Edona Llalloshi ndahet nga burri

[Dilaver]

Edona Llalloshi ndahet nga burri
Milot Hasimja

Këngëtarja Edona Llalloshi ka pranuar ndarjen nga burri. Ajo ka thënë se është munduar ta mbajë martesën, por fati i saj ishte që të ndahen.
Gati një vit më parë ajo shkëlqente sepse ditën e martesës e konsideronte si ditën më të lumtur në jetën e saj.
Dje, zeri i saj tingëllonte pikëllueshëm ndonëse ende mbahej e fortë. Këngëtarja 26 vjecare, Edona Llalloshi ka pranuar se është ndarë nga bashkëshorti.
Vitin e kaluar ajo kishte organizuar një dasmë e cila i përngjante atyre të Hollywodit – me qindra mysafirë të ftuar dhe të rrethakuar me dhjetra media të shkruara dhe elektronike.
Festa kishte filluar para shtepisë së saj në Prishtinë, për të vazhduar më pas në qytetin e Dardanës dhe për t’iu kthyer sërish në Prishtinë, në Hotel Grand, ku u mbajt solemniteti kryesor.
Sot gjendja e saj ka ndryshuar rrënjësisht.
”Me një keqardhje të sinqertë dhe me një dhimbje shumë të madhe e pranoj ndarjen nga burri” konfirmoi Edona Llalloshi.
Me një zë pak sa të shterrur Edona shprehet se është munduar ta ruajë lidhjen bashkëshortore dhe thot se për këtë ”kishte luftuar shumë kohë”.
”Jam munduar ta mbaj martesën. Nuk na ka shkuar, edhe kam vendos me u nda”, thot Edona përmes telefonit.
Ajo u shpreh se fati i saj ishte që ajo të ndahet ndërsa nuk ishte në disponim të flasë nëse do të pauzojë nga kënga për një kohë.
”Fati im ka qenë kështu: për momentin nuk mund të flas më shumë”, thot Edona shkurt, duke mos treguar shkakun e ndarjes nga bashkëshorti.
Martesa e saj dukej si ajo e ëndrrave. Në ditën e martesës, me siguri se shum vajza ia kan pasur lakmi lumturisë së këngëtares së bukur, e cila ishte bërë e njohur me hitet e saja ”Simpatia ”, ”Djali i Kosovës”, ”Borxhi i dashurisë”, ”Pikë në zemër” etj.
Por, fati në martesë nuk kishte qenë në anën e saj.
Dashuria i ka mbet borxh Edonës.