Femra konsiderohet si tradhtuesja e vërtetë në lidhje.

[Dilaver]

Femra konsiderohet si tradhtuesja e vërtetë në lidhje, pasi dashuron dhe partnerin e dytë.

“Vitet pa mbarim”, si i çojnë gratë në tradhti martesore


Tradhtuesja e vërtetë në një lidhje është femra. Këtë mendim kanë psikologët e ndryshëm të cilët merren me studimin e lidhjeve në çift. Sipas tyre, femrat tradhtojnë me afate më të gjata kohore sesa meshkujt. Në fakt, për këta të fundit është krijuar ideja se tradhtojnë në çift më tepër, por kjo nuk duket edhe aq e vërtetë, po të mendosh se femrat të dashurit e tyre jashtë martese i kthejnë në lidhje të vërteta sentimentale.
Ndërsa meshkujt nga ana e tyre janë të prirur që të kenë më shumë lidhje të shkurtra apo edhe flirte. Duke mos u dhënë shumë rëndësi në këtë mënyrë lidhjeve jashtëmartesore. Sipas psikologëve, meshkujt e çojnë maksimumi një lidhje jashtëmartesore deri në 4 vjet, ndërsa femrat e kthejnë atë në një martesë të vërtetë, por ama gjithmonë të fshehur. Dhe arsyeja për një gjë të tillë është se femrat janë gjithmonë në kërkim të një lidhje sentimentale që t’i bëjë ato të ndihen të realizuara. Për më tepër, kjo kthehet në një dëshirë të zjarrtë për to, pasi kalohet viti i gjashtë apo i shtatë i martesës. Pasi siç dihet, në këtë periudhë, merr fund për to edhe zbulimi i sekreteve në një çift. Ndërsa për meshkujt, tradhëtia lind më tepër si nevojë e plotësimit të kënaqësive seksuale.
Gratë e martuara, sidomos ato mes moshave 35 dhe 40 vjeç, tregojnë një gatishmëri të çuditshme për të jetuar dy realitete të ndryshme sentimentale, duke mos dashur në asnjë mënyrë që atyre t’iu zbulohet i dashuri i fshehur.
Dhe nëse ndonjë burrë mendon të jetë imun, pra i paprekshëm nga tradhtia e gruas së tij, këtë gjë ta heqë nga mendja. Pasi femrat janë të prirura që të tradhtojnë edhe meshkujt më të bukur dhe më të zotë. Ndërkaq, rreth 5 përqind e rasteve të tradhtisë së femrave ndaj meshkujve, bëhet për shkaqe ekonomike, që do të thotë se femrat shkojnë pas një partneri i cili ka më shumë lekë dhe i bën ato të ndihen mirë.
Por femrat duhet të tregojnë shumë kujdes nëse kanë ndër mend të krijojnë një raport paralel me një partner tjetër. Pasi sipas psikologëve, është e sigurt që ato ndryshojnë sjelljen emotive me bashkëshortin e tyre dhe në një moment, apo në një tjetër, ato do të zbulohen menjëherë. Ndërsa meshkujt nga ana e tyre, arrijnë t’i tejkalojnë problemet e administrimit erotik, mes një bashkëshorteje dhe një të dashureje jashtë lidhjes martesore.
Ndërkaq, sa i përket çështjes ekonomike, meshkujt janë të prirur që të gjejnë të dashura para të cilave të tregohën të fuqishëm ekonomikisht, në mënyrë që t’i kenë në dorë ato. Ndërsa femrat nga ana e tyre, kërkojnë të dashur të pasur tek të cilët të gjejnë sigurinë e të paturit mbështetje financiare.
Nga psikologët, të tradhtosh partnerin tënd, është njësoj sikur të thyesh diçka magjike.Pra, një gjë të thellë dhe të harmonishme që krijohet në një çift. Dashuria në vetvete do të thotë sipas tyre, pasion i cili ndiqet më pas me lumturi, shëndet dhe stabilitet. Ndërsa nga tradhtia, sipas psikologëve marrim gjithmonë një ndjesi të pakëndshme përveç atyre të bukura që mund të na duken për momentin. Ajo krahasohet me një ndjenjë humbje dhe negativitet, si të humbësh diçka me vlerë. Të tradhtosh, në vetvete do të thotë që të modifikosh një partner të ri dhe të tradhtosh atë që ke. Pra, braktiset i vjetri dhe krijohet një model i ri i tij. E kështu, kalohet përmes një drame në vazhdimësi, e cila është ajo e procesit evolutiv, pra, kur hidhesh në krahët e një dashurie të re.
Rrugët që të shmangësh tradhtinë në çift, janë ato të cilat kanë të bëjnë me moskthimin e lidhjes apo martesës në një burg. Por të hapjes së saj dhe kërkimit të mënyrave të reja gjithmonë e më tepër për të mos e plakur jetën bashkëshortore.Tradhtarit në çift, nëse mund ta quajmë kështu, i mbetet vetëm të vërë në lojë lidhjen ekzistuese që ka dhe për ta bërë këtë, duhet të nisë të luajë edhe me veten e tij, duke e vënë veten kështu përballë një drame të vërtetë, e cila në fund mund të shoqërohet pse jo, edhe meprobleme të rënda personaliteti.
Kështu, që të jesh besnik në një lidhje, krijon më pak probleme.




Të dhëna lidhur me tradhtinë në çift
PËR FEMRËN
��Konsiderohet si tradhtuesja e vërtetë në lidhje
��Ajo tradhton me afate më të gjata se meshkulli
��Tradhtinë e nisin pas vitit të gjashtë në çift
��Arrijnë të dashurojnë edhe partnerin dytësor
��Në fund, të pasurit të dashur, kthehet në dramë
PËR MASHKULLIN
��Ata janë të prirur që të kenë lidhje të shkurtra
��Tradhtinë e nisin që pas martesës e deri në fund
��Nuk i marrin shumë seriozisht lidhjet dytësore
��Asnjëherë nuk kthehet në dramë për ta tradhtia
��Asnjë mashkull s’është imun nga tradhtia e femrës

Koha