja e re në bronz e Adem Jasharit. Ajo do të vendoset në Rrugën e Durrësit, atje ku ndodhet busti i tij, por i amortizuar. Madje, edhe emri i tij është hequr dhe si për ta rregulluar, është menduar të gërvishtet sipërfaqja për të shënjuar emrin. Kjo, jo sipas një rregulli apo estetike të caktuar.

Shtatorja e re e Adem Jasharit do të jetë në bronz. Mjeshtri Muntaz Dhrahmi është edhe përkujdesja e kësaj shtatoreje, punë e cila i është ngarkuar nga bashkia e kryeqytetit. Konkretisht shtatorja e Adem Jasharit do të inaugurohet me rastin e festës së Pavarësisë, pas datës 26 nëntor. Në ceremoninë e përurimit do të jetë i pranishëm edhe Kryeministri i Kosovës, Hashim Thaçi.

Sipas mjeshtrit Dhrami, shtatorja pothuajse ka përfunduar në baltë dhe ka mbetur për t’i hedhur kallëpin e bronzit për ta bërë gati për përurimin e vitit jubilar.

Adem Jashari në bronz, jo më bust, por shtatore, ka si ideator kryesor kreun e Bashkisë së Tiranës, Lulzim Basha, i cili pak kohë më parë e ka thënë shkarazi në një nga takimet e tij për të mos prishur kalendarin e të papriturave me rastin e festës së madhe.

Shtatorja do të inaugurohet me rastin e festës dhe bashkë me të pritet që për qytetarët e Shqipërisë, dhe të gjithë shqiptarët e trojeve që do të vizitojnë Tiranën, të vendoset për 100-vjetor një shtatore e Ismail Qemalit dhe një tjetër e Ahmet Zogut. Shtatoret e këtyre figurave u vendosën që të ngriheshin në vitin jubilar, me shumicë votash në mbledhjen e fundit të këshillit bashkiak.

[Zero Cool]

0k2GJW8F38M

[Zero Cool]

Nisin rrugëtimin 18-ditor në këmbë drejt Vlorës

Të veshur me veshje kombëtare dhe me flamurin kombëtar, anëtari i kryesisë së “Vatrës” Gani Shaqiri, qytetarët Ekrem Avdiu –Gjilan, Dilaver Musliu – Preshevë dhe Nazim Ajdini – Medvegjë, janë nisur të shtunën në këmbë për në Vlorë, për të shënuar kështu një nga format e festimit të 100 vjetorit të Pavarësisë së Shqipërisë.
Shoqata e të Shpërngulurve nga Kosova Lindore SHSHKL “Vatra”, vlerëson se me këtë udhëtim këta katër qytetarë dëshirojnë të shprehin dashurinë për Shqipërinë, të paraqesin kërkesë Kosovës e Shqipërisë që të kujdesen më shumë për Preshevën, Medvegjen e Bujanocin.

Gjithashtu ky udhëtim paraqet homazh për të gjithë dëshmorët e rënë për krijimin e shtetit shqiptar dhe gjithë dëshmorët tjerë dhe falënderim Shqipërisë për ndihmën e madhe qe i ka dhënë Kosovës në çdo periudhë historike, posaçërisht në luftën e fundit për liri.

Fakti se ata vijnë edhe nga tri qytete të ndryshme: Presheva, Bujanoci e Medvegja, ka simbolikën e vet, simbolikën e bashkimit, simbolikën se Kosovës Lindore i mungon liria, simbolikën se Kosova Lindore i takon Shqipërisë.


http://sphotos-e.ak.fbcdn.net/hphotos-ak-ash3/525685_381823431900453_223770521_n.jpg

[Hajra]

......urime e njeqinda,:smile:

IdB6VIXu_6Q&feature=related

[Zero Cool]

Në 100 vjetorin e pavarësisë, kurora e më të bukurës së globit mbetet në Shqipëri.



http://www.arenashqip.com/wp-content/uploads/2012/11/miss-370x290.jpg



“Miss Shqipëria” Kleoniki Delijorgji është fituesja e edicionit të 39 të Miss Globe internacional duke triumfuar mes bukurisë kineze dhe ruse, që morën përkatësisht vendin e dytë dhe të tretë.

Në këtë 100 vjetor të pavarësisë kompeticioni u realizua në Vlorë, në qytetin ku u shpallë mëvetësia.

44 bukuroshet nga dhjetra shtete të botës sfiluan dhe garuan për titullin e madh në një event tërësisht të arrirë edhe pse këtë vit thotë regjizori Petri Bozo, mbështetja mungoi, sidomos nga ministria e turizmit.

Spektakli u shënua edhe nga klipet e vajzave të realizuara në trevat shqitare ku shpaloseshin bukuritë natyrore , si rruga më e mirë për të reklamuar vendin tone.

Spektakli prej 3 orë e 30 minuta iu besua drejtimit të Krenar Ahmetit dhe Hygerta Sako.



n5R4ItCwIt8

[Zero Cool]

Shpallja e Pavarësisë Shqipëri - Vlorë 28 Nëntor 1912



8Wgzp5yZkkA

[natyra]

Berisha: Në këtë 100-vjetor, 100 arsye për të qenë krenarë

http://images.botasot.info/uploads/largea_berisha-akademia1352720556.jpg

Në ceremoninë e organizuar për 40-vjetorin e Akademisë së Shkencave, Kryeministri Berisha shprehu mirënjohje për themeluesit e kësaj Akademie, duke i cilësuar si kolosë të mendimit akademik shqiptar.

Sipas shefit të Qeverisë, në 100-vjetorin e Pavarësisë së vendit, “shqiptarët kanë 100 arsye për të qenë krenarë dhe optimistë për të ardhmen”.

“Kombi që 100 vjet më parë do të copëtohej në mënyrë barbare është sot i lirë kudo që jeton. Pas 100 vitesh Kosova është e lirë dhe e pavarur, ndaj dhe ne kemi 100 arsye më shumë që të punojmë dhe të besojmë për një të ardhme të ndritur të Shqipërisë dhe shqiptarëve”,- tha Berisha.

Sipas kryeministrit, “motoja jonë të jetë, të bashkohemi me njëri-tjetrin, të bashkohemi me Europën. BE fakton se pavarësisht krizës është një tërësi kombesh që jeton në paqe dhe prosperitet”.

Ndër të tjera, Kryeministri Berisha kërkoi që Akademia e Shkencave të shndërrohet në qendrën më të fuqishme të studimit të gjuhës shqipe. “Duhet të bëjmë gjithçka për studimin e gjuhës. Ta vendosim gjuhën në piedestalin e studimeve më të avancuara. Të vendosim gjuhën, lëndën më thelbësore të edukimit të brezave të këtij vendi”,- u shpreh Berisha.

“Nuk duhet të rreshtim së studiuari gjithnjë e më shumë historinë tonë, të vërtetat historike janë të rëndësishme për të shmangur gabimet e së shkuarës”,- theksoi Berisha.

Më tej, shefi i Qeverisë shprehu mirënjohje edhe për shkrimtarin Ismail Kadare, duke e cilësuar si gjeniun e letrave shqipe që krijoi letërsinë moderne të vendit.

//Bota Sot//

[Zero Cool]

Prishtina përgatitet për festimin e 100 vjetorit të Pavarësisë


http://sphotos-d.ak.fbcdn.net/hphotos-ak-ash3/532225_384714144944715_543964832_n.jpg



Shtrimi i pllakave në dy sheshet e kryeqytetit, ai “Ibrahim Rugova” dhe “Zahir Pajaziti” pritet të përfundojnë deri në fund të këtij muaji. Në këto dy sheshe Komuna e Prishtinës, festën e 100 vjetorit të pavarësisë së Shqipërisë, do ta shënoj me aktivitete të shumta.

Kryeqyteti i Kosovës ka filluar përgatitjet për festimin e 100 vjetorit të Pavarësisë së Shqipërisë. Tashmë pothuajse në çdo shtëpi e rrugë të kryeqytetit të Kosovës, është krijuar një atmosferë festive, që vetë qytetarët e kanë bërë duke vendosur prej ditësh flamujt kombëtar në ballkone e dritare.

Zëdhënësi i Komunës së Prishtinës Asdren Osaj, tha se ditëve të ardhshme pritet që në qendër të Prishtinës, të rivendoset shtatorja e dëshmorit Zahir Pajazitit, ndërkaq më 25 nëntor, çiklistë nga Prishtina do të nisen drejt Vlorës, ndërsa më 28 nëntor do të mbahet manifestimi kryesor.

Zëdhënësi Osaj thotë se në këtë kuadër po punojnë intensivisht që në dy sheshet e kryeqytetit, ai “Ibrahim Rugova” dhe “Zahir Pajaziti”, të jenë të përfunduara shtrimi i pllakave ku dhe do të zhvillohen aktivitet e shumta.

Osaj thekson se pjesë tjera përcjellëse të shesheve do të përfundojnë në pranverë të vitit të ardhshëm. Ndryshe manifestime, për 100-vjetorin e shpalljes së Pavarësisë së Shqipërisë, do të mbahen nëpër të gjitha komunat e Kosovës.

[Zero Cool]

http://sphotos-f.ak.fbcdn.net/hphotos-ak-snc6/215986_469669743085347_407990717_n.jpg




Flamuri që ngriti patrioti Ismail Qemali në 28 nëntor të vitit 1912, në sarajet e familjes Vlora, në qytetin e Vlorës, ka edhe një dëshmi origjinale, që vjen nga njeri prej protagonistëve të kësaj ngjarjeje madhore, patrioti Spiridon Ilo, firmëtar i aktit të Pavarësisë Kombëtare.

Ky flamur, në pamjen e vet origjinale, është fiksuar në një kartolinë (ose kartë postale në terminologjinë e kohës), të botuar nga Ilo në vitin 1920, ndërkohë që ai largohej sërish në emigrim në Boston(SHBA).

Kartolinën dhe historinë e saj, e sjell për lexuesin, përmes ATSH-së, arkitekti dhe studiuesi vlonjat Pirro Stefa, i cili e ka siguruar atë në një nga qytetet më të mëdha të Italisë, duke ia bashkuar koleksionit të vet të rrallë me mbi 1000 botime të këtij lloji, pjesa më e madhe e të cilave i përkasin periudhës së para Luftës së Dytë Botërore.

“Kartolinën(kartëpostalen) e kam blerë në një nga kartoleritë e qytetit të Milanos, mbushur me botime të vjetra dhe të rralla, mes të cilave edhe nga Shqipëria e dekadave më parë”, tregon Stefa. Sipas tij, kjo mënyrë komunikimi mes shtetasve italianë dhe familjarëve e të afërmve të tyre në Itali, ka lënë gjurmë të tilla, të cilat marrin vlera autentike dokumentare për ngjarje të rëndësishme të historisë së Shqipërisë.

Sipas Stefës, kartolina evokon pamjen e flamurit të Pavarësisë, që të bën të mendosh se është origjinali, nisur nga roli që ka patur Spiridon Ilo në këtë ngjarje madhore të Shqipërisë dhe afërsia familjare me protagonisten tjetër të këtij momenti, Marigo Posio.

“Nga një arsyetim lidhur me kronologjinë e ngjarjeve që shoqëruan 28 nëntorin e vitit 1912 dhe roli që ka luajtur Spiridon Ilo, si një nga drejtuesit e komunitetit shqiptar në Bukuresht dhe firmëtar i Aktit të Shpalljes së Pavarësisë, rezulton se flamuri që paraqitet në kartolinë është origjinali”, sqaron Stefa. Madje, kjo, sipas tij, përputhet edhe me një nga katër variantet e këtij Flamuri, që u ngrit nga Ismail Qemali në njërin nga ballkonet e godinës 3 katëshe, pronë e Xhemil Bej Vlorës, pinjoll i familjes së njohur vlonjate.

Ardhja e Flamurit në Vlorë lidhet me patriotin Spiridon Ilo, një nga protagonistët e Shpalljes së Pavarësisë dhe delegat i grupit të patriotëve shqiptarë në Bukuresht. Prej vitesh, Ilo, me origjinë nga Korça, jetonte në kryeqytetin rumun, duke qenë një nga personazhet kryesorë që përpiqeshin për përhapjen e ndjenjave atdhetare.

Sipas historianëve, Flamuri që ngriti Ismail Qemali në Vlorë, ishte i njëjti që zbukuronte fasadën e Hotel “Kontinental” në Bukuresht, ku, në 5 nëntor të vitit 1912, gjatë vizitës së tij në këtë qytet Ismail Qemali zhvilloi një takim me patriotët shqiptarë.

Në këtë takim, që i parapriu udhëtimit të Ismail Qemalit drejt Vlorës, u deklarua për herë të parë ideja e shpalljes së pavarësisë së Shqipërisë, si e vetmja alternativë që garantonte të ardhmen e vendit tonë, përballë interesave dhe synimeve shoviniste të fqinjëve. Prej këtej, Spiridon Ilo, që ishte pjesëtar në grupin e patriotëve që shoqëruan Ismail Qemalin drejt Vlorës, e mori flamurin me vete.

Sipas historianit Bardhosh Gaçe, ai ishte kushëri i parë(djalë tezeje), i Marigo Posios dhe për këtë arsye, në natën mes 27 dhe 28 nëntorit, ai fjeti në banesën e bashkëshortëve Posio, në lagjen Muradie, ku patriotja qëndisi brenda një nate edhe thekët e Flamurit. Sipas disa historianëve, ky flamur ishte i stampuar dhe jo i qëndisur, me përjashtim të thekëve që përgatiti patriotja Marigo Posio.

Nisur nga kjo, studiuesi Pirro Stefa thotë se historia dhe flamuri, që është fiksuar në kartolinën e edituar nga Spiridon Ilo, që në vitin 1920 u largua drejt Bostonit, bashkohen në një.

Ndërkohë, është tashmë i njohur fakti që Flamuri, që u ngrit të 28 Nëntor të vitit 1912, ka një histori dhe një origjinë, e cila formatohet në katër variante. Secili prej tyre ka dëshmitarët e vet. Gjithsesi, vajza me origjinë nga Korça, Marigo Posio, është personazhi i përbashkët, që lidh me njeri tjetrin 3 nga katër variantet.

Posio, mbiemri i vajzërisë Poçi, që kishte lindur në 2 shkurt të vitit 1892 në Korçë, u martua me tregtarin Jovan Posio, me të cilin u shpërngulën në vitin 1904 në qytetin e Vlorës. Bashkëshortët banonin në një banesë ku kishte jetuar gazetari francez Justin Godard, emrin e të cilit mban sot rruga karakteristike, që ndodhet shumë pranë Sheshit të Flamurit në Vlorë. Me këtë shtëpi lidhet edhe historia e Flamurit, që shënoi shpalljen e shtetit të pavarur shqiptar, në vitin 1912.

Gjithsesi, Stefa thotë se përmes kartolinës së Spiridon Ilos, një nga katër setet e kartolinave me temë patriotike që ai editoi në vitet 1920-1930-të nga Bostoni, vjen një dokument origjinal dhe mjaft i rëndësishëm, që lidhet me flamurin që u ngrit në 28 Nëntor të vitit 1912 në Vlorë. Kjo dëshmohet edhe në pjesën e pasme të kartolinës (kartëpostales), ku përcaktohen qartë të drejtat e autorit, botuesit të saj, Spiridon T. Ilo. Në këtë përfundim, thotë Stefa, të çon edhe një element tjetër, që është vula e vendosur në këndin e kartolinës, në faqen ku shfaqet flamuri kuq e zi.

“Tashmë kemi ardhur me një mision dhe një qëllim, që të jemi një komb dhe një shqiponjë, të kemi vetëm flamurin kuqezi”.

Misioni është të unifikojë strategjinë e një të ardhmeje për të gjithë shqiptarët të ndarë padrejtësisht para 100 vjetesh.

Vetëm në këtë mënyrë, sipas tij, shkruhet historia e bashkimit dhe krenarisë kombëtare, e cila për shkak qeverive të këqija është harruar.

[Hajra]

f2Vo29To05A&feature=related

[Zero Cool]

Kosova vishet kuq e zi


http://sphotos-d.ak.fbcdn.net/hphotos-ak-snc7/600081_385071024909027_1988253216_n.jpg



Edhe pse jemi nëntë ditë para shënimit të 100 vjetorit të pavarësisë së Shqipërisë, në Kosovë atmosfera festive vërehet kudo. Rrugët e kryeqytetit Prishtinës dhe qyteteve tjera të Kosovës, tashmë janë mbuluar me flamujt kuq e zi, të cilët valëviten krenar për nder të 100 vjetorit të pavarësisë së Shqipërisë. Shtëpitë, dyqanet dhe gjithçka përreth nesh,është veshur vetëm me dy ngjyra Kuq dhe Zi. Ndërsa kosovarët tashmë po bëhen gati që këtë festë të madhe të shqiptarëve ta festojnë në Shqipëri, në Vlorën e Ismail Qemajlit.

Rrugët e Kosovës ta përkujtojnë një festë të madhe. Në shtëpitë e qytetarëve nuk mungonin flamujt, ndërsa rrugët përreth ishin veshur pothuajse tërësisht në kuq e zi. Edhe Malisheva tashmë kishte filluar festen. Gjithkund dhe kudo kuq e zi, por se në raste të rralla nuk mungonte as flamuri i shtetit tonë të ri, madje as ai i presidentit të ndjerë Ibrahim Rugova.

Ndërsa qytetarët e Malishevës, po bëheshin gati që për këtë festë të jenë atje, në vendin ku u shpallë pavarësia e Shqipërisë, në Vlorë, aty dhe ku është bërë historia e këtij vendi.

Për Skënder Rexhën, qytetar nga Malisheva, festa ka filluar. Ai tashmë ka bërë planet që së bashku me shokët dhe koleget e tij me 28 nëntor të jenë në Vlorë.

“Gjithsesi festa e 28 nëntorit, është një ndër festat më të rëndësishme për gjithë shqiptarët anë e mbanë globit. Më 28 nëntor jam në Vlorë në qoftë kismet”, ka thënë ai.

Kësaj feste i gëzohej pa masë edhe Shaban Raçi, një i moshuar 77 vjeçar. Ai këtë e quan një festë të madhe për shqiptarët.

Raçi edhe pse i moshuar dhe mezi ecte, kishte vendosur doemos që në shënimin e 100 vjetorit të jetë në Shqipërinë, të cilën siç thotë ai e deshi aq shumë dhe nuk mund që në këtë ditë të shënuar të mos jetë atje.

“Atëherë në fillim kur ka ardhur Isa Boletini është vonu pak, por ka rënë në dy gjunjët dhe e ka puth flamurin e kombit shqiptar. Na kanë tradhtu pak, sepse atëherë është dashur të mbetemi me Shqipërinë...do të shkoj gjithqysh në Vlorë, pa shku nuk e lë “, tha ai.

Edhe në qytetin e Rahovecit vërehej festa, pasi që flamujt kuq e zi gjendeshin kudo në këtë qytet. Qytetarët tashmë kishin vendosur flamujt në shtëpitë e tyre, duke simbolizuar kështu fillimin e kësaj feste.

Rexhep Haxhijaha, qytetar i Rahovecit, thotë se festa në këtë qytet tashmë ka filluar me disa aktivitete sportive dhe se kjo festë do të vazhdojë dhe ditëve në vijim, pasi që është një festë e madhe për të gjithë shqiptarët.

“Festa është e rëndësishme, se është gjithëkombëtare. Është e vlefshme se është 100 vjetori i kombit shqiptar në gjithë kombin. Sa i përket rëndësisë, rëndësia është historike, është shpallje e 100 vjetorit të kombit shqiptar ”, tha ai.

Për dallim nga këto qytetet si Rahoveci, Malisheva dhe Prishtina, të cilat janë veshur të gjitha kuq e zi, në Prizren nuk ndihej kjo atmosferë.

Ky qytet nuk lente përshtypjen se tek ne po festohet, pasi që në Prizrenin e bukur, ende nuk ishin vendosur flamujt dhe festa për 100 vjetorin e shqiptarëve, ende nuk kishte filluar.

[Zero Cool]

Mbërrijnë shpata dhe përkrenarja e Skënderbeut


http://knninfo.com/repository/images/shpata.jpg


Tiranë, 19.11.2012 12:05
Pas vitesh qëndrimi në Austri shpata dhe përkrenarja e heroit tonë kombëtar Gjergj Kastrioti Skënderbeu kanë mbërritur në Shqipëri.

Në orët e para të mëngjesit mbërritën në portin e Durrësit armët e Skënderbeut, të cilat do qëndrojnë në vendin tonë gjatë festimeve me rastin e 100 vjetorit të pavarësisë për tu rikthyer më pas në Austri.

Këto mjete do ekspozohen në muzeun kombëtar me rastin e festimeve të 100 vjetorit të pavarësisë dhe do mund të shihen nga gjithë shqiptarët që dëshirojnë.

Pajisjet e heroit kombëtar do vendosen në pavijonin e Mesjetës në muze nën masa të rrepta sigurie.

[Zero Cool]

fvGjNe1asiE

[Zero Cool]

Më 27 nëntor, shtatorja e Adem Jasharit në Tiranë


“Vendosja e shtatores së Adem Jasharit në Tiranë u bën nder të gjithë shqiptarëve”, tha kryetari i Kuvendit të Kosovës, Jakup Krasniqi, gjatë një takimi në Tiranë me kryetarin e Bashkisë së Tiranës, Lulzim Basha .


Kryetari i Kuvendit të Kosovës shprehu kënaqësinë, që vizitonte Bashkinë e Tiranës, pasi siç theksoi, e kishte vizituar shumë herë Tiranën, por asnjëherë më parë nuk ka qenë në Bashki. Ai ka vlerësuar atmosferën e mrekullueshme që ka gjetur në Tiranë, në këtë 100 vjetor të Pavarësisë.

“Në këtë 100 vjetor, shqiptarët janë më pranë se kurrë me njeri tjetrin” ,tha Krasniqi, duke iu referuar Rrugës së Kombit dhe vazhdimit të saj, nga Morini drejt Prishtinës.

“Erdhëm në më pak se tre orë në Tiranë dhe kjo është një mrekulli që s’e kisha menduar kurrë më parë, se mund të realizohej. Kam 40 vjet i angazhuar në politikë por një gjë të tillë, s’e kisha menduar se mund të realizohej”, u shpreh Krasniqi, raporton BW.

Nga ana e tij, kreu i Bashkisë së Tiranës, Lulzim Basha shprehu kënaqësinë që priste në Bashki, në këtë 100 vjetor të Pavarësisë, kryetarin e Kuvendit të Kosovës, me një kontribut të rëndësishëm në luftën për çlirimin e Kosovës.

“Në këtë 100 vjetor të Pavarësisë Bashkia e Tiranës ka vendosur që pjesë e aktiviteteve të rëndësishme, të jetë edhe vendosja në Tiranë e shtatores së simbolit të qëndresës së shqiptarëve për liri, komandantit legjendar Adem Jashari.
Flijimi i familjes Jashari ishte akt historik i pakrahasueshëm në historinë tonë. Vendosja e shtatores së Adem Jasharit është një homazh që i bëhet atij dhe të gjithë luftëtarëve që ranë për lirinë e Kosovës”- theksoi kryebashkiaku Basha.

Basha ka ftuar edhe kryetarin e Kuvendit të Kosovës Jakup Krasniqi, të jetë pjesë e kësaj ceremonie.

Krasniqi ka vlerësuar këtë vendim të kryetarit të Bashkisë, Lulzim Basha, si një vlerësim për të gjithë luftëtarët që ranë për lirinë e Kosovës. Rënia e Adem Jasharit, sipas Krasniqi mobilizoi gjithë kombin, në luftën e Kosovës. Flijimi i tre brezave, siç ndodhi me familjen Jashari është një akt i paprecedentë në historinë botërore, prandaj sipas kreut të Kuvendit të Kosovës, vendosja e shtatores se Adem Jasharit në Tiranë u bën nder të gjithë shqiptarëve.

Basha e ka njohur Krasniqin edhe me idenë e tij për krijimin e Asamblesë së pushteteve vendore shqiptare, në Kosovë, Maqedoni, Mal të Zi e më gjerë. Kjo Asamble synon të rrisë bashkëpunimin mes të zgjedhurve vendorë, në të mirë të qyteteve.

Ceremonia e shtatores së Adem Jasharit do të mbahet me nderet më të larta ushtarake, më 27 nëntor dhe në të do të marrin pjesë drejtues të lartë nga qeveria e Kosovës dhe e Shqipërisë, pjesëmarrës në luftën e UÇK-së dhe familjarë të të rënëve në këtë luftë.

[Zero Cool]

100 vjetori i Pavarësise, një peticion për Google!


Prej disa kohësh ka nisur të nënshkruhet online, një peticion nga të gjithë shqiptarët anembanë botës. Nëpërmjet tij, kërkohet t’i tërhiqet vëmendje gjigantit “Google” që me rastin e 100 vjetorit të shpalljes së Pavarësisë së Shqipërisë t’i dedikojë vendit tonë logon qëndrore të tij.

Peticioni i iniciuar nga, Klajdi Hëna, deri në këto momente është nënshkruar nga mijëra shqiptarë nga Shqipëria, Kosova, Meqedoni, Mali i zi dhe e gjithë diaspora shqiptare.

Ndërkaq, agjencia Mccann Erickson në Tiranë ka bërë përpunimin e logos që shikoni në fotografi.
“Shqiponja në foto ështe bërë me copa kostumesh popullore nga të gjitha trevat e Shqiperisë në mënyrë që të simbolizojë të gjithë Shqiptarët dhe trevat tona.”- thotë Klajdi.

Së shpejti pritet që Google të japë një përgjigje zyrtare lidhur me kërkesën e shqiptarëve. Vendosja e logove nga Google për të shënjuar data, evenimente, apo personazhe me ndikim në botë është një eksperiencë e njohur e motorit të kërkimit.



Google Doodle per 100 vjetorin e shtetit Shqiptar


http://www.shqiperia.com/fotoshqip/1353364051-doodle-100-vjet-shtet.jpg

Shqiponja në foto ështe bërë me copa kostumesh popullore nga të gjitha trevat
e Shqiperisë në mënyrë që të simbolizojë të gjithë Shqiptarët dhe trevat.
Foto e krijuar nga McCann Erickson në përgjigje
të peticionit tek changes.org për doodle shqiptar.





Google do të festojë 100 vjetorin e shtetit Shqiptar me një "doodle" dhe ky është lajmi konfirmues! Doodle-s jane logo-supriza nga Google qe nxirren ne caste te caktuara ne perkujtim ose ne festim te ngjarjeve apo njerezish te dalluar ne histori. Shembuj te Doodles jane imazhet ne ditet e lojrave olimpike, doodle per nder te Chaplinit, Pac-man etj.

Prej kohesh disa levijze shqiptaresh ne Twitter dhe ne rrjete te tjera sociale kane tentuar te terheqin vemendjen e punonjesve te Google per nje Doodle per festimin e 100 vjetorit te shtetit Shqiptar.
Fushatat ne mbeshtetje te Doodle-it qe do festonte me Shqiptaret kane arritur deri ne peticione online. Peticioni i nisur nga webmasteri i tech.al pershembull ka arritur te mbledhe 40 000 mbeshtetes sipas changes.org, nje numer me te vertete rekord per nje aktivitet te tille online me nje komunitet kaq te vogel.

Dhe perpjekjet nuk ishin te kota. Informacione te brendshme nga stafi i Google njoftojne qe shqiptaret kudo qe jane do festojne me nje Doodle kete 100 vjetor. Diskutimet e fundit po behen per imazhin qe do perdoret, por per fat te keq nuk mund te bejme publike ndonje alternative ne kete cast.
Sic kuptohet behet fjale per disa alternativa qe do votohen nga stafi i Google (mes te cileve ka dhe shqiptare sigurisht) dhe ekipi yne po perpiqet qe te mbledhe alternativat qe nuk do ia dalin per te qene Doodle e do t'i publikoje ne nje artikull pas dates 28 Nentor.

Dhe nuk mbaron me kaq! Ekipi i Google po punon dhe per versionin shqip te motorrit te kerkimit te tij. Domaini google.al qe ka disa kohe aktiv, pas dates 28 Nentor do te permiresoje dhe kerkimin ne faqet shqiptare dhe ne shqip. Sic mesojme procesi per krijimin e ketij indeksi ne shqip ka kohe qe eshte ne proces, le te shohim sa rezultativ do jete.

[natyra]

"SE PARIT PO JU SHOQEROI ME KENGTAREN ME TE NJOHUR PER MUA ..HANA/NIKPRELAJ..
NJIHERIT UROI GJITHE SHQIPTARVE ANE KEND BOTES PER KTE DITE TE MADHE FESTIMIN E 100 VJETORIT TE PAVARESIS TE NAN SHQIPERIS...URIME KOMBI IM I PERFLAKT PER BASHKIM KOMBETAR...U REALIZOFT ENDRRA E GJITHE SHQIPTARVE NE KTE DITE TE MADHE FESTIMI...JA SOT JA KURR PER BASHKIMIN E
TROJEVE SHQIPTARE....PERPARA SHQIPETARI!!!

qjbQJZVd5R0&

Me pas, dhe me 1 POEZI per 100 Vjetorin e Pavaresis te NAN Shqiperis/Dhe te mbar TROJEVE SHQIPTARE!!!


*JA SOT JA KURR

*

DREJT RRUGES SE BASHKUAR
PER NI FLAMUR PER NI QENDRIM
KUSH ESHTE AI QE NUK E DON KETE DITE
QOFT PERJET I HARRUAR
*
AI/O QE ESHTE SHQIPETAR/E
E THOTE ME ZEMER E JO VEQ FJAL
BASHK ME GJUHEN E NENES LOKE
MALLKON EVROPEN QE NA NDAU
*
AJO QE NA DHA RRUGET E BOTES
AJO QE NDAU VELLAN PREJ MOTRES
AJO QE ZEMRAT NA I ROBROI
AJO QE LIRIN NA CUNGOI
*
TASH E 100 VJET
RRUGVE TE BOTES DUKE BREDH
TASH E 100 VJET
PA GJYMTYR "SHQIPERIA" MBET
*
DHE SOT NUK NDJEJ KENAQESI
PER TROJET QE JASHT KAN MBET
QE ASKUSH MOS TE GUXOI
MENDIMET E HUJA ME TI MBESHTET
*
TI SHQIPERI KERKO FJALEN
THUAJE ATE ME ZE TE LARTE
TE NDEGJOI DHE BOTA MBAR
SE NE SHTEPIN TENDE
DO JE VET ZOT
*
100 VJETORI DO TRIUMFOI
PER BASHKIM KOMBETAR
THUAJE KENGES SHQIPERI
BASHKO TROJET BEHU NI


Nga:AUTORE/Hajla Rugovase*

Natyra.

[natyra]

Lutem Stafit Drejtues te nen Forumit/Dardania.de per POEZIN e AUTORES*Hajla Rugovase*(NR #32)qe te behet e mundshme me gjitha kushtet TEKNIKE per mos KOPJIMIN nga KERKUSH/ABSOLUT !Per faktin qe Poezia eshte e Percaktuar per ne Festim e 100 Vjetorit/ne PERENDIM te DIASPORES!

Jufalemnderit/Natyra.

[Hajra]

OIIHJ9EOrWU

[tipi engjellor]

https://fbcdn-sphotos-a-a.akamaihd.net/hphotos-ak-prn1/63706_500374789995200_1359467365_n.jpg

[Hajra]

6iR9v5UWnd0

[Le jardin des disparus]

Rrofsh sa malet Shqipëri etnike! (http://tinypic.com/r/v5cuao/6)

[emine]

https://fbcdn-sphotos-g-a.akamaihd.net/hphotos-ak-snc7/374457_437874582932772_319442872_n.jpg

[romansa]

http://4.bp.blogspot.com/-BaspT6RMu0o/UKi6Ap9dwaI/AAAAAAAAAMI/eZvjKgtx57s/s1600/100+Vjet+Shtet..jpg

[Domira]

GËZUAR 100 VJETORI I PAVARËSISË SË SHQIPËRISË!

http://www.shkoder.net/2012/bese_bashkim.jpg

[Hajra]

..... ju uroi perzemersisht njeqind vjetorin e pavarsise se shqiprise, uroi qe ne ju dhe ata pervjetoret tjera ti festoim ne nje shtet te vetem, ne shqiperine etnike.

https://www.youtube.com/watch?v=ktCu0Hq3FOY&feature=watch-vrec

[Zero Cool]

Të gjithë Shqiptarëve urime dita e flamurit dhe 100 vjetori i pavarsisë së Shqipërisë. Uroj që sa më shpejtë të gjithë Shqiptarët të festojnë ditën e flamurit në një shtet, Shqipërinë etnike.





http://sphotos-a.ak.fbcdn.net/hphotos-ak-ash3/561756_557358090956895_7741171_n.jpg

[tipi engjellor]

Urime te gjithe shqiptareve dita e madhe e flamurit..........100 vjetori i pamvarsise.....




https://fbcdn-sphotos-g-a.akamaihd.net/hphotos-ak-prn1/s480x480/23886_474898322563064_175092075_n.png

[turisti]

Urimet me te perzemerta per 100 vjetorin e pamvaresise .:smile:

https://fbcdn-sphotos-g-a.akamaihd.net/hphotos-ak-snc7/374457_437874582932772_319442872_n.jpg

p.s.

e huazuar nga Eminja

[Oqeani]

Përgëzime per 100 vjetorin e lirisë, ngushllime per 100 vjetorin e robërisë !

[natyra]

DHE SOT!Vetem BASHKIMI do SHERONTE/PLAGEN E 100 VITEVE/TE NDARE/KUFIJSH!!!!!

Kjo KENG me kete PAMJE BRILANTE te kujton PLAGEN E VJETER/THYERJE ZEMRASH/TE SHQIPTARVE/O ZOT KUSH NA KISHTE NAMUR KAQ FORT?!:rolleyes:

55AwrJuTRBM

SHQIPTARIA KA PASUR BURRA DHE TRIMA GJITHEMON/DHE AKOMA DO KA...PRANDAJ TE GJITHE NI ZERI PER BASHKIM KOMBTAR/MJAFT ME NDARJE E LOTE!!!!!!

vBipSB5e5ng

[natyra]

Ti Shqiperi/O Gjaku im.[/COLOR]Dhe Ti Kosov/Djepi im!...SOT e Sa NXEN DIELLI ket BOTE/PAQIT 1 URIM/PERKRAH ME QAMERIN DHE GJITHAT TROJET U BEFSHI NI/ME FLAMURIN[/COLOR] KUQ/E ZI[/B][/I]

Shqipe nga Rugova/e Fisit Kelmend!


Natyra.

[Hajra]

RpbWW7KFsSk&feature=related

[Oqeani]

http://www.youtube.com/watch?feature=player_embedded&v=knImqtOsf-E

[Zero Cool]

http://www.youtube.com/watch?v=eKKIu4XvxGE&feature=youtu.be

[Murgesha]

Nuk ju mbetet tjeter politikaneve shqiptare tash e tutje pos t´i perjetesojn te gjitha ato fjale madhore qe i than keto dite festive.
Festa mbaroi e dasht Zoti po i pervjelin duart te punojne per nje bashkim mbarekombetar.

[natyra]

eKKIu4XvxGE

HAHAHAHAH DAL NIHERE SA TE HARGJOIN "TORTEN" LOL

ME KEQARDHJE PO E THEM/SI JAN "UDHEHEQESIT" JAN DHE POPULLI!:rolleyes:

MIRE SE NUK PASKAN SHKEL MBI TORTE :tongue:....DITA TREGON ME NATJE/THONIN TE VJETRIT/DIKUR:wink: ME TE VERTET KJO PAMJE"VIDEO"ME BERI TE MENDOI DHE PER 100 VITE TJERA MUND/PER ME ARDHE DERI TE "BASHKIMI KOMBETAR"

Si do qofte,Uroi per nje te ardhme te mire per gjithe shqiptart nga do jemi

Natyra.

[natyra]

Dhe per ne fund,Te ketij emisioni TE MADH Festim!

Me lejoni,se kretika ime shkon/ per gjithe udheheqesit shqiptar te Shqiperis/me pas atyre te Kosoves!ne mos futjen e emrit Meritar te Shekullit 21 per presidentin e par"historik"Kosoves/po/Dr.Rugova!ne 100 vjetorin e pavaresis se Shqiperis/cili defenitivisht ishte i pranuar ne mbare "shtetet e evropes"Veqmas te SHBA/Ssi njeriu me me vizion te larte pergjate 2 DEKADAVE ne rrugen e drejt civilizimit/Demokratik Kombtar Shqiptar/PER LIRI DHE PAVARESI!!![/size]

U Falemnderit

Natyra/Rugovase

[Zero Cool]

Të gjithë shqiptarëve, urime 28 Nëntorin, Ditën e Flamurit Kombëtar dhe të Shpalljes së Pavarësisë së Shqipërisë, Ditën e Daljes Publike të Ushtrisë Clirimtare të Kosovës dhe Ditëlindjen e Komandantit Legjendar, Adem Jashari.

[Zero Cool]

Rrugëtimi i dy shteteve shqiptare



http://www.zeri.info/third_party/timthumb/timthumb.php?src=http://www.zeri.info/uploads/Hashim%20Thaci-Edi%20Rama-13%20shtator%202013r-Laura%20Hasani-1385630218.jpg&w=596&h=395&q=1000




E flasin një gjuhë, të dyja bashkë synojnë familjen evropiane dhe thirren në parime perëndimore, lidhin miqësi me shtetet perëndimore, thirren në një “komb”, por janë dy shtete të ndara.

Të dyja shqiptare, Kosova dhe Shqipëria, kanë para vetes një rrugëtim me qëllimin e njëjtë, atë të integrimit në Bashkimin Evropian.

Por, ndryshe prej vendeve tjera që kanë kaluar në të njëjtat procese dhe tashmë janë pjesë e familjes evropiane, dy shteteve shqiptare rruga që kanë para vetes u është zgjatur më shumë se që kanë pritur, me shumë sfida që vazhdojnë t’i luftojnë.
Në prag të shënimit të 101-vjetorit të pavarësisë, Shqipëria të njëjtën kohë shënon edhe vitin e katërt prej se ka aplikuar për të marrë statusin e kandidatit për anëtarësim në BE.

Vlerësohet se asnjë vend nuk është vonuar kaq shumë sa Shqipëria për këtë rekomandim bazuar nga koha kur ka aplikuar.
Në anën tjetër Kosova, e vetmja në Ballkanin Perëndimor që vazhdon t’i nënshtrohet regjimit të vizave, ka nisur dialogun për liberalizim të vizave me BE-në tash e 22 muaj dhe ende nuk ka datë se kur kosovarët do të mund të udhëtojnë lirshëm në zonën e Shengenit.

Politikanët e të dyja vendeve kanë arsyetimin për këto vonesa, Kosova si shtet i lindur shumë vonë, ndërsa Shqipëria me një barrë prapa vetes që asnjë shtet i Evropës nuk e ka pasur, atë të regjimit më të keq dhe më çnjerëzor të Luftës së Ftohtë, së cilës i është dashur të konfrontohet me reperkusionet e kësaj trashëgimie tragjike politike, sociale dhe ekonomike.
Sidoqoftë, sot të dyja të lira për të marrë vendime e për të ecur përpara, i lidh edhe një sfidë e përbashkët, që është lufta kundër korrupsionit dhe krimit të organizuar.

Krimi e korrupsioni vazhdojnë t’i ndjekin shqiptarët

Çdo vit, Komisioni Evropian që bën vlerësimin e shteteve që kanë synim anëtarësimin në BE, përmes Raportit të Progresit, u rikujton atyre luftën ndaj korrupsionit e krimit, si prioritet kyç, për të cilin vazhdon të mos ketë fjalë të mira, ku e njëjta gjë është përsëritur edhe në raportin e fundit të tetorit të këtij viti.

Vetë përfaqësuesit institucionalë të Shqipërisë dhe Kosovës, i dinë dhe i pranojnë të metat e vendeve të tyre, ani pse shpresojnë se me një punë më të madhe do të arrijnë qëllimin, inkuadrimin e plotë në BE.

“Kemi ende përpara shumë punë për të bërë dhe hapja e negociatave për pranimin në BE, kushtëzohet nga përmbushja e plotë e 5 prioriteteve të mbetura si: krijimi i një administrate profesioniste dhe të depolitizuar; forcimi i pavarësisë së institucioneve të drejtësisë; lufta kundër korrupsionit; lufta kundër krimit të organizuar dhe mbrojtja e të drejtave të njeriut”, thotë për “Zëri”, Klajda Gjosha, ministre e Integrimit Evropian në Qeverinë e Shqipërisë.

Për përmbushjen e këtyre prioriteteve, ministrja Gjosha thotë se janë të angazhuar maksimalisht, madje përmes një plani veprimi ku parashtrohen qartë masat konkrete që po ndërmerren në përmbushjen e këtyre prioritete.

Beson se me hapat që janë ndërmarrë, Shqipëria në dhjetor të këtij viti do të shpërblehet me dhënien e statusit të vendit kandidat.

“Marrja e statusit të vendit kandidat është vetëm një hap përpara në procesin e integrimit dhe jo finalizimi i tij. Marrja e statusit do të ishte një shtysë dhe nxitje e madhe në realizimin e reformave në mënyrë që të zhvillojmë më tej vendin”, u shpreh ajo.

Krahasuar me Shqipërinë, Kosova në anën tjetër është vetëm në hapat e parë drejt integrimit në BE.

Progresi i parë më i madh i saj është arritur në qershor të këtij viti me fillimin e nisjes së negociatave për Marrëveshjen e Stabilizim-Asociimit (MSA), ku ky dialog deri te nënshkrimi pritet të zgjasë deri në verë të vitit 2014 (proces që shënon marrëdhënien e parë kontraktuale mes Kosovës dhe BE-së).

Petrit Selimi, zëvendësministër i Jashtëm, nuk e sheh Kosovën si të vonuar në këtë proces, duke pasur parasysh faktin që është vend i lindur shumë vonë.

“Kosova është vendi që ka shënuar përparim më të shpejtë se shtetet tjera të Ballkanit në integrime evropiane. Jemi prapa disa vite pasi që sapo nënshkruam MSA-në, por jemi shtet i cili ka lindur shumë më vonë se të gjithë fqinjët tjerë, prandaj edhe progresi te ne ka qenë dramatik”, tha Selimi.

Kosova larg përmbushjes së kritereve

Njohës të çështjeve integruese në dy shtetet shqiptare kujtojnë liderët e tyre, se ata janë vonuar në drejtim të përmbushjes së kritereve evropiane, dhe atë më shumë me faj të tyre.

Kosova ka filluar dialogun për liberalizim të vizave tash e 22 muaj ndërsa ende në horizont nuk shihet se kur kosovarët do të jenë në gjendje të udhëtojnë pa viza në vendet e Shengenit. Duke pasur parasysh që vendet e rajonit kanë fituar lirinë e lëvizjes prej 18-24 muaj nga fillimi i dialogut me BE-në dhe se Kosova ka filluar me zbatim të kushteve prej vitit 2009 - mund të konstatojmë që Kosova tashmë është vonuar në këtë proces”, tha për “Zëri”, njohësi i çështjeve integruese, Shenoll Muharremi.

Më shumë vendosmëri në zbatim të udhërrëfyesit, më shumë fokus në zhvillim ekonomik dhe punësim që të parandalohet azili ilegal, duhet t’i ketë para vetes Kosova, e mbi të gjitha Kosova dhe BE duhet të dakordohen për një afat kohor të qartë në mënyrë që kjo dramë të mos vazhdojë skajshmërisht, vlerësoi Muharremi.

“Pra, në esencë, ky proces ka të bëjë me mirëqenie dhe ne nuk po shohim këtë qeveri që po vetëdijesohet të zhvillojë dhe të zbatojë programe për zhvillim ekonomik dhe punësim. Ajo fatkeqësisht po vazhdon me avazin e vjetër duke shpenzuar mjetet kryesisht në rrugë dhe ndërtime që deri më tash fatkeqësisht kanë prodhuar situatat të vështira si kampet me azilkërkuesit ilegalë në Hungari dhe Francë”, tha ai.

Qeveria e Kosovës para një jave aprovoi Strategjinë e Evropës Juglindore 2020 ku kërkohet që BPV për kokë banori të arrijë 44 për qind të mesatares së BE-së, ndërkohë që Kosova qëndron 11 për qind për momentin, që do të thotë asaj i duhet zhvillim ekonomik prej 22 për qind në shtatë vitet e ardhshme, përndryshe siç thotë Muharremi, me trendet e deritanishme Kosovës i nevojiten edhe rreth 47 vite për të arritur këtë mesatare pa marrë parasysh zhvillimin në BE dhe ndikimin demografik dhe të inflacionit.

Gledis Gjipali, udhëheqës i OJQ-së “Lëvizja Evropiane në Shqipëri”, vlerëson se në raport me Shqipërinë dhe me vendet e tjera të Ballkanit përfshirë edhe Kosovën, procesi i integrimit në BE ka një specifikë.

“Komisioni Evropian duke e parë se këto vende e kanë të vështirë të ecin shpejt në këtë proces, procesin e integrimit e ka zbërthyer në disa provime që këto vende duhet t’i kalojnë për të ecur përpara. Vendet e tjera pos këtyre të Ballkanit në momentin që e kanë statusin e kandidatit iu është caktuar edhe data e fillimit të negociatave. E me vendet e Ballkanit një gjë e tillë nuk ka ndodhur por vetë marrja e statusit dhe data e fillimit të negociatave janë provime të ndara”, tha Gjipali.

Politikat e dëmshme shqiptare

Gledis Gjipali u rikujton liderëve të Shqipërisë se vendi i tij ka hyrë në vitin e katër që nga aplikimi për të marrë statusin për t’u anëtarësuar, dhe për shkak të problemeve, sidomos atyre politike, ky vend është vonuar shumë dhe ka humbur disa vite në procesin e integrimit.

“Duhet kujtuar se asnjë vend nuk është vonuar kaq shumë sa është vonuar Shqipëria për këtë rekomandim duke u bazuar nga koha kur ka aplikuar”, u shpreh ai.

Duhet kujtuar se tërë këto ngecje Shqipëria i ka pasur si rezultat i problemeve me të cilat është karakterizuar në zgjedhjet e vitit 2009, vlerëson Gjipali.

“Kurse tani për të ardhur në situatën aktuale ka ndikuar edhe qeveria e re mirëpo më shumë ka ndikuar mbajtja me sukses e zgjedhjeve dhe më pas ndryshimi i qeverisë pa ndonjë problem. Por edhe qeveria e atëhershme ka ndërmarrë një sërë masash sa i përket integrimit duke përfshirë miratimin e ligjeve që kanë qenë kusht e miratimin e të cilave e kanë bërë me përkrahjen e opozitës së atëhershme”, tha ndër tjerash Gjipali.

Jo mirë sa i përket politikës së brendshme qëndron edhe Kosova, vlerëson Afrim Hoti, njohës i politikave ndërkombëtare. Sipas tij, ndër kriteret kyçe për integrim është politika, pastaj sundimi i ligjit dhe ekonomia.

“Kriteri i parë që lidhet me politikën, me sistemin që ka Kosova ka shënuar shumë pak progres. Vazhdojnë mosmarrëveshjet politike të brendshme, mungesa e komunikimeve dhe vazhdimi i ndarjeve të dy etniteteve, me theks të veçantë veriut”, tha Hoti.

Kosova duke pasur parasysh që të njëjtën kohë gjendet e ngujuar edhe me procese të karakteristikave të tjera, atë me problemet me Serbinë, dialogun në Bruksel, veriun e përfshirë edhe problemet me njohjet e shtetit të Kosovës, ku pesë anëtare të BE-së, vazhdojnë të qesin pengesa, pra janë gjitha këto pengesa që bllokojnë rrugën e saj drejt BE-së, vlerësoi Hoti.

Sidoqoftë, për sferat ku Kosova ka mundur të punojë nuk ka punuar, siç është sundimi i ligjit, reformimi i administratës publike, i cili nuk ka kaluar në asnjë reformë, e probleme këto që vazhdojnë të përsëriten çdo vit në secilin raport ndërkombëtar, vlerësoi Hoti.

“Integrimi evropian nuk është fjalë e as simbol, por është standard. Nuk jemi më shumë evropianë nëse veshim ndërresa me flamuj evropianë, por jemi evropianë nëse plotësojmë standardet evropiane, e për t’i plotësuar ato jemi shumë larg, dhe si të tillë integrim mbetet rrugë shumë e gjatë për ta kaluar”, u shpreh Hoti.

Me fjalë e ndihmojnë njëra-tjetrën

Zëvendësministri i jashtëm i Kosovës, Petrit Selimi, tha se dy shtetet shqiptare do ta vazhdojnë rrugën së bashku drejt anëtarësisë në BE, pasi qe edhe vetë kriteret e Kopenhagës kërkojnë fqinjësi të mirë dhe bashkëpunim rajonal në integrime evropiane.

Ministrja e Integrimeve e Shqipërisë, Gjosha, përmendi takimin e pak javëve që ka zhvilluar me homologen e saj nga Kosova, Vlora Çitaku, ku tha se kanë diskutuar lidhur me thellimin e bashkëpunimit mes dy vendeve në aspektin ekonomik e social.
“Sepse vetëm kështu mund të arrijmë objektivin tonë për të qenë pjesë e familjes Evropiane. Shqipëria dhe Kosova janë dy shtete që i përkasin të njëjtit komb dhe është e padiskutueshme që të ecin bashkë në rrugën drejt Bashkimit Evropian”, u shpreh ajo.

Gledis Gjipali, nga “Lëvizja Evropiane në Shqipëri”, mendon se këto dy shtete e kanë ndihmuar njëra tjetrën dhe atë fillimisht me qëndrimet pozitive sa i përket bashkëpunimit rajonal dhe po ashtu me çështjet e sigurisë, zhvillimin e tregtisë e të shkëmbimeve tregtare që lehtësojnë në një farë mënyrë adaptimin e çështjeve evropiane.

[Zero Cool]

Fjalime, kremtime dhe urime për 101 vjetorin e Ditës së Pavarësisë



http://www.zeri.info/third_party/timthumb/timthumb.php?src=http://www.zeri.info/uploads/festimet-ne-tirane-1385628452.jpg&w=596&h=395&q=1000



Në 101 vjetorin e Ditës së Pavarësisë do të jenë së bashku krerët e shtetit presidenti Bujar Nishani, kryetari i Kuvendit, Ilir Meta dhe kryeministri Edi Rama.

Sot në orën 11:00 nisin në Vlorë festimet për 28 Nëntorin dhe tre krerët e shtetit do të marrin pjesë në ceremoninë e ngritjes së Flamurit dhe më pas në vendosjen e kurorave me lule te varri i Ismail Qemalit.

Aktivitetet do të vijojnë në teatrin “Petro Marko” ku kryeministri Rama do të ketë dhe një prononcim për mediet.

Në orën 12.00 në teatrin “Petro Marko do të bëhet prezantimi i projektit “Lungo Mare” si dhe do të shpallet konkursi ndërkombëtar për projektin e vijës bregdetare të qytetit të Vlorës.

Në orën 19.00 kreu i qeverisë do të marrë pjesë në pritjen e presidentit të Republikës.

Aktivitetet janë paraprirë nga mesazhe të shumta urimi. Me rastin e 101-vjetorit të Pavarësisë, Presidenti Nishani ka marrë mesazhe urimi nga presidenti i SHBA Barack Obama,. nga presidenti i Gjermanisë, Joachim Gauck, ai austriak, Heinz Fischer, i Izraelit, Shimon Peres, nga presidenti i Zvicrës, Ueli Maurer dhe presidentja e Kosovës, Atifete Jahjaga. Ndërkohë kryeministri i Kosovës, Hashim Thaçi ka uruar homologun shqiptar, Edi Rama për festën e 28 Nëntorit.

[Zero Cool]

Kryeministri Thaçi bën homazhe në Prekaz dhe Prishtinë



Kryeministri i Republikës së Kosovës, Hashim Thaçi, me rastin e 28 Nëntorit, ditës së shpalljes së Pavarësisë së Shqipërisë dhe të Flamurit Kombëtar, ka bërë homazhe dhe ka vendosur lule në Kompleksin Memorial “Adem Jashari” në Prekaz, si dhe para shtatores së Komandantit të UÇK-së, Zahir Pajaziti dhe para shtatores së ish-presidentit Rugova në Prishtinë.

Pasi ka bërë homazhe në Kompleksin Memorial “Adem Jashari” në Prekaz, Kryeministri Thaçi ka uruar të gjithë qytetarët e Kosovës dhe mbarë viseve shqiptare për festën e 28 nëntorit, Ditës së Pavarësisë dhe të Flamurit Kombëtar, ditëlindjes së komandantit legjendar të UÇK-së, Adem Jasharai dhe njëkohësisht ditës së daljes publike të UÇK-së më 28 nëntor 1997 në Llaushë të Drenicës.

[Zero Cool]

Lugina proteston dhe feston në ditën e Flamurit Kombëtar



http://www.zeri.info/third_party/timthumb/timthumb.php?src=http://www.zeri.info/uploads/prtestaaa1-1385646544.jpg&w=596&h=395&q=1000


Ashtu edhe siç ishte lajmëruar, përkundër motit të ftoftë në qendër të qytetit të Preshevës para komunës së Preshevës në sheshin ku ishte dikur lapidari i UCPMB-së janë tubuar mijëra protestues nga mbarë Lugina e Preshevës.


http://www.zeri.info/uploads/protestaaa12-1385646533.jpg



Protestuesit të cilët kanë dalur për të kremtuar ditën e flamurit të shoqëruar me liderët e Luginës së Preshevës njëkohësisht janë duke protestuar edhe kundër politikes antishqiptare serbe që me vite të tëra po ushtrohet kundër popullatës në këto treva shqiptare, njofton agjencia e lajmeve “Presheva jonë”.



http://www.zeri.info/uploads/protestatata1-1385646499.jpg



Protestuesit pos flamujve kombëtar ata në duar mbajnë edhe flamurin e Republikës së Kosovës, ata amerikan si dhe evropian.

Protestuesit po ashtu brohorisin herë pas here dhe në duar mbajnë edhe afishe me mbishkrime ku dënohet dhuna dhe terrori serb në Luginën e Preshevës.



http://www.zeri.info/uploads/preshevaaaprotest1111-1385646513.jpg



Ekipi i gazetarëve të agjencisë së lajmeve “Presheva jonë” ka arritur t’i dëgjoj dhe lexoj disa nga parullat dhe afishet ku shkruhet:

“Stop dhunës serbe në Luginë”, “Mos na vrisni djemtë tanë në burgje!”, “Kosovë mos e harro Luginën!”; “Ktheni lapidarin”, “Kërkojmë demilitarizimin e Luginës”; “Beograd, ktheni librat nxënësve tanë”; “Serbi mos ma prek Flamurin dhe Abetaren”, “Presheva është Kosovë”; “Duam bashkim me Kosovën..” etj…

[Zero Cool]

Policia pengon vendosjen e flamurit kombëtar në Kala të Shkupit



Një incident është shënuar mëngjesin e sotëm kur disa të rinj shqiptarë kanë tentuar të vendosnin flamurin kombëtar në pjesën ballore të Kalasë së Shkupit.

Alsat-M raporton se ka qenë ndërhyrja e Policisë ajo që ka penguar qëllimin e patriotëve të rinj nga Shkupi.

Rasti është denoncuar pranë medias nga qytetarë shqiptarë, ndërsa Policia nuk është prononcuar ende zyrtarisht.



http://www.zeri.info/third_party/timthumb/timthumb.php?src=http://www.zeri.info/uploads/kalaja_flamur_897210494-1-1385635240.jpg&w=596&h=395&q=1000

[Zero Cool]

Urime dita e flamurit o shiptarqiqa :P



http://lajmi.net/wp-content/uploads/2015/11/Tirana-Shqiperi-650x358.jpg