Reflektime

[jadore]

Postimi origjinal është bërë nga e-uritura

Më janë zgjuar nga gjumi shqipet e mija.

I kanë veshur qytetet me të kuqe dhe të zeza.

Po e festojnë 100-vjetorin e pamvarsisë së shtetit amë.

Heu shqipe heu!

Gjumi mund të del edhe në mesditë, edhe pas 100 viteve, dikush edhe vdes në gjumë. Për shqipet e mija, dielli ka përenduar.

Me mileniume, gabimet i përsëritën. Për interesa përsonale, shitën interesat kombëtare.

Sot, pas 100 viteve, më janë zgjuar nga gjumi.

Për kurvëri, për një grusht para, për një trohë "pushtet". Për cka nuk dhanë troje e troje?

Pushtet, hë! Kë e quan shqipja pushtet? Pushtetin mbi atë më të dobëtin. Pushtetin mbi penzionerët, mbi nxënësit, studentë, fëmijët, të rinjtë, ...
Mbi popullin e vet të shkelur për mileniume të tëra.

Cfarë ndodhi? Historia na i mëson trojet tona, që nga Italia gjer në Rusi. Kam filluar të mendoj se historia po na mashtron. Nuk është e mundur që pasardhësit e atij populli , të sjellin veten në këtë gjendje, në të cilën gjenden sot. Nga një kontinent i tërë, në një grusht shtet.
Dhe sot, më janë zgjuar populli im nga gjumi. Kanë veshur dy shtete me të kuqe dhe të zezë!!! Patriotë të shquar.

Lidhshmërinë e një shteti e sheh kjartë në lidhshmërinë e një familjeje të vetme. Te shqiptari, është respektuar i huaji. Anëtari i familjes shkilet, në shenjë respekti për të huajin. Anëtari i familjes grushtohet, dënohet, dhe i forti ngritë kokën lart me krenari dhe me sy të cartur, duke dashur të thotë; "Shih cfarë i bëj unë timit, për ty!"
I huaji, gjithmonë me hapa të tërë para nesh, e kupton se sa e lehtë është përcarja në këtë familje/popull.
Ja psë njeriu yt vihet në radhë të parë. Ja pse i yti asnjëherë nuk nëncmohet para të huajit. Ja pse "Të gjithë për një, një për të gjithë". Të bashkuar jemi të pamposhtur.

Ku janë shqiptarët e mirë? Ku janë shqiptarët e zot`t?
Shqija pasi vriste shqiptarin e mirë, shkonte të merrte një grusht parashë, armiku i thoshte;
- Ja paratë e tua dhe këtë litarë.
- Po litarin pse? -pyeste shqipja trutharë.
- Shko mbyt veten me të, nuk e din cfarë njeriu ke vrarë sot!

I huaji, nuk të bëhet asnjëherë në jetë i yti.

Sot, pas 100 vitesh, pas një grusht shteti, pas miliona shqiptarëve më të përcarë se kurrë, pas shqiptarëve antishqiptarë, më janë zgjuar shqipet e mija, dhe po veshin gjithëcka kanë, në kuq e zi.

veq qito si e Unte e ke thone mire, e ke thone drejte , e ke thone sakt.
p.s. mendim ke .