Lutjet themelore

[emine]

BESOJ

Besoj në Hyjin, Atin e gjithëpushtetshëm,
Krijuesin e qiellit e të tokës.
E në Jezu Krishtin, birin e tij një të vetmin,
Zotin tonë,
i cili u zu për virtyt të Shpirtit Shenjt.
U lind prej Virgjërës Mari,
pësoi mundimet nën Poncin Pilat,
u vu në Kryq,
vdiq e u varros,
zbriti në ferr;
të tretën ditë u ngjall së vdekuri;
u ngjit në qiell,
rri në të djathtë të Hyjit,
Atit të gjithëpushtetshëm;
andej do të vijë për të gjykuar të gjallët e të vdekurit.
Besoj në Shpirtin Shenjt,
Kishën e shenjtë Katolike,
shoqërinë e shenjtërve,
faljen e mëkateve,
ngjalljen e korpit,
dhe jetën e pasosur.
Amen.

[emine]

ATI YNË

Ati ynë,
që je në qiell,
u shenjtëroftë emri yt,
ardhtë Mbretëria jote,
u bëftë vullnesa jote,
si në qiell ashtu në tokë!
Bukën tonë të përditshme na e jep sot;
na i fal fajet tona,
si i falim ne fajtorët tanë.
E mos na lër të biem në tundim,
por na liro nga i keqi.
Amen.

[emine]

TË FALEMI, MARI

Të falemi Mari,
hirplote, Zoti me ty!
E bekuar je mbi të gjitha gratë,
dhe i bekuar fryti i barkut tënd, Jezusi.
- Shenjtja Mari,
Nëna e Hyjit,
lutu për ne mëkatarët,
tash e në fill të vdekjes sonë.
Amen.

[emine]

PUNA E PENDIMIT

O Zoti im, po më vjen keq me gjithë zemër për të gjitha mëkatet që i kam bërë. Se kam bjerrë parrizin dhe kam merituar ferrin. Por më fort se të kam fyer Ty, o E mira e pambaruar, që kaq fort më ke dashur. Mëshirë, o Zot! Më fal, o Zot! Po të jap fjalën, me ndihmën tënde, që mos të fyej më kurrë. Amen.

[emine]

URDHËRIMET E HYJIT:
Hyji thotë:
1. Unë jam Hyji yt. Tjetër Hyj mos të kesh e mos të adhurosh – pos meje!
2. Mos e merr emrin e Hyjit nëpër gojë kot!
3. Shenjtëroje ditën e diel e ditën e festës së urdhëruar!
4. Nderoje prindin tënd në qoftë se dëshiron të jetosh shumë përmbi tokë!
5. Mos vra!
6. Mos kurvëro!
7. Mos vidh!
8. Mos bëj dëshmi të rreme!
9. Mos lakmo njeriun e huaj për të keq!
10. Mos lakmo asgjë të huajën!

[emine]

KATËR VIRTYTET KRYESORE:

1. Maturia; 2. Drejtësia; 3. Forca; 4. Përmbajtja.

[Denim]

T’i lutemi Krishtit, Bariut dhe Ngushëlluesit të popullit të vet:O Zot, strehimi ynë, dëgjoje lutjen tonë! Bekuar qofsh, o Zot, që na bëre pjesëtarë të familjes sate,bëj që gjithmonë të jemi gjymtyrë të gjalla të Kishës së shenjtë.Kujdesin për të gjitha Kishat, ia besove Papës tonë ,jepi fenë e palëkundshme, shpresën e gjallë, dashurinë e përkryer.Mëkatarëve jepu forcë që të kthehen,të gjithëve jepu paqe dhe shëlbim.Ti e përjetove mërgimin,le të të bjerë ndër mend për të gjithë ata që jetojnë larg familjes dhe shtëpisë së vet.Të gjithë të vdekurve që shpresuan në Ty jepu pushimin e pasosur.

[Denim]

Ati yne qe je ne qiell u shenjterofte emri yt,ardhte mbreteria jote u beft vullnesa jote:si ne qiell ashtu dhe ne toke, buken tone te perditshme na e jep sot, na i fal fajet tona si i falim ne fajtoret tane: e mos na ler te biem ne tundim,por na liro nga i keqi. Amen

[Zero Cool]

Zoti nuk degjon lutjet e bera me goje, por ato qe behen me zemer!

[Arb]

Zoti nuk ka kohe me degju as lutjet me goje, e as me zemer, vec i sheh te bamat tona (nese ka kohe).

[Makresh]

URDHËRIMET E HYJIT:
Hyji thotë:
1. Unë jam Hyji yt. Tjetër Hyj mos të kesh e mos të adhurosh – pos meje!
2. Mos e merr emrin e Hyjit nëpër gojë kot!
3. Shenjtëroje ditën e diel e ditën e festës së urdhëruar!
4. Nderoje prindin tënd në qoftë se dëshiron të jetosh shumë përmbi tokë!
5. Mos vra!
6. Mos kurvëro!
7. Mos vidh!
8. Mos bëj dëshmi të rreme!
9. Mos lakmo njeriun e huaj për të keq!
10. Mos lakmo asgjë të huajën!

Kjo lutje, sikur te ishte Islame :)

[Zero Cool]

Kjo lutje, sikur te ishte Islame :)

Me siguri eshte lutje islame, sepse nihere doli islamizmi, pastaj erdh krishterizmi e dikure vooooooooooooone jahudizmi :tongue:

[Zero Cool]

Zoti nuk ka kohe me degju as lutjet me goje, e as me zemer, vec i sheh te bamat tona (nese ka kohe).

Pse spaska kohe me degju e me pa ai, qka ka me boe tjeter ai?

[Makresh]

Me siguri eshte lutje islame, sepse nihere doli islamizmi, pastaj erdh krishterizmi e dikure vooooooooooooone jahudizmi :tongue:


Thash Islame, sepse kundershton 3-nitetin :tongue: (Atin, mixhen, vllaun edhe shpirtat e secilit)

[Denim]

Lutja ose urata eshte te cuarit e mendjes dhe zemres kah Zoti. Lutja eshte bisede me Zotin. Kur themi lutje, ne bisedojme me Zotin sikur me Atin tone.
Cdo i krishtere eshte i detyruar te lutet, sepse kete na e ka porositur vete Jezu Krishti.

Ne duhet lutemi ose te themi urate:

- ne mengjes, kur te zgjohemi prej gjumi;
- para dhe pas buke;
- para dhe pas pune;
- kur te nisemi per rruge;
- nder nevoja tona;
- nder tundime;
- para se te bijme ne shtrat;
- gjate meshes etj.


Lutja me e mira eshte kur ne te gjithe se bashku, si femije te Zotit: si vellezer dhe motra e levdojme Zotin me mendje, me zemer dhe me zerin tone, duke percjelle me vemendje e pershpirteri lutjet dhe fjalen e Zotit, si dhe duke kenduar kenge te pershpirtshme, te cilat i ka caktuar Kisha.


Lutja eshte falenderim. Kjo do te thote: Ne shohim qe cdo e mire vjen prej Zotit, dhe per kete atij ia kushtojme veprat tona. Atehere krejt jeta jone behet lutje.
Zoti u deftohet atyre qe jetojne ne paqe dhe ne pervujtni te zemres.
Uji i turbullt dhe levizes nuk e pasqyron fytyren e atij qe rri buze lumit. Nese deshiron qe fytyra e Krishtit te jete e dukshme ne fytyren tende, dhe keshtu te jesh i krishtere i vertete, atehere perqendrohu ne heshtje dhe mbylli dyert e shpirtit tend para zhurmes se gjerave nga jashte.
Nese Zoti deshiron t'i flase dikujt dhe ta permbushe me dashuri te vet, atehere e terheq ate nga zelli per pune tokesore ne vetmi. Ai ia afron veshin atij qe hesht dhe keshtu ia tregon fshehtesite e veta.

[Denim]

Shenja e kryqit: (Para çdo urate bëjmë kryq)
Në emër të Atit e të Birit
e të Shpirtit Shenjt. Amen.

Ati ynë, qe je ne qiell, u shenjterofte emri yt,
ardhte Mbreteria jote, u befte vullnesa jote:
si ne qiell, ashtu ne toke!
- Buken tonë te përditshme na e jep sot.
Na i fal fajet tona, si i falim ne fajtoret tanë.
E mos na ler te biem ne tundim, por na liro nga i Keqi. Amen.

Të Falemi Mari, hirplote, Zoti me Ty!
E bekuar je mbi të gjitha gratë,
e i bekuar fryti i barkut tënd, Jezus!
- Shenjta Mari, Nëna e Tenzot,
lutu për ne mekataret,
tash e ne fill te vdekjes sone. Amen.

Lavdi Atit, e Birit e Shpirtit Shenjt!- Si ka qenë ne fillim, ashtu tash
e pergjithmone e jetës. Amen.

Lutja për te vdekur

Jepua, o Zot, pushimin e pasosur!
- E u ndrite drita e pambaruar!
Pushofshin ne paqe!
- Ashtu qoftë!

O Jezusi im, na i fal mëkatet tona, na shpeto prej flakes se ferrit, e coji ne qiell te gjithë shpirtrat, por sidomos ata, qe kanë me shumë nevojë për meshiren tënde.

Puna e pendimit

O Zoti im, po më vjen keq me gjithë zemër
për të gjitha mëkatet qe i kam bërë:
se kam bjerre parrizin, kam merituar ferrin.
Por me fort po më vjen keq se te kam fyer Ty,
o e Mira e pambaruar,
qe kaq fort me ke dashur.
Meshire, o Zot! Më fal, o Zot!
Po të jap fjalën, me ndihmën tënde,
se s'do të fyej me kurrë.
Amen.

BESOJ NE HYJIN,
Atin e gjithpushtetshem,
Krijuesin e qiellit e te tokes.
E ne Jezu Krishtin,
Birin e tij një te vetmin, Zotin tonë,
i cili u zu për virtyt te Shpirtit Shenjt.
U lind prej Virgjres Mari.
Pesoi mundimet nën Poncin Pilat.
U vua ne kryq, vdiq e u varros.
Zbriti mbi ferr.
Të tretën ditë u ngjall se vdekuri.
U ngrit ne qiell.
Rri ne anë te djathte te Tenzot,
Atit te gjithpushtetshem.
Andej do të vijë
për te gjykuar te gjallet e te vdekurit.
Besoj ne Shpirtin Shenjt,
Kishen e shenjtë Katolike,
shoqërinë e shenjterve,
faljen e mëkateve,
ngjalljen e te vdekurve
dhe jetën e pasosur. Amen.

Lutja e mengjesit
O Zoti im, po të falenderoj sepse me ke ruajtur sonte. Po të jap fjalën se sot, me ndihmë tënde, nuk do të fyej me asnjë mëkat. Gjithçka te bëj e gjithçka te vuaj ne këtë ditë - dua te bëj dhe te vuaj për dashuri tënde e si është qëllimi i Zemres se Jezu Krishtit, qe bëhet fli për ne nè Meshen e shenjtë.
O Zot i gjithpushtetshem, qe na e dhe fatin te presim këtë ditë, na ruaj me pushtetin tënd, qe sot mos te biem ne asnjë mëkat, por le të te rrjedhin fjalët tona e le të drejtohen mendimet dhe veprat tona për te kryer gjithhere drejtesine tënde. Neper Krishtin, Zotin tonë. Amen.

Lutja e mbrëmjes

Zoti i gjithpushtetshem dhe i meshirshem na dhashte një nate te qete dhe një mbarim te mirë!
Eja, po të lutemi, o Zot, ne këtë banesen tonë e deboji të gjitha pritat e armikut. Engjejt e shenjtë te tu le të banojne ne te dhe te na ruajnë ne paqe! E bekimi yt qoftë gjithmonë me ne. Neper Krishtin, Zotin tonë. Amen.

Lutja Engjëllit Rojës

O Engjël i Zotit, që je rojtari im,
pasi Zoti ynë, për mëshirë të vet,
më ka lënë në rojë tënde,
ti sot më shndrit, më mbaj,
më ruaj e më sundo. Amen.

Të falemi, Mbretëresha,
Nëna e mëshirës,
jeta, ëmbëlsimi e shpresa jonë,
të falemi!
Ty të thërrasim ne të shkretët,
të bijtë e Evës, që po fshajmë,
po gjëmojmë e po qajmë
në këtë shekull plot me lotë.
Deh, pra, pajtorja jonë,
ata sy të mëshirshëm të tu
silli drejt nesh!
E Jezusin, të bekuarin,
frytin e barkut tënd,
ne mbas kësaj shkretie
na e kallxo.
O e dhimbshmja, o e buta,
o e ëmbla Virgjëra Mari!
Amen.

[Denim]

Engjëlli i Zotit

Engjëlli i Zotit iu fal Zojës Mari.
– E ajo ngjizi për virtyt të Shpirtit Shenjt.
(Të falemi Mari…)
Ja shërbëtorja e Hyjit.
– U bëftë me mua si është fjala jote.
(Të falemi Mari…)
E Fjala u bë njeri.
– E banoi ndër ne.
(Të falemi Mari…)
Lutu për ne, o shenjtja Nënë e Hyjit!
– Të bëhemi të denjë për premtimet e Jezu Krishtit.
Të lutemi: Hirin tënd, po të lutemi, o Zot,
ndikoje në shpirtin tonë, që sikurse në lajmërimin e engjëllit
na e zbulove mishërimin e Birit tënd, Jezu Krishtit, nëpër
mundime e kryq të tij na udhëheq në lavdinë e ringjalljes.
Nëpër Krishtin Zotin tonë. Amen.

(Shtohet tri herë: “Lavdi Atit…” dhe për shpirtra të purgatorit një “Ati ynë, Të falemi Mari” dhe “Jepua, o Zot, pushimin e pasosur!”) Dhe i shndritë drita e pambaruar!
Pushofshin në paqe! Amen.


Engjëlli i Zotit, i njohur më gjerë si Angelus, lutet në mëngjes, në mesditë në orën dymbëdhjetë dhe në mbrëmje. Në këto kohë rëndom bie kambana si thirrje për këtë lutje, dhe kudo që besimtarët janë afër ndonjë kishe do të kenë më lehtë të bëhen me dije për lutjen e saj. Vetë papa e thotë këtë lutje çdo të diel në mesditë në orën dymbëdhjetë nga dritarja e banesës së tij. Përmbajtja e saj shtjellon të mishëruarit të Jezusit në kohë, e përgatitur përmes dialogut të lajmërimit në mes të engjëllit Gabriel dhe Marisë. Pas secilës prej tri fjalëve medituese thuhet një Shenjta Mari, ndërsa përfundon me lutje. Papa ia shton edhe tri: Lavdi Atit (Lavdithurjen e vogël), përkujton të vdekurit dhe pastaj jep bekimin. Në kohën e Pashkëve zëvendësohet me lutjen “Mbretëreshë e qiellit”.



Mbretëreshë e qiellit

Mbretëreshë e qiellit, gëzohu, Aleluja!
– Se ai që meritove për ta bartur, Aleluja!
U ngjall si pati thënë, Aleluja!
– Lute për ne Hyjin, Aleluja!
Gëzohu e galdo, Virgjëra Mari, Aleluja!
– Zoti u ngjall me të vërtetë, Aleluja!
Të lutemi: O Zot, që nëpër ngjalljen e Birit tënd Jezu Krishtit
u denjove ta ngushëllosh botën, bëj që nëpër Nënën e tij,
Virgjërën Mari, të fitojmë ngushëllimet e jetës së amshuar.
Nëpër Krishtin Zotin tonë. Amen.

Është njëra prej katër antifonave të Marisë dhe njihet si Regina Coeli. Këndohet në Liturgjinë e Orëve në kohën e Pashkëve pas mbrëmësores. Në kohën e Pashkëve e zëvendëson lutjen Engjëlli i Zotit deri në ditën e Rrëshajëve. Teksti i saj dhe melodia kanë zënë fill në shekullin XII. Teksti i kësaj lutjeje shpreh gëzimin dhe harenë për ringjalljen e Krishtit dhe Maria paraqitet si ndërmjetësja jonë.



Engjëlli i Zotit

Engjëlli i Zotit, që je rojtari im, pasi Hyji, për mëshirë të vet,
më ka lënë nën mbrojtjen tënde, ti sot më shndrit, më mbaj,
më ruaj e më sundo. Amen.

Kisha katolike na mëson se përpos forcave të këqija, ekzistojnë edhe forcat e mira; prandaj na i paraqet engjëjt si ndërmjetës dhe mbrojtës. Vetë fjala engjëll do të thotë: lajmëtar. Ata rrinë pranë Hyjit dhe i shërbejmë atij. Vetë Zoti u urdhëron që të na ruajnë (Ps 91, 11); prandaj forcat e këqija nuk mund të mbizotërojnë, sepse vetë Zoti përfundimisht është Zotëruesi i qiellit dhe i tokës (Zb 20, 7–14). Shkrimi i Shenjtë na flet për engjëjt dhe kryeengjëjt, kerubinët dhe serafinët, fronet dhe zotëruesit; të gjithë i shërbejnë Hyjit dhe i mbrojnë njerëzit.

[emine]

Prej çdo së keqeje, Lirona ne, o Zot !
Prej çdo mëkati,
Prej tundimeve të armikut të keq,
Prej shpirtit të gabimit dhe të rrenës,
Prej shpirtit të mosbesimit dhe të bestytnisë,
Prej shpirtit të madhështisë dhe të smirës,
Prej shpirtit të sharjes dhe të mallkimit,
Prej shpirtit të fëlligështisë,
Prej shpirtit të epsheve dhe të përtacisë,
Prej shpirtit të mendjelehtësisë dhe të dëshpërimit,
Prej shpirtit të kundërshtimit së vërtetës së njohur,
Prej shpirtit të ngurrimit dhe të mospranimit të pendesës,
Prej vdekjes së rëndë dhe të papërgatitur,
Në ditën e gjyqit.

[emine]

Kjo lutje, sikur te ishte Islame :)
patjeter
Jezusi(isa)
Maria (mejremja)
Musliman jan kta,,,,:tongue:

[Zero Cool]

O Zot, me mbroj nga brenga dhe pikellimi, me mbroj nga pafuqia dhe pertacia, me mbroj nga qyqaria dhe koprracia dhe me mbroj nga veshtiresite, borxhi dhe anashkalimi i njerezve.