Kur’ani - Burim I Udhëzimit Dhe Ndërtues I Jetës”

[Lapsi]

Një botë...

Një kujtim i kohës që shkon e nuk kthehet më. Një botë e mbushur me iluzione... Sakrificë në emër të...Vazhdoj të shohë të pakëndshmen...Gjithçka po lëvizë në mënyrë të kundërt nga e dëshiruara...
Fjala drejtësi është e pakuptimt. Dashuria e humbi peshën e vetë! Vullneti dhe vetëbesimi u venitën. Mardhënie të mira nuk ka...shokët dhe kolegët shiqohen në mes vete me syrin e interesit. Njerëzorja po e humb vlerën. Kështjellat e larta, të ngritura nga dija dhe shkenca, tani po shkatërrohen dhe zëvendësohen me ndërtesa të krijuara nga numri i madh i diplomava “SHKENCORE”.
...Zoti im, më shto diturinë!(Ta-ha:114)

Hë, një botë e shiquar nga një kënd tjeter, nga këndi i largësisë dhe e mbetur e izoluar dhe e vetmuar nga ndikimi i “civilizimeve” shumë të përfolura...njeriu në këtë botë jeton në hapsirën e fushës së polarizuar tensionesh të krijuara nga antivlera... Ndjenja e paqes dhe sigurisë është mbështjellur nga frika dhe shqetësimi. Lumturia që vjen nga brendësia e shpirtit dhe mendjes së shëndoshë është shndërruar në hamendje të kënaqësisë së përkohshme, njeriu interesohet për të sotmen si ta kaloje në dëfrime, kurse për të nesërmen nuk do të dëgjojë. Njerëzit veten e gjejnë në mes luksit. Paraja është vënë mbi gjthçka. I varfëri shfytëzohet pa mëshirë, për te flitet shumë keq, ai nuk gëzon të mira, ai përbuzet...
Ndihmouni mes vete me të mira dhe në të mbara, e mosni në mëkate dhe armiqësi. (El-maide:3)

Një botë që shiqohet si e pashpirtë, me nje panorame të zbehtë. Janë të paktë ata që mundohen t’ia japin ngjyrën e duhur. Mandej, edhe ata pak përpjekje i ngjasojne nje pikturimi që shpie në nje rrënim kërcënues. Gjithçka është në harresë...një shoqëri me standarde te edukimit të keq, pa mardhënie dhe interesa të përbashkëta... Secili shiqon ta shfrytëzojë tjetrin, të pasurohet në kurrizë të të tjetrit. Shpirti alturist thuajse nuk ekziston. Nuk shiqohet menyra se si të arrihet deri te pasuria, grada, pozicioni, fama... Tek ta mbisundon ndjenja dhe presioni për të fituar dhe për të pasur gjithçka në pronën e vetë... Një profesor ngacmon seksualisht studentet, një avokat kurorëzohet me një biznezmen, një sportist i cili nuk do të ballafaqohet me humbjen e një loje, përdorë drogë, një këngëtare që zbulon trupin e vetë...
Kudo që të jeni vdekja do t’ju kapë, po edhe në pallate të fortifikuara...(En-Nisa:78)

Një botë e kundërshtimeve dhe shpikjeve teknologjike. Një dhunim i njeriut dhe i natyrës... çdo kund shkatërrim, njeriu asgjë nuk vë në peshë. Probleme nga më të ndryshmet. Bëhen projekte vetëm nga jasht, në mënyrë sipërfaqësore. Ambienti po shkatërrohet nga kriza ekologjike dhe të ngjajshme që e kanë përfshi, e kjo është si rezultat i sëmundjes së harresës nga e cila vuan njeriu...
A nuk e sheh se All-llahu nënshtroi çdo gjë që gjendet në tokë, për të mirën tuaj... (El-Haxh:65)

Çdokund po shfaqen mëkate dhe krime, pasiguri, inate, zili e xhelozi, frikë, padrejtësi, dyshim, pesimizëm, arrogancë, hidhërim... A ka shpresë?
Njeriu është i pajisur me aftësinë e të menduarit, të arsyes dhe te kuptimit...Ai mund të kontrolloj emocionet... a i mund të krijojë një botë në dritën e kuptimit të vlerave...ai për të arritur deri te suksesi duhet ti kuptoj Udhëzimet Hyjnore, të cilat e drejtojnë drejtë të vërtetës. Do të krijojë një botë të përpjekjeve intelektuale dhe shpirtërore, me çka do të jetë i aftë të dije për ekzistencën e tij, lidhjen e tij me universin dhe me krijesat e tjera, qëllimin e krijimit të tij, se si ka ardhur në këtë botë. Nëse respektohet Udhëzimi Hyjnorë do të krijohet një botë gjithëka do të lëvizë në drejtim të duhur; dominim i dituris së shëndoshë, e mbështetur në të vërtën shkencore, njerëzit do të ndihmohen në mes vete, fqinji do të kujdeset për fqiun, ndarje në klasa nuk do të ketë, profesori do të jetë edukues i gjeneratave të ardhshme, pesimizmi do të zëvendësohet me shpresë...
...Ai (Kur’ani) nuk është bised e trilluar, por vërtetues i asaj që ishte më parë (librave të shenjta) dhe sqarues i çdo sendi, edhe udhërëfyes e mëshirë për një popull që beson (Junus:111)




Shkruar nga
Agim Jakupi
14.04. 2008

[Lapsi]

Islami dhe Demokracia

“Ai, i cili demokracin e barazon me mosbesim, nuk e kupton as Islamin, as demokracin”
(Jusuf Kardavi)

Në ditët e sotme hasemi në shumë polemika rreth asaj se Islami përputhet me demokracin apo jo. Një numër I madh orientalistësh të mëparshëm, musliman e perëndimor, mendonin se ndërmjet tyre ekziston një kontrast i madh. Këta grupe heterogjene, mesaduket nuk kanë qëndrim të njejtë dhe nga ajo shkaktohet habi. Kjo me siguri vjen nga ajo se disa grupe intelegjente muslimane, në fillim ishin të magjepsur nga Perëndimi, kurse sot janë të zhgënjyer nga morali dhe padrejtësia politike e Perëndimit, andaj edhe mohojnë gjithçka perëndimore, duke përfshirë edhe demokracin. Kurse, perëndimoret Islamin e shiqojnë si rrënues të nocionit eurocentrik, nocion ky i vlefshëm për ta. Sundimi I diktatorëve laik në vendet Islame ka luajtur rol jashtzakonisht të madh për paraqitjen e demokracisë si joislame. Përdorimi I veshjes islame nga ana e diktatorëve, propaganda e demokracisë si e huaj përshkak të veshjes na lë të kuptojmë për qëndrimin e tyre prej Makiaveli. Kundërshtarët tradicional të islamit për qëllim të largojnë edhe më tej islamin nga mendja e opinionit Perëndimorë, edhe në media edhe në rrethe politike nuk lodhen të përshkruarit islamin si një besim antidemokratik. Ajo çka është evidente, është politika e udhëhequr nga Perëndimorët që ju dalin në mbrojtje udhëheqësve diktatorë të vendeve që veten e quajnë islame. Ne nuk bëjmë krahasime ndërmjet sistemit islam I cili u formua shumë më herët, me institucionet demokratike perëndimore që u zhvilluan më vonë. Është më se e vërtetë se edhe demokracitë perëndimore nuk përputhen njëra me tjetrën, ata të përbashkët kanë vetëm parimin dhe ideologjinë e demokracisë. Me plotë bindje e pranoj thënien e Radwan Mesoud që thotë se:“Ne nuk e konsiderojmë demokracinë si alternativë të Islamit ose më të mirë se ai. Ne demokracinë e llogarisim si një parim Islam, të cilin i Dërguari Muhammed dhe sahabët e tij e mësuan dhe e zbatuan”, ngase është e vërtetë se zbatimi praktik i këtij parimi cilësohet si pararendësin Islam të demokracisë. Në Kuran lexohet qartë dhe pranohet parimi i konsolidimit të ndërsjelltë (Shura). Pra, që atëherë muslimanët qe urdhëruar për të marrë vendime përmes procesit të konsultimit, që përfshin përzgjedhjen e drejtuesve përmes mandatit publik dhe konsulitimit me ata që i përfaqëson gjatë marjes së vendimeve që ndikojnë tek ta. Qeveritë muslimane janë të detyruara që të ndjekin metodologjinë e Shuras. Aty nuk ka vend për diktaturë. Këtë e vërrejmë që nga paraqitja e islamit. Shembuj kemi shumë, vetëm në zotësinë e vet si profet kur përcjellte shpjegimet e marra nga Zoti, si dhe ua bëri të qartë se është njeri i zakonshëm që nuk mund të parashikonte të ardhmen dhe nuk thonte se kishte më shumë njohuri se njerëzit tjerë në fushat përkatëse të dijes. Shembujt flasin. Ndeshja e parë ushtarake mes muslimanëve dhe idhujtarëve është një dëshmi që flet për këtë. Edhe pse Muhammedi bëri planin e shpërndarjes së ushtarëve të tij, ai plan u ndryshua me sugjerimin strategjik që e dha njëri nga ndjekësit e tij. Muhammedi e pranoi këshillën, e zbatoi dhe rezultoi me fitore madhështore. Rast tjetër është edhe Beteja e Uhudit, kur Muhammedi mendonte të qëndronte në Medinë dhe aty të ndeshej me armikun, por diskutimet bënë që ajo të zhvillohet në Uhud. Nuk dua që të flas për betejën e Uhudit ku edhe Zoti dërgoi në suren 3 ajetin 159. Siç dihet se Muhammedi është profet i fundit, pas vdekjes së tij ai do të zëvendësohet nga një kryetarë shteti. Rasti i Ebu Bekrit është argument i zgjedhjes së një udhëheqësi të shtetit me anë të një debati të hapur...
E vërteta qëndron në atë se sikur gjërat të ishin zhvilluar dhe të ishte punuar sipas parimeve islame kur u bënin zgjerimet e perandorive islame dhe me zhvillimin e qytetërimit të tyre muslimanët do të kishin një qeverisje që do tua kalonte demokracive perëndimore dhe muslimanët nuk do të ishin zhytër në të metat e tyre. Veçojmë edhe Omerin kur ngriti vetëdijen e mbështetjes kur ishte në të drejtë dhe që ta përmirësonin kur ishte në gabim, qoftë edhe me majën e shpatës. Ajo që ndodhi pas sundimit të Omerit është shqetësuese dhe një nga ngjarjet më trishtuese të historisë islame. Akuza për nepotizëm dhe vrasja e Osmanit janë pjesë e atij trishtimi. Mandej edhe vrasja e Aliut është një goditje e rëndë ngase pas vrasjes së Aliut lind Shiizmi si lëvizje që vetën e konsideronin partizanë të Aliut. Ngjarjet e përmendura ishin momentet ogurzi të kalimit të pushtetit nga dora në dorë, që fatkeqësisht nuk ndodhi përmes mbështetjes së popullit, por me anë të shpatës dhe pasurisë. Ngjarjet e mëvonshme, kur kërkohej dituri, shkëlqente shkenca dhe u krijonte qytetërim, zbulojmë se të drejtat kushtetuese të popullit ishin të fuqishme. Sot duhet larguar polemikat në përgjithësi dhe duhet biseduar hapur për çështjet i tangojnë muslimanët. Nëse vendet islame nuk e vërrejnë dhe nuk e pranojnë lëvizjen islame drejt demokracisë dhe nëse haptazi nuk i publikon mendimet islame, bota islame asnjëherë nuk do të pranohet nga perëndimi si model, e as që plotësisht do të mund të zhvillohet brenda tij. Në këtë rast vlen të përmendet princi Charles i cili ka thënë se:”Ne jemi duke rrënë në një grackë të tmershme arogante, kur me modernizim në vendet e tjera nënkuptojmë se ata duhet të jenë sikur ne... Zemra e islamit është të perceptuarit e tij integral të botës... Këtë vizion integrues perëndimi dalëgadalë është duke e humbur”. Muslimanëve të cilët e shtrembërojnë demokracinë do tju thoja se demokracia nuk ka qenë asnjëherë e huaj për muslimanët, se vuajtjet e tyre e vazhdueshme kanë qenë diktatura. Në vend të ofendimeve muslimanët duhet kuptuar se dëshira themelore e demokracisë do të thotë të kesh kontroll sistematik te qeveritë për tu ndaluar çfarëdolloj diktature. Pra, esenca e islamit a nuk është lufta e diktaturës???! Në këtë rast e pëlqej dr. Murat Hofman kur thotë se gurrëthemel i parë e demokracisë islame është të pranuarit e Kuranit si kushtetutë më të lartë, për të vazhduar me legjislacionet e trupës ligjdhënëse me baza parlamentarizmi islamik për tu biseduar hapur me Shura dhe me zgjedhje të përgjithsme të lira ku do të zgjidheshin përfaqësuesit e popullit. Nga ana tjetër nuk pranoj demokracinë perëndimore ku edhe Zotit i vihet veto. Është më se e vërtetë se kushtetuta në islam bazohet tek sheriati, nga kjo del se çdo ligj që bie ndesh me të është jo kushtetues. Dhe brenda këtij konteksti rrjedh procesi demokratik. Dhe në fund islami shtrihet përtej imazheve edhe pse disa ekstremistë të zjarrtë dhe qeverisje despotike laike përpiqen tja humbin vlerën. Në fund të fundit dijetarët kanë shpallur se një shtet që zbaton drejtësinë edhe pse është joislam është më i mirë se ai shteti islam i udhëhequr nga tirani dhe padrejtësia në te.

Agim Jakupi

[Guri i madh]

ne islam nuk ka demokraci dhun dhe terror ne po shohim

[premium]

Postimi origjinal është bërë nga Guri i madh

ne islam nuk ka demokraci dhun dhe terror ne po shohim

Gjynahit .. të paskan dhunu shumë keq Islamikët ty.. çdohere që shpifesh me fjalët arogante

[Lapsi]

Postimi origjinal është bërë nga Guri i madh

ne islam nuk ka demokraci dhun dhe terror ne po shohim

Zoti nuk i udhezon mizoret qe me ane te shprehjes dhe veprimit shkaterrojne cdo gje, shkaterrojne ate qe shume veta me mund dhe djerse e kane ndertuar. Dhe nga ti nuk pres fjale te ngrohta ne kete drejtim. Ky koment nuk eshte se dua ty te komentoj por te mbroje ate qe kam shkruar me larte. Nese flasim me argumente historike do dalesh nje qyqar i vertete dhe per ate nuk dua te te pengoj ne rrugen tende te nje hileqari. Nese flasim ne aspektin diplomatik, aty do dalesh qesharak. Edhe ne kete rast do te le te lire se po te fola ne kete drejtim do te zbulohesh se komunizmi eshte ideologji e ytja.
Islami, deri me sot eshte kuptuar ne formen devijuese. Diplomati nga gjermania F. Hofman kur bene krahasime rreth sistemeve, Islamin e paraqet ne piadestal duke ua be me dije te gjitheve se ky sistem qendron mbi demokracin.

[premium]

I nderuar Lapsi
së pari të falendëroj për hapjen e kesaj teme që vlen për të kuptuarit dhe e diturit .
dhe e dyta ... dijuria yt nuk vlen të diskutohesh(është mëkat) me aq komplimente të mira për një njeri se është '' hiç'' e të harxhon kohën kot për një person se është i ngopur me injorime ndaj literaturave ku bahet fjalë për fejën Islame.

kët faktor i njohi çysh ma herët ???
është provokator.. dhe gjuhet çdo temës se përkasin fejës Islame.

selamealeykum Lapsi .
kerkoj falje se i nderhura fjalëve të tuaja.

[Lapsi]

Nuk e kam te qarte pse i vendosin te gjitha shkrimet ne nje vend. Secili shkrim eshte teme ne vete, mandej shkrimi :ISLAMI DHE POLITIKA NDËRKOMBËTARE eshte shkruar nga Shefqet Krasniqi e jo nga une

[GURI SYLAJ]

Kerkoj falje por ketu duhet te kemi kujdese!

Duhet bere ndarjet e duhura sepse ISLAMI eshte dicka tjeter e Demokracia eshte dicka tjeter!
DEMOS -KRATIS (Populli -udheheqe apo sundon) !Por megjitheate mbetet prap nje "aparat i dhunes " Ku dikush sundohet nga dikush!??
Kurse tek ISLAMI kemi krejt dicka tjeter -nese nuk gabohem !!?
Mandej edhe forma e sundimit (udheheqjes) ne shtetet qe i takojn Besimit Islam eshte aq e ndryshme sa qe nuk na mundeson te krijojm nje pasqyre te kjart per kete per te cilen neve po debatojm ketu!
Dikush ne nje teme ,si shembull te Demokracise ne Islam e solli rastin e Benazir Butos si udheheqese e shtetit por harroj se ne Arabine Saudite femra nuk ka drejete vote!!
Jan ceshtje te ndieshme dhe ,mendimi im eshte ,qe te kemi kujdese ne trajtimin e temave te tilla ku do te detyrohemi te perballemi me krahasime.

[Lapsi]

Postimi origjinal është bërë nga GURI SYLAJ

Kerkoj falje por ketu duhet te kemi kujdese!

Duhet bere ndarjet e duhura sepse ISLAMI eshte dicka tjeter e Demokracia eshte dicka tjeter!
DEMOS -KRATIS (Populli -udheheqe apo sundon) !Por megjitheate mbetet prap nje "aparat i dhunes " Ku dikush sundohet nga dikush!??
Kurse tek ISLAMI kemi krejt dicka tjeter -nese nuk gabohem !!?
Mandej edhe forma e sundimit (udheheqjes) ne shtetet qe i takojn Besimit Islam eshte aq e ndryshme sa qe nuk na mundeson te krijojm nje pasqyre te kjart per kete per te cilen neve po debatojm ketu!
Dikush ne nje teme ,si shembull te Demokracise ne Islam e solli rastin e Benazir Butos si udheheqese e shtetit por harroj se ne Arabine Saudite femra nuk ka drejete vote!!
Jan ceshtje te ndieshme dhe ,mendimi im eshte ,qe te kemi kujdese ne trajtimin e temave te tilla ku do te detyrohemi te perballemi me krahasime.

Po Guri, edhe Demokracia ne Islam eshte nje shkrimi imi qe kam shkruar me heret. Ceshtja aty ka te beje me trajtimin e demokracise. Vete muslimanet jane ne dileme ne kete rast. Dikush thote se nuk duhet te dilet ne votime e te tjeret po, ky eshte nje rast qe duhet te diskutohet dhe ti jepet vendi i merituar. Me plot te drejte e shtrove ceshtjen e B. Butos... ajo ishte viktim e mendimeve izoluese. Nuk arrijeti kuptoj te gjithe ata qe ne nje pike behen joreal dhe bejne trajtime sipas qejfit te vete. Ne kete rast Islamin e trajtoj si sitem qe nje nga parimet e tij eshte demokracia (ketu nuk mendoj per demokracin e homoseksualeve)

[premium]

mos të bazojmë ligjeratën Islame me ate të njerzimit ...
njeriu rrëshqet nga binari ., ndersa ligjerata vazhdon me zakonin e predifikume.

[4peace]

***

Këtu po flitet për mundësitë, si duhet të jet, teoritë… demokracia, islami…
S’mund ta marrësh për model ndonjë vend/shtet e të thuash: „Ja, ky është vend demokratik!“, apo „Ja, ky vend është model për islamin“.
Neve mundemi vetëm të bëjmë krahasime si: Filan vendi është më demokratik se Fistek vendi apo Filan vendi i përmbahet më shumë rregullave islame krahas Fistek vendit.

Po ta kishim një vend/shtet ku islami apo demokracia funksionojnë në mënyrë të përkryer, atëherë edhe vendet tjera do ta merrni si shempull për ta pasuar atë vend/shtet.

Unë personalisht preferoj ndonje vend apo rend shoqëror të atillë ku çdo gjë funksionon siç duhet, ku ka drejtësi, barazi e pas tyre (barazisë e drejtësisë) vie edhe paqja…
pa marrë parasysh se si quhen ato: demokratike, islame, kapitaliste, komuniste, irredentiste. Pra, shkurt e shqip, nuk më intereson etiketa/ambalazhi por përmbajtja.


***

[Lapsi]

"Ambalazhet" sunduese qendrojn mbi paqartesi, andaj nuk duhet te bejme krahasime mbi sistemet ne baze te emocioneve. Njerezit nuk e kuptojne nje gje: Sistemi eshte tjeter kurse menyra e sjelljes dicka tjeter. Ne kete rast nuk duhet te hezitojm, te kerkojm ndonje vend islam me demokraci, kjo eshte absurde. Si duket nuk po kuptohemi, Islami eshte sistem qe per parim ka ate qe ne e quajm demokraci ( kete term e perdorim per disa gjera e jo per demokracite qe sundojne ne perendim, ngase Islami nuk lejon homoseksual, leizbejka etj)

[Lapsi]

Cfare mesova


Agim JAKUPI


Mësova se njeriu është i kufizuar në logjik dhe sa i brishtë nga trupi...
Mësova që njeriu kërkon një fole që të sigurojë shpëtim...
Mësova se njeriu eshte krijuar për t’u lartësuar drejt një ideali të plotësuar dhe nga një jetë e amshuar...
Mësova se feja është shtylla më e madhe ku mund të mbështetet njeriu e që të triumfojë në luftërat e jetës, kur të ndeshet me shumë pengesa, kur të ndodhet para shumë aksidenteve...
Mësova se njeriu bënë qëndres të fortë kundrejt vuajtjeve dhe punëve të pasosura...
Mësova se njeriu pa fe, poshtërsinë apo çnderimin e konsideron virtyt...
Mësova trupi i njeriut mund të rregullohet duke ia siguruar vetes shëndetin dhe lumturinë – edhe ate :duke u ruajtur prej dëmeve e sëmundjeve që rrezikojnë shëndetin dhe duke përdorur ilaçe për shërim pasi të jetë dëmtuar një herë shëndeti...
Mësova se njeriu mund të jetë i lavdruar, nëse i respekton dhe ti dije shenjat që ekzistojnë, e rruga është e mbushur me ta, por i verbëri nuk i shiqon...
Mësova se njeriu edhe pse i shkruan ligjet, nuk i respekton ata...
Mësova se njeriu ka një fuqi, një aftësi që e ndihmon të dalloj të mirën nga e keqja...
Mësova se njeriu haron se kjo botë është si një gotë me helm, vrapojnë të pijnë prej saj ata që se dinë, e ajo për Zotin është vdekjeprurëse...
Mësova se njeriu është ndër krijesat më të çmuara, është udhëheqës në faqen e tokës...
Mësova se njeriu ka një çmim, një dinjitet e një nder mbi krijesat e tjera, por duhet pasur kujdes se shume shpesh bie nën ta...
Mësova se çdo njeri mendon se populli i tij është më i ndershëm, si dhe feja e tij është fe e vërtetë...
Mësova se njeriu e kujton veten një send të vogël, por çdo gjë që është në rruzullin e madh ka një shembëlltyrë edhe tek ai...
Mësova se njeriu jeton me nje stoli, ai është turpi...
Mësova se njeriu kur bënë një punë të madhe, ate e fillon me një hap të vetëm...
Mësova se njeriu është themelues i shumë civilizimeve, por edhe shkatrues i tyre...
Mësova se njeriu nuk është krijuar kot, ai në vete mbartë një amanet...
Mësova se njeriu lind për të vdekur, vdes për t’u ringjallur, ringjallet që të jep llogari për veprat e bëra në këtë botë...

[Lapsi]

MBI ÇËSHTJEN TONË


SHKRUAN: AGIM JAKUPI

"Ai është që krijoi vdekjen dhe jetën, për t’ju provuar se cili prej jush është më vepërmirë. Ai është ngadhënjyesi, mëkatfalësi!" (Kur`an, 67: 2).

Sot gjithçka është e papërfillshme. Shumë lëkundje dhe turbullira e kanë përfshirë botën. Toka është e mbështjellur me errësirë… Gjoksi i njeriut është ngushtuar… I verbër, i shurdhër dhe me sëmundje të zemrës ec në rrugën e shembjeve. Ai ndodhet në një krizë të thellë shpirtërore. Gjërat shikohen nga largësisa. Ndjenja e paqes dhe sigurisë është mbështjellur nga frika e plasjeve së bombave, që bota merr tiparet e pashpirtësisë, me nje panoramë të zbehtë... dhunimin e njeriut. Vlerat e larta njerëzore veç më kanë marrë trajtë tjetër, ata po veniten. Njeriu po harron fenë, veten, Zotin. Thirrja e pejgamberëve është shndërruar në lojë. Historia po përsëritet. Mesjeta është bë realitet. Atëherë feja krishtere u shndërrua ne fe idhujtare, ku njerëzit e fesë u larguan nga jeta e përditshme dhe u futën nëpër kisha duke ikur nga turbullirat dhe trazirat. Shumë nga ata mbanin anën e sundimtarëve të vendit duke i ndihmuar në mëkat, armiqësi dhe ngrënie të pasurisë së njerëzve pa të drejtë. Mirëpo, si atëherë edhe sot - shpresë ka, në shpirt ka mbetur një dritë e dobët që ndizet në zemrat e disa njerëzve. Mjafton që të mendojmë për veten, si erdhëm në këtë jetë, a nuk do e vërejmë se sa të kufizuar jemi në logjikë dhe sa i brishtë në trup? Duhet kërkuar fole që ta sigurojmë shpëtimin, duhet t’u kthehemi këshillave të Zotit, të kërkojmë ndihmë dhe nga NJË që është i Plotfuqishëm dhe NJË që është i vetmi Pushtetar, që të jetojmë të qetë.
Pastrimin e zemrës dhe pastërtinë e shpirtit njeriu duhet ta kërkojë dhe ta synojë ta fitojë, ashtu siç e ka sqaruar Zoti në Librin Hyjnor. Njeriut i mjafton të mendojë për vetveten, të shikojë librin e rruzullimit që tmerron mendjen, të hedhë hapat në udhën e kërkimit dhe të kureshtjes, që të arrijë që ta shuajë ndjenjën e shpirtit dhe të largohet nga ligësia që mos ta humbë më rrugën e të bie në humnerën e frikshme të skepticizmit. Ka mbetur njohja e mënyrës me të cilën bëhet pastrimi i zemrës dhe qetësia e shpirtit- ajo është dituria. E ai që përgatitet për dituri, zemra e tyre duhet të jenë të përgatitura, ashtu siç pregaditet toka për mbjellje, në mënyrë që çdo mëngjes dhe mbrëmje të kërkoje falje Zotit…
“… E ata që nuk pendohen, janë mizorë!” (Kur`an, 49: 11).
Zoti kur i ka përshkruar besimtarët dhe besimtaret e devotshme, ata që e ruajnë veten prej gabimeve, ka përmendur se prej cilësive të tyre është se ata bien në mëkat, ose së paku nuk mund t’iu ikin mëkateve të vogla. Mirëpo, dihet se jemi krijesa që bëjmë gabime, sepse të këtillë na krijoi Allahu i Lartësuar. Pejgamberi, alejhi selam, thotë: "Të gjithë bijtë e Ademit janë gabimtarë, por më të mirët prej tyre janë ata që pendohen!". Njeriu në këtë botë është vetëm një udhëtar. Që të ketë sukses në këtë rrugë ai duhet të bëjë sakrifica dhe të ketë bindje të fortë. Duhet stolisur në shkallë të lartë me urtësi dhe prirje për vazhdimësi të rrugës, ngase për shkak të sprovave ai mund të heqë dorë… dhe duke gjykuar mund të lirohet tepër dhe të krekoset, duke u krenuar dhe kështu të humbet.
Një poet thotë: "O ju që kënaqeni me të mirat e kësaj bote/Dijeni se ato janë kalimtare/Dhe se është marri të mashtroheni me freski kalimtare!
Ja, pra, çështja jonë është e tillë. Ndodhemi para gjendjes: të jemi apo të mos jemi! Ndërkaq, thelbësore është që, pas gjithë këtyre ndodhive që na përcjellin, struktura e re të mund të përgatitet në mënyrë më të përsosur, me themel dhe në përputhje me parime të shëndosha që burimin e kanë te Libri Hyjnor, që janë parime të palëkundshme. E kjo është rruga më e mirë që të dilet nga kjo vorbull, me një arsye e vetëdije të thellë, të themelohet bota e projektuar nga të gjithë ne. Në këtë mënyrë do të arrijmë paqe dhe qetësi… kjo është rruga më e shkëlqyeshme, që të obligon në bindje, respektim dhe përmbushje të obligimeve ndaj Tij…që gjoksi i njeriut të zgjerohet, zemrat e përçara të pajtohen dhe Toka e mbështjellur me errësirë të ndriçohet.

Ashtu qoftë!

[Psikologu]

Postimi origjinal është bërë nga Lapsi

"Ambalazhet" sunduese qendrojn mbi paqartesi, andaj nuk duhet te bejme krahasime mbi sistemet ne baze te emocioneve. Njerezit nuk e kuptojne nje gje: Sistemi eshte tjeter kurse menyra e sjelljes dicka tjeter. Ne kete rast nuk duhet te hezitojm, te kerkojm ndonje vend islam me demokraci, kjo eshte absurde. Si duket nuk po kuptohemi, Islami eshte sistem qe per parim ka ate qe ne e quajm demokraci ( kete term e perdorim per disa gjera e jo per demokracite qe sundojne ne perendim, ngase Islami nuk lejon homoseksual, leizbejka etj)

Të lutem , vetem këto të nenvizuarat nga une të i sqarosh me gjatë.
Flm