Opinione dhe Reagime, Shteti i ri i Kosovës

[Pupi]

Mos po i bien në qaf Kurtit, e ne me heshtje e miratojm!

Prishtinë: Fazli Balaj shkarkohet nga cilësia e avokatit mbrojtës të Albin Kurtit.\30.01.08\

Albin Kurti ashtu siç edhe kishte paralajmëruar në konferencën e lëvizjes "Vetëvendosje", nuk është paraqitur para trupit gjykues në Prishtinë.
Kryetari i trupit gjykues Mauricio Salustro ka urdhëruar arrestimin dhe sjelljen e menjëhershme të Albin Kurtit në Gjykatë. Më pas trupi gjykues i ka shqiptuar atij masën e paraburgimit prej 30 ditësh, për t'u siguruar që të jetë i pranishëm në gjykatë gjatë vazhdimit të procesit gjyqësor.
Fillimisht, gjatë seancës lideri i “Vetëvendosje-s” ka deklaruar disa herë se ai nuk pajtohet që avokatin e tij mbrojtës Fazli Balaj, dhe para trupit gjykues ka paraqitur prova të cilat paraqesin papërshtatshmërinë e tij për të qenë pjesë e procesit gjyqësor. Pas shqyrtimit të fakteve të paraqitura nga Kurti, trupi gjykues ka marrë vendim për shkarkimin e Fazli Balajt dhe emërimin e Ferki Xhaferit avokat mbrojtës.
Më pas Kurti ka deklarua se nuk e njeh as Xhaferin për avokat të tij dhe nuk e pranon si të tillë. Nga ana e tij edhe Xhaferi ka kundërshtuar të mbrojë Kurtin por, sipas trupit gjykues, kërkesa e tij është hedhur poshtë dhe ai detyrimisht do të jetë avokat mbrojtës në procesin ndaj Kurtit.
Prokuroria ka paraqitur emrat e dëshmitarëve të seancës së radhës dhe me vendim të trupi gjykues në seancën e radhës do të dëshmojnë katër pjesëtarë të SHPK-së.
Seanca e parë e radhës do të jetë më 5 shkurt ndërsa e dyta me 7 shkurt kur edhe do të dëgjohen dëshmitë e prokurorisë.
Kurti Akuzohet për nxitje të masës në veprime të dhunshme në protestat e 10 shkurti të vitit të kaluar, me ç'rast u vranë dy dhe u lënduan rreth 80 qytetarë të Kosovës.\30.01.08\