Kombi Kosovar Apo Shteti Kosovar?

[Guri i madh]

“Me bisht në Serbi, me kokë në Kosovë”(!)

Vazhdimësinë e “mbijetesës” së disa individëve dhe të disa grupeve “ekonomiko-tregtare” dhe politike (private dhe zyrtare) të kolaboracionizmit shqiptar në Kosovë, ndër të tjera e dëshmojnë edhe pasaportat e marra nga Ministria e Punëve të Brendshme të Serbisë.

Ky fenomen i shëmtuar porovon se, edhe pas përfundimit të luftës, kolaboracionistët shqiptarë nuk i kanë ndërprerë lidhjet përfituese dhe miqësore me serbomëdhenjtë dhe me Serbinë gjenocidale, e cila na palçkiti, na dogji dhe na shkrumoi shtatë vite më parë. Mirëpo, për kolaboracionistët, për matrapazët dhe për shfrytëzuesit, batakxhinjtë, mashtruesit dhe shitësit e interesit të përgjithshëm të popullit dhe të Kosovës, kjo nuk do të thotë asgjë e rrezikshme, e dëmshme, e ligë dhe e tëmerrshme, sepse si para lufte, si gjatë lufte, ashtu edhe pas përfundimit të luftës ata ishin dhe janë të paprekshëm dhe të pazëvendësueshëm, sepse si dikur, edhe sot e luajnë rolin krysor negativ antikombëtar shqiptar në të gjitha nivelet e organeve, të institucioneve ekonomike, politike, tregtare dhe të biznesit në Kosovë.

S’ka asnjë dyshim dhe, asnjë dilemë se, ky lloj i zhavorrit dhe i mbeturinave kombëtare shqiptare, që me politikë,me ekonomi dhe me tregti “fleksibile” negative për të përfituar vetë dhe aleanca e tyre serbe, jo populli shqiptar, as pavarësia e tij dhe e Kosovës, me të gjitha mjetet dhe format më bizare fshehurazi dhe haptazi e mbron ekzistencën dhe interesin kolonial shekullor të Serbisë në Kosovën shqiptare. Si rrjedhim, ky faktor negativ ekonomiko-politik dhe kombëtar është një nga barrierat kryesore që ( krahas Serbisë, Rusisë dhe aleatëve e partnerëve të tyre rajonalë ballkanikë, evropianë dhe ndërkombëtarë) e kompremton, e zvarrit dhe e vë në pikëpyetje njohjen statusit të Kosovës si subjekt juridik ndërkombëtar.
Thjesht, teorikisht, praktikisht, de jure dhe de facto kolaboracionistët ekonomiko-tregtarë-politikë “elastikë” shqiptarë me pasaportat e tyre serbe dëshmojnë lojalitetin dhe identitetin shtetëror të tyre ndaj Serbisë, jo ndaj Kosovës, sepse po ta kishin braktisur në kohën e duhur interesin dhe dashurinë personale dhe grupore ndaj Serbisë (ashtu siç veproi praktikisht në vepër UÇK-ja dhe NATO-ja), ata do të ishin të pajisur me pasaporta shqiptare dhe të UNMIK-ut. Mirëpo, këtu, edhe qëndron problemi, sepse me pasaporta shqiptare dhe të UNMIK-ut, nuk do të kishin pasur rast që të hyjnë në Serbi. Këtu, edhe kishte marrë fund çdo pikëpjekje dhe, çdo formë bashkëpunimi me serbomëdhenjtë dhe me Serbinë. Vërtet, kjo do të ishte “fatale” për interesin egoist persnal dhe grupor të kolaboracionistëve, por do të ishte një fitore e madhe dhe pozitive për përshpejtimin e lirisë dhe të pavarësimit të Kosovës nga Serbia kolonialiste gjenocidale.

Dyqind mijë pasaporta serbe=dyqind mijë vota shqiptare antipavarësisë së Kosovës (!?)

Është e pabesueshme dhe, absolutisht e papranueshme se si është e mundur që 200.000 mijë shqiptarë të Kosovës të jenë të pajisur me pasaporta të Serbisë(!?) – Pse, dhe deri kur, do të vazhdojë për të ”mbijetuar” ky recidiv dhe syndrom ”idilik ” i “bashkëjetesës” shtetërore me Serbinë kolonialiste dhe antidemokratike,kur “drejtësinë”, “miqësinë”, “përbashkësinë”, “koekzistencën”, “paqen” dhe pasaportat e saj, madje i kanë braktisur qe një vit, edhe malazezët sikurse dikur sllovenët, kroatët dhe “maqedonët”?!

Duke qenë se jemi të verbuar dhe nuk po shohim se ç’po ndodhë dhe,çfarë po përgatisin titullarët e pasaportave serbe, malazeze, “maqedone” dhe greke që, nesër të ndodhë me ne dhe me fatin e pavarësisë së Kosovës, të Anamoravës, të Iliridës, të Malësisë së Madhe të Mbishkodrës dhe të Çamërisë, atëherë pse nuk po nuk po mendojmë dhe nuk po veprojmë drejt së bashku, duke i ndjekur shembujt pozitivë të tjerëve, siç janë Sllovenia, Kroacia etj., të braktisim çdo lidhje dhe kontakt me Serbinë, me “Maqedoninë”, me Malin e Zi dhe me Greqinë

qoftë fizik, politik, ekonomik, trgetar a diplomatik. Çfarë iu duhen shqiptarëve pasaportat e Serbisë, të “Maqedonisë”, të Malit të Zi dhe të Greqisë, kur kjo “aleancë e shenjtë” sllave-xhandari i Ballkanit dhe i Shqipërisë Etnike, me ato pasaporta mashtruese qe 100 vjet na ka mbajtur nën sundimin e tyre kolonialist dhe imperilaist.

Pa djegjen dhe pa braktisjen, jo vetëm të pasaportave, por edhe pa prerjen e çdo bashkëpunimi (tregtar ekonomik, kulturor, sportiv, politik, diplomatik) me shtetet kolonizatore fqnije (Serbia, Mali i Zi, “Maqedonia” dhe Greqia), dita e çlirimit, e pavaraësisë dhe e bashkimit të shqiptarëve dhe të Shqipërisë Etnike, është e largët dhe, e papërcaktuar. Strategjia dhe taktika e diplomacisë tregtare shqiptare “me një këmbë në Beograd, në Podgoricë, në Shkup, në Athinë, gjë që kjo do të thotë të jeshë këmbë e krye në varësinë dhe në mëshirën e Moskës, e jo në mbrojtjen e sigurt dhe të vërtetë të Tiranës, të Prishtinës, të Uashingtonit dhe të NATO-s.

Ky fenomen i shëmtuar dhe negativ është zbuluar nga vetë miqtë dhe nga bashkëpunëtorët e institucioneve dhe të organeve policore të Serbisë të zotëruesve shqiptarë të pasaportave serbe, të cilin gazeta e përditshme “Politika” e Beogradit e ka transmetuar në këtë mënyrë : “ Gjatë tetë viteve të shkuara qëkur Kosova është nën protektoratin ndërkombëtar ushtarak dhe civil, drejtoritë policore të Kosovës, të vendosura në disa qytete të Serbisë qendrore, kanë lëshuar mbi 200.000 mijë pasaporta për shqiptarët e Kosovës. Rreth 170.000 pasaporta i ka lëshuar drejtoria policore në Banjën e Nishit, kurse rreth 60.000 sosh janë lëshuar nga drejtoritë policore në qytetet e tjera të Serbisë, ku sipas evidencës së tyre, ushtrues të kërkesës janë 90% të nacionalitetit shqiptar.”(Burimi: “Politika”,01.09.2007).

Me gjithë këto fakte, të sjella nga politika dhe propaganda serbe (sepse, në asnjë mënyrë nuk dua të besoj se mbi 200.000 mijë shqiptarë zotërojnë pasaporta të kriminelëve terroristë dhe fashistë serbë), nëse vërtetohet se prej 90% është e saktë vetëm 10%, atëherë, vërtet, kjo dukuri antishqiptare është tejet e rrezikshme, brengosëse dhe fatale për fatin dhe ardhmërinë e shqiptarëve dhe të Kosovës.

Sa më shumë dhe sa më parë të largohemi nga çdo koketim dhe pikëpjekje me Serbinë dhe me aleatët e saj të theksuar kolonialistë sllav, dita e çlirimit antikolonial, e ribashkimit, liria dhe pavarësia e gjysmë Shqipërisë së kolonizuar, do të jetë më e afërt, më e shpejtë dhe më e sigurt, sepse fati tyre është në duart tona, jo të kolaboracionizmit dhe të kolaboracionistëve dhe fashistëve shqiptarë, të cilët luftën e kanë të humbur, sepse përpjekjet dhe lufta jonë e vendosur çlirimtare antikoloniale kombëtare është e drejtë, sepse nuk cenon asnjë interes të vendeve të theksuara fqinje, veç që godit ambiciet dhe pretendimet e tyre territoriale për ricopëtimin dhe për rikolonizimin e mëtejmë të shqiptarëve dhe të Shqipërisë Etnike në Ballkan.
__________________