Leter drejtuar Presidentit Ibrahim Rugova

[Murgesha]

Leter drejtuar Presidentit Ibrahim Rugova….(I)





Nga: Bekim TOCANI

Z. President,Mundësia për t’u takuar mbetet vetëm në dimensionin e fjalës dhe kjo dhemb e njëkohësisht reflekton ndjeshmëri komunikimi e nevojë për të të thënë! Dimensioni i fjalës dhe besimit, liria në esencë dhe filozofia intelektuale nacional politike, vazhdimësia dhe krijimi, gërshetimi intelektual i traditës me bashkëkohoren…janë disa nga ato vlera që na i le trashëgimi. Mungesa fizike që tash më shumë se kurr përcpetohet, të ndal frymën sapo prek pragun e varreve në Velani. (Të shikojnë çmendurisht teksa në vend të luleve, vendos mbi varr letra, libra, gazeta dhe fjalë. Ndërkaq ofshama s’ngrin dot nga ftohtësi dimri që s’po ikë nga koha e rreshtave të gjatë kur njerëzit donin të të thonin besimin, por edhe dhembjen e madhe që po ikje…). Aty tek dimensioni i fjalës që krijove nga hiqgjë, dhjetë vjet pas luftës e tre vjet pas Epokës tande, lëngon e loton gjak nga sytë fjala. Liria struket e përlotur mes syve të etshëm për veç një fjalë…Bardhësi bore më pëshpëritë një zë pavarësie që e thotë një të premteje se Zoti e di gjuhën e dashurisë e të vuajtjes, ndryshe nuk do të kishte kuptim as kryqëzimi i Jezusit dhe fare rikryqëzimi i tij që po ndodhte në mes të Prishtinës, shekuj pas…Do doja të të gëzoja me veç një fjalë, sikur na gëzove e na mbolle shpresë e liri gjatë gjithë viteve të robërisë që e shembe, me fjalën, punën dhe njerëzinë e përkushtimin!President i dashur, në k’të fundvit, njeriu ndihet i varfër për të të uruar a dhënë diçka nga shteti dhe liria që i krijove. Do donim të të tregonim se edhe partia e parë antikomuniste e shqiptarëve në Ballkan po vazhdon zhvillimin. Por edhe shteti e liria, edhe demokracia e LDK janë janë në krizë identiteti, por jo pa shtegdalje! Jo pa atë dritaren që e kanë mbyllur Qeveria dhe e cila ndanë tragjikisht qytetarin me institucionet. Nuk dua të të them se pasardhësit e Tu, kanë shkelur pamëshirshëm mbi liri dhe shtetin e kanë zhvatur deri në stërkeqje, kurse demokracia kosovare vërtetë vuan nga gripi i derrave!
Nuk dua të të hidhëroj me mendimin se LDK qe tre vjet ka ndryshuar aq shumë, dhe aq shumë kundërshtueshëm me vullnetin e anëtarësisë e simpatizantëve, sa që sot ende bashkëqeverisë me ata që deshtën ta shuajnë, ta vrasin, t’ia mbyllin gojën dhe dritën e diellit!