Hajde knojme...

[Bona-us]

Vaj, vaj vatani e mjerë ky mileti
ku na mbeti sot ky fakulteti,
për disa na është bë hirrë e gjizë
mjaltin nuk mund ta bëj çdo mizë.

Vaj mileti e mjerë i shkreti vatani
profesor u bë edhe sharllatani,
vaj për ty, o vatan e për ty milet
ca nuk din ta shkruajnë emrin e vet.

Janë bë ca profesora me diploma
që tërë natën luajnë prognoza,
janë të mirë për bixhozgji
nuk dijnë ta shkruajnë një fjali.

Sa për dituri, vlerë dhe edukatë
mbi tallona i ze gjumi për çdo natë,
nëpër çajtore ligjërojnë pedagogji
shesin gogla dushku e demagogji.

Vaj vatani ...e mjerë, mjerë mileti
magjistër na u bë edhe kastraveci,
kur dy fjalë në jetë nuk i ka shkruar
në fletë të lakrës nuk ka publikuar.

Vaj vatani e mjerë qyteti e katundi
doktor shkence u bë edhe “Dr. Llokumi”,
ngrituni ju burra, fëmijë dhe ju gra
të vajtojmë e mos ndalemi duke qa...