Barcelona

[LaCoStA]

Pep: La Liga sivjet “Mission Impossible”



Nuk është entuziazmuar nga lëshimi i dy pikëve të Realit, trajneri i Barcelonës, Pep Guardiola. Katalunasi ka thënë se është e pamundshme që ekipi i tij ta zë Realin, tani me 8 pikë më shumë.

“Madridi do të humbasë shumë pak pikë. Malaga ia barazoi rezultatin në minutën e 91. Sikur të barazonin në minutën e 85, Madridi do të fitonte. Është shumë e vështirë që ne të fitojmë të 11 ndeshjet që na kanë mbetur”, ka thënë Guardiola.

Me këtë e pranon se titulli sivjet i shkon Mbretërve. “Sikur të mbaja konferencë cdo muaj do të ndryshojë mendimin. Tani jo. E them atë që e thashë para 3 ditësh. Është e pamundshme. Nuk ka ndryshuar asgjë. Do të jetë e vështirë që ata të humbasin ndeshje. Matematikish është e mundshme , por praktikisht e paarritshme”, ka deklaruar me bindje trajneri i kampionit aktual.