Qeveria e re!!!

[fadil]

Qeveria Berisha përshëndeti kryeministrin Thaçi për fjalën e mbajtur në KS Qeveria e kryeministrit Sali Berisha përshëndeti kryeministrin e Kosovës, Hashim Thaçi për fjalën që mbajti në Këshillin e Sigurimit të Kombeve të Bashkuara dhe tha se paraqitja ishte dinjitoze. Në deklaratën e lëshuar dje në mbrëmje, qeveria e Shqipërisë thotë se si zoti Thaçi, ashtu edhe kryeadministratori Joakim Ryker denjësisht paraqitën problemin e Kosovës dhe statusit të saj. Qeveria e Shqipërisë thotë gjithashtu se fjala e kryeministrit Hashim Thaçi, pas asaj që mbajti pak kohë më parë Presidenti Fatmir Sejdiu në forumin më të lartë ndërkombëtar, Këshillin e Sigurimit të Organizatës së Kombeve të Bashkuara, shënon arritje madhore të popullit të Kosovës në vendosjen e pavarësisë së saj.