OK – përdorimi i saj edhe në shqip!

[rilinda]

OK – se di çka është por e përdori

Fjala “OK” njihet si më e përdorura në tërë botën. Shumë folës të gjuhës angleze, por edhe jo folës e kanë përvetësuar atë . Sipas statistikave, kjo fjalë njihet si fjala më e kuptueshme në tërë Botën. “OK” përdoret për të shprehur aprovim.
Ekzistojnë mendime të ndryshme lidhur me prejardhjen e kësaj fjale. Shumë prej tyre mbeten ende relative. Si më e besueshme njihet teza e cila thotë se kjo fjalë është shkurtesë e “all correct “që don të thotë “çdo gjë në rregull“.
Të rinjtë kosovarë e kanë future këtë fjalë në fjalorin e tyre modern , duke e bërë pjesë të pandashme të tij. Ata e vulosin çdo gjë të thënë me një “ OK“ në fund. Duke i numëruar rastet gjatë të cilave ata e përdorin këtë fjalë, të cilat janë të pafundme, të krijohet përshtypja se ata veç e dinë kuptimin dhe prejardhjen e saj. Mirëpo anketat rezultojnë në të kundërtën:

Njomza: Ok don me thonë diçka mirë, krejt në rregull. Shkurtes e cilës fjalë është….s’po di. S’po më kujtohet. Veç e di që rrjedh prej anglishtes.

Ylli: E kom lexu diku që OK është përdorë në Japoni dhe jo në Amerikë së pari, siç mendojnë të gjithë. Mirëpo prej nga vjen kjo fjalë, besomëni nuk e di. Dhe as nuk kam mendu ndonjëherë me e gjet. Thjesht e përdori për ma lehtë, ma shkurt…

Valdetja: OK me siguri donë me thonë mirë diçka, mbasi të gjithë e përdorin kur të pajtohen me diçka. Prejardhjen nuk ia di, por e di se kudo që të shkon jashtë mundesh me e përdorë dhe të gjithë do të kuptojnë. Me siguri vjen prej anglishtes.

Arti: Bash më nervozon kjo fjalë. Nuk e di a janë shqiptarët të dashuruar mbas kësaj fjale, apo se di, veç po ma merr mendja që gjysma se dijn as çka donë me thonë as prej nga vjen. Veç e përdorin sepse duan t'i kopjojnë të huajt. E me siguri iu duket vetja ma IN.

Kadriu: Fjala OK, prej anglishtes a vjen???? Nuk e di për besë veç e përdori se më pëlqen …


Ata që e përdorin nuk e dinë pse e përdorin.
Ata që e përdorin nuk e dinë kuptimin e saj.
Ata që e përdorin nuk e dinë prejardhjen e saj.
Ata që e përdorin nuk munden pa e përdorur atë.

Ata që nuk e përdorin, mundohen ta gjejnë rastin më të volitshëm dhe të thonë
“OK“ dhe të hyjnë në grupin e atyre që e përdorin këtë fjalë !

Pra, OK ! E keni lexuar këtë storie. Hajde OK për të fundit herë…