Poezi nga Poetë të ndryshëm

[Alima]

...

“KOKËTRASHI DHE KOKËTULI” NË POLITIKË TË REHATUAR!

Jo, të mos harrosh,
Fjalët “kokë” dhe “tul”,
Njërën me tjetrën s’bën t’i afrosh!
... Përndryshe, fjalën “kokëtul” mund të fitosh!

A të kujtohet kur nga pakujdesia gaboi,
Fjalës “kokë”, fjalën “trashë” ia shoqëroi,
Pa dashur me një “kokëtrashë” e përfundoi!
Kështu vetëm se vetes, së tepërmi ia ngatërroi.

Andaj, shkruaj me kujdes të shtuar,
Përndryshe, “kokëtrashi” tejet i hidhëruar,
Së bashku me “kokëtulin” shumë të ofenduar,
Veprimtarinë tënde, dukshëm kanë për ta vështirësuar.

Që të dy, “kokëtrashi” dhe “kokëtuli”, në politikë të rehatuar,
S’duan që nga dikush, vazhdimisht të jenë të shqetësuar,
Në rastet kur ata në postin e tyre ndihen të rrezikuar,
Të frikësuar, nuk zgjedhin mjete për të vepruar.

Të lig si janë, shpesh e dëshmuar, ku fare pa ngurruar,
Policinë vendore, ndërkombëtare e kanë angazhuar,
Me ndihmën e tyre, zërat qortues i mënjanuan.
Në emër të “drejtësisë”, në burg i dërguan.

Realitet i hidhur, të shpresojmë që s’ka për të vonuar,
Kur “kokëtuli” së bashku me “kokëtrashin” të jenë ndëshkuar.
Padyshim, për bëmat e tyre, lloji i tillë, që moti burgun duhej shijuar.
Gjithsesi, drejtësisë së Zotit, mjeranët, assesi s’kanë për t’i shpëtuar.







Samidin Xhezairi (Komandant Hoxha, Prizren) 15.07.2012







.