"fati" i Kosovës në duart e vendeve arabe

[murrizi]

Ish-ministri i Jashtëm i Kosovës, Skënder Hyseni ka thënë se Kosova u tradhtua nga një sërë vendesh të cilat nguruan ta njohin si shtet edhe pas vendimit të Gjykatës Ndërkombëtare të Drejtësisë (GJND).

Në një intervistë për Top Channel, Hyseni është shprehur se vendet mike të Kosovës dhe SHBA-ve mund të bënin më shumë në sjelljen e njohjeve të reja të pavarësisë së Kosovës, sidomos pas GJND-së.
“Unë e kam shpjegimin pse shumë njohje nuk kanë ardhur. Kosova ka bërë atë që është e mundur të bëjë, ndërkohë që njohjet në një fazë të caktuar të zhvillimeve nuk varen nga Kosova. Varen kryekëput nga shtetet përkrahëse të Kosovës dhe nëse ato shtete përkrahëse gjithë presionin e duhur në vendet që nuk e kanë njohur ende Kosovën. Përshtypja ime është që pas rezolutës së OKB-së shtetet përkrahëse të Kosovës nuk kanë bërë presionin e duhur, të gjitha pa përjashtim tek vende të ndryshme që ta njohin Kosovën”, ka thënë Hyseni.