“Plaga e dhjetë e Gjergj Elez Alisë”
 

[CENTER][LEFT][IMG]http://www.koha.net/repository/images/f1_02gjea1333362716.jpg[/IMG]
[/LEFT]
[/CENTER]
Publikuar: 02.04.2012 - 12:32 Tiranë,
- Baleti me dy akte “Plaga e dhjetë e Gjergj Elez Alisë” do të ngjitet së shpejti në Teatrin e Operas dhe Baletit, bën të ditur ABC.
Kjo vepër rivihet përsëri nga koreografi Agron Aliaj, i cili dëshironte që t’i japë një dinamizëm veprës, por për shkak të aksidentit, mjeshtri nuk mund të ishte deri në fund në prova, por trupa e baletit, si për t’i dhënë forcë mjeshtrit, vazhdoi provat për të sjellë në skenë në ditën e caktuar veprën e vetme skenike të kompozitorit Fehim Ibrahimi, me libret të shkruar nga Ismail Kadare dhe koreografi të Agron Aliajt.

Ndërkohë që dy balerinët Enada Hoxha dhe Gerd Vaso thonë se i është qëndruar besnik linjës së profesor Alisë dhe veprat shqipe janë shumë të domosdoshme të vijnë në skenë, sidomos për artistët e rinj.

Kjo vepër u vu për herë të parë në skenë më 30 mars të vitit 1986, Që nga premiera e parë, vepra është rikthyer edhe dy herë të tjera në skenë në vitin 2000 dhe në vitin 2005, për t’u ngjitur për të katërtën herë mbrëmjen e 31 marsit. Është hera e parë në këto katër vënie skenike të baletit që koreografi Agron Aliaj nuk do të mund ta shohë nga paskuintat punën e tij.
[url]www.koha.net/?page=1,5,93948[/url]

P.s/ Nderkohë e kemi vetë Gjergj Elez Alin këtu, por unë nuk besoj që ai do të flisje për vete, sepse trimat si Gjergji nuk flasin për veten e tyre, ua lëjnë të tjerëve të flasin për të.