Të rejat nga kinematografia

[BE LK]

Postimi origjinal është bërë nga Amina

Gjendet i vdekur aktori Heath Ledger
Wednesday, 23 January 2008
Aktori 28-vjeçar Heath Ledger është gjetur i vdekur në vendbanimin e tij në Manhattan (New York), ka konfirmuar një zëdhënës i policisë për agjencinë e lajmeve Associated Press.
Zëdhënësi i policisë së New Yorkut ka thënë se Ledger kishte një takim masazhi në apartamentin e tij, ndërsa kur shërbëtorja kishte dashur ta njoftojë aktorin se masazhistja ishte aty, ajo kishte parë atë të shtrirë lakuriq. Policia ka bërë të ditur se vdekja ka mundur të shkaktohet si pasojë e efektit të drogës, pasi që në afërsi të trupit ishin gjetur disa tableta.

Ledger për të fundit herë është parë në publik gjatë të shtunës në Londër, gjatë xhirimeve të filmit “The Imaginarium of Doctor Parnassus”.

nga albafake.com

Me erdhi shume keq per kete artist; me ka pelqyr shume, mbi te gjitha"10 things a hate about you"

Sa keq, paska shku dhe ky me te shumtit.....!

[Gjumashja]

me ka trondit ky lajmi i fundt per Heath Ledger....

[luckyman]

Antonio Banderas luan rolin e një Shqiptari!

http://www.alltrailers.net/my-moms-new-boyfriend.htkl

[Naki]

Ekspozita "Besa – Myslimanët që shpëtuan hebrenjtë" në Uashington
Astrit Lulushi
Zëri i Amerikës
06-09-2008

Në qendrën hebraike në Uashington u hap këto ditë një ekspozitë fotografike e shoqëruar me një film dokumentar kushtuar ndihmës që shqiptarët u dhanë hebrenjëve gjatë luftës së dytë botërore, duke i fshehur e strehuar, për t’i shpëtuar nga shfarosja naziste. Kolegu ynë Astrit Lulushi e vizitoi këtë ekspozitë ku bisedoi me organizatorët e saj si dhe me disa të pranishëm.
Gjatë Luftës së dytë Botërore, ndërsa shumë vende të botës kishin mbyllur kufijtë për refugjatët hebrenj, shumë shqiptarë vunë veten dhe familjet e tyre në rrezik duke strehuar qindra hebrenj të ardhur nga rajonet e pushtuara nga nazizmi. Fundi i Luftës së Dytë e gjeti Shqipërinë me një numër më të madh hebrenjsh sesa kishte para luftës. Për shembull, në vitin 1940 Johana Nojman, dhe prindërit e saj u strehuan në Shqipëri, pasi kishin ikur nga Gjermania, për t’i shpëtuar përndjekjes naziste.
Ajo tregon se për 6 vjet e gjysëm, familja e saj përfitoi nga bujaria e familjes Pilika në Durrës, falë zakonit të lashtë të Besës që i kërkon shqiptarit të kujdeset për jetën e njerëzve në nevojë. Arjan Myrto,me banim në Nju Jork, thotë se ndjehet krenar për ndihmën që i ati i tij, Shyqyri Myrto, u dha hebrenjëve gjatë periudhës së Luftës së dytë Botërore. Emri i familjes Myrto tani ndodhet i gdhendur në qendrën përkujtimore të holokaustit në Jad Vashem në Jeruzalem, ndërsa fotografia e Shqyqyri Myrtos rendidet në librin përkujtimor menjëherë pas fotografisë së Shindlerit, i njohur për listën e tij.
Me këtë ekzpozitë, fotografi amerikan Norman Gershman synon të tërheqë vëmendjen e publikut për t’a njohur atë me humanizmin që një popull i vogël në numër e i lashtë si ai shqiptar, tregoi për një popull tjetër të vogël e të lashtë si ai hebraik në ditët e tij më të vështira. Për hebrenjtë, gjatë Luftës së Dytë Botërore, thotë fotografi Gershman, Shqipëria u bë Shtëpia e Zotit, sepse asnjë prej hebrenjëve që u strehuan atje nuk ra në duart e nazistëve, ku me siguri që i priste vdekja.
Norman Gershman mendon se sikur mes shqiptarëve të mos kishte ekzistuar institucioni i Besës, hebrenjtë në Shqipëri do të kishin pësuar të njëjtin fat vdekjeprurës si në vendet e tjera të Ballkanit. Për shqiptarët, Besa është ligj, i cili megjithëse i pashkruar, përbën për ta standartin më të lartë të vlerave morale. Këtë nuk ka shqiptar që nuk e di, thotë autori Gershman, ndërsa bota duhet t'a mësojë.
Norman Gershman tregon se para pesë vjetësh, kur filloi këtë projekt, ai kishte dëgjuar nga të mbijetuarit e holokaustit shumë tregime rreth Besës shqiptare dhe zemra i ishte mbushur me admirim për këtë popull. Për sa i përket shpëtimit të hebrenjëve nga holokausti, thotë Gershman, shqiptarët mund të krahasohen me danezët, sepse Danimarka dhe Shqipëria, janë të vetmet vende, qeveritë e te cilave gjatë periudhës së Luftës së dytë Botërore, nuk pranuan t’u dorëzonin nazistëve asnjë hebre, madje i pajisën ata edhe me dokumente fallso.
Ambasadori i Shqipërisë në Uashington, Aleksandër Sallabanda thotë se kjo ekspozitë fotografike ka edhe vlera historike e politike, sepse hedh dritë mbi një ngjarje rreth së cilës regjimi i kaluar heshti, si dhe i njeh të huajt me një nga virtytet më të lashta shqiptare, siç është Besa.
Ekspozita e fotografit Norman Gershman titullohet “Besa - Muslims who saved Jews” (Besa – Myslimanët që shpëtuan hebrenjtë). Të njëjtin titull mban edhe libri i tij, që pritet të dalë në libraritë amerikane në muajin tetor. Por ka shqiptarë që mendojnë se ky titull nuk i përfaqëson drejtë, pasi i njëjtëson ata me fenë dhe jo me kombin.
Veprimari i njohur shqiptaro-amerikan Ilir Zherka thotë se fotografi Gershman e trajton çështjen nga këndvështrimi hebraik dhe në këtë botë konfliktesh fetare, ai ka dashur të theksojë se miqësia midis hebrenjëve dhe myslimanëve është e mundshme.
Ndërsa Avni Mustafa, drejtor i Këshilli Kombëtar Shqiptaro-Amerikan e sheh ekspozitën si një mundësi të mirë për afrimin e lobit shqiptar me atë hebraik, i njohur si një nga lobet më të fuqishme në Shtetet e Bashkuara. Zoti Mustafa mendon se nga ky afrim çështja shqiptare do të përfitonte shumë, dhe ndoshta do të ndikonte që Izraeli t’i shtohet së shpejti numrit të vendeve që e kanë njohur deri tani shtetin e ri të Kosovës. //bsa//