Lajme Aktuale....

[Lona]

OKB-ja për një traktat ndërkombëtar armësh

Një komitet i rëndësishëm i OKBsë ka votuar me shumicë dërrmuese votash për fillimin e punës për një traktat për tregëtinë ndërkombëtare të armëve.
Përkrahësit e këtij traktati besojnë se ai do të çojë në një marrëveshje globale për të ndaluar armët që futen në zonat ekzistuese të luftës, pavarësisht nga embargot dhe kontrollet e eksportit. Një marrëveshje po ashtu mund të ndalojë edhe furnizimin e armëve në vendet ku shpenzimet për armë pengojnë zhvillimin.
Një diplomat britanik në OKB tha se traktati nevojitej për armët më të mëdha konvencionale që nuk përfshihen ne marrëveshjet ekzistuese për armët më të vogla e më të lehta.
Britania, Franca dhe Gjermania votuan për fillimin e hartimit të traktatit. Por Amerika, që është prodhues i madh i armëve ishte i vetmi vend që votoi kundër.
Kina dhe Rusia, ku armët po ashtu janë biznes i madh, abstenuan, siç bënë edhe 22 vende te tjera.

Bush firmos ligjin për "gardhin" me Meksikën
Kryetari Bush ka firmosur një ligj që autorizon ndërtimin e një gardhi përgjatë qindra kilometrave të kufirit me Meksikën.
Bush tha se Shtetet e Bashkuara, nuk kanë qënë në kontroll të kufirit për dekada.
Ai tha se barriera, që mund të jetë e gjatë 1100 km, ishte pjesë e përgjegjësisë së qeverisë për të siguruar kufijtë.
Qeveria meksikane thotë se ndërtimi i barrierës është një masë e njëanëshme dhe nuk do të zgjidhë problemin e emigracionit të paligjshëm.
Meksiko bëri një dekartë të premten, e mbështetur kjo nga 27 vende të Organizatës së Shteteve Amerikane, - ku shprehej shqetësimi lidhur me projektin.Vlerësohet se rreth 12 milionë emigrantë të paligjshëm jetojnë në Shtetet e Bashkuara të Amerikës, shumica e të cilëve hyjnë në SHBA përmes kufirit me Meksikën.