Aeshte e vertet???

[fadil]

Ministri Fatmir Limaj hedh poshtë shpifjet për gjoja keqpërdorim të parave publike Ministri i Transportit dhe Postë-Telekomunikacionit, Fatmir Limaj, mbajti sot një konferencë me gazetarë për të cilën tha se është e pazakontë për te, që nga fillimi i karrierës së tij politike. Jam detyruar që ta mbajë këtë konferencë, pasi që tash e disa muaj kanë qarkulluar lloj-lloj informatash nga qarqet e ndryshme të Beogradit dhe të përfolura në mjedise të ndryshme edhe tek ne. E pashë të arsyeshme që të ftoj këtë konferencë shtypi dhe të jap disa sqarime, ka thënë Limaj. “Jam para jush për të përgënjeshtruar shpifjet e gënjeshtrat që i janë servuar opinionit tonë, për qëllime të këqija dhe të ulëta, në mënyrë që t’i luftojnë sukseset që i kemi arritur, së bashku të gjithë gjatë kësaj kohe”, theksoi ministri Limaj.


”Suksesi i Kosovës dhe i imi, për disa është pengesë dhe si e tillë tentohet që në çdo formë të luftohet, me të gjitha format madje duke mos kursyer, as edhe familjen time. Mendoj, se çdo shqiptar, gjithashtu dhe unë e konsideroj familjen si të shenjtë ajo nuk duhet të keqpërdoret dhe të ulet, për të arritur qëllime politike ose për të për të denigruar, një personalitet pa marrë parasysh, për kënd është fjala”, ka thënë ministri Limaj.


Kreu i MTPT-së, po ashtu theksoi se”Unë jam i vetëdijshëm që ka shumë njerëz të cilët me xhelozi i shohin angazhimet dhe përkushtimin tim personal që kam bërë për vendin tim. Jam i bindur se ata njerëz janë jashtë Kosovës, fatkeqësisht këtu po tregohet se të tillë ka edhe në Kosovë, të cilët nuk duan të shohin rezultate në ngritjes dhe ndërtimit të vendit të tyre”.


Sipas ministrit Limaj mediat e Beogradit dhe disa qarqe në Prishtinë, përfoljet e përdorura në Prishtinë duke e përdorur familjen e tij, kanë tentuar të shpifin në kurriz të familjes time. Është shpifur se babai im është zënë me para në kufirin e Jazhincës, ndërsa babai im ka më se një vit që është i pa lëvizshëm. Është shpifur se nëna ime është zënë me para në kufirin e Bllacës, në kohën kur nëna ime është në kontrollim intensiv në Qendrën Emergjente në Prishtinë, në shokë-dhomë dhe praktikisht është para vdekjes”.


Ministri Limaj, para mediave të shumta të pranishme, pohoi se e vërteta është se bashkëshortja ime është me një terapi të mundimshme, në luftë kundër kancerit, këto janë dhembje të mëdha, për mua dhe familjen time”.


“Duke punuar, unë jam munduar që në asnjë mënyrë të mos e reflektojë gjendjen time familjare, dhe mendoj se ne të gjithë kemi probleme familjare por duhet që ato të mos i reflektojmë dhe t’i bëjmë tema publike. Kam gjetur një zgjidhje që në asnjë mënyrë të mos reflektohet kjo gjendje familjare e imja, në punët e përditshme të miat” vlerësoi ministri Limaj.


Ministri Limaj gjithashtu pohoi:”Jam munduar dhe besoj që ju e dini se kam qenë në kapacitet të plotë, në detyrën time shtetërore dhe institucionale, duke mos reflektuar që të paraqes asgjë nga ajo që ballafaqohem çdo ditë në shpinë time”.


“Dua të them që unë do të qëndroj pranë familjes time, dhe jam shumë i bindur se në betejën që bashkëshortja ime është duke e zhvilluar ndaj sëmundjes unë do të jem pranë saj dhe me emër të Zotit që ne do ta fitojmë atë betejë me të bashkë”, deklaroi ministri i Fatmir Limaj.


“Tërë jetën time ja kam kushtuar që të mbizotërojë lumturia familjet e Kosovës, kam punuar për të pasur lumturi në familjet kosovare, normalisht jam i bindur se këtë lumturi do ta kam edhe në familjen time”.


Ministri Limaj i siguroi të gjithë se do të vazhdojë si gjithmonë dhe i vendosur i palëkundur, në realizimin e projekteve të mëdha, të ndërtimit të vendit tonë:“Punën e konsideroj si mision, dhe unë vendin tim nuk e dua allashverishe, vendin tim e kam pasion. Çdo gjë që kam pas, ja kam dhënë vendit tim edhe atë familje që e kam sot, ka qenë e përkushtuar dhe e dhënë për këtë vend. Do të vazhdoj përkushtimet dhe angazhimet e mia për të përmbushur pretimet që u kemi dhënë qytetarëve” përfundoi fjalën e tij ministri Limaj, thuhet në komunikatën e lëshuar sot nga Zyra për informim pranë MTPTmarr nga rtklive.com