Të shtunën(21.11.'09) arrijnë vaksinat e para kundër gripit A/H1N1

[Jana]

Grupi punues për menaxhimin e pandemisë së gripit të ri A/H1N1, i kryesuar nga zëvendësministrja e Shëndetësisë, Mybera Mustafa, të premten ka mbajtur një takim pune, në të cilin janë analizuar masat e ndërmarra deri më tani lidhur me menaxhimin e situatës rreth gripit në Kosovë.


Zëvendësministrja Mustafa dhe U. D. i Sekretarit permanent të Ministrisë së Shëndetësisë, Haxhi Kamberi, kanë folur për masat që ka ndërmarrë ministria duke siguruar furnizim të qëndrueshëm të institucioneve shëndetësore me barna dhe material shpenzues, medikamentin Tamiflu, si dhe është njoftuar se nesër në Kosovë, arrijnë vaksinat e para kundër gripit A/H1N1, donacion prej 5.000 dozave, të cilat Ministria e Shëndetësisë e Turqisë, i ka dhuruar donacion për Kosovën, me kërkesë të ministrit të Shëndetësisë të Kosovës, Alush Gashi.

Në takim, u tha se IKSHP ka planin e vaksinimit dhe me këto vaksina së pari do të vaksinohen punonjësit shëndetësor, sipas kategorizimit të kategorive prioritare, derisa ministria ka krijuar kushte që medikamenti Tamiflu dhe vaksinat kundër gripit sezonal të jepen edhe përmes sektorit privat nën mbikëqyrjen e MSH-së.

Drejtori i IKSHP-së Naser Ramadani ka raportuar për situatën epidemiologjike në Kosovë dhe ka konfirmuar se deri më sot, në Kosovë janë regjistruar 77 raste të Gripit A H1N1, shumica prej të cilave raste e kanë kaluar lehtësisht gripin, me përjashtim të një rasti që ka përfunduar me vdekje.

[teutaA]

e kush do i marr kto 5000 doza hmm a do te ju shiten edhe kto disave qe kan mundesi te paguajn apo do ipen sipas nevojes

[premium]

... Vetëm 5.000 doza vakcine në Kosovë ... apapapap..
me 5.000 veta paska me mbet Kosova uhuhuhu ;)

[pirro]

Viktima e dytë nga Gripi i Derrit

Nga N. Maxhuni më 21.11.2009 në ora 14:25
(Update) H. H., 31-vjeçare nga Prizreni, ka vdekur sot në Klinikën Infektive në Prishtinë, si pasojë e infektimit nga gripi i derrit.

Faik Hoti, zëdhënës i Ministrisë së Shëndetësisë, ka bërë të ditur se pacientja ishte hospitalizuar këtë të mërkurë, në orët e pasdites në Klinikën Infektive, derisa tetë ditë më përpara ishte trajtuar në mënyrë ambulantore nga mjekët në Prizren.

Shemsedin Dreshaj, drejtor i Klinikës Infektive, ka shpjeguar se e sëmura ka ardhur në gjendje të rëndë klinike, me shenja të insuficiencës kardio-respiratore, me pleuro-pneumoni të anës së majtë dhe pneumoni të anës së djathtë. “E sëmura tërë kohën ka qenë e trajtuar me Tamiflu, antibiotikë, kortizonikë, oksigjenoterapi, plus terapi tjetër mbështetëse”, citohet Dreshaj, në një komunikatë të shpërndarë nga MSH-ja.

Pacientja të enjten pas mesnatës, për shkak të përkeqësimit kontinual të gjendjes është intubuar dhe është vendosur në respirator në Klinikën Infektive. “Përkundër terapisë së lartshënuar, gjendja e të sëmurës në mënyrë të përnjëhershme përkeqësohet të shtunën dhe në orën e 9: 50 minuta përfundon më vdekje me tablo klinike të një insuficiencë akute kardiorespiratore”, thuhet në komunikatë.

Kjo është viktima e dytë nga virusi A/H1N1 në Kosovë.

[Peja-Boy]

Bëhet fjalë për një paciente 25 vjeçare nga Gjonaj i Hasit me inicialet H.H.

Ministria e Shëndetësisë konfirmon se në Kosovë është shënuar rasti i dytë i vdekjes së një pacienti tek i cili ishte konfirmuar prania e virusit të ri pandemik A H1N1. Pacientja me inicialet H. H. (1984) nga fshati Gjona j i Hasit, ka vdekur sot në Klinikën Infektive të Qendrës Klinike Universitare të Kosovës. Pacientja ishte hospitalizuar më 18. 11. 2009 në orët e pasdites në Klinikën Infektive, derisa tetë ditët para se të vinte në Klinikë ishte trajtuar në mënyrë ambulantorike nga mjekët në Prizren. Dr. Shemsedin Dreshaj, drejtor i Klinikës Infektive shpjegon se, e sëmura në Klinikën Infektive ka ardhur në gjendje të rëndë klinike, me shenja të insuficiencës kardiorespiratore, me pleuropneumoni të anës së majtë dhe pneumoni të anës së djathtë.
E sëmura tërë kohën ka qenë e trajtuar me Tamiflu, antibiotikë, kortizonikë, oksigjenoterapi, plus terapi tjetër mbështetëse. Pacientja të enjten pas mesnatës, për shkak të përkeqësimit kontinual të gjendjes është intubuar dhe është vendosur në respirator në Klinikën Infektive. Përkundër terapisë së lartshënuar, gjendja e të sëmurës në mënyrë të përnjëhershme përkeqësohet të shtunën dhe në orën e 9 e 50 minuta përfundon më vdekje me tablo klinike të një insuficiencë akute kardiorespiratore.
Ministria e Shëndetësisë dhe mjekët u bëjnë thirrje qytetarëve që të lajmërohen te mjeku familjar sapo të vërejnë shenja të dyshimta të gripit, sepse paraqitje me vonesë e bën të diskutueshëm mjekimin e plotë të rasteve të rënda.
Instituti i Shëndetit Publik në Kosovë u ka kërkuar të gjitha institucioneve shkollore që të bëjnë dezinfektimin e shtuar të të gjitha sipërfaqeve dhe nyjeve sanitare në shkolla. Ky institut po ashtu ka rekomanduar raportimin e mungesës së nxënësve me qëllim të vëzhgimit më të mirë të ecurisë së gripit pandemik AH1N1.
Sipas një komunikate të Ministrisë së Shëndetësisë, këto rekomandime të Institutit të Shëndetit Publik vijnë duke pasur parasysh grumbullimin e madh të nxënësve në shkollat fillore dhe të mesme të Kosovës dhe situatës epidemiologjike në vend.