Nje vrasje (pak) ndryshe-kur femra merr hak ?!

[murrizi]

Pejë, 14 maj - Besarta Kastrati, vajza e biznesmenit të ndjerë pejan, Salih Kastrati, i cili vdiq kohë më parë nga plagët pas sulmit me bombë, pranon se e ka vrarë Fidan Shabin, që prej 10 ditësh ishte shpallur i zhdukur, i cili u gjet të shtunën i vrarë.

TV "Klan Kosova", duke iu referuar burimeve të veta, mbrëmë njoftoi se Besarta e ka pranuar krimin në prani të avokatit të saj. Sipas saj, motivi i vrasjes nuk ka të bëjë asgjë me babain e saj.

Burimet e "Klan Kosovës" kanë bërë të ditur se Besarta ka thënë se Shabi e kishte përdhunuar kohë me parë dhe se në të gjallë të babait të saj, tash të ndjerit Salih Kastrati, asaj i ka ardhur turp të tregonte.

Besarta ka thënë para hetuesve se vrasjen e ka kryer me revolen e viktimës Fidan Shabi.

Të shtunën ishte gjetur trupi i pajetë i Fidan Shabit, i cili ishte zhdukur që nga 1 maji, ndërkohë që për këtë rast janë arrestuar dy persona: vajza e biznesmenit Salih Kastratit, Besarta Kastrati dhe një tjetër person - A.E. Ll.