Krimet e SHIK-ut: Nazim Bllaca është vetëm maja e Aisbergut

roadrunner · 13-12-09, 21:19

Krimet e pasluftes qe jane bere per pushtet, nga gjakpiresit e te uriturit per pushtet e kane njollosur UÇK-ne. Nuk mund te thirret e gjithe Ushtria ne disa individ keshtu qe mos i merrni gjanat afer zemre. Poqese thuani se po njolloset Ushtria, ateher kur dalin fajtor keta gjakpires, kjo i bjen se UÇK-ja eshte bande kriminele. Keshtu qe mos u thirrni ne emer te UÇK-se kur flitet per individ qe kane gisht ne kete mizer. Ju vet po e njollosni. Çdo ushtri ka individ qe dalin jashte kontrollit, per ate nuk duhet te gjeneralizohen gjerat ne kete menyre. Ju ose nuk mund te kuptoni kete parim, ose po e perdorni si pike te dobet per t'i shpetuar ketij tmerri. Megjithate, secili do te pergjigjet per ate qe ka bere. Nuk jemi i vetmi shtet qe kemi figura te larta te involvuara ne krime, vetem se jemi shteti i vetem qe i kemi mbuluar, dhe mundohemi t'i zhdukim. Ishalla kesaj here JO.

Ashtu siç e tha Gani Geci, kjo ushtri ka rrenjet me heret (m'kujtohen ushtrimet qe benin te afermit e mi qysh kur isha 12 vjeçe).

Urata · 13-12-09, 21:37

Citim:

Postimi origjinal është bërë nga roadrunner

Krimet e pasluftes qe jane bere per pushtet, nga gjakpiresit e te uriturit per pushtet e kane njollosur UÇK-ne. Nuk mund te thirret e gjithe Ushtria ne disa individ keshtu qe mos i merrni gjanat afer zemre. Poqese thuani se po njolloset Ushtria, ateher kur dalin fajtor keta gjakpires, kjo i bjen se UÇK-ja eshte bande kriminele. Keshtu qe mos u thirrni ne emer te UÇK-se kur flitet per individ qe kane gisht ne kete mizer. Ju vet po e njollosni. Çdo ushtri ka individ qe dalin jashte kontrollit, per ate nuk duhet te gjeneralizohen gjerat ne kete menyre. Ju ose nuk mund te kuptoni kete parim, ose po e perdorni si pike te dobet per t'i shpetuar ketij tmerri. Megjithate, secili do te pergjigjet per ate qe ka bere. Nuk jemi i vetmi shtet qe kemi figura te larta te involvuara ne krime, vetem se jemi shteti i vetem qe i kemi mbuluar, dhe mundohemi t'i zhdukim. Ishalla kesaj here JO.

Ashtu siç e tha Gani Geci, kjo ushtri ka rrenjet me heret (m'kujtohen ushtrimet qe benin te afermit e mi qysh kur isha 12 vjeçe).

urime ju gjilangjite...! Veq Sejdiun me ate goje si bythe pule nuk e keni dhe aq t'livdueshem, flas per qendren...!

sefedin · 14-12-09, 17:37

Çdo përpjekje për ta barazuar SHIK-un me UÇK është vetëm tentim që të luhet me ndjenjat e njerëzve që kanë dhe ruajnë për UÇK.

Themelimi dhe qëllimi i UÇK-së ishte lufta kundër pushtuesit klasik serb dhe UÇK ishte shumë e gjerë e sidomos diversiteti i grupeve të para na dëshmon se aksionet e tyre u bënë nga grupe guerilësh që nuk komandoheshin nga një qendër. Por, me kalimin e kohës dhe zhvillimin e UÇK-se erdhi edhe deri te përvetësimi i aksioneve të si vetë UÇK-s nga njerëz që sot përfolën, për të mos thënë akuzohen, si pjesëtarë të SHIK-ut.

UÇK dhe SHIK, sot, në vetëdijen individuale dhe kolektive të shqiptarëve të Kosovës duken si dy organizata që përfaqësojnë të mirën dhe të keqen.

Ku i ka fillet SHIK dhe në ç’mënyrë një grup njerëzish i përvetësuan sakrifikicat e UÇK-s mendoj që më së miri e ka shpjeguar Muhamet Kelmendi, “PSE NUK U NDËRTUA FRONTI PËR ÇLIRIMIN E KOSOVËS”, botuar në Tiranë në vitin 1999.

Autori i librit ka qenë sekretar i LPK-së. Ai më së miri që në hyrje të librit shpjegon se ka frikë për likuidimin e tij fizik.

Veç frikës për likuidim fizik që ka manifestuar Zotëri Kelmendi, ai ka rrëfyer gjëra tronditës lidhur me shantazhet që iu kanë bërë Fehmi Lladrofcit apo Luan Haradinit kur kanë kërkuar të hyjnë në Kosovë. Pastaj, autori i ka përshkruar në detaje, ndërskamcat, kurthet, shantazhet deri te likuidimet dhe vrasjet e “kokëfortëve” brenda radhëve të veta apo kundërshtarëve politik se dhe veprimet tjera e të gjithë individëve apo grupeve që sot e dominojnë politiken në Kosovë dhe në Maqedoni.

Kur doli libri nga shtypi, thuhet, se kundërshtarët e Frontit për çlirimin e Kosovës, të cilët lehtë identifikohen nga çdo lexues, i kanë blerë të gjithë ekzemplaret dhe i kanë shkatërruar. Vetëm një numër shumë i vogël i ka shpëtuar inkuizicionit të ekzekutuesve!

Unë do të mundohem ta postoj këtu, nëse jo të tërin, së paku pjesët, për cilat mendoj se janë më interesante për lexuesin.
SK

sefedin · 14-12-09, 17:39

PSE NUK U NDËRTUA FRONTI PËR ÇLIRIMIN E KOSOVËS

Mr. Muhamet Kelmendi

Redaktore: Ada Hyso
Lektor: Skënder Zogaj
Arti grafik: Ana Hyso
Shtëpia Botiuese „ILIRIA“
Tiranë, 1999

Hyrje

Çështjet që do te shqyrtohen këtu, kanë te bëjnë me organizimin politik e ushtarak te luftës në Kosovë. Ne njërën anë, do te flitet për vetë subjektin politik e ushtarak (LPK-në dhe UÇK-në), ndërsa, ne anën tjetër, për subjektet politike legale, etj. Vetë ideja për ndërtimin e sistemit çlirimtar është e bazuar ne programin e LPK-së. Kjo organizatë deri ne maj 1998, bëri çka mundi për te ndërtuar Frontin Çlirimtar në Kosovë. Por, per te kuptuar këtë, do te ndalemi ne anën historike te UÇK-së, te punës se saj dhe te lidhshmërisë me LPK-në, si subjekt krijues dhe udhëheqës i kësaj force ushtarake.
Lidhur me këto çështje është shkruar, diskutuar e folur mjaft. Ka shkrime shumë pozitive,
sikundër që ka edhe të kundërta me te, përkatësisht négative. Ka te tilla që ende nuk e kanë kapur si duhet atë, ndonëse çështja ka shkuar aq para, saqë tani me ka kaluar ne subjekt individual politik e ushtarak, mbi te cilën po e ndërton jetën shoqërore.
Çështjet që do te shtrohen dhe shqyrtohen në këtë vepër, nuk janë gjë tjetër veçse përshkrim i punës se madhe shumëvjeçare për organizimin dhe ndërtimin juridik e politik te luftës çlirimtare ne Kosovë. Kuptohet se qëndrimet e vendimet e marra nga organet udhëheqëse, mbi organizimin toné ushtarak e politik nuk i kam, sepse ato kanë mbetur ne sekretarinë e LPK-së, si subjekti që e ka organizuar atë punë, por unë do te mbështetem në të dhënat që i kam shënuar gjatë punës sonë. Këndej, do te fus edhe disa letra, kërkesa e vendime origjinale, te cilat ne një kopje kanë mbetur tek unë, origjinale siç janë, ndërsa disa te tjera vetëm do te përmenden.
Është e kuptueshme se një analizë e tille e punës sonë ne fushën ushtarake, shumëkujt nuk do t'i shkonte përshtati, sepse këtu do te theksoj edhe emra te cilët janë te lidhur me çështjen tonë, me atë te UÇK-së dhe te luftës ne Kosovë. Gjatë këtij shqyrtimi del gjendja, prandaj edhe për atë, do te përpiqem te jap fakte konkrete te cilat nuk do të priten mire nga disa, ndërsa nga disa të tjerë, ndoshta edhe do te kërcënohem, sepse do t'i theksoj bash ne realitetin ekzistues të kohës.
Ne librin tim me kujtime nga UÇK-ja do te përpiqem te ndriçoj anën politike, atë juridike dhe ushtarake-çlirimtare te veprimtarisë sonë deri ne maj te vitit 1998, duke u mbështetur ne punën e Kryesisë dhe te KP te D.jv. që është bërë për te krijuar tabanin politik e juridiko-ushtarak dhe atë shtetëror për krijimin, organizimin e ndërtimin e UÇK-së. Duke e kapur këtë çështje me kaq rëndësi, do te dalë vetiu dhe koha e lindjes se saj, emërtimi dhe zhvillimi e pengesat e shumta te krijuara ne terren dhe ne forumet tona politike. Ndërsa, një pjesë e veçantë i kushtohet gjendjes duke nxjerrë edhe përfundime mbi pasojat dhe perspektivën e çështjes.
Një çështje po aq e rëndësishme sa edhe vête krjimi i saj është padyshim edhe mbrojtja
politike e juridike e UÇK-së nga LPK-ja, sikundër dhe ajo morale e diplomatike, që iu bë
aksioneve te saj kudo ne bote, pa dalë si krah ushtarak i LPK-së, ndonëse ishte e tille dhe për vetë shkakun se LPK-ja ishte për ndërtimin e sistemit politik shtetëror (Frontit Çlirimtar te Kosovës) me te gjitha subjektet politike e organizative ne vend. Veç kësaj, do të përpiqem me fakte te tregoj shkakun e krijimit te fondit "Vendlindja Thërret", si bazë e forte financiare për UÇK-në, e cila u krijua nga Kryesia e Degës j.v. të LPK-së dhe KP i saj, si formé e financimit te luftës brenda ne Kosovë.
Këtu do te flas edhe për raportet me subjektet politike e organizative në Kosovë, Shqipëri si dhe me qeverinë e Bukoshit, lidhjet e kontaktet me te, sepse as këto nuk mund te kalohen pa u shqyrtuar, pasi jo vetëm që nuk ka pasur bashkëpunim politik, por as financiar. Kjo gjë ka shpënë tek forcimi i fondit tonë "Vendiindja Thërret". Qeveria e pati kundërshtuar edhe unifikimin, (bashkimin) në sistem, të fondit "Vendlindja Thërret".
Po aq e rëndësishme është te kapet pikërisht çështja jonë edhe ne dritën e pikësynimit te LPKsë për ndërtimin e sistemit politik e juridiko - shtetëror në Kosovë (Frontit Çlirimtar ne
Kosovë), si formë për te ecur ne luftën tonë te madhe çlirimtare. Nëpërmjet tyre do të ndalem tek puna, aktiviteti dhe pengesat për ndërtimin e këtij sistemi. Këtë do ta përcjell edhe me disa letra që Kryesia u ka dërguar subjekteve dhe UÇK-së, te cilat i kam në pika te shkurtra, përkatësisht projektet e tyre te cilat ia pata paraqitur organeve udhëheqëse për t'i miratuar. Ato qenë dërguar në emër te LPK-së.
Natyrisht, ne këtë libër do té bëhet fjalë edhe për grupin politik (klikën) e krijuar ne kuadër te LPK-së e UÇK-së, si dhe për faktorët që kanë ndihmuar ne ndërtimin e klikës se tille, jashtë sistemit tonë te përcaktuar né programin e LPK-së, që mori nën kontroll UÇK-në. Nuk do të lihet pa u vënë ne shqyrtim edhe roli i subjekteve politike ne Kosovë,, sidomos i disa politikanéve, të cilët bënë çmos te mos lejonin ndërtimin e saj, kuptohet, për shumë fakte, po mbi te gjitha nga pozitat e tyre karrieristë, bajraktarë, financière e frikacake, sepse ai sistem kërkonte kalimin tonë ne vendin e çliruar duke qenë të lidhur me popullin. Po këtu do te shqyrtohet edhe roli i Tiranës zyrtare që ne periudhën 1997-98, ishte mjaft negativ dhe pengues.
Një punë jashtëzakonisht negative ka qenë lufta për të mos e ndërtuar Frontin. Ne këtë anë, kapunuar vête grupi politik i UÇK-së, Kryesia Teknike e Degës se LPKj.v. dhe klika e ndërtuar nga ana e tre anëtarëve te Kryesisë se vjetër për te mbizotëruar UÇK-në jashtë sistemit. Për te arritur formën e tashme te organizimit dhe këtë klikë e tille, ata krijuan grupe akuzuese ndaj Kryesisë se vjetër, duke e ngarkuar atë me akuza te pavërteta dhe pa fakte mbi vrasjen e shokëve ne Kosovë. Çdo gjë u vërtetua, sepse botërisht ishte treguar se ata kanë rënë në përleshje e sipër me pushtues, si ne Vushtrri ne janar te vitit 1997, kur ranë tre heronjtë e kombit tonë. Veç kësaj, bënë bllokimin politik te UÇK-së dhe me shpejtësi, duke u ndihmuar nga Kryesia Teknike e Degës se LPK-së jashtë vendit, e cita nuk ftoi për me se tre muaj asnjë mbledhje te KP e LPK-së, u devijuan përcaktimet politike dhe u ndërtua baza aktuale politike e UÇK-së, jashtë sistemit politik te përcaktuar ne Front Çlirimtar, si dhe nuk lejuan lidhjet me te.
Nuk kam dëshirë që ky punim te keqkuptohet, ne mënyrë që nga ai te kalohet ne hakmarrje fizike, ndonëse as asaj nuk i frikësohem. Por, jam i mendimit se ata që do te vihen ne spikamë,nëse kanë prova te paraqesin mendimet e veta dhe po ashtu të vihen ne ballafaqim faktet, nemënyrë që lexuesi t'i peshojë faktet pa qenë nën presion.
Kjo është demokratike.

sefedin · 14-12-09, 17:42

KAPITULLI I

ORGANIZIMI USHTARAK (UÇK) NË KOSOVË

Gjatë tërë historisë, populli shqiptar ka luftuar për çlirimin e vet kombëtar. Ai u kacafyt mearmiqtë e shumtë, duke u përleshur e luftuar, në mënyrë që të çlirohet nga pushtuesit, ata që e kishin pushtuar me arme dhe me dhunë e terror e mbanin nën okupimin barbar. Nga luftërat e gjata te popullit tonë doli shteti shqiptar, por i përgjysmuar. Shqipërisë iu shkëputën vise te tëra, te pastra shqiptare. Nga trungu i atdheut ndanë Kosovën dhe shumë vise te tjera, te pushtuara nga Maqedonia, Serbia e Mali i Zi, Greqia, te cilave edhe ua aneksuan. Mirëpo, përkundër ndarjes, populli ynë e vazhdoi luftën e tij çlirimtare. Pas LDB-së ai luftoi pandërprerë kundër pushtuesve serbo-jugosllavë. Me arme ne dore dhe nëpër rrugët, sheshet e malet e Kosovës, u ndesh me armikun dhe luftoi për çlirimin e vet. Nga dhuna e terrori i ashpër serbomadh u mbytën me mijëra e mijëra shqiptare. Ndërsa, me qindra e mijëra te tjerë, fëmijë e gra, burra e pleq, u dëbuan nga trojet e veta shekullore. Kjo dhunë e ashpër, terror e masakrim çnjerëzor nuk e ndali kombin tonë nga rruga e lirisë, por përkundrazi, ai dhjetëvjeçar pas dhjetëvjeçari, pas çdo goditjeje u riorganizua, duke dalë edhe me i forte se me pare. Natyrisht, edhe armiqtë e thelluan luftën dhe ndjekjet kundër kombit tonë, masat e dhunës dhe terrorin shtetëror. Ky veprim i ashpër i armikut, i kombinuar me masa dhunuese e terror fashist nga bazat shtetërore, te papara ne histori, parashtroi detyrën e organizimit te popullit tonë konform kushteve dhe rrethanave te krijuara te luftës për ekzistencë fizike e shoqërore. Ky pushtim mund te luftohej vetëm me organizimin ne përputhje me normal e ligjshme politike për te luftuar për liri, pavarësi e vetëvendosje kombëtare, forma këto te lejuara me akte ndërkombëtare. Organizimin ushtarak te Kosovës e paraqiti koha si kusht te domosdoshëm, pa te cilin kombi ynë nuk do te mund te luftonte me te gjitha mjetet dhe format për çlirimin e vendit, për pavarësi e demokraci, për një shtet te pavarur te Kosovës.
Por, për te ardhur deri tek ky organizim politik e ushtarak natyrisht që kishte vështirësi te
mëdha juridike, politike e te karakterit kushtetutor. Këto vështirësi e pengesa u tejkaluan,
sepse, vetë kompetentët sipas dispozitave kushtetutore nuk e organizuan atë punë. Kështu, u fitua ligjshmëria dhe, me punë e angazhim te madh te LPK-së, u organizua subjekti ushtarak ne Kosovë mbi bazat e dispozitave kushtetuese te shtetit.
Subjekti ushtarak (UÇK) u emërtua nga organizatori i këtij subjekti, përkatësisht Kryesia e
KP te LPK-së, Dega j.v., e cila e pati edhe përgjegjësinë politike, morale e diplomatike
përballë këtij subjekti, kombit e organizmave ne bote. Ky subjekt ushtarak kishte edhe normat e përcaktuara për ndërtimin e Frontit Çlirimtar te Kosovës dhe e financonte atë me
vetkontributin e anëtarëve. Me ndihmën e LPK-së u ndërtua, u dha kahja e aksioneve dhe u financuan njësitë e para te Ushtrisë Çlirimtare te Kosovës. Ne atë kohë (vitet 1990-1993) ende nuk ishte ky emërtim, por njësitë ushtarake siç ishin organizuar edhe vepronin. Atyre iu dha kahja politike e luftës çlirimtare te kombit tonë, duke krijuar bazën politike.

1. Bazat politike e juridike-organizative te UÇK-së

Duke u mbështetur ne dokumentet e organizatës, ne programin edhe ne statutin e LPK-së, në rezolutat dhe ne vendimet që dolën nga mbledhja e Pare dhe e Dytë, si dhe e Tretë e përgjithshme e LPK-së (vitet: 1987, 1989 dhe 1991), para organeve udhëheqëse te LPK-së, sidomos Kryesisë se KP-së, qoftë brenda qoftë jashtë vendit, u paraqit nevoja e organizimit te një subjekti ushtarak që do te fuste ne veprim te gjitha format dhe mjetet demokratike e ligjore te luftës, për te çliruar vendin dhe për te realizuar bashkimin kombëtar te popullit shqiptar, aspiratë historike e kombit tonë (Dokumentet e LPK-së deri ne MP te Trete).
Shumë herët u punua ne këtë fushë. Për te ndërtuar një ushtri u mbështetëm ne vijën politike te LPK-së dhe ne dispozitat juridike te kësaj organizate te popullit tonë. Ne organet udhëheqëse te kësaj organizate (ne Kryesi) nxorëm edhe sektorët për te gjitha sferat e veprimtarisë sonë çlirimtare, nga ato politike e juridike, deri tek sektori ushtarak, etj. Mirëpo, për te arritur këtë organizim ushtarak dolën edhe shumë detyra te mëdha ne fusha te ndryshme, sidomos ne ato politike, juridike e luftarake te cilat duhej te rregulloheshin, ne mënyrë që te arrihej tek organizimi i një subjekti ushtarak.
Këto çështje e preokupuan me vite te tëra Kryesinë e LPK-së.
a) Çfarë kishte sanksionuar LPK-ja
Siç dihet, LPK-ja ishte vete e përcaktuar si organizate çlirimtare. Ne programin e saj thuhej:
"Populli shqiptar lufton për te arritur çlirimin e Kosovës dhe formimin e shtetit te pavarur që do te përfshijë te gjitha trojet e veta nën pushtim, ku shqiptarët janë shumicë" (...).
Ndërsa për te arritur këtë pikësynim ishte sanksionuar: "Për te arritur pikësynimet kombëtare, çlirimin e vendit, LPK-ja do te përdorë te gjitha format e luftës çlirimtare: demokratike, paqësore dhe te kryengritjes se armatosur çlirimtare" (Programi i LPK-së).
Këto dy përkufizime juridike ishin bazë e veprimtarisë sonë politike e juridike ne kuadër te
luftës për çlirimin e vendit. Megjithatë, me kalimin e kohës ne aspektin ushtarak, përveç ne atë politik e organizativ, LPK-ja u stërkeq dhe nuk kishte mundësi veprimi. Këtu ndikoi jeta plurale ne vend, përkatësisht krijimi i një numri te madh te partive politike. Dalja ne skenë e këtyre partive si dhe përpjekja që te bëhej rezistencë për ekzistencën juridike e organizative te LPK-së, bëri që ky pikësynim programor te neglizhohej dhe gradualisht LPK-ja te kalonte ne parti politike. Ajo nuk u legalizua tek organet si parti, por veprimtarinë e vet, ne fakt e kishte te tille. Ndonëse e legalizuar ishte si organizatë, vetëm emërim e kishte te tille.
Kështu jeta e organizatës u dyfishua. Pas mbajtjes se Mbledhjes se Përgjithshme te Tretë ne vend, ne vitin 1991, ajo përfundimisht e humbi karakterin e vêt çlirimtar. Ne mbledhje brenda vendit u përcaktua vetëm karakteri politik i organizatës, si subjekt gjoja "legal'". Për atë shkak mbetën disa këshilla jashtë ingranazheve te saj, sepse nuk e pranuan atë legalizim. Ndërsa, ne botën e jashtme, ende u mbajt ne jetë kombinimi i formave legale me ilegale te veprimtarisë, por ne fakt, përballë subjekteve politike shqiptare dilte si subjekt legal. Kjo ne një anë dhe, ne anën tjetër neglizhimi i udhëheqjes se dalë brenda vendit për te vazhduar punën, për çka edhe Kryesia dha dorëheqje, bënë që tërë aktiviteti i LPK-së brenda dhe jashtë, përsëri te kalonte ne botën e jashtme, tek Dega j.v. Ne fakt ky ishte edhe vendimi i LPK-së. Nëse baza jonë atje mbetej pa organe udhëheqëse, detyrat e saj t'i kalonin Kryesisë jashtë vendit.

roadrunner · 15-12-09, 08:05

E qfare ka Nazim Bllaca te beje me permbajtjen e temes? Apo veq eshte permendur emri i tij sa per terhjekje te publikut? Apo ndoshta eshte eshte ndonje mize ner kapuq, po diqysh neve spo na tingllon ne vesh?

sefedin · 15-12-09, 18:03

Citim:

Postimi origjinal është bërë nga roadrunner

E qfare ka Nazim Bllaca te beje me permbajtjen e temes? Apo veq eshte permendur emri i tij sa per terhjekje te publikut? Apo ndoshta eshte eshte ndonje mize ner kapuq, po diqysh neve spo na tingllon ne vesh?

road... Tema ka te bej me Nazim Bllacen, sepse të njejtit njerez që Nazimi i akuzon, po te njejtit para 10 viteve i ka akuzuar edhe Muhamet Kelmendi.

Dallimi ehste se Nazimi e ka bere ne menyre me moderne me CD dhe paraqitje publike para kamerave të TV në qender të Prishtinës, e Muhameti me libër por në Tiranë.

Besoj qe u kuptuam

fadil · 15-12-09, 16:12

Pershendetje:

Nazim Bllaca nuk ka thene asgje me shum e as me pak se sa qe ka shkruar bota sote me vite, prandaj ato qe Nazim Bllaca i deklaron si fakte jane shkrimet e bota sote , dhe keto postime qe jane bere ketu po ashtu jan marr nga arkivat e bota sote. sja vlen as te shkruhet per ta sepse krejt populli e dine se keta vetem trillojn

sefedin · 18-12-09, 16:04

E ndrshova se postimi ishte gabim...

Guri i madh · 18-12-09, 18:05

populli din shum per vrasjet e pas luftes ,po problemi esht se ne ato vrasje kan ndihmue edhe organet e rendit

vjedhja e deshmive bashk me 50 kg heroin nuk esht ber nga njerzit kontrabandist po nga ata qe jan ne krye te hyqmetit

po n hiq pa hezitim po i permendi

HASHIM THAQI

ZENUN PAJAZITI

SHEREMET AHMETI

KTA JAN KUPOLLA E KRIMIT TE ORGANIZUAR

sefedin · 14-12-09, 18:21

Duke mos dashur të polemizoj, fare panjevojë me askë, lidhur me përmbajtjen e librit, do t'ia bëja një kërkesë publike Adminisratorit të dardania.de, që të bëj të mundur postimin e librit në fjalë të autorit Muhamet Kelmendit, pa ndërhyrje nga internotët tjerë.

Nëse s'ka mundësi teknike, atëherë do të vazhdoj edhe kështu dhe le të ironizojë kush të dojë, por kryesorja është të lexohet dhe secili/secila të kuptojë pse Kosova sot është në këtë gjendje që është dhe kush ishin ata që vranin shqiptarë gjatë luftës (sipas Z. Muhamet Kelmendit) e cilët janë sot sipas Nazim Bllacës!!

sefedin · 14-12-09, 19:30

Pushimi faktik i veprimtarisë se saj brenda vendit, e nxori Kryesinë e LPK-së, Dega j.v. para një akt te vështirë. Kësaj i duhej te punonte ne dy fronte: se pari, ne drejtim te zgjerimit te radhëve te LPK-së brenda vendit dhe, se dyti, ne drejtim te krijimit te bazës politike e juridike, për te organizuar një force ushtarake për te luftuar për çlirimin e Kosovës. Ne fakt, njësitë e para vetëm sa ekzistonin. Ato lindën nga ish-këshillat popullore ne vitet '90-'91, atëherë kur, pas dorëheqjes se Kryesisë u stërkeq organizata brenda vendit dhe shumë këshilla kaluan vetvetiu ne njësi ushtarake çlirimtare. Por, kjo forme nuk mjaftonte për një luftë çlirimtare. Duhej te punohej ne krijimin e bazës politike e shoqërore, përkatësisht te platformës se subjektit që krijohej. Kjo ishte përcaktuar politikisht vetëm nëpër mbledhjet e përgjithshme te organizatës. Baza juridike e politike ishte ndërtimi i një Fronti Çlirimtar te Kosovës, me bashkimin e te gjitha subjekteve shqiptare, pa dallim pikëpamjeje politike, ideje, krahine a vendi, por që janë për çlirim. Përjashtim bënte vetëm baza tradhtare. Kjo ishte e sanksionuar ne dokumente te LPK-së. Edhe ne mbledhjet e LPK-së, kuptohet, ato te përgjithshme, sidomos ne Mbledhjen e Dytë dhe te Tretë te Përgjithshme, te organizuara ne botën e jashtme, u nxorën edhe disa rezoluta ku tregohej baza politike e shoqërore dhe bëhej detyrë parësore e LPK-së, përkatësisht e udhëheqjes se saj, ndërtimi i një subjekt ushtarak, jashtë radhëve te LPK-së. Kjo duhej te luante vetëm rolin e udhëheqjes, kuptohet ne anën politike, juridike, diplomatike dhe ta financonte atë. Prej kësaj, madje para shpërthimit te luftës se armatosur, ishte përcaktuar ndërtimi i Front Çlirimtar te Kosovës, si forma e mjeti i vetëm për te çliruar Kosovën nga pushtuesit shekullor.
Mbi këtë bazë u kalua ne krijimin e bazës juridike për organizimin e njësive ushtarake. Që ne vitet 1991-1992 u vendës ne Kryesi platforma politike për subjektin e ri. Me atë bazë parashiheshin format e mjetet e luftës te cilat, përveç atyre pasive e aktive, përfshinin edhe mjetet çlirimtare për çlirimin e Kosovës. Kryesia e pranonte jetën plurale ne vend dhe ndërtimin demokratik te shtetit te Kosovës. Këtij përkufizimi politik te paraqitur nga Sektori politik e juridik i organizatës i mungonte vetëm ana juridike. Për këtë shkak, si sektor u mbështetëm ne rezolutat e MP te LPK-së dhe mbi atë bazë nxorëm vendimin për organizimin dhe ndërtimin e subjektit te ri. Ky ishte vetëm një përforcim juridik i vendimit për subjektin e ri, i cili ishte duke u organizuar (Vendimet dhe Rezolutat e LPK-se Degaj.v. të MP te Tretë).
b) Baza organizative për ndërtimin e UÇK-së Detyrë tjetër që doli para organit tonë ishte gjetja e formave për te dalë nga gjendja që u krijua brenda vendit. Degës jashtë vendit i duhej te merrte rolin udhëheqës, jo vetëm për ndërtimin e radhëve te saj brenda vendit, por edhe te subjektit ushtarak. Mbledhjet e LPK-së e përcaktuan këtë lloj organizimi, sepse brenda vendit, pas MP te tretë te saj, vitin 1991, u larguan Hydajet Hyseni, Mehmet Hajrizi, Gani Syla, etj, nga udhëheqja, madje Gani Syla edhe si krvetar. Kësisoj, mbetën radhët pa udhëheqje, gjë që i kaluan kompetencat e saj tek udhëheqja e LPK-së jashtë vendit. Kjo ndodhi për shkak se ky grup pati kërkuar zyrtarisht te dilej me deklarimin për te shpallur LPK-në inekzistente (Roporti informativ i Grupit te Organizimit te LPK). Ndërsa, si arsyetim jepej se, kjo organizatë gjoja ishte e tepërt ne jetën plurale te Kosovës, LPK-ja si organizatë ilegale e kishte kryer detyrën e vet politike e shoqërore dhe se, tash ishin partitë légale që vepronin ne vend.

sefedin · 14-12-09, 19:33

Ne kohën që po diskutojmë, Kryesia e Degës j.v. përbëhej prej Kryetarit Fazii Veliu,
Nënkryetarit Muhamet Kelmcndi, Sekretarit Emrush Xhemaili, Përgjegjësit Financiar Gafurr
Eishani dhe anëtarëve: AU Ahmeti, Xhavit Haliti dhe Agush Buja, që ne MP te katërt u
zëvendësua me Adem Grabovcin. Si Kryesi e KP te LPK-së Dega j.v. e zgjedhur pas MP te
Tretë mori tërë aktivitetin e LPK-së. Nga ky moment iu futëm punës si Kryesi për një
organizëm tjetër ne fushën ushtarake, krahas vazhdimit te punës për ndërtimin e LPK-së e cila parashikohej si bazë politike (Shënimet nga ditari i MK).
Mirëpo, për te kryer detyrat që shtronte koha, si organ i tërësishëm, vetëm me mbledhjet tona te organizatës, që ishin sanksionuar edhe ne program, ishte e pamundur. U desh te
grimcoheshin punët dhe te zgjidheshin sektorët për çdo fushë e veç e veç. Ne fakt, sektorët i kishim për veprimtarinë tonë te brendshme që nga vitet 1987, por tash lypsej rregullimi i tyre juridik dhe profesionalizimi i kuadrit ne to.
Ne këtë kohë nxorëm disa sektorë:
1. Sektori politiko-juridik me udhëheqës Muhamet Kelmendin, anëtarë Fazli Veliun dhe
Emrush Xhemailin, i cili ishte kompetent për anën politike dhe juridike. Ky sektor nxirrte
projektvendime, rezoluta, qëndrime e rregullore dhe i paraqiste para organeve për miratim.
2. Sektori për organizimin e radhëve te LPK-së brenda vendit, që kishte udhëheqës Emrush Xhemailin, ndërsa anëtarë Gafurr Eishanin dhe Ali Ahmetin. Këtij sektori i ndihmonte edhe Xhavit Haliti. Ky ishte sektor që duhej te gjente radhët brenda vendit dhe te strukturonte organizatën tonë atje.
3. Sektori i rëndësisë se veçantë, me udhëheqës Xhavit Halitin dhe anëtarë Ali Ahmetin dhe Emrush Xhemailin. Këta ishin përcaktuar si ndërlidhës midis Kryesisë dhe radhëve te njësive çlirimtare. Ky sektor përcillte vendimet e qëndrimet tona atje dhe anasjelltas, te atyre tek ne.
Merrej edhe me gjetjen e forcave te reja çlirimtare ne Kosovë (Shënimet nga ditari i MK).
Kishim edhe sektorë te tjerë, si sektori diplomatik me udhëheqës Rexhë Ibërdemaj dhe
propagandistik me udhëheqës Fazli Veliun.
Edhe këto i kishin te përcaktuara kompetencat e veta. Pastaj, ishte sektori financiar, për
agjitacion, mërgimtar, ctj. Te gjithë këta sektorë vepronin ne kuadër te Kryesisë se Degës
jashtë vendit.
Vjen këtu te përmendet edhe puna e madhe për gjetjen e formave te organizimit. Një punë te madhe për këtë ka kryer një ekspert nga Tirana, i cili na pati ofruar materialin e organizimit te kësaj veprimtarie, material që e shqyrtuam dhe e vumë ne bazë te organizimit tonë. Ky u morr edhe me aftësimin e kuadrit tonë për këtë detyrë te madhe kombëtare. Mbi këtë material i dha Kryesia edhe kahet e organizimit, duke u mbështetur ne format e organizimit te njësive ushtarake te vogla, pa numër te madh, ne konspiracion dhe nxori vendimet për mënyrën e veprimtarisë se tyre. Ne Kryesi u diskutuan edhe kahet e veprimit ushtarak. Ndërsa, u vendos që brenda vendit te shkohej vetëm tek ish-anëtarët e LPK-së, tek te burgosurit dhe tek ata që njiheshin për sakrifica, trimëri dhe me vetëdije kombëtare, te paimplikuar ne veprimtari destruktive dhe që ishin treguar me vepra luftëtarë te zotë te çështjes kombëtare.
Krahas kësaj, ne Kryesi u diskutuan edhe format e veprimtarisë ushtarake te njësive që
organizoheshin, forma këto që i jepnin karakter politik veprimtarisë çlirimtare, duke dhënë
kahet e saj, objektivat dhe forcën juridike te veprimtarisë. Për këtë nga sektori politik e
juridik iu propozua Kryesisë se LPK-së te nxirrej ky vendim: "Njësitë ushtarake çlirimtare
duhet te organizohen ne njësi te vogla ushtarake, me konspiracion dhe disiplinë te rreptë. Ato kanë te drejtë te veprojnë vetëm kundër forcave pushtuese te armikut, njësive policore e ushtarake te pushtuesit dhe objekteve me rëndësi ushtarake e shtetërore. Ne punën e sipërduhet te zgjerohen dhe te riorganizohen.
Ne punën e vet çlirimtare, njësitë nuk guxojnë te kryejnë aksione kundër popullsisë civile,
fëmijëve e grave, ne vendet publike dhe kundër objekteve social-kulturore, etj. Kjo për shkak se, nëpërmjet kësaj kalohet dhe vlerësohemi ne ushtri "terroriste", akuzë te cilën pushteti i Beogradit po e përdor kudo, ne bote dhe brenda vendit" (Projektvendimi i LPK-së).
Ky vendim u aprovua njëzëri.
Megjithatë, ky vendim paraqiti për detyrë dhe po ne këtë mbledhje u vendos, që ne te
ardhmen, te shkohej kah rregulli juridik i subjektit që po organizohej, kuptohet një akie
normative e me dokumente tjera. Ne Kryesi u kërkua që te ushtroheshin anëtarët që do te
futeshin ne këtë subjekt ushtarak dhe, te gjendeshin e te punohej edhe me forcat ushtarake, oficerët shqiptarë ne Shqipëri, që ishin aktivë a te pushuar nga puna dhe me oficerët shqiptarë nga Kosova, që gjendeshin nëpër vendet e ndryshme ne bote. Me vonë krijuam edhe grupe te veçanta te punës për çështjet e tilla, përkatësisht sektori për punë me oficerë si dhe për çështje te tjera te rëndësishme për luftën tonë çlirimtare.
c) Baza politiko-juridike për ndërtimin e UÇK-së
Pas nxjerrjes se vendimeve politike ne Kryesi, u kalua ne realizimin e tyre juridiko-politik. Ky organ shkoi kah gjetja dhe dhënia e bazave politike e juridike, si për organizimin, ashtu edhe për aktivitetet dhe veprimtaritë e tjera te saj, mbi te cilat duhej te ndërtohej ushtria jonë.
Çështje që domosdoshmërish duhet te përmendet, është qëndrimi unanim i atëhershëm i
Kryesisë se Degës j.v. për disa çështje politike, juridike e ushtarake, mbi te cilat u punua. Veç kësaj, u përcaktuan edhe disa parime, te cilat duhej gradualisht te zgjidheshin nga ana jonë, ne bashkëpunim me organet që do te dilnin nga njësitet çlirimtare te Kosovës, pra bashkimi politik e ushtarak ne Front. Kryesia e Degës pati vendosur mbi disa çështje, mbi te cilat u punua deri ne vitet 1997-1998.
a) Ishte vendosur që shtrirja territoriale e njësive te ishte ne gjithë territorin shqiptar te
pushtuar nga ish Republikat e Jugosllavisë, sepse ne atë kohë ato nuk ishin ende shtete te pavarura, ndonëse ishte marre vendimi që aksionet ne Maqedoni dhe ne Mal te Zi te
kryheshin vetëm me urdhër te Kryesisë, pavarësisht nëse ekzistonte bashkësia shtetërore apo jo (Jugosllavia). Kjo duhej te bëhej duke i analizuar rrethanat ne tërësi, qoftë te brendshme, qoftë te jashtme, prej nga duhej te vendoste edhe për subjektin që do t'i merrte ne përgjegjësi aksionet çlirimtare ne këto republika jugosllave.