Anulohet vizita "private" e kryetarit te Kosoves ne Maqedoni

[Dani11]

Presidenti Sejdiu e anuloi vizitën në Maqedoni
Presidenti i Kosovës anuloi vizitën në Republikën e Maqedonisë, pasi pala maqedonase ndryshoi karakterin e vizitës zyrtare.
E mërkurë, 27 Maj 2009 18:53


Fillimisht Sejdiu ishte ftuar për vizitë zyrtare, që dëshmon edhe ftesa e bërë publike nga kabineti i Presidentit të Kosovës, ndërsa që në prag të vizitës Presidenca e Maqedonisë ndryshoi mendjen, duke mos i ofruar kreut të shtetit të Kosovës pritje zyrtare sikur të gjithë presidentëve tjerë që vizitojnë këtë republikë. Për këtë arsye, Sejdiu mori vendim që të mos shkoi fare në Shkup, ndërsa bëri publike edhe arsyet e anulimit të kësaj vizite.

"Presidenti i Republikës së Kosovës, Fatmir Sejdiu, më 13 maj 2009, mori ftesë për vizitë zyrtare njëditore nga Presidenti i Republikës së Maqedonisë, Gjorge Ivanov. Kjo ftesë u pranua dhe iu konfirmua palës maqedonase nga Zyra e Presidentit te Republikës së Kosovës më datë 13 maj 2009. Ndërkohë, meqenëse pala maqedonase e ndryshoi karakterin e vizitës zyrtare, Presidenti i Republikës së Kosovës, Fatmir Sejdiu e anuloi vizitën në Republikën e Maqedonisë, të planifikuar për datën 28 maj 2009", thuhet në Njoftimin e Zyrës për shtyp të Presidentit Sejdiu.
Presidenti i Republikës së Kosovës, si dhe institucionet e Republikës së Kosovës, mbeten të përkushtuara për marrëdhënie të mira me të gjitha vendet e veçmas me fqinjët, duke u dhënë këtyre marrëdhënieve peshën dhe vlerën serioze që e meritojnë, thuhet ndër të tjera në njoftimin e Presidencës së Kosovës. /Alsat-M /

--------------------------------

Ani de mire ja paska bo Kryetari Sejdiu, tani pret deri ti bejne nje ftese zyrtare ne te ardhmen.E qka jan Makedont ma gabel popull nuk ka, shikoni qfar provokimi e qfare poshtersimi mundohen me i ba Kosoves.
Veprim mjaft i drejt nga Kryetari yne!