Studim fantastik apo...??

[Murgesha]

Marre nga Website Ruzull. net



Eva s´u takua kurrë me Adamin.



Sipas Biblës i pari njeri në Tokë ishte Adami. Pasi ai po mërzitej vetëm, Zoti krijoi edhe Evën. Të gjithë njerëzit e sotëm rrjedhin prej këtyre.



Por sipas një studimi të bërë nga një grup ndërkombëtar studiuesish që studiuan kodin gjenetik të më tepër se 1000 burrave nga 22 rajone gjografike doli se Bibla gabon.



Nëse Eva është mëma gjenetike e njeriut të sotëm Homo Sapiens atëherë ajo nuk mund të ketë takuar kurrë Adamin atin tonë gjenetik, pasi që ai lindi 84 000 vjet më vonë.



Kodi gjenetik është një segment nukleotidesh brenda DNA-së që përcakton rendin përkatës të aminoacideve përgjatë sintezës së proteinave. Është themli biokimikal i trasëgimisë dhe gjindet pothuajse në të gjithë organizmat e gjallë.



Kodi gjenetik femëror i njeriut të sotëm i cili mund të gjurmohet prapa në kohë nëpermjet segmentit gjenetik të quajtur DNA mitokondrionale që trashëgohet vetëm nga ana e nënës është 143 000 vjet i vjetër. Pra Eva ka jetuar para 143 000 vjetësh diku në Afrikë. Prej andej ka shpërnda kodin e saj gjenetik në tërë botën.



Ndërsa kodi gjenetik i mashkullit që mund të gjurmohet prapa në kohë nëpërmjet kromozoneve Y që hasen vetëm tak mashkujt doli nga studimi në fjalë të jetë vetëm 59 000 vjet i vjetër. Pra Adami ka lindur 84 000 më vonë po në Afrikë dhe nuk ka mundur se si të takohej me Evën.



Për të shpjeguar këtë gjë me fjalë banale mund të thuhej se Eva ka pasur për burrë dike tjetër që kishte një kod gjenetik jo tonin, pasi i joni nuk isht formuar akoma. Kështu mendohet se kodi ynë i sotëm është një përzierje e kodeve gjenetike të disa llojev të njerëzve që kishte në atë kohë dhe që mori trajtën e tij 59 000 vjet pasi kishte marrë trajtën e tij kodi gjenetik i femrës.



Përgatiti Alvin Ekmekçiu - mbështetur në materialin e revistës Nature Genetics dhe të enciklopedive.





www.ruzull.net/shkrimi212.html