GRAMATIKA

[Hajdede]

Në vijim, disa shembuj se kur duhet përdorur 'time', 'sime', 'tonë', 'sonë', 'saj', 'së', 'së tij', 'sate' etj...



-Nëna ime është e sëmuar, nënës sime i ka rënë gripi.

-Nëna e Lulit është e sëmuar, nënës së tij i ka rënë gripi.

-----------------------------, nënës së saj-------------¨.

Motrës sime
Vëllait tim
Tezes sime
Shoqes sime
Shokut tim
Shoqërisë sime
Dashurisë së nembur
Dashurisë së ëmbël
Mësueses sime
Mësuesit tim
Shkollës sime
Lojës së djeshme
Ngjarjes së sotme
Ditëlindjes sime
Motos së rëndësishme 'ja vdekje, ja liri'
Politikës së jashtme
Një pjesë e qendrës së Prishtinës (sonë) është e mbushur me plot mbeturina. (Fatkeqësi)


Kryetari i Republikës së Kosovës do të vizitojë Amerikën, kryetarit të Shteteve të bashkuara të Amerikës i erdhi shumë mirë.




Finalja e së nesërmes quhet Liga e Kampionëve.

Interneti i sotëm është i zhvilluar, por, ai i së nesërmes është i paimagjinueshëm.

Shikoji këta të dy fëmijë të vegjël, janë artistë të së nesërmes (parandjenjë).


Motra jonë lindi djalë, t'i themi urime motrës sonë.

Kujtimet e të së kaluarës sonë.

Mirupafshim në manifestimin e së nesërmes!

Tregoji nënës sate që edhe ti do të vish me ne.

Sot është Dita e grave, blijani një lule nënës suaj, motrës suaj, motrave tuaja, vëllait tuaj gay...më falni...të dashurës suaj, dashnores suaj, shoqes suaj, nuses suaj, shoqeve tuaja etj..

[Hajdede]

Kur duhet perdorur: (ju ), (iu ), (ua ), (ia ), (ja ), (juaj ), (juaja ), (tuaj ), (tuaja ), (tu ), (t'u ) etj..

Disa shembuj shkurt dhe qartë.

Fillojmë me "ja". Kam vënë re që shumica këtu e ngatërrojnë këtë pjesëz me trajtën "ia", p.sh. në vend se të shkruajnë "ia vlen" ata e shkruajnë "ja vlen", "ia dhuroi" e shkruajnë "ja dhuroi" etj..

Tani, kur mund të përdorim pjesëzën "ja"?, lexojini me kujdes shembujt në vijim:

Ja si ndodhi, dëgjomëni mua. Unë po ecja rrugës sime kur, ja, ai u shfaq.

Ja shtëpia ime, shikojeni dhe vlerësojeni.

Ja, më në fund zbardhi drita. Ja, shkova dhe erdha.

-----------------------------------------------------------------------------------------------

Vazhdojmë me trajtën "ia".

Unë ia dhash asaj fjalën, por ajo prapë nuk më beson.

Ajo ia dha atij fjalën, por ai prapë nuk i beson.

Përse ata nuk ia dhanë asaj librin?

Nuk ia vlen të merremi me njerëz të atillë!

Nuk ia fal gabimin, sot e shtatëqind vjet!
-------------------------------------------------------------------------------------------

Vazhdojmë; trajta "ua". Lexojini me kujdes fjalitë poshtë, po të njëjtat, sikurse ato sipër (shih te "ia"), sesi ndryshojnë në trajtën "ua", përveç shprehjes "ia vlen", e cila kurrë nuk ndryshon.

Unë ua dhash atyre fjalën, por ata prapë nuk më besojnë.

Ajo ua dha atyre fjalën, por ata prapë nuk i besojnë.

Përse ata nuk ua dhanë atyre librin?

Nuk ia vlen (qoftë në numër njëjës apo shumës, "ia vlen" nuk ndryshon kurrë) të merremi me njerëz të atillë!

Nuk ua fal (atyre) gabimin, sot e shtatëqind vjet!

---------------------------------------------------------------------------------------------

Vazhdojmë me trajtat "ju"dhe "iu" njëkohësisht që ju të mundeni t'i dalloni më lehtë.

Unë ju thash juve jo, por ju s'marrkeni vesh.

Unë iu thash edhe atyre jo, por as ata, me sa pash, nuk marrkan vesh.

Iu the atyre që dasma fillon nesër? -Jo, unë ju thash juve që ju t'iu thoni atyre që dasma do të fillojë nesër! Atëherë, as unë s'do t'iu them (atyre).

Ju jeni ata të cilët e vodhët arin!

As ju as ata, por vetë unë.

Ju të rinjtë në një anë, ju pleqtë në tjetrën anë.

---------------------------------------------------------------------------------------------

Vazhdojmë me "tu" dhe "t'u", po ashtu njëkohësisht.

Këta djem, janë shokët e tu?

Fëmijët e tu.

Për t'u shkolluar (unë, ti, ajo, ata, ai, ju, të gjithë), duhen shumë para.

Ka për t'u shuar ky vend, nëse ti s'do të jesh më këtej.

Shkoi të studiojë jashtë, porse qare s'ka, ka për t'u kthyer një ditë.

Veprat e liderëve tanë janë për t'u ardhur keq.

Është për të ardhur keq sa shumë korrupsion ka në Kosovë.


Vini Re!!! Assesi, pra kurrë, as dhe një herë, nuk guxojmë të shkruajmë
"Ka për t'u thënë atyre shumëçka", ngase do të ishte gabim fatal nëse në vend të "t'iu" të përdoret "t'u" në rastin që ceka. Saktë është "Ka për t'iu thënë atyre shumëçka.". Pra, le të gabojnë mediet, politikanët tanë, Radio Televizioni i Kosovës dhe televizione të tjera shqiptare, por ju mos gaboni!!

------------------------------------------------------------------------------------------------------










Vazhdon......