Lutje të përditshme

[Denim]

Ka mendime dhe pohime, që tashmë të jetë e vërtetuar edhe shkencërisht se njerëzit që luten, thonë uratë dhe meditojnë jetojnë më të lumtur, më gjatë dhe më shëndetshëm sesa njerëzit që nuk luten dhe nuk meditojnë. Shpeshherë mjekët me përvojë nuk ua porosisin pacientëve së pari medikamentet dhe urgjentisht operimin, por qetësinë dhe prehjen. Lutja në veçanti është thesar i madh në Kishën katolike, por edhe përvojë e të gjitha religjioneve. Lutja është ecja kah brendia, kah gurra jonë hyjnore. Lutja është hapje për Hyjnoren, domethënë, për të vërtetën, të bukurën dhe të mirën. Në lutje kërkojmë dhe gjejmë. Në lutje e falënderojmë Hyjin, e lusim për ndihmë në çdo nevojë, tregojmë gatishmërinë për pendim deri në gjunjëzim dhe përgjërohemi. Në lutje shprehim besimin tonë ndaj Zotit, i flasim Atij dhe njëkohësisht përjetojmë se vetë Zoti na do. Lutja është zemra e të gjitha virtyteve, dhe në radhë të parë e fesë. Pa lutje nuk mund t’i kuptojmë misteret e fesë. Pa lutje si do ta vendosnim lidhjen e dashurisë sonë me Hyjin dhe të njohjes me Hyjnoren? Misteret e fesë sonë i zbulojmë përmes logjikës së lutjes dhe zemërçiltërsisë. “Lutuni gjithmonë”, na thotë Shën Pali. E tërë jeta e Kishës është lutje e përhershme.


Lutjet e mëngjesit

Në emër të Atit e të Birit e të Shpirtit Shenjt. Amen.

O Zoti im, të falënderoj që më ke ruajtur sonte.
Po të premtoj se sot, me ndihmën tënde, nuk do të të fyej me asnjë mëkat.
O Zoti im, gjithçka që do të bëj e gjithçka që do të vuaj në këtë ditë, dua ta bëj dhe ta vuaj për dashurinë tënde e si është dëshira i Zemrës së Jezu Krishtit, që bëhet fli për ne
në Meshën e shenjtë.

O Zot i gjithëpushtetshëm, që na e dhe fatin ta presim edhe këtë ditë, na ruaj me pushtetin tënd, që sot mos të biem në asnjë mëkat, por të rrjedhin fjalët e të drejtohen mendimet dhe veprat tona për të kryer gjithmonë drejtësinë tënde.
Nëpër Krishtin Zotin tonë. Amen.

Zemra e Krishtit, Zotit tonë,
bëj që ty të duam gjithmonë.
Zemra e Zojës, Nënës sonë,
qofsh ti shëlbimi ynë.


Para punës

Veprimet tona, po të lutemi, o Zot, me hirin tënd frymëzoji dhe me ndihmën tënde përcjelli, që çdo veprim i yni me ty të fillojë dhe me ty të përfundojë. Nëpër Krishtin Zotin tonë. Amen.


Para bukës

Na e jep, o Zot, bekimin tënd neve dhe këtij ushqimi, që po e marrim prej bujarisë sate. Nëpër Krishtin Zotin tonë. Amen.


Pas bukës

Po të falënderojmë, o Zot i gjithëpushtetshëm dhe i amshuar, për të gjitha bamirësitë e tua. Ti që jeton e sundon në shekuj të shekujve. Amen.


Lutjet e mbrëmjes

Në emër të Atit e të Birit e të Shpirtit Shenjt. Amen.
Zoti i gjithëpushtetshëm na dhuroftë një natë të qetë e një përfundim të përsosur.


Shqyrtimi i ndërgjegjes

Gjej sadopak kohë dhe përthellohu në mendime. Mendo nëse ke lejuar të të kalojë e tërë dita larg virtyteve. Rrëmoje thellë ndërgjegjen dhe pastaj thuaje Punën e pendimit dhe vazhdo lutjen si vijon më poshtë.

Eja, po të lutemi, o Zot, në banesën tonë e dëboji larg të
gjitha pritat e armikut; engjëjt e shenjtë të tu le të banojnë
në të dhe të na ruajnë në paqe. E bekimi yt qoftë gjithmonë
me ne. Nëpër Krishtin Zotin tonë. Amen.

Jezu Krisht, shenjtja Mari, shenjti Jozef, juve po jua fali zemrën e shpirtin tim.
Jezu Krisht, shenjtja Mari, shenjti Jozef, ju më dilni zot në fill të vdekjes sime.
Jezu Krisht, shenjtja Mari, shenjti Jozef, në paqe me ju qoftë vdekja ime.


Veprimi i fesë

O Zot Hyj, unë besoj ngultas dhe i rrëfej të gjitha dhe secilën veças, që Kisha e shenjtë katolike na mëson të besojmë.
Sepse Ti, o Hyj, i ke shpallur të gjithë këto, i cili je e vërteta e amshuar dhe urtia, e cila nuk mund të mashtrojë as të jetë e mashtruar. Në këtë fe dua të jetoj dhe të vdes. Amen.

Veprimi i shpresës

O Zot Hyj, unë shpresoj që përmes hirit tënd do të fitoj faljen e të gjitha mëkateve dhe pas kësaj jete lumturinë e amshuar.
Sepse Ti ke premtuar, Ti, i cili je pafundësisht i fuqishëm, besnik, i mirë dhe i mëshirshëm. Në këtë shpresë dua të jetoj dhe të vdes. Amen.

Veprimi i dashurisë

O Zot Hyj, të dua mbi gjithçka dhe të afërmin për shkak Teje.
Sepse Ti je i tejetlartë, i pakufishëm dhe e mira e përkryer, e denjë për çdo nderim. Në këtë dashuri dua të jetoj dhe të vdes. Amen.


Veprimi i pendimit

O Hyj im, pendohem me gjithë zemër për të gjitha mëkatet e mia jo vetëm për shkak të dënimit të drejtë, që e kam merituar për to, por para së gjithash, sepse të kam fyer Ty, të mirën e tejetlartë, e cila e meriton të duhet mbi gjithçka. Pra, po i vë vetes detyrë ngultas, përmes hirit tënd, që të mos mëkatoj
më dhe t’u shmangem shkaseve të mëkateve. Amen.

[Denim]

Lutje për bashkimin e të krishterëve

Ti, o Hyj gabuesit i thërret në rrugë, të shpërndarët i mbledh dhe ata që janë të bashkuar i mbron, faljau, po të lutemi, për mirësi tënde, popujve të krishterë hirin e bashkimit, në mënyrë që duke mos marrë para sysh ata çka i ndan, të hyjnë në vathën e Kishës nën Bariun e vërtetë dhe kështu të shërbejnë Ty si duhet.

Amen

[Denim]

O Jezu Krisht

Ti je jeta, të cilën dua ta jetoj.
Ti je drita, të cilën dua ta ndez.
Ti je gëzimi të cilin dua ta ndaj.
Ti je paqa, të cilën dua ta jap.
Ti je gjithçka për mua, dhe pa ty s'mund të bëj asgjë.

[Denim]

Lutja e Shën Jozefit

Shën Jozef, ati i kujtueshëm i Jezu Krishtit, fati i Virgjërës Mari, lutu për ne dhe për të gjithë ata që kërkojnë ndihmën tënde në momente të ndryshme të jetës. Na jep hirin që gjithmonë të pranojmë vullnetin e Tij, ashtu sikurse ti e pranove me durim të qëndrueshëm në të gjitha vështirësitë, duke mos kërkuar shpjegime. Ndërmjetëso për të gjitha familjet tona, sidomos për prindërit që ndershmërisht e fitojnë bukën e tyre dhe, së bashku me gratë e tyre, me fjalë dhe shembull t’i edukojnë fëmijët e tyre. Na ndihmo o Shën Jozefit, modeli i pastërtisë në familje, na ndihmo të mbetetemi besnik ndaj Zotit dhe besimit të krishterë të shenjtë, dhe nëse ndodh që të largohemi prej teje, na ndihmo që prapë të gjendemi afër teje, e në momentin e vdekjes qëndro afër nesh dhe na dërgo para fronit të drejtë gjykues para Zotit tonë Jezu Krishtit.

Amen

[Denim]

Lutja e shën Augostinit

Ti je Zoti, Ati im i shenjtë, o Zot im i dhimbshëm, Mbret, Bariu im i mirë, Mësuesi im i vetëm, Shpëtimtari, buka e gjallë, rruga, jeta, e vërteta, gëzimi, ringjallja, shpresa e jetës sime, siguria ime, mbrojtësi i jetës sime, udhëheqësi i familjes sime, burimi i paqes, jeta e lumtur, dashuria ime e përjetshme...O Jezus, Zoti im ku isha që nuk kam menduar për Ty? O ju besmitarë të gjithë, të gjitha dëshirat e zemrës sime ia dhuroj Zotit Jezus, vraponi e mos vononi t'ia dhuroni Jezusit jetën tuaj, vraponi pas qëllimit të jetës suaj që është Jezusi. Në jetën tuaj kërkojeni Zotin dhe duajeni Jezu Krishti vdiq në zemrën time, dhe ju jeni jeta ime! Le të ndizet zjarri në flakën e dashurisë sime!

Amen.

[Denim]

Lutja e shën Françeskut të Asizit

O Zot, më bëj vegël të paqës Sate
ku ka urrejtje, të sjell dashuri,
ku ka fyerje, të sjell falje,
ku ka mospajtim, të sjell bashkim,
ku ka mashtrim, të sjell besim,
ku ka dëshpërim, të sjell shpresë,
ku ka terr të sjell dirtë,
ku ka pikëllim, të sjell gëzim.
O Zot, bëj që te mos kujdesohem aq që të ngushëllohem, sa të ngushëlloj të tjerët,
që të më kuptojnë, sa t’i kuptoj unë të tjerët,
që të më duan, sa të dua.
Sepse:kush dhuron vetveten, e fiton vetveten;
kush harron vetveten, e gjen vetveten;
kush fal, do t’i falet;
kush vdes, lind për jetën e amshuar.

[Denim]

Lutja shën Jozefit

Shën Jozef, ti shpresa jonë,
Drejtoe familjen tonë:
Të jetoj në harmoni,
Të rritet në dahsuri.
Feja, shpresa e dashuria
Në këtë shtëpi lulëzofshin!
Sikur Krishti, ti e Maria
Të gjithë Zotin e nderofshin!
Ndezi, deh, zemrat tona
Me dashuri të Krishtit Zot;
Na bëj shpirtin, sikur tëndin,
Më shenjtëri e hire plot!

Amen.

[Denim]

Lutjë shën Terezës së Krishtit Fëmijë

Fort e dashura shën Tereza e Krishtit Fëmijë!

Ti ke premtuar se nuk do ta gëzosh lumturin qiellore vetëm duke shikuar mbi ne, krijesat e mjera, por do të zbritësh për të na ndihmuar. Deh, zbrit, o shejtëreshë e dashur, dhe shikoje nevojën time! Më ndihmo! Foli ti për mua Zemrës hyjnore të Jezusit dhe Zemrës së papërlyer të Virgjërës Mari., sepse ata nuk mund ta refuzojnë lutjen tënde.

Amen

[Denim]

Lutje Shna Ndout

O Zot, Atë i mirë dhe i mëshirshëm, që ke zgjedhur shna Ndoun porsi mësues të ungjillit e lajmëtar të paqes ndërmjet popujve, dëgjoje lutjen që po të drejtojmë. Bekoi familjet tona, ndihmoi me mbajt të gjallë fenë, ruaje bashkimin e dashurin, paqen dhe qetësin familjare. Bekoi fëmijët tanë e drejtoje rininë në rrugën e Zotit. Ndihmoi të gjithë ata që janë të prekur prej sëmundjëve, vuajtjëve e varfëris. Na mbro ndër të gjitha vështirësit e jetës së përditshme me dashurin tënde. Jepi vendit tonë një paqe të vërtet dhe bagati popullit tënd, që aq shumë shpreson në ty. O Shna Ndue, qofsh ti ndërmjetësi ynë pranë Zotit të gjithpushtëtshëm. Amen.

[Denim]

Shën Gjon Pagëzuesit

E ke kurorëzuar, O Hyj, me kurorë margaritarësh. Lavdi i tij është i madh në shëlbimin tënd. E ke zbukuruar, O Zot, me nder e bukuri të madhe. O Hyj, që ditën e sotme na e ke bërë të ndershme nëpërmjet lindjes të shenjtit shën Gjon, jepi popullit tënd hirin e gëzimeve shpirtërore, e shpirtrat të gjithë besimtarëve drejtoi në rrugën shëlbimit të amshueshëm. Ashtu qoftë.

[Denim]

Engjëjve Rojtarë

Bekonje Hyjin, të gjithë Ëngjëjt e tij, shërbëtorë të tij, që plotësoni dëshiren e tij, duke dëgjuar zërin e fjalëve të tija. O Ëngjëj rojtarë, prijësit tonë, mos na leni pa na drejtuar rrugës së Parrizit, megjithëse ne deri tash nuk ia kemi ditur kujdesit tuaj. Na ndihmoni me këshilla shentje tuaja, na tronditni me frikën shenjte, nëse rrëshqasim, e bëni që të ju ndjekim gjithkund ku të na prini, e një ditë edhe të arrijmë në atmen e lume qiellore. Ashtu qoftë.

[Denim]

Lutje

O Jezu Krisht i dashur, unë po të adhuroj me gjithë fuqi të shpirtit, po të njohë e dëshmoj për Zotin tim, krijuesin dhe tërë të mirën time. Bën po të lutem, o Jezu Krisht, që të besoj më me fe të gjallë, të shpresoj më ngultas dhe të të dua me gjithë zemër dhe për dashuri tënde të dua edhe të afërmin tim por si vetveten. Amen.

[Denim]

Zemrës së Krishtit

O Zemra tejet e shenjtë e Krishtit, zbraz pot ë lutemi bekimet e tua mbi Kishën e shenjtë, mbi shenjtin Atë Papë, mbi ipeshkvin tonë dhe të gjithë meshtarët. Epju të drejtëve qëndresën, silli prej vetës mëkatarët, shndrit ata që nuk besojnë, beko prindërit tane, të afërmit tanë, miqtë, dashamirët dhe bamirësit tanë, ndihmo ata që janë duke vdekur shpëto shpirëtat e purgatori

[Denim]

Kushtimi i vetvetit zemrës së papërlyer të Zojës

O Zemra e papërlyer e Zojës së bekuar, unë po ta kushtoj e po ta shuguroj ty përgjithmon krejt vetveten, që t’i përgjigjem dashuris sate, që të shpërblej fyerjet që të bëjnë disa bij tu të pamirëdijshëm e që të dëgjoj dëshirën tënde e dëshirën e shenjtit Atë papë. Dënjohu të pëlqejsh këtë kushtim të përvujtë. Shpirti im, trupi im, jeta ime janë gjëja jote; e pasi unë jam krejt i yti, ti më ruaj e më del zot si gjësë sate.
Amen.

[Denim]

Zojës për pastërti

O e ime Zojë, Nëna ime, ty po të kushtohem krejtësisht e që të dëshmoj përkushtin që e kam për ty, po të fali sot e përgjithmonë sytë e mi, veshët e mi, gojën time, zemrën time e të gjithë vetveten. Tash pra, o Nënë e dashur, pasi unë jam krejt e jotja, ti më ruaj e më del zot si një sendit që krejt të përket ty.
Amen

[Denim]

Shën Nikollit

O i lëvdueshmi shenjti shën Nikollë, shtylla e Kishës shenjte, që me atë dije dhënë prej Zotit, e me atë zemër plot me zell, luftove kundër sa e sa njerëzve të dalur jashta rruget e jashta fesë shenjtë, po të lutemi ta na nxjerrësh prej Tenzot një zell të madh si për shpirtrat tonë, ashtu edhe për shëlbim të gjithkujt.

O Hyj, ti që e shqove shenjtin shën Nikollë, ipeshkëv, me mrekulli të panumërta, bën, po të lutemi, që nëpër meritime e lutje të tija t’i shpëtojmë zjarrit të ferrit.
Amen

[Denim]

Lutje Jezusit

O Zot, Jezus, mik i mëkatarëve, bëhu edhe miku im. E pranoj se jam mëkatar sidomos kur të kam fyer me fjalët e mia, kam nevoj o Jezu për dashurinë dhe faljen tënde. Më ndihmo që tërë jetën të dhurohem Ty me gjithë qënien time, me mendime, me fjalë dhe me vepra dashurie, më ndihmo që të mos pushoj duke të të falenderuar. Amen

O Qengji i Zotit, që i shlyen mëkatet e mia edhe mëkatet e botës, ki mëshirë për ne.

[Denim]

Shën Gjon Pagëzuesit

E ke korurëzuar o Hyj me kurorë margaritarësh. Lavdi i tij është i madh në shëlbimin tënd. E ke zbukuruar, o Zot, me nder e bukuri të madhe. O Hyj, që në ditën e sotme na e ke bërë të ndershme nëpërmjet lindjes të shenjtit shën Gjon, jepi popullit tënd hirin e gëzimëve shpirtërore, e shpritrat e të gjithë besimtarëve drejtoi në rrugën e shëlbimit të amshueshëm.
Amen

[Denim]

Për prindër

O Atë qiellor! Sa i lumtur e i kënaqur jam unë për prindërit aq të mirë e aq të dashur që m’i ke dhënë. Të falenderoj fort për këtë dhuratë. Që t’ua shpërblej gjithë atë kujdes, që më kanë rritur në hirin tënd e për të pëlqyer ty edhe më fort, unë po vendos sot t’i dua, t’i nderoj e t’i dëgjoj, sikurse më urdhëron ti. Të lutem, o Zot, beko ti prej së larti prindërit e mi, faljau atyre shëndetin, jetën e gjatë e paqen e zemrës, e një ditë na merr, o Zot, të gjithë së bashku kështu si jemi, në Parajsë.
Amen

[Denim]

Lutje për të sëmurë

O Hyj igjithpushtetshëm e i amshuar, ti që je lumturia dhe shpëtimi i pasosur i atyre që besojnë në ty: deh, vështroje lutjen tonë, të cilët po ta drejtojmë për shërbëtorët e tu të sëmur, mbi të cilët po të lypim mëshirën tënde, në mënyrë që duke fituar shëndetin, të munde të vijnë me këmbë të veta në kishë tënde për tu falenderuar ty, gurrës së të gjitha të mirave.
Amen.

[Denim]

Lutja e veçantë kushtuar shën Eufemisë


O Hyj i gjithëpushtetshëm dhe i mëshirshëm, autori dhe gurra e çdo hiri dhe bekimi, na denjo dhe na dëgjo në lutjet tona, na mëso dhe na ndihmo ta njohim dhe ta përvetësojmë mësimin dhe porosinë tënde hyjnore që ta përmbushim dhe ta zbatojmë me dashuri dhe mirënjohje vullnetin tënd, shëlbimin e shpirtërave.



Bëj po të lutemi, që me ndihmën dhe ndërmjetësinë e Shën Eufemisë, dëshmitares besnike dhe të guximshme të pajtores sonë, të nxjerrim hiret dhe dhuntitë e nevojshme për shenjtërimin tonë dhe lavdërimin tënd. Na dhuro paqe, dashuri dhe përkushtim që të rritemi dhe të përparojmë në dije, shenjtëri e virtyte për ta dëshmuar dhe lavdëruar emrin tënd, ashtu sikur Shën Eufemia shërbëtorja jote e papërlyer. Amen

[Denim]

Urata para Krishtit të kyqëzuar

Qe, unë , o i miri dhe i dashuri Jezu Krisht, po bien ë gjunj para teje e me gjithë fuqi të shpirtit po të lutem dhe përlutem të ngulësh në zemrën time ndjenja të forta feje, shprese e dashurie, një pendim të vërtet për mëkatet e mia e një vullnet të fort për t’i ndrequr. Ndërkaq po i përkujtoj e me mend po i përshkoi pesë varrët e tua duke pasur parasysh fjalët, që Davidi profet t’i vinte në gojë, o Jezus i mirë: i shporuan duart dhe këmbët e mia: i numruan të gjithë eshtrat e mi.

[Denim]

Shën Jozefit për vdekje të mirë

O i lumi shenjti shën Jozef, po të lutemi me gjithë zemër për atë fat të madh që pate sa me qenë pranë vdekjes sate vetë Jezu Krishti e Zoja Mari, që të ndihmojnë, forcojnë dhe ngushëllojnë në luftim të rreptë të vdekjes sate. Më nxjerr edhe mua hirin, që në fill të vdekjes t’i dëboj burrërisht mësymjet e shpirtit të keq e të vdes në dashuri me Zotin.
O Mbrojtës i madhërishëm i atyre që janë duke vdekur, të jesh ti ndihma ime në fund të jetës, e bën, po të lutme, ta lëshoj shpirtin në duart tua duke i shqiptuar emrat plot ngushllim.
Jezus, Mari, Jozef, në duart tuaja po e lëshoj shpirtin e trupin tim. Amen
O shenjti shën Jozef, ati i kujtueshëm i jezu krishti e fati i vërtet i së lumës Zojë, lutu për ne e për të gjithë ata, që janë duke hequr në këtë ditë, në këtë mbrëmje, në këtë natë.

[Denim]

Për çdo nevojë

Dëftoje o Zot, mëshirën tënde të pambarueshme ndaj nesh e në mirësi tënde bën që ne të liruar prej të gjitha fajëve tona, ti shpëtojmë ndeshkimit që meritojmë prej tyre. O Atë i pushtetshëm! Në emër të Jezu Krishtit që tha : çdo gjë që t’i kërkoni Atit tim, do t’jua jap, unë në emër të këtij Krishti po të lyp ndjesë për mëkate të mia si edhe të gjithë njerëzve, e poashtu edhe qëndresën që mos të lodhem duke të lypur këto të mira. Amen

[Denim]

Pashkët

O Hyj, ti që ditën e sotme nëpërmjet Birit tënd Njëtë lindurit, i cili mundi vdekjen, na i çele dyert e jetës së pasosur, përcjelli me ndihmën tënde dëshirat tona, të cilat hiri yt na frymëzon, deri sa këto të plotësohen.
O i dashuri Jezu Krisht, që me vdekjen tënde munde vetë vdekjen, bën po të lutemi që ta lamë mëkatin përgjithmon e të jetojmë shenjtërisht, duke bërë vepra të mira dhe të fitojmë lumturin e parrizit.
Amen

[Denim]

Shugurimi i familjes Zemrës se Zojës

O Zojë, Nëna e Zotit e Nëna jonë, familja që është këtu e bashkuar, po të shugurohet sot ty me lulëzim, që të mbretërosh në këtë shtëpi tonë me prani të figurës shenjtë të Zemtës sate të Papërlyer këtu ndër ne.
Bën të mbretërojnë në këtë shtëpi, si në shtëpin e Nazaretit: dëgjesa, pastërtia, derjtësia, kryerja besnike e detyrave tona, dashuria me njërin-tjetrin, përshpirtëria e krishterë, duke plotësuar së bashku veprat fetare e duke i mbajtur urdhërimet e Kishës. Me shugurimin tonë Zemrës sate të Papërlyer, po të premtojmë se kjo familje ka për t’i ndenjur gjithmonë besnike Jezu Krishtit, Birit tënd të hyjnueshëm. Denjohu të marrësh për vete këtë familje, që dëshiron të jetë mbretëri e vogël e Zemrës sate dhe e Zemrës së Jezu Krishtit.
Amen

[Denim]

Urata e Nënës së Tenzot për meshtarë

O e shenjta Nëna e Tenzot dhe e dashura Nëna e jonë, Mbretëresha e apostujve e ndihmëtarja e krishterimit. Kah ti po sjellemi, o nënë e dhembshme, që të na xjerrësh prej Zotit meshtar shumë e shenjtër. Ti gjithçka mundesh te Biri yt hyjnor, Kryeprifti ynë, i cili flijoi vetveten në drurin e kryqit për shpërblim e shëlbim të botës e që ende flijohet në lterna tanë. Dëgjoje lutjen e popullit tënd, që tash sa e sa shekuj të mban për Nënë të vetën. Na porosit Zemrës së hyjnueshme të Jezu Krishtit që të ketë dhembje për ne e të na jepë meshtarë e shume shenjtër, bari të vërtet shpirtërash. Të jesh ti, o Nënë, ndihmësja e tyre e bekoj në verprimin e shenjtë për shëlbim e shenjtërim të shpirtërave tonë.
Amen

[Zero Cool]

Shiko lutjen time (zero cool-janqe) pa ngjyrë feje:

Zoti im! Nëse ka nga ata që e urrejnë t'më shohin mua të lumtur, atëherë jepu atyre lumturi, kështuqë ata të harrojnë lumturinë time.

[e-uritura]

O Zot, të padobishmit, pse të jetojnë?

[Jana]

..o Zot qo mend ku s'ka .....

[Zero Cool]

O Zot. Kurë unë humbas shpresën, më ndihmo të kujtoj se dashuria jote është më e madhe se zhgënjimi im dhe se planet e tua për jetën time janë më të mira se ëndrrat e mia.

[Denim]

Lutje e veçant


O Zot po te lutemi ti mbash te forte te gjitha familjet ne kete fatkeqesi te madhe te kesaj tragjedie. Bashkohemi me te gjitha lutjet e te gjitheve per tiu ardhur sa me shume ne ndihme aty zemrave qe tashme jane lenduar aq shume. Jepi o Zot qetesine e shpirtit ta perballojne me sa me pak vuajtje.

Ta lusim Zotin tonë Jezu Krisht për shpirtrat e këtyre vajzave që tashmë prehen në paqen e Zotit dhe po ashtu ta lusim Zotin me shumë devocion e Zojen Mari për të gjithë studentët e tjerë që janë në gjendje shumë të rëndë.

Bashkohemi me lutje në këtë pikllim të madh të familjeve të studenteve.

Jepi o Zot pushimin e pasosur, e i shdrit drita e pa mbarume.

Pushofshim në paqe.

Amen!


k1-TrAvp_xs

[Denim]

Lutjet në muajin e Majit



O e lumja dhe e dashura Zoja e bekuar, Nëna e Jezu Krishtit e Nëna e jonë, ja se gjatë këtij muaji të jemi kushtuar që të nderojmë dhe të lavdërojmë. Bën që gjithherë të jemi bijtë e tu, të dashur prej tejet e prej Jezu Krishtit, Birit tend e Zotit tonë. Na del zot në rreziqe të shpirtit e të korpit, na jep bekimin në familjet tona, dashurin e Zotit e dashurin e shoqit, dhe qëllimin e mirë në të gjitha veprat tona. Bekona punën e krahëve tonë, që të mund të jetojmë prej bekimit të Zotit dhe djersës sonë. Bën që një ditë me krejt familjen tonë të vijmë për të lavdëruar e për të gëzuar përgjithmon me ty në lumturin e parrizit. Amen.



http://famulliasheneufemia.org/images/stories/Fatima.jpg