Dardania.de 2007

[Murgesha]

Përshëndetje për të gjithë anëtarët FD-së.

Nëse shikojmë shifrat që qëndrojnë në fund të forumit shofim se ato janë gjithnjë në rritje, asnjëherë në ngecje. Kjo dëshmon se edhe ky vit që së shpejti do ti takoj të kaluarës ishte i suksesshëm për web faqen dardania.de.
Nuk më mbetet tjetër vetëm të përgëzoj adminin e forumit (atij që paguan paratë e që nuk është edhe shumë e vogël) edhe pse me vështirësi të mëdha për shkaqet që tashmë i dini të gjithë arriti ta mbaj në këmbë një forum kaq madhështor i cili është përditshmëri për mbi 10.128 anëtar, të cilët kanë grumbulluar gjithsej 766,359 shkrime të ndara në 8,020 tema. (shpresoj të jenë të tilla shifrat deri në përfundim të këtij shkrimi)
Këtu qajmë hallet tona, thurrim vargjet e para, bëhemi "politikan", fetar, përgëzojmë kur na pëlqen dikush, shajmë atë që se pëlqejmë, pijmë kafe deri në mëngjez, shkëmbejmë përvoja dashurish e diturish deri sa të na e dojë qefin dhe me këtë i përngjajmë një qyteti në miniaturë që frymon me të gjitha normalitetet e përditshme.
Nëse ju pëlqen sado pak kjo temë ju ftoj të merrni pjesë me diskutimet e tuaja në mënyrë që të ndajmë mes vete gëzimet, hidhërimet, takimet, zhgënjimet që ju solli të qenurit anëtar të Forumit Dardan gjatë vitit 2007.

Murgesha!