Skenderaj përjashton tri nxënëse shkaku i shamive

[valiii]

Skenderaj përjashton tri nxënëse shkaku i shamive
Kjo raportohet edhe nga Associated Press

Dy shkolla të mesme në Skenderaj privojnë nga e drejta për shkollim tri nxënëse që bartin shami

Skenderaj përjashton tri nxënëse shkaku i shamive

Besnik Krasniqi

SKENDERAJ, PRISHTINE, 19 SHTATOR

Shamia është bere shkak qe tri nxënëse qe vijojnë shkollimin e mesëm ne komunën e Skenderajt te privohen nga e drejta legjitime për te ndjekur këtë nivel shkollimi, edhe pse ato kanë treguar sjellje shembullore dhe rezultat te larte ne mësim, Fatmire Jashari dhe Valbona Kabashi, qe te dyja nxënëse te klasës se dymbëdhjetë ne gjimnazin “Hamez Jashari”, dhe Minire Veliu, nxënëse e shkollës se mesme teknike ‘Anton Cetta”, prej nisjes se vitit te ri shkollor nuk po iu lejohet pjesëmarrja ne procesin edukativo-arsimor, meqë ato po paraqiten te veshura sipas parimeve islame.

Drejtoret e shkollave ua kanë komunikuar vajzave vetëm ne mënyrë verbale vendimin për largim nga shkolla, pasi me pare janë konsultuar me Drejtorinë e Arsimit, por ata nuk din te tregojnë se vendimet e tyre cfare mbështetje ligjore kane. Ligji mbi arsimin fillor dhe te mesëm nuk e rregullon ceshtjen se si duhet dukur një nxënës gjate orës mësimore. Bazuar ne paragrafin 7 te nenit te katërt “ institucionet arsimore publike do te përmbahen nga mësimdhënia fetare ose veprimtaritë e tjera, te cilat propagandojnë ndonjë fe te caktuar”. Pavarësisht kësaj, vendimet me shkrim te drejtoreve priten te bëhen te ditura shume shpejt, ne rast se vajzat nuk binden te ndryshojnë mendjen dhe te heqin shamitë.

Bekim Latifi, drejtor i shkollës se Mesme Teknike ne Skenderaj, thotë te këtë bere te gjitha përpjekjet për ta bindur vajzën qe te ndërroje mendjen . Ka ftuar edhe prindin e saj, por nuk ka arritur te ndryshoje situatën. Meqë përpjekjet e drejtorit kane dale te jene te pasuksesshme ai bashke me kolegun e tij ne gjimnazin “Hamez Jashari” kane kërkuar ndihmën e Drejtorisë se Arsimit dhe Komunës se Skenderajt, e cila ka dhënë dritën jeshile qe dyert e shkollave t’u mbyllen këtyre nxënëseve.

“Unë dhe drejtori i gjimnazit ‘ Hamez Jashari’ kemi pyetur ne Drejtorinë e Arsimit dhe aty na është thëne qe e vetmja uniforme qe lejohet te bartet nga nxënësit është ajo qe ka përcaktuar shkolla. Prandaj, pas kësaj ne kemi marre vendim për largimin e tyre”, ka thëne drejtori i shkollës se mesme teknike “Anton Cetta”, dhe ka shtuar se shkolla ka rregullore, e cila i obligon nxënësit qe te bartin uniformen. Ai ka lavdëruar vajzën për sjelljet e shkëlqyeshme qe ka treguar ne dy vitet e mëhershme te shkollimit te mesëm te larte, por ka thënë se ajo sukses te larte ka treguar edhe ne mësim. Prandaj i vetmi kusht qe i ka vene ka qene heqja e shamisë, por jo edhe fustani dhe xhaketa.

Sikur nuk ka ndodhur asgjë

Ndryshe nga Latifi i cili shpjegoi situatën, kolegu i tij ne gjimnazin “Hamez Jashari”, Muhamet Bajraktari, behej sikur te mos kishte ndodhur asgjë ne gjimnazin te cilin e drejton. Ai e ka injoruar situatën e krijuar, duke thënë se drejton një shkolle publike dhe jo laike. “Ka tete vjet qe nuk kam marre gazete me lexu, dhe ka tete vjet qe asnjë gazetari nuk i kam dhënë deklarate. Unë i jap llogari vetëm Drejtorisë Komunale te Arsimit dhe Ministrisë se Arsimit, por jo edhe gazetareve” ka thënë ai, kur është lutur te tregonte se ne cfare baze ligjore nuk lejon te vijojnë mësimin dy nxënëset qe bartin shami gjate orëve te mësimit.

Se te tria vajzat janë larguar nga shkollat pa kurrfarë baze ligjore, konfirmon vete drejtori ne Drejtorinë e Arsimit, Muhamet Bajraktari. Ai thotë se vendimi është marre, meqë nuk do te lejoje laramani ne shkollat e Skenderajt, dhe se mund te jap urdhër qe t’u hapen dyert e klasave edh e këtyre tri nxënëseve vetëm atëherë kur ato do ta prezantonin një ligj apo rregullore e cila u lejon bartjen e shamive edhe gjate procesit mësimor.

‘Shkollat janë publike dhe jo laike, dhe Ministria nxjerr ligjin e ne i zbatojmë. 50 vjet kemi luftuar me e largu ferexhenë dhe tani nuk e di pse kjo pune po behet problematike. Kemi uniformen e shkollës dhe nuk do te lejojmë laramani, prandaj vajzat mund te bartin shamitë diku tjetër, por jo edhe ne shkolle. Nëse nxënëset apo Bashkësia Islame gjejnë një dokument me te cilin lejohet bartja e saj, atëherë unë qysh tash do t’ua lejoj te vijojnë mësimin”. ka thënë Bajraktari.
Ai ka theksuar se deri ne këtë vit shkollor nuk janë regjistruar raste te tilla, dhe ka shprehur doza dyshimi pse pikërisht ne këtë periudhe ngjet qe te prishet uniformiteti ne mes nxënëseve.
“Kjo është ndoshta për shkak te ndonjë fushate politike, apo ku e di cfare. Por, edhe nëse ne Gjykatën Supreme shkon rasti, unë nuk e kam ndërmend t’i urdhëroj drejtoret e shkollave qe t’i lejojnë këto nxënëse ne procesin mësimor”. Ka shprehur vendosmërinë e tij Bajraktari.

Bashkësia Islame takohet me drejtoret

Për te mos shkuar me larg ceshtja, Bashkësia Islame ne Skenderaj ka realizuar disa takime me drejtoret e shkollave ne përpjekje për t’i bindur ata qe te veprojnë njëjtë si ne te gjithë shkollat e Kosovës, ku bartja e shamisë nuk paraqet problem. Mësohet se edhe zyrtare te larte te komunës dhe personalitete te respektuara ne këtë ane janë angazhuar për te ndërmjetësuar ne këtë situate, ne mënyrë qe te gjejnë zgjidhje te pranueshme dhe qe problematika te mos behet me e madhe. Gazeta nuk ka mundur te marre qëndrimin zyrtar te Bashkësisë Islame as ne nivel komune, por as ne atë qendror. Ndërkaq, ne një situate te ngjashme, kryemami i Kosovës, Sabri Bajgora, duke e konsideruar si padrejtësi te radhës qe i behet komunitetit mysliman, i ka thënë gazetës se ceshtjen duhet pare si shkelje te te drejtave elementare te njeriut. Ai ka pohuar se edhe nëse shkolla ka uniforme te caktuar, mbajtja e shamisë nuk bën thyerje te rregullave te shkollës, meqë nuk paraqet kurrfarë simboli fetare, dhe si e tille mbajtja e shamisë nuk propagandon fenë.
“Shamia është thjeshte detyrim fetar dhe veshje normale e femrës myslimane”. Është shprehur Bajgora, duke deklaruar se është kundër përhapjes se çfarëdo propagande fetare a partiake ne shkolla.
Rast te njëjtë gazeta ka regjistruar para disa muajsh edhe ne gjimnazin ‘Aleksandër Xhuvani” te Podujevës. Atëbotë, institucioni i Ombudspersonit te Kosovës pati vlerësuar se nuk ka baze ligjore për te ndërhyrë ne te drejtën e ushtrimit te religjionit apo ne bartjen e simboleve qe kane te bëjnë me identifikimin e perkatesise fetare.
Hilmi Jashari, u shtrues i detyrës se Ombudspersonit, ka treguar se para dy vjetësh ka pasur një situate identike dhe institucioni qe përfaqëson ka bere një raport ku i është rekomanduar Qeverise dhe PSSP-se qe te ndërmarrin masa ne mënyrë qe një dukuri e tille te mos përsëritet me.
‘Problemi është tek interpretimi qe i behet ligjit. Ligji u referohet institucioneve publike dhe nuk ka te beje me vijuesit e mësimit. Ne këtë rast, vetëm shkollës nuk i lejohet te vere simbole qe identifikojnë orientimin religjioz, por jo edhe nxënëseve” . ka thënë Jashari, duke pohuar se te drejtat e njeriut kane evoluar shume, duke iu përshtatur rrjedhave te kohës. Ne këtë kontekst, Jashari ka bere thirrje qe shoqëria duhet përgatitur qe te këtë qëndrim tolerant ndaj ushtrimit te fesë dhe ( artikulli ndërpritet)

Marrë në Koha Ditore
e enjte 20 Shtator 2007
Prishtinë