Lajme nga Mjekesia

[Jana]

Alergjia në pemë dhe perime gjithnjë e më e shprehur

Sipas të dhënave nga ekspertët e Shoqatës Britanike të Alergologëve, reaksionet alergjike në pemë dhe perime janë gjithnjë e më të shpeshta, ndërsa veçanërisht të shprehura te fëmijët.
Derisa para disa viteve, fajtori më i madh për reaksionet alergjike të ushqimeve ishin kikirikët, por së fundi këtë e marrin pemët dhe perimet. Më alergjike janë selino, karotat, domatet, mollët dhe dardhat.

Forma më e rrezikshme e reaksionit alergjik është e ashtuquajtura sindroma alergjike orale, e cila nënkupton të kruara, djegie dhe skuqje të gojës dhe hapësirës rreth gojës, si dhe ënjtje dhe zjarrmi në muzikën e hapësirë së gojës.

Mënyra se si këto reaksione mund të zbuten, përveç shmangies së konsumimit të frutave dhe perimeve që shkaktojnë këtë alergji, është mënyra se si ato konsumohen. Ndihmë të madhe në këtë jep edhe përpunimi mbi nxehtësi i ushqimit (gatimi), heqja e lëvores, prerja dhe pastrimi i mirë i tyre.

[Jana]

Kakao ndihmon kundër migrenës

Qe disa vite, shkencëtarët janë duke punuar intensivisht në studimin e aftësisë së kakaos për mjekimin e çrregullimeve të ndryshme shëndetësore.
Ndërsa një studim i ri, i realizuar te minjtë laboratorikë, ofron të dhënat se kakao mund të ndalojë proceset inflamatore brenda ganglionit trigeminal, që konsiderohen se kanë rëndësi të madhe në paraqitjen e migrenës.

Supozohet se kakao pengon aktivitetin e proteinave përgjegjëse për zhvillimin e këtyre inflamacioneve, të cilat për pasojë kanë shfaqjen e migrenës

Mekanizmi i saktë ende nuk është qartësuar, dhe duke qenë se ky studim është vetëm fillimi, autorët thonë se duhet të realizohen edhe hulumtime të mëtutjeshme për ta kuptuar edhe më shumë mënyrën e shfaqjes së migrenës dhe njëkohësisht të zhvillojnë metoda për parandalimin dhe mjekimin e saj.

[Jana]

Vitamina A forcon imunitetin

Një studim i ri i realizuar te 36 persona ka treguar se vitamina A ndihmon në forcimin e imunitetit.
Në fakt, shkencëtarët kanë treguar se duke i shtuar ushqimit nga 240 miligramë vitaminë A në ditë, për një periudhë dyjavore, përmirësohet dukshëm aktivitetin e limfociteve T (qeliza imunitare).

Nga ana tjetër, kjo sasi e vitaminës A është e mjaftueshme që në mëlçi të deponohet sasi e vitaminës e nevojshme për mbajtjen e shikimit normal...

[Jana]

Gripi i derrave: Shenjat dhe parandalimi
Si njerëzit, edhe derrat preken nga gripi (influenca virusi), por ky lloj virusi nuk është i njëjtë me ata të njerëzve, dhe shumë më rrallë na prek neve për shkak të kontaktit të rrallë me derrat.
Por, shpërthimi i fundit i këtij virusi është më ndryshe, pasi ai ka pësuar disa ndryshime dhe është aftësuar të kalojë prej njeriut tek njeriu, dhe jo vetëm nga derri te njeriu.

Derisa virusi gjithnjë na afrohet edhe neve, më poshtë po japim disa këshilla se cilat janë shenjat e para të prekjes nga ai.

Simptomat e gripit të derrave

Simptomat e gripit të derrave janë të njëjta me simptomat e gripit të zakonshëm, dhe përfshijnë ethe e temperaturë, kollitje, dhimbje fyti, rrjedhje të hundëve, plogështi, kokëdhimbje.

Shumica e njerëzve me grip të derrave kanë diarre dhe vjellje. Po thuajse secili me këtë grip i ka së paku dy nga këto simptoma.

Por kjo nuk do të thotë se jeni prekur nga ky grip, pasi shumë sëmundje shkaktojnë këto shenja. I takon analizave laboratorike të vërtetojnë nëse ky është gripi i derrave, grip i zakonshëm apo ndonjë sëmundje tjetër.

Si mund ta parandaloni infektimin me grip të derrave?

- Pastroni duart rregullisht me sapun dhe ujë, veçanërisht pas kollitjeve dhe teshtitjeve. Ose përdorni faculeta me alkool.
- Shmangni kontaktim me njerëz të sëmurë.
- Shmangni prekjen e gojës, hundës ose syve. Kjo nuk është lehtë për t’u bërë, andaj kujdesuni që duart tuaja të jenë vazhdimisht të pastra.
- Nëse ndjeheni i sëmurë, qëndroni në shtëpi.

[Jana]

Kremi i tepërt shkakton infeksion


Shpesh gjatë periudhës së dimrit njerëzit përdorin krem për zbutjen e buzëve sa herë që lëkura e tyre thahet ose plasaritet.
Por shkencëtarët pranë universitetit të Alabamës paralajmërojnë se lyerja e tepruar e buzëve me krem mund të bëhet shkak për infeksione.

Ata tregojnë se kremi zbut lëkurën dhe e bën atë të pambrojtur nga bakteret dhe viruset e shumta.

Pikërisht për këtë arsye ata këshillojnë që sasia e kremit ose pomadës kundër plasaritjeve të buzëve duhet të kufizohet në maksimum dhe mundësisht ky produkt të përdoret vetëm gjatë një moti tepër të ftohët.

[Qorri]

Sipas një specialisti gjerman te sëmundjeve të mushkërive, vaksina përmban qeliza kanceroze nga kafshët, siç është vërtetuar se vaksina e gripit derrit i cili pritet të nisë në tetor, rrit rrezikun e kancerit. Shtoi doktori gjerman Dr.vidarxh: "Kjo është biznes i madh për industrinë farmaceutike, gripi I derrit nuk ndryshon shume nga gripi normal, dhe në të kundërtën, nëse shikoni në numrin e rasteve kjo s'është asgjë në krahasim me sezonin e gripit te rregullt," dhe nuk shkaktojnë vetëm se simptoma te gripit normal dhe se nuk kerkon vetëm se pak dite pushim.


Studiuesi Blay Lock thotë: "Vaksina e gripit të derrit e kompanisë Baxter e cila quhet Celvapan, përmban qeliza nga majmunët e gjelbër afrikanë të cilët janë kontaminuar më parë me bartjen e shumë vaksinave të infektuara me viruse të tjera si HIV-i, për më tepër se ato shkaktojnë një numër të konsiderueshëm të sëmundjeve kanceroze".



Ndërkohë, një numër i madh specialistësh të Virologjise thonë: "Programi i vaksinimit të detyrueshëm kundër gripit të derrit, kur të vështrohet me kujdes, bëhet e qartë se virusi H1N1, është shkaktar i sëmundjes nga viruset e kombinuara gjenetikisht dhe se ai është lëshuar me qëllim që ta arsyetojnë vaksinimin".

[Peja-Boy]

Nje web i mire per shendetin dhe Mjeksin !!

http://www.spitaliamerikan.com/al/

[Jana]

Lëkura mund të dëmtohet nga stresi Një bashkëpunim i shkencëtarëve të Universitetit të Mjekësisë në Berlin dhe Universitetit kanadez të McMaster në realizimin e një studimi të ri, ka treguar se stresi mund të shkaktojë sëmundje inflamatore të epidermës dhe të dobësojë qelizat e sistemit imun të organizmit.Studimi i publikuar në revistën American Journal of Pathology pohon se stresi nxit infeksionet dhe shton shkallën e problemit duke rritur aktivitetin e qelizave imune, gjë që çon në shfaqjen e infeksioneve, në vend që ta mbrojë lëkurën. Lëkura paraqet barrierën e parë mbrojtëse të organizmit nga infeksionet e ndryshme, e cila në raste të caktuara mund të ketë efekt irritues dhe kjo ndodh kur qelizat e sistemit imun të lëkurës janë reaktive, me ç’rast mund të shkaktojnë sëmundje inflamatore të lëkurës (të tilla si dermatit atopik apo psoriazë).

[Jana]

Virusi H1N1 pëson mutacion

Virusi A/H1N1, i njohur ndryshe si gripi i derrit, ka pësuar mutacion. Lajmi bëhet i ditur nga Organizata Botërore e Shëndetësisë në Gjenevë.

Mutacioni (ndryshimi i materialit gjenetik) është vërejtur tek mostrat e marra te dy persona në Norvegji, të cilët humbën jetën nga ky virus.

Deri tani ekspertët kanë shpresuar që virusi nuk do të pësonte mutacion, pasi mutacioni nënkupton se duhet të zhvillohen edhe lloje të reja vaksinash dhe mjekimi, pasi që virusi mund të bëhet rezistues ndaj trajtimeve aktuale.

[Jana]

Shtohen angazhimet rreth gripit të derrit

Ministri i Shëndetësisë, Alush Gashi, të premten ka zhvilluar një takim pune me kryetarin e Komitetit Nacional për sëmundje ngjitëse në Kosovë, Isuf Dedushaj, kryetarin e Shoqatës së infektologëve të Kosovës, Salih Ahmeti dhe drejtorin e IKSHP-së, Naser Ramadani.


Në takim është folur për planin e vaksinimit të popullatës kosovare me vaksinat e gripit A/H1N1 dhe vaksinat e gripit sezonal si dhe zhvillimin e kapaciteteve të institucioneve mjekësore për një triazhim të drejtë të më shumë rasteve nëse paraqiten me grip.

Gashi ka kërkuar që institucionet të cilat i përfaqësojnë bashkëbiseduesit të japin nga vetja maksimumin, në mënyrë që situata epidemiologjike të jetë në kontroll të plotë, të prekurit nga gripi të trajtohen në mënyrë korrekte dhe të ngrihet niveli i raportimit rreth gjendjes në terren.

Në këtë takim u theksua se që javën që vjen mund të fillohet me vaksinimin e punonjësve shëndetësorë me vaksinat e gripit A/H1N1, ndërsa është vlerësuar se për këtë fazë, blerja e gjysmë milioni vaksina kundër gripit A/H1N1 do të ishte e mjaftueshme.

[Jana]

Celularët nuk shkaktojnë tumor në tru

Një studim 30-vjeçar i realizuar në Skandinavi, ku është përfshirë thuajse e gjithë popullata, ka treguar se nuk ka lidhshmëri në mes të përdorimit të telefonit celular dhe zhvillimit të tumorit të trurit.

Shkencëtarët kanë thënë se, përkundër faktit që në vitet e 90-ta është rritur vrullshëm përdorimi i telefonave celularë, rastet me tumor të trurit nga kjo periudhë nuk kanë qenë më të shpeshtë.

Analiza e tyre është bazuar te dy lloje të tumoreve në tru, gliomës dhe meningeomës, te popullata e Danimarkës, Finlandës, Norvegjisë dhe Suedisë, ndërsa llogaritet të jenë përfshirë afër 16 milionë njerëz në studim.

Hulumtuesit kanë hetuar rastet me tumor të trurit nga viti 1974 deri në vitin 2003, dhe kanë vërejtur se shkalla e shfaqjes së tumoreve nuk ishte rritur nga viti 1998 e këndej kur ka filluar përdorimi i madh i celularëve.

Në bazë të këtij studimi, përdorimi i telefonave celularë nuk është i rrezikshëm së paku për një periudhë dhjetëvjeçare, ndërsa nevojiten studime të mëtutjeshme për të vërtetuar nëse përdorimi i celularëve në periudhë më të gjatë se një dekadë mund të shtojë rrezikun shfaqjes së tumorit.

[Jana]

Gjenet përcaktojnë jetëgjatësinë e meshkujve

Një gjen i pranishëm në spermë është kyç për kohëzgjatjen e pritur të jetës së meshkujve, bëjnë të ditur shkencëtarët japonez në një studim të publikuar në revistën Human Reproduction.

Sipas të dhënave të reja, ky gjen është i pranishëm edhe te femrat, por aktivizohet vetëm te meshkujt. Shkencëtarët thonë se gjeni, i emëruar Rasgrf1, është përgjegjës për ndërtimin muskulor të trupit të meshkujve, por në dëm të uljes së jetëgjatësisë.

Testet e bëra në kafshë kanë treguar se deaktivizimi i Rasgrf1 mund të përmirësojë dukshëm funksionet e sistemit imunologjik si dhe ta vazhdojë jetën edhe për 1/3. Njëkohësisht, te ata persona është vërejtur një peshë më e ulët trupore.

Shkencëtarët shtojnë se këto zbulime mund të tregojnë se pse femrat kanë jetë mesatare më të gjatë se sa meshkujt

[Jana]

Kontrolloni sheqerin para se të vozitni

Për të zvogëluar rrezikun nga aksidentet e trafikut, vozitësve të automjeteve të cilët vuajnë nga diabeti, ekspertët iu rekomandojnë që të kontrollojnë nivelin e sheqerit në gjak para se të fillojnë vozitjen.

Sipas këshillimit të publikuar në revistën Diabetes Journal, ekspertët iu rekomandojnë diabetikëve që kur të fillojnë udhëtime të gjata të pushojnë më shpesh, dhe pranë vetes të mbajnë tableta të dekstrozës ose një shishe të mbushur me lëng të ëmbël të gazuar, në rast se vërejnë simptomat e hipoglikemisë (rënies së nivelit të sheqerit në gjak).

Në rast se hetojnë shenjat e para të hipoglikemisë, diabetikët domosdo duhet të ndërpresin vozitjen, të ngritin nivelin e sheqerit dhe ta kontrollojnë atë, dhe vetëm atëherë mund të vazhdojnë.

[Jana]

Pemët dhe perimet mbrojnë nga kanceri i mushkërive

Një studim ku kanë marrë pjesë 1830 pjesëmarrës, gjendja shëndetësore e të cilëve është përcjellë për gati nëntë vite, ka nxjerrë si përfundim se konsumimi i vetëm 100 gramë pemë dhe perime në ditë, ul dukshëm rrezikun për t’u prekur nga kanceri në mushkëri.

Ndikimi pozitiv i konsumimit shtesë të pemëve dhe perimeve është vërejtur edhe te duhanpirësit, të cilët përndryshe i takojnë grupit të rrezikuar, kur është fjala për këtë sëmundje.

Në kuadër të rezultateve, autorët e këtij studimi këshillojnë që të konsumohet sa më shumë pemë dhe perime gjatë ditës, ndërsa këtë ta bëjnë veçanërisht ata që pinë duhan

[Jana]

Ndryshohen 'këshillat për ilaçet' e HIV-it

Organizata Botërore e Shëndetësisë (OBSH) po lëshon udhëzime të reja për mjekimin e pacientëve me HIV.

Me udhëzimet e reja, numri i personave që marrin ilaçet anti-retrovirale, mund të dyfishohet.

OBSH po rekomandon që mjekimi të nisë një a dy vjet më herët, duke u bazuar tek një studim i ri.

Studimi ka treguar se një hap i tillë, edhe pse i kushtueshëm, do t'i përmirësojë ndjeshëm gjasat e të infektuarve për të mbijetuar.

Për momentin, 4 milionë vetë në mbarë botën marrin ilaçe anti-retrovirale, por me rekomandimet e fundit, numri pritet të dyfishohet.

Studime të reja

Për herë të fundit, OBSH bëri rekomandime për pacientët me HIV-it para tre vjetëve.

Por që nga ajo kohë, studimet kanë treguar se ata që fillojnë mjekimin me ilaçet retrovirale kanë më shumë gjasa për të mbijetuar.

Kështu që tani OBSH-ja thotë se pacientët duhet të fillojnë t'i marrin ilaçet një a po dy vjet më parë nga norma aktuale.

Organizata thotë se ilaçet duhet t'u jepen dhe nënave me fëmijë në gji dhe grave shtatzëna që janë HIV pozitive.

Me këtë, thotë organizata, gjasat e mbijetesës së tyre shtohen dhe reduktohet rreziku i kalimit të virusit tek foshnjat.