Krimet e SHIK-ut: Nazim Bllaca është vetëm maja e Aisbergut

[sefedin]

Ilmi Reçica organizator i vrasjes së Ahmet Krasniqit!

Pas gjoja shpërbërjes së SHIK-ut, krerët e tij janë akomoduar në kryeministri dhe nëpër Ministri të ndryshme dhe vazhdojnë veprimtarinë e tyre kriminale nën ombrellën e Qeverisë. Merreni me mend, organizatori i vrasjes së Ahmet Krasniqit, krimineli Ilmi Reçica, është njeriu kryesor në Këshillin e Sigurisë Kombëtare!

Ky është shkaku pse AKI, edhe 2 vjet pas shpalljes së pavarësisë, i ka vetëm 3 anëtarë sepse Hashim Thaçi dhe njerëzit si ai nuk duan institucione shtetërore, por shërbime personale, që i eliminojnë kundërshtarët e tij, qe i disiplinojnë mediat, që plaçkitin ndërmarrjet publike, që i vjedhin votat, qe i terrorizojnë qytetarët.

Një burim i jashtëzakonshëm për financimin e SHIK-un dhe klanit të Thaçit, që nuk ia di skajin pasurisë, janë Doganat e Kosovës, prej ku marrin shuma marramendëse të te hollave për aktivitetin e tyre antikosovë.

Të flasësh për këtë organizatë terroriste e kriminale pa përmendur kokën e saj, Hashim Thaçin, është e paimagjinueshme. Thaçi e SHK-u janë një kokë dhe një trup.

Se Hashim Thaçi është njeri i sëmurë e i rrezikshëm e tregon edhe sjellja ndaj prijësit legjendar të Kosovës Dr.Ibrahim Rugovës. Në bisedimet qe organizonte bashkësia ndërkombetare me njerëzit ma të rëndësishëm të Kosoves, ka ndodhur shumëherë që Thaçi duke qenë i ulur pranë Presidentit Rugova, t’ia shkel atij këmbën nën tavolinë deri sa ia ka gjakosur. Kjo ka ndodhur madje edhe në momentet kur Ibrahim Rugova ishte i sëmurë për vdekje.

Por ndër aktet më të rënda të Thaçit dhe organizatës së tij terroriste është padyshim roli që ai dhe banda e tij kanë luajtur në ngjarjet e marsit të vitit 2004, kur u kall krejt Kosova.

Fillim e mbarim këto ngjarje janë bërë nën orkestrimin e Hashim Thaçit, i cili atë kohë iku në Amerikë, për të spastruar veten dhe ia la dorës se tij të djathtë, Azem Sylës që me rrjetin e tij agjenturor t’ia fusë flakën tërë Kosovës.

Këto ngjarje që e kanë varrosur Kosovën dhe kanë përgatitur terrenin për copëtimin e saj u organizuan pë qellimin e vetëm që ky klan i rrezikshëm ta marrë pushtetin në Kosovë.

SHIK-u kontrollon Bankat në Kosovë, edhe ato private, agjencitë e sigurimeve, ku Thaçi ka vendosur vëllain e vetë në bordin kolektiv të këtyre agjencive dhe prej ku vjel sigurimet si bahqen e babait. Në këtë rast vlen të përmendet plaçkitja që ju bëhët mërgimtarëve në kufi, kur secili detyrohet të paguaj sigurim për veturen e tij, edhe pse çdonjëri prej tyre ka kartelë sigurimi të shteteve perëndimore të vlefshme kudo në botë, por jo edhe në çiflikun e Hashim Thaçit.

Ato të holla nuk regjistrohen askund…dhe vetëvetiu perfundojnë në xhepat e mafias thaçiste.

Pjesa kryesore e privatizimeve është bërë dhe behet përmes SHIK-ut, ku ai merr pjesën e vet.

Për shembull, pasuritë kryesore të Ferizajit janë në dorë të Ilmi Reçicës, vëllai i të cilit është baroni i drogës në Evropën qendrore; me mijëra hektarë tokë në rrethin e Pejës janë te Xhavit Halitit dhe të Adem Grabovcit. Me mijëra hektarë tokë në rrethin e Prishtinës dhe Drenicës janë te Azem Sylës, Sami Lushtakut apo të njerëzve të tyre.

I ngjashëm është edhe Rrustem Mustafa - Rremi, nënkryetar i PDK-së, i cili me vite e ka plaçkitur biznesin prishtinas, pastaj PTK-në deri te ardhja e vëllait të Fatmir Limajt aty, ndërsa tash po i vjel doganat si hardhine e gjyshes.

E tërë udhëheqja e PDK-së pra, është kupola e krimit të organizuar në Kosovë.

SHIK-u kontrollon të gjitha hotelet dhe motelet e Kosovës, ku shumë prej tyre janë të pajisura me kamera për incizimin e dhomave dhe sidomos të personave që qëndrojnë në to.

Qëndrimi prej servili i Fatmir Sejdiut i ka rrënjet te shantazhi, sepse SHIK-u ka dosje për të dhe sidomos për të birin e tij që punon në PTK.

Largimi i Veton Surroit nga politika i ka rrënjët te aktivitetet kriminale të SHIK-ut, te dosjet dhe sidomos te vjedhja e votave.

Në të gjitha zgjedhjet e pasluftës, SHIK-u ka qenë faktori kryesor i vjedhjes së votave.

Ka plot politikanë të Kosovës, të cilët shantazhohen sistematikisht nga SHIK-u, dhe ata, përfshi këtu sidomos Behxhet Pacollin, janë disiplinuar përmes dosjeve dhe veprimtarive të tjera përcjellëse të kesaj organizate terroriste.

Me një fjalë, storia e përgjakshme e SHIK-ut dhe krerëve të tij është e gjatë. Mjerisht, organet e Kosovës nuk mund t’i qërojnë hesapet me të.

I takon Ambasadës amerikane në Prishtinë që të jetë më e vendosur që ta çliroj për së dyti Kosovën, kësaj radhe nga ata që nuk kanë zgjedhur dhe nuk po zgjedhin mjete për ta sunduar, plaçkitur e përdhunuar shtetin më të ri të botës.

Pa angazhimin e drejtpërdrejtë të ambasadës amerikane, nuk do të mund të bëhet asgjë, sepse EULEX-i po shihet se ka prirje politike, ai ka nevojë për politikanë të zhytur në krime, sepse kështu do të mund të qëndrojë sa më gjatë në Kosove dhe ta bëjë perspektivën e saj si shtet i pavarur sa më të dyshimtë.

Siç dihet, edhe partitë e tjera i kanë shërbimet e tyre sekrete, por gjithsesi SHIK-u i Thaçit ua kalon të gjithëve. Kjo organizatë terroriste është kudo në Kosovë, është vetë shteti e pushteti.

[sefedin]

Është edhe një pyetje tjetër përveç kush është Nazim Bllaca. Kush është SHIK-u?

Nga Petrit Musolli

Gati krejt energjia publike është koncentruar në zbulimin dhe ndërtimin e profilit të Nazim Bllacës. Mësuam se ndoshta mentalisht është jo stabil! Mësuam se ndoshta ka qëndruar në Serbi! Mësuam se ndoshta është shantazhues! Ajo çka ka munguar gjithë këto ditë, është ajo për çka flet Nazim Bllaca. Nuk e kam fjalën për vrasjet dhe vrasësit që ai përmend. E kam fjalën për pyetjen më të madhe që, në një farë forme, ai e ngrit para neve:

KUSH ËSHTË SHIK-u?!

Ndoshta rrëfimi befasues e shokues i Nazim Bllacës, në fund nuk do të na zbulojë asgjë. Ndoshta tregimi i tij nuk do të na dal shkëndija që do të ndriçojë sadopak periudhën më të errët të vrasjeve enigmatike të pasluftës. Ndoshta edhe sektori i vrasjeve dhe vrasësit e tij do të na dalin të pavërteta. Por, Nazim Bllaca e ka zbuluar një të vërtetë! Ka zbuluar mjerimin tonë politik e shoqëror për të treguar të vërtetën, dhe vetëm të vërtetën. Është vërtet tronditëse paraqitja publike e Nazim Bllacës, për të gjitha ato që ai rrëfen. Por, hiq më pak tronditëse nuk është as qasja publike ndaj rrëfimit të tij dhe sidomos situatës së krijuar pas këtij rrëfimi. Trajtimi që i kanë bërë kësaj ngjarje shumica e mediave dhe sidomos opinionistët e tyre është njësoj shokues, por jo befasues. Prej ditës së diele, kur Nazim Bllaca me paraqitjen e tij publike tronditi opinionin tonë duke rrëfyer për disa nga vrasjet më të errëta të pasluftës, mund të shohim një angazhim dinamik publik, i cili më shumë ka për qëllim për të mbytur një tregim sesa për ta ndricuar atë. Shumica e mediave, gazetarët dhe analistët e tyre u mobilizuan, si rrallë herë, dhe u përkushtuan për të hetuar dhe zbuluar “të vëretetën”. Për të na “ndricuar” në këtë situatë konfuze e të frikshme. Gati krejt energjia e tyre është koncentruar në zbulimin dhe ndërtimin e profilit të Nazim Bllacës. Kush është njeriu që po rrëfen? Dhe, nga këto hetime e zbulime mësuam gjithcka për të. Mësuam se ndoshta mentalisht është jo stabil! Mësuam se ndoshta ka qëndruar në Serbi! Mësuam se ndoshta është shantazhues! Kanë mbetur edhe disa ditë aktive hetimi e zbulimi, për t’u vërtetuar – dhe, ja ku e kem të vërtetën. Të vërtetën që do të na lehtësojë. Një të vërtetë, që në fakt, do të na e fsheh të vërtetën e madhe! Ajo çka ka munguar gjithë këto ditë, është ajo për çka flet Nazim Bllaca. Nuk e kam fjalën për vrasjet dhe vrasësit që ai përmend. E kam fjalën për pyetjen më të madhe që, në një farë forme, ai e ngrit para neve: KUSH ËSHTË SHIK-u?!

Çka dimë për SHIK-un?

Krejt ajo çka dimë për SHIK-un është se; nuk duhet të pyesim për të!
I gjithë aktiviteti, përgjegjësia e llogaridhënia e SHIK-ut u përmbyll e ndryen me një paraqitje publike, para dy vjete, të shefit të tij, Kadri Veseli, i cili e shpalli të përfunduar misionin dhe veprimtarinë e kësaj organizate. Ndonëse nuk e dinim kush janë e cka kanë bërë, prap, zgjedhëm të mos pyesim. Nuk pyetëm, sic nuk lam kënd pa e pyetur për Nazim Bllacën. Nuk e hetuam, zbuluam dhe ndërtuam kurrë, sot e kësaj dite, profilin e njeriut më kontravers të organizatës më kontraverse të luftës dhe pasluftës. Nuk pyetëm kurrë se kush është ky njeri civil që shumëherë e shohim përkrah kryeministrit të Kosovës. Nuk pyetëm kurrë se kush është ky njeri civil që ka komoditetin të pranojë publikisht ekzistimin dhe udhëheqjen (gjatë gjithë kësaj kohe ) të një organizatë që nuk e dime as kush janë e as çka kanë bërë! Nuk e dimë as të kujt janë! Kjo elita e analistave e gazetarëve hulumtues, që zbuluan deri në detaje kush është Nazim Bllaca, asnjëherë nuk u mobilizuan e atraktuan të kuptojnë e mësojnë se kush është Kadri Veseli. A ka kërkuar ndonjëherë ndihmën e neuropsikiatrit Fatmir Xhelili, siç e zbuluan se Nazim Bllaca e kishte kërkuar. Nuk e hetuan dhe zbuluan kurrë se ku ka qëndruar dhe kah ka udhëtuar Kadri Veseli, siç i zbuluan e mësuan, kaq shpejt, të gjitha vendodhjet e Nazim Bllacës. Nuk pyeti as Qeveria, nuk pyeti as policia, as Kuvendi e asnjë politikan i vetëm.

Ramush Haradinaj, kohëve të fundit ndoshta ishte politikani i vetëm që nisi njëfarë sulmi publik kundër kësaj organizate, duke e akuzuar kryesisht për përfshirje në krimin e organizuar dhe si parapolitikë të kryeministrit Hashim Thaci. Dhe, rasti më i mirë kur Ramush Haradinaj është dashur, jo vetëm të flas, por edhe të bërtas – është rasti i Nazim Bllacës. Për çudi, Haradinaj, më shumë u shqetësua pse Bllaca po flet sesa për çka po flet. Haradinaj më shumë u preokupua pse policia nuk e arrestoi Nazim Bllacën sesa pse policia nuk po e heton rrëfimin e Nazim Bllacës. Kur, ndoshta të gjithë kemi pritur që Haradinaj të kërkojë ndalimin dhe marrjen në pyetje të Azem Sylës (njeriut më të përfolur në këtë rrëfim) ai kërkoi arrestimin e Nazim Bllacës, të njeriut që po flet. Është çudi se si politikën kosovare e bashkon gjithmonë një pikë, atëherë kur kërkohen hetime, qofshin për krime, qofshin politike, qofshin ekonomike. Ose tregohen neglizhent ose kontribuojnë direkt për t’i penguar ato. Por, t’i kthehemi pyetjes së madhe. Si është e mundur që, krahas Nazim Bllacës, të mos ketë as më të voglën kurreshtje publike për njeriun që gjithë këto vjet ka udhëhequr me organizatën më misterioze të Kosovës. Si është e mundur që madje as Kuvendi e asnjë parti politike nuk i ka bërë thirrje shefit të kësaj organizate të dëshmojë, qoftë edhe në ndonjë seancë të mbyllur për publikun – por, të hapur për të gjitha subjektet politike në Kuvend. Keq a mirë, drejt a shtrembët – të paktën, Nazim Bllaca, i’u nënshtrua pyetjeve, edhe atyre publike. U përballë me pyetjet. U përballë sepse kishim pyetje për të.
Si është e mundur që gjithë këto vjet nuk kemi pyetje për SHIK-un dhe reprezentuesit e tij publik?! SHIK-u nuk është e vërteta për të cilën nuk duhet pyetur! Atëherë, kush do të na rrëfejë për të?! Nëse ata jo – gjithmonë do të dal dikush që do të rrëfejë për ta. Por, mos të tronditen mandej.

Nazim Bllaca

Nuk është vetëm njeriu që na shokoi me rrëfimin e tij. Nuk është vetëm njeriu që na e prishi ditën e vikendit. Edhe nëse asgjë nuk ka të vërtetë në rrëfimin e tij, ai na vuri para sfidës më të madhe në Kosovë. Sa jem të gatshëm të luftojmë për të vërtetën. Për të vërtetën që mund të dhemb. Nazim Bllaca, nëse asgjë tjetër, na ka zbuluar fytyrat e vërteta të njerëzve të rremë. Të atyre njerëzve që nuk kanë as më të voglin respekt për të vërtetën. Përgjigja nuk mund të gjendet duke bërë vetëm pyetjen; kush është Nazim Bllaca – pa pyetur edhe; kush është SHIK-u?!


Marrë nga faqja e LDD-së në Gjermani

[Sibora]

Tani eshte koha te ndermerret diqka konkrete kunder rrjetes kriminale te udhehequr nga Taqi pasi u zbuluan gjurme krimi e hajnie(edhe pse i kemi ditur edhe me heret).

[premium]

Cfare masa konkrete te miren bre motër? kush mundet me marë se? përveq atyre se kan pru në pushtet.
-Shih pra, këtu janë lojra të medhaja , patjetër priten nga shtetet e huaja ne Kosovë të jetë situata kaose për vazhdimin e qendrimit te mandateve , sepse ne Kosove gjitha punet e interesin nuk jane mbaru , ende Kosova ka nevoje të mbilet me pasurite sekrete.
-Pata cek edhe ma heret me nje temë ku krryma në shtet është futur , dhe vazhdom të krymoset derisa mishin e terrin e shofim me kocka.