Konflikti arabo - danez!

[Murgesha]

"Nga demokracia e lirë “që lejohet kur nuk duhet”, u lejua edhe kjo gjë në Danimarkë. Pjesëtarët e fesë islame për herë të parë e panë se si duket fytyra dhe gjestet e profetit Muhamet, dhe atë të botuar me ironi nga pjesëtar të fesë tjetër në gazetën ditore daneze “Jyllands-Posten”...


Me 30 shtator 2005 gazeta ditore daneze, Jullands Posten (www.jp.dk) botoi 12 karikatura me fotografi të profetit Muhamet.
Me 28 tetor 2005, 11 organizata muslimane e lajmëruan në polici gazetën Jyllands-Posten për prishje të paragrafit për racizëm dhe blasfemi.
Ambasadorër nga 11 shtete muslimane i shkruajtën një ankesë kryeministrit danez.
Poashtu edhe Organizata Botërore Muslimane (OIC) u ankua te kryeministri danez.

Në bazë të fesë islame është e ndaluar (blasfemi) të paraqitet me fotografi profeti Muhamet.
Në fillim të dhjetorit 2005, disa organizata pakistaneze u kërcënuan se japin 50000 dollarë kush i vret autorët e fotografive të profetit Muhamet, dhe iu kërcënuan Danimarkës me terror bomba, poqëse nuk ndërmer dicka.
Me 17 janar 2006 piktorët autorë të karikaturave me profetin Muhamet, nëpërmjet sindikatës së piktorëve në Danimarkë, kërkuan përqindje në të holla nga gjitha mediumet që i kanë ribotuar karikaturat pa autorësi të tyre, përndryshe pason dënim nëpërmjet sindikatës.
Me 26 janar 2006, Arabia Saudike e tërhoqi ambasadorin e vet nga Danimarka, në shenjë proteste kundër qeverisë daneze, se pse nuk ka ndërmar dicka kundër gazetës JP dhe të kërkojë falje zyrtare. Njashtu dhe bojkoton të gjitha prodhimet daneze në vend, dhe ndalon importin e prodhimeve nga Danimarka. Kjo gjendje më tepër e dëmton fabrikën daneze të prodhimeve të qumshtit ARLA, e cila vetëm sot nuk ka mundur të eksportoj 26 mijë tonelata prodhime qumshti për në Arabi.


Qeveria daneze shprehet se nuk mund të ndërmarë asgje në këtë drejtim, për shkak se nuk ka ligj që ndalon një gjë të tillë për shtypin e lirë në Danimarkë, dhe nuk ka ligj që ne si qeveri të ndërhyjmë të ndalojm apo të lejojmë ndonjë punë në shtyp. Ndërsa për falje zyrtare, ne nuk duhet të kërkojmë për shkak se ne nuk kemi bërë asgjë- u shpreh qeveria daneze.



SI DUKEN 12 KARIKATURAT E PROFETIT MUHAMET?

Nuk guxoj dhe nuk dua të publikoj karikaturat e gazetës daneze JP, sepse vet i takoj fesë islame, dhe nuk dua të përbuzë profetin, fenë islame, dhe besimin që kam në to. Por ja një përshkrim të disa nga karikaturat:



Koka e profetit Muhamet është një bombë e cila është gati në eksplodim, ndërsa fytyra e tij është e një burri të vjetër me mjekër dhe mustaqe të zeza.
Ose një tjetër karikaturë, ku profeti është një burrë në moshë me mjekër gjysëm të thinjur, dhe i rrethuar me 2 femra të mbuluara në të zezë. Etj.


Bardhyl Islami