Fondacioni:Ibrahim Rugova botoi vepren"Teoria Letrare"Te I.Rugova
 

[IMG]http://www.rtklive.com/new/photos/large/rtklive033629012013_Ibrahim%20Rugova%20-%20Teoria%20letrare.jpg[/IMG]
Fondacioni “Ibrahim Rugova”, ka botuar veprën me tekste të zgjedhura të Ibrahim Rugovës, të titulluar “Teoria letrare”. Tekstet që përbëjnë librin janë zgjedhur nga: Kah teoria (1978), Strategjia e kuptimit (1980) dhe Refuzimi estetik (1987), ndërsa janë strukturuar në tri pjesë: I. Estetika letrare, II. Kritika letrare dhe III. Teoria e poezisë.

Kjo strukturë është produkt i lidhjes tematike të teksteve: estetikë e veprës letrare; teori e kritikës letrare; teorie e poezisë shqipe. Diskurset e pjesës së parë janë eseistike, ndërsa ato të dy pjesëve të tjera janë më të lidhura, më të përqendruara e më përgjithësuese.

Vepra Teoria letrare lidh bashkë temat e mëdha të diskursit teorik të Rugovës, që kapin cepat e shekullit të tij të kërkimit dhe që bëhen paradigma të kritikës letrare të tij. Së bashku, tri pjesët e librit e provojnë një teori letrare.

Teoria letrare sjell në një vend diskurset teorike të Rugovës, për t’u lexuar së bashku e për ta provuar sistematikën e teorizimeve të tij.

Teoria letrare, si libër i strukturuar, e hap teorinë e Rugovës, si një nyjë të teorisë letrare shqipe, dhe e propozon atë një paradigmë moderne. Trashëgimi e diskurs i gjallë, e tillë hapet e propozohet këtu teoria letrare e Ibrahim Rugovës.
..............
Do te kujtojm pergjithmon jeten dhe vepren tende.LAVDI

"NatyraRugovase!