Prishtinë, ku do të jetë xhamia e re?

[Zero Cool]

Lëvizja “Bashkohu” kërkon shkarkimin e Blerim Latifit





Lëvizja BASHKOHU që kërkon ndërtimin e një xhamie në qendër të Prishtinës ka dal me një kërkesë tjetër për kryeministrin Hashim Thaçi. Kërkojnë të shkarkohet këshilltari politik, Blerim Latifin për fyerjen që i ka bërë Kuranit.

“I nderuar Kryeministër i Republikës së Kosovës kërkojmë nga ju që ta bëni shkarkimin e menjëhershëm nga funksioni të këshilltarit tuaj politik Blerim Latifi, i cili me datën 01.07.2011 në televizionin publik të Kosovës RTK në emisionin “ Target “ me temën “ feja në Kosovë “ i ka fyer rëndë myslimanët e vendit tonë. Këshilltari juaj ndër të tjera ka thënë: “ju myslimanët pasoni librin ( Kuranin ) i cili është i pavlerë për kohën tonë ngase nuk iu jep zgjidhje problemeve bashkëkohore, ndërsa keni mbetur mbrapa 1500 vite”, thuhet në komunikatë.

Lëvizja konsideron se “deklarata e Blerim Latifit e bazuar jo në fakte dhe argumente por në emocione dhe urrejtje është tërësisht e ngjashme me deklaratat e zyrtarëve serb të cilët na akuzojnë për ekstremizëm vetëm për ta dëmtuar imazhin e Kosovës”.

“Ne jemi të shqetësuar për faktin se një deklaratë e tillë e bërë nga një zyrtar qeveritar është skandaloze dhe me pasoja negative për shtetin tonë. T’i akuzosh vendet e Gadishullit Arabik se praktikojnë “ Islam të shkretëtirës “ dhe kultivojnë antiamerikanizëm i dëmton përpjekjet e shtetit tonë për njohje nga këto vende, njohje të cilat aq shumë na duhen” përfundon komunikata duke kërkuar shkarkimin e Latifit.