Dhuna kundër grave- vepër penale

[Reana]

Ne jeten e perditshme, ne diskutime ne rrethin familjar, ne shoqeri, ne media, na bie rasti te degjojme per raste te dhunes direkte te formave te ndryshme apo in-direkte, (respektivisht te imponimit te sjelleve, botekuptimeve, vlerave te caktuara) kunder gjinise femrore nga ana e meshkujve!
Cka mendoni per kete??? Sa jemi te vetedijshem per ate se cka ndodh brenda kater mureve ne familjet tona shqiptare?


(ne vazhdim nje shkrim interesant nga Gazeta Gjermane Deutsche Welle!)


Sabine Ripperberger

D.W.



Jo vetëm në Pakistan, Jordani dhe Turqi e vende të tjera myslimane, janë kryer vrasje në emër të nderit. Por vrasje të tilla kanë ndodhur edhe në vendet perëndimore, edhe në Gjermani. Madje deri para disa kohësh ato cilësoheshin si "vepra penale të varura nga mentaliteti" dhe me këtë ato penalizoheshin me lehtesime si vrasje në gjaknxehtësi, e jo si vrasje të paramenduara.

Dhuna kundër gruas është në të vërtetë një akt i dënueshëm dhe një shkelje e rëndë e të drejtave të njeriut, shprehet Kai Müller nga Amnesti International. Kjo organizatë po përpiqet, që prej vitit të shkuar, përmes një fushate ndërkombëtare të tërheqë vëmendjen e opinionit publik me moton: "Shiko dhe vepro - ndal dhunën kundër gruas".
Edhe Ministria për familjen në Gjermani përpiqet që të sensibilizojë opinionin. Aktualisht po përgatitet një projekt në Gjermani, qe të ngrihet një qendër emergjence, apo një numër telefoni i njëjtë në të gjithë vendin, ku gratë të mund të telefonojnë kur ndodhen në rrezik.

Organizata gjermane e të drejtave të gruas "Terre des Femmes" ka mjaft ekspertë për mbrojtjen e të drejtave të gruas. Prej themelimit të saj në vitin 1981, kjo organizatë është marrë me rastet e krimeve "në emër të nderit". Dhunë ndaj gruas, cilësohet sipas kësaj organizate, jo vetëm vrasja për nder, apo martesa e detyruar, por edhe gjymtimi seksual dhe dhuna familjare, të cilat në Gjermani dënohen me ligj. Christa Stolle, drejtuesja e "Terre de Femme" shprehet: Në mes të Gjermanisë janë zhvilluar shoqëri paralele patriarkale. Në emër të tolerancës dhe shoqërisë multikulturore, dhuna ndaj gruas nuk u trajtua ashtu siç duhet. Për fat të mirë, viktimat herë pas here thyejnë heshtjen e tyre dhe kthehen në aktiviste dhe mbrotjëse të grave: Serpa Çeleli është një turke, autore e nje libri kundër martesës së detyruar. Ajo eshte diskutuese e cila flet nëpër shkolla për këtë temë. Poashtu kosovarja Hanife Gashi, vajza 16 vjeçare e të cilës u vra nga babai i saj, në emër të ruajtjes se nderit. Libri i saj "Dhimbja ime mban emërin tënd" është një sinjal kundër terrorit të burrave në shumë familje emigrantësh. Hanife Gashi mbështet punën e organizates sonë Terre des Femme".

Kërkohet ashpërsimi i ligjit

Kjo organizatë kërkon nga qeveria gjermane shfuqizimin e ligjeve, të cilat u mundësojnë keqbërësve paraqitjen e rrethanave lehtësuese. Krijimi i ambienteve të mbrojtura për gratë është i nevojshëm, pasi në shumë vende shtëpitë e grave janë një gjë e rrallë. Nga ana tjetër duhet të gjenden financime për fushata që të iniciojnë ndryshimin e mentalitetit mbi gruan. Avokatja me origjinë turke, Sejran Ates, e nderuar edhe me Çmimin e Berlinit për Gruan, ngre zërin, për mungesën e vetëdijësimit në komunitetin turk për ekzistencën e një problemi të tillë. Ajo kërkon: Ne duhet të ashpërsojmë ligjin, të kontrollojmë se si vepron ai, dhe të bëjmë që ai të zbatohet. Por duhet të krijojmë edhe ligje të reja. Kërkesa ime, e mbështetur edhe nga "Terres Femmes" është që martesa e detyruar të trajtohet si një akt penal më vete dhe jo nën nenin e shtrëngimit dhe detyrimit me dhunë. Kjo do të ishte diçka më shumë se ashpërsim.

Majida Riviza, nga Komisioni për statusin e gruas në Pakistan bën fjalë për një të vërtetë tronditëse. Rreth 1500 gra dhe vajza vriten në Pakistan çdo vit për shkak të nderit. Madje për këtë mjaftojnë vetëm thashathemet dhe jo faktet. Autorët e krimit gjenden në rrethin familjar. Rivizi apelon tek organet e drejtësisë dhe policisë në mënyrë që ato të jenë më të vëmendshme ndaj problemeve të grave.

Në shumë raste, vrasje të tilla mbulohen nën emrin e nderit. Por dosje të panumërta të proceseve gjyqësore nga më të ndryshmet, japin një pamje tjetër: Vrasjet në emër të nderit, kryhen shpesh me qëllim të fshehjes së akteve të tjera të dënueshme, si përdhunimi apo incesti, të cilat turpërojnë familjen. Nga ana tjetër vrasje të tilla janë shprehje e problemeve të rënda familjare, prej kohësh të pazgjidhura, si psh. sherre familjare apo probleme trashëgimie.