Sa e dëmton Duhani shëndetin ?

[Albanam]

NËNAT SHTATZËNE TË CILAT PINË DUHAN PËRCJELLIN KANCEROGJENËT TE FËMIJËT E TYRE

Femrat shtatzëne kanë arsye të fortë që të largohen nga pirja e duhanit. Duke iu qasur studimeve më të reja, është vërtetuar se femrat shtatzëne të cilat pinë duhan ua përcjellin foshnjeve të tyre substancat aktive të cilat shkaktojnë kancer. Gjatë analizimit të urinës së marrur nga foshnjet e posalindura të nënave të cilat kanë pirë duhan gjatë periudhës së shtatzanësisë, hulumtuesit e Universitetit të Minesotës ?Qendra për kancer? në Mineapolis kanë zbuluar një përzierje kimike që është derivat i nikotinit-nitrosaminoketonit (NNK). Kjo substancë e gjetur vetëm në duhan e rrit llojllojshmërinë e kancerëve te foshnjet e reja.
Kimisti Stephen S. Hect i paraqiti këto zbulime në takimin e ?Shoqërisë kimike amerikane? që u mbajt në Boston në vitin 1998. Sipas studimit të bërë në maj të vitit 1990 nga revista amerikane për shëndetësi publike, 61 % e femrave të cilat pinë duhan vazhdojnë të njëjtën shprehi edhe gjatë shtatzanisë. Urina prej 48 foshnjeve, që u mbledh nga ana e mjekëve në Dyseldorf të Gjermanisë, u dorëzua në Universitetin e Minesotës. Nga 31 foshnje, nënat e të cilëve kanë pirë duhan gjatë shtatzanisë, 22 kanë pasur në urinën e tyre metabolitët e nikotinit-nitrosaminoketonit (NNK), të quajtura NNAL dhe NNAL-GLUC, ndërsa për dallim prej tyre, asnjë nga 17 foshnjet e nënave të cilat nuk kanë pirë duhan nuk i kanë prodhuar këto substanca. Urina e foshnjeve të nënave që kanë pirë duhan përmbante edhe nikotinë dhe një nga produktet që dalin nga zbërthimi i nikotinës.
Lucy M. Anderson, nga Instituti kombëtar për kancer në Frederik, pohon se zbulimet e reja nxjerrin në shesh dëshmitë e para direkte se kancerogjenët e duhanit, gjatë pirjes së duhanit nga ana e nënës, kalojnë përmes placentës në fetus në përmasa të mëdha.
Në vitin 1997 Hect dhe kolegët e tij raportuan se edhe njerëzit të cilët i janë ekspozuar tymit të duhanit poashtu apsorbojnë dhe zbërthejnë NNK-në në trupin e tyre. Në studimet e bëra foshnjet prodhuan urinë me koncentrim të metabolitëve të NNK-së përafërsisht tri herë më shumë se koncentrimi i gjetur te njerëzit që vetëm thithin tymin e duhanit.