Kushtetuta si akti më i lart juridik

[Pupi]

Postimi origjinal është bërë nga Dilaver

KUSHTETUTA E KOSOVËS

KOMUNIKATË PËR SHTYP

Për publikim të menjëhershëm

Faza a dytë e kampanjës për informimin publik të kushtetutës do të fillojë kur hartimi i kushtetutës do të publikohet
Prishtinë, Kosovë, 5 shkurt 2008
Grupi Punues për hartimin e Kushtetutës ka përfunduar javën e parë të diskutimeve me qytetarë nëpër komunat e Kosovës dhe do të vazhdojë të vizitojë edhe komunat tjera deri në datën 8 shkurt 2008 kur edhe do të përmbyllë fazën e parë të fushatës për informim publik të Grupit Punues për hartimin e Kushtetutës.

Qëllimi i fazës së parë është të diskutojë konceptet kryesore të draft Kushtetutës me qytetarë si dhe të shpjegohet procesi i hartimit e kushtetutës.

Pasi që draft Kushtetuta të jetë përfunduar dhe miratuar nga anëtarët e Grupit Punues për hartimin e Kushtetutës, ajo do të publikohet dhe do të fillojë faza e dytë e fushatës për informim publik. Grupi Punues është po ashtu duke shfrytëzuar fazën e parë për të diskutuar me qytetarë mënyrat për përfshirjen e tyre sa më efektive në fazën e dytë të fushatës e cila përfshin diskutimin për draft Kushtetutën.

Gjatë fazës së dytë të planit për informim publik, do të ketë diskutime të detajuara për përmbajtjen e draft Kushtetutës me qytetarë, grupe të profesionistëve dhe me media në të gjitha komunat e Kosovës. Grupi punues ka themeluar mekanizma të ndryshëm për të pranuar dhe shqyrtuar të gjitha komentet e dorëzuara nga qytetarët e Kosovës.

Qëllimi i fazës së dytë të planit për informim publik të Grupit Punues për hartimin e Kushtetutës është të përfshijë plotësisht publikun për të kontribuar në draft Kushtetutën e Kosovës para se ajo t’i dorëzohet Kuvendit të Kosovës.
Për informata shtesë në lidhje me kushtetutën, procesin për hartimin e kushtetutës dhe ngjarjet, ju lutem të vizitoni: www.kushtetutakosoves.info , www.ustavkosova.info , www.kosovoconsitution.info.
Nëse ndonjë organizatë apo grup është i interesuar të organizoj ndonjë ngjarje dhe kërkon pjesëmarrjen e një apo më shumë anëtarëve të Grupit Punues për hartimin e Kushtetutës, ju lutem të kontaktoni Sekretariatin e Grupit Punues për hartimin e Kushtetutës, përmes informatave kontaktuese të paraqitura më poshtë.
Për Grupin Punues për hartimin e Kushtetutës:
Grupi punues i përcaktuar për hartimin e draftit të parë të Kushtetutës së Kosovës është themeluar nga Presidenti i Kosovës në përputhshmëri me rekomandimet e Emisarit Special të Kombeve të Bashkuara, Ahtisaarit, në Raportin për statusin e ardhshëm të Kosovës, të dorëzuar Sekretarit të Përgjithshëm të Kombeve të Bashkuara. Grupi Punues e reflekton diversitetin e Kosovës dhe është përgjegjës për hartimin e Kushtetutës që përfaqëson interesat e të gjithë qytetarëve të Kosovës.

Kontakt informatat:
Sekretariati i Grupit Punues për hartimin e Kushtetutës
Qeveria e Kosovës, Ndërtesa e re, kati i 8-të, zyra nr. 803
Sheshi Skënderbe
10000 Prishtinë, Kosovë
Tel: +381 38 20014 208