Skënderbeu sipas pikëpamjeve antishqiptare
 

[COLOR=black][SIZE=3][B]Skënderbeu sipas pikëpamjeve antishqiptare[/B] [/SIZE][/COLOR]
[COLOR=black][SIZE=3][/SIZE][/COLOR]
[SIZE=3][COLOR=black][I]Nga Nuhi Ismajli[/I][/COLOR][/SIZE]
[COLOR=black][FONT=Tahoma][/FONT][/COLOR]
[COLOR=black][FONT=Tahoma][/FONT][/COLOR]
[CENTER][CENTER] [/CENTER][/CENTER]
[FONT=Verdana][SIZE=3]Figura e kryeheroit kombëtar shqiptar Gjergj Kastriotit – Skënderbeut, që nga ditët e para të lavdisë së tij e gjer më sot, ka frymëzuar vepra të shumta e të larmishme të fushave të ndryshme të krijimtarisë së autorëve shqiptarë e botërorë. [/SIZE][/FONT]
[FONT=Verdana][SIZE=3]Figura e Skënderbeut është bërë një figurë e admirueshme për autorët shqiptarë e të huaj, në radhë të parë, për luftën e tij heroike, kundër pushtuesit e robërisë, për çlirimin e vendit e të popullit të vet dhe për ruajtjen e identitetit kombëtar, por edhe për kontributin e vlerën që kishte lufta e tij edhe për popujt tjerë dhe veçanërisht për shembullin e pamohueshëm frymëzues që pati e ka vepra e tij për ndjenjat liridashëse dhe virtytet më të shquara njerëzore të të gjithë njerëzimit. [/SIZE][/FONT]
[FONT=Verdana][SIZE=3]Në kontrast me frymëzimet e fuqishme të veprave të autorëve shqiptarë e botërorë, trajtimin madhështor të figurës së tij dhe përpjekjes për të dhënë kuptimin e natyrën e madhështisë së tij, figura e Skënderbeut, e mbështetur në filozofinë e propagandën e kundërshtarëve të tij historikë dhe në propagandën antishqiptare, ndonjëherë është bërë objekt trajtimi edhe nga pikëpamje të tjera, të kundërta, joobjektive, antishqiptare, sipas të cilave ai del si shembulli i tradhtarit kombëtar, i cili lufton kundër interesave të Shqipërisë (H. Feraj) ; shembulli i heroit te vogël kombëtar (B. Latifi) ; shembulli i cilësive më të ulëta të shqiptarëve dhe të cilësive më të ulëta njerëzore (K.Trebeshina) etj. [/SIZE][/FONT]