Vrasja

[illyria]

Të nderuar bashkëkombas,dje në qytetin e lashtë,historik dhe të bukur të Prizrenit,mu në mes të ditës,në shadërvanin pitoresk ndodhi edhe një tragjedi e madhe,një krim i madh dhe i shëmtuar ku tre jetë njerëzish u shuan sa qel e mshel sytë.
Dy djem të rinj,njëri prej të cilëve i mitur me revole qëlluan për vdekje një të rritur duke rrezikuar kështu edhe jetën e të tjerëve.Pastaj vëllau i të vrarit me armë që përdorin vetëm njësitet e fshehta speciale sa qel e mshel sytë i likuidon dorasit duke plagosur në këmbë edhe një ushtar të KFOR-it turk dhe duke rrezikuar shumë qytetarë tjerë të pafajshëm.
Sqena në Shadërvanin e bukur dhe të lashtë ishte e tmerrshme,me tre të shtrirë për toke,pa jetë,plot gjak dhe me një të plagosur pak më larg.
Dëshmitarë okular të këtyre vrasjeve makabre ishin me qindra qytetarë,nxënës të shkollave,fëmijë të mitur dhe punëtorë të restauranteve,kafiterive dhe bankave përrreth.
Kësi lloj vrasjesh kemi pasë rastin të shohim vetëm nëpër filmat kauboj nga perëndimi i egër.
Në Prizren,pas lufte ndodhen shumë vrasje,disa prej të cilave lanë varrë të hapura në kujtesën e qytetarëve dhe në historinë e vetë qytetit.
Nga vrasja politike e komandantit legjendar DRINI,përmes dy vrasjeve të rënda mafioze për shkak të blerjeve të pronës shoqërore,vrasjet për shkak të FAJDEVE e gjer te vrasjet për shakak të ngatrresave të ndryshme familjare.
Vetëm para disa muajve,në qendër të Prizrenit,gjatë një shkëmbimi zjarri mes banditëve u vra një kalimtar rasti,një rrobaqepës i ri i cili ishte baba i dy fëmijëve dhe një njeri shumë i dashur për të gjithë qytetarët e Prizrenit.
Gjatë okupimit serb,e sidomos gjatë kohës së Sllobës,në Prizren vepronin grupe kriminele që përbëheshin nga anëtarë të disa familjeve nga fshatrat SMAÇ,KUZHNIN,VELEZHË,SHPINADI.
Këto grupe ishin të lidhura me shërbimin sekret serb i cili ua mbronte shpinën.
Qëllim kryesorë i këtyre bandave ishte terrorizimi i qytetarëve të Prizrenit me qëllim të shkatërrimit të bizneseve të tyre,pamundësimit të veprimtarive ekonomike kurse epiqendër e këtij veprimi ishte mu zemra e qytetit,pronat dhe dyqanet e qytetarëve duke filluar nga rrethina e ngushtë e Kishës katolike,qendra tregëtare e ashtuquajtur "Te Dyshi" pas shtëpisë së mallërave dhe vetë sheshi i Shadërvanit.
Nga terrori i këtyre grupeve shumë pronarë të shtëpive dhe lokaleve afariste u detyruan që banditëve ti shesin pronat me çmime relativisht të ulta.
Banditët në fjalë merren edhe me veprimtari të shumta tjera kriminale gati të papenguar edhe pas lufte.Për shkak të fajdeve dhe kamatave marramendëse ata vranë disa persona dhe shumë të tjerëve ua uzurpuan shtëptë,lokalet afariste dhe tokat.
Ate merren edhe me kontrabandën e armëve,metaleve të çmueshme dhe drogës.
Nëse qeveria e Kosovës dhe misioni i ri europian i policisë dhe gjyqësisë nuk ndërmerr masa të rrepta dhe të menjihershme ndaj krimit të organizuar,këta banditë çnjerëzor do të shkatërrojnë plotësisht jetën dhe punën jo vetëm në zemrën e qytetit të Prizrenit,por edhe më gjërë.