Ibrahim Rugova cakton vendin per varrin e tij

[Dulia]

Sipas një të përditshmeje kosovare: Rugova cakton vendin per varrin e tij

Nga Daniela Bonollari
Ora: 9:40

Prishtinë (19 Dhjetor) – Presidenti Ibrahim Rugova përvec propozimit për flamur e himn të ri të propozuar për Kosovën ka caktuar dhe vendin ku do të ketë varrin e tij pas vdekjes. Një e perditshme kosovare ka cituar në një shkrim të saj së Presidenti Rugova ka caktuar që varri i tij të jetë pikerisht në varrezat e lagjes ”Arberia” në Prishtinë. ”Varri është i rrethuar me grila hekuri, me një derë të vogël në mesin e se cilës është vendosur shkronja e madhe ”R”. Banoret thonë që ky është varri i presidentit kosovar, Ibrahim Rugova, i cili për së gjalli ka vendosur të caktojë vendin ku do të prehet pas vdekjes” citon e perditshmja.
Pranë varrit bosh të gjer sa për dy persona ndodhet një varr tjeter me emer gruaje. Sipas gazetës ”Ekspres” ky është varri i nënës së Rugovës që ka vdekur pak kohëse të shpërthente lufta e fundit në Kosovë, ndëkohë që Rugova vazhdon të ushtroj detyren e tij si President i Kosovës edhe pse i diagnostifikuar me kancer në mushkëri.
Sipas banorëve që jetojnë në lagjen pranë varrezave është mëse normale vendimi për të caktuarvendin për varrim. ”Nuk është cudi pse ka caktuar vendin. Shum njerez e bëjnë ketë” tregon një banori kesaj lagje.

(Balkanweb.com)