Reflektime

[Bajlozi i Zi]

Zoti, sipas të gjitha gjasave, i ka të gjitha cilësitë e besimtarit të vet.

Pra,

Zoti i pisit, është pis.
Zoti i hajnit, është hajn.
Zoti i shqiptarit, është shqiptar.
Zoti i shkaut, është shka.
Zoti i njeriut të ndershëm, është i ndershëm.

Nuk ka kurrfarë mundësie që të jetë ndryshe.

Nuk ka kurrfarë mundësie që krejt njerëzit të besojnë në një Zot të vetëm.

Unë, për veti, nuk kisha mujtë me i besu të njëjtit Zot që i beson shkau, ose pisi, ose hajni.


Asgjë e re???

ok,

ama deshta me thanë që: ata që besojnë një një zot të vetëm, e kanë zgjedhë qat zot për me i besu. E kanë zgjedhë në mesin e shumë zotave. Në mesin e shumë zgjedhjeve.

Politeizmi, ekzistenca e shumë zotave, pra, është fakticitet.
Njerëzit thjeshtë zgjedhin cilit dojnë me i besu (ose, cilëve dojnë me u besu, nëse doni).

Është, tashmë, shumë evidente që zoti i serbëve, nuk i don shqiptarët. Allahu i arabëve nuk i don amerikanët, as shqiptarët.

(Zoti i shqiptarëve, don me dekë tu flejtë e hajt , ma shkurt nuk e rrun hiç. Ndoshta e ka nga fakti që shqiptarët nuk e respektojnë as nuk e besojnë zotin e shqiptarëve, por kanë humbur kryet mbas zotave të huaj. Kur, një ditë, t'i besojmë, me siguri ka me pasë motiv për me e kry punën e vet).