Kush të mësoi të ndash drejtësin kaq mirë more kumbar

[Pupi]

Vepra e Rugovës, adresë e historisë sonë- thotë Ramush Haradinaj

Adresa e rrugës së mundimshme gjatë historisë sonë, do të mbetet gjithnjë puna dhe vepra e Presidentit të ndjerë Ibrahim Rugova”, u shpreh ish-kryeministri i Kosovës Ramush Haradinaj pas homazheve që bëri sot te varri i ish-presidentit të Kosovës, Ibrahim Rugova. Ish-kryeministri i Kosovës, Ramush Haradinaj në ditën e parë të tij pas kthimit nga Haga ku triumfoi si i pafajshëm kishte zgjedhur që të bëjë homazhe të varri i presidentit të ndjerë Ibrahim Rugova me crast Haradinaj u takua me familjarët e tij. Haradinaj tha se adresë e rrugës sonë të mundimshme gjatë historisë do të mbetet puna dhe vepra e presidentit Rugova.
Në një takim rasti me qytetarët e Prishtinës dhe bashkpuntorët, takim ky i pari pas kthimit nga Haga Ish-kryeministri i Kosovës Haradinaj zhvilloi në premisat e Hotelit Grand.
Në një nga vizitat që kishte planifikuar ishte ajo në familjen e Haradin Balajt i dënuar me tre të akuzuarit e më hershëm nga Gjykata e Hagës. Ish Kryeministri Haradinaj bëri homazhe në kompleksin memorial në Prekaz te varri i komandantit Legjendar Adem Jashari dhe u prit në odën e Jasharajve. Poashtu ka vizituar dhe ka bërë Homazhe te varrezat ku prehen Xhevë dhe Fehmi Lladrovci.

Vizitën e tij e vazhdoi në Klinë , Pejë dhe Deçan.

Haradinaj është shpallur i pafajshëm në të gjitha akuzat e ngritura nga prokuroria e Gjykatës së Hagës , e cila bashkë me të ka akuzuar edhe dy pjesëtarë të ish-Ushtrisë Çlirimtare të Kosovës, Idriz Balajn dhe Lahi Brahimajn, për pjesëmarrje në krime kundër njerëzimit.
Gjykata ka liruar Haradinjan dhe Balajn, por ka dënuar me gjashtë vjet burg Lahi Brahimajn për shkeljen e zakoneve të luftës.
Përderisa Haradinaj është i lirë, Balaj do të kthehet të vuajë dënimin e mbetur në Kosovë të shqiptuar nga gjykatat kosovare. Radiotelevizioni i Kosovës