Lajme Aktuale....

[Guri i madh]

fatmirsisht disa politikan kan fillue te vedisohen e mos te frigohen nga realiteti

ky esht BAJRAM REXHEPI i cili e ka vlersue realisht EULEXIN edhe e ka fol realitetin

po sa gjat do te qendroj ne ket post ,mvaret nga HASHIM THAQI



------------------------------------------------------------------------------------------------

Rexhepi nuk i luan fjalët për EULEX-in

Publikuar: Sot, më 28 prill 2011





Prishtinë, Bajram Rexhepi nuk tërhiqet. Pak kohë pasi kishte kryer sqarimet e nevojshme tek zëvendësëshefi i EULEX-it, Andy Sparkes, ai u ka thënë shkurt gazetarëve se nuk tërheq asnjë pikë dhe asnjë presje nga ajo që ka thënë për këtë mision. “S’ka hair prej EULEX-it. Zot ruana prej tyre”, është lutur ministri i Brendshëm, në një intervistë për Kohën Ditore. Qëndrime të ngjashme po mban edhe zëvendëskryeministri Hajredin Kuci. Sparkes është hidhëruar me këto qëndrime të zyrtarëve kosovarë dhe këtë e ka shfaqur një ditë më parë në një konferencë.

[Neferta]

Lakimi i autostradës, i paligjshëm dhe i papërgjegjshëm

Prishtinë, 28 prill 2011 - Opozita ka kritikuar ashpër sot në Kuvendin e Kosovës vendimin e qeverisë për të ndryshuar trasenë e autostradës Vërmicë Merdar, ndërsa Kryeministri Hashim Thaçi e cilësoi shqetësues kundërshtimin që i bëhet ndërtimit të autostradës. Kryetari i Grupit parlamentar të LDK së, Ismet Beqiri, e ka quajtur të paligjshëm dhe të papërgjegjshëm vendimin e Qeverisë së Kosovës, për ndryshimin e trasesë së autostradës, e cila nuk do të kalojë nëpër Shtime, por nga Qafa e Dulës në drejtim të Orllatit, për t'u lidhur me magjistralen Pejë - Prishtinë. "Vendimi për ndryshimin e trasesë pa u shtruar si çështje në Kuvendin e Kosovës, tregon se kjo qeveri bën çfarë të dojë. Lëre që ne nuk kemi ide për çmimin e kësaj autostrade, por gjatë rrugëtimit të projektit po devijon edhe traseja", theksoi Beqiri. Por sipas Kryeministrit Thaçi, me këtë devijim të trasesë do të kursehen 350 milionë euro, ndërsa do të shtohen vetëm shtatë minuta kohë. Edhe deputeti i AAK Daut Haradinaj tha se nëse ky projekt është transparent është vetëm për Qeverinë, por jo edhe për qytetarët e Kosovës.

[Neferta]

Piloti veteran Afgan ushtar vullnetare i Al kaides
Sulmi ne aeroportin e Kabulit 8 ushtare te vrar amerikan dhe nje kontraktues civil.
Zëdhënësi i Ministrisë Mbrojtjes Gjenerali Mohammad Zahir Azimi tha se i armatosuri ishte një oficer i cili kishte shërbyer si pilot në ushtrinë afgane për 20 vitet e fundit. vrasesi- i identifikuar si Ahmad Gul, 48, i nje qyteti pran Kabulit Vrasesi vdiq në një shkëmbim zjarri që pasoi pas vrasjes se ushtarve amerikan

[Llapjani_HH]

Jakupi ia tregon "dhëmbët" PDK-së

Jakup Krasniqi më i sinqertë se kurrë.
Njëkohësisht me i paduruar ndaj PDK-së e veçmas komandant Kamishit.

Dy ditë pasi iu refuzuar në kryesi kërkesa që të hetohen krimet e pasluftës në Kosovë, Bekim Haxhiu sërish në Kuvendin e Kosovës ka kërkuar që të aprovohet kërkesa e tij për hetime. Pasi ka përfunduar me kërkesën, përgjigjen negative nuk e ka marr nga partitë e tjera por nga Sekretari i Përgjithshëm i partisë së tij, kryetari i Kuvendit, Jakup Krasniqi.

Ai i ka thënë që të gjithë ata që kanë prova apo fakte për ndonjë krim le ti drejtohen Prokurorisë dhe gjykatave kosovare e të mos e shndërrojnë Kuvendin e Kosovës në një arenë diskutimesh për krimin pasi këtë duhet ta bëjnë organet e tjera.

Pas kësaj, Kamishi nuk u bë i gjallë. /indeksonline/
Mesazhi.com

[Guri i madh]

Postimi origjinal është bërë nga Llapjani_HH

Jakupi ia tregon "dhëmbët" PDK-së

Jakup Krasniqi më i sinqertë se kurrë.
Njëkohësisht me i paduruar ndaj PDK-së e veçmas komandant Kamishit.

Dy ditë pasi iu refuzuar në kryesi kërkesa që të hetohen krimet e pasluftës në Kosovë, Bekim Haxhiu sërish në Kuvendin e Kosovës ka kërkuar që të aprovohet kërkesa e tij për hetime. Pasi ka përfunduar me kërkesën, përgjigjen negative nuk e ka marr nga partitë e tjera por nga Sekretari i Përgjithshëm i partisë së tij, kryetari i Kuvendit, Jakup Krasniqi.

Ai i ka thënë që të gjithë ata që kanë prova apo fakte për ndonjë krim le ti drejtohen Prokurorisë dhe gjykatave kosovare e të mos e shndërrojnë Kuvendin e Kosovës në një arenë diskutimesh për krimin pasi këtë duhet ta bëjnë organet e tjera.

Pas kësaj, Kamishi nuk u bë i gjallë. /indeksonline/
Mesazhi.com

une nuk po shof pa ndegjushmerin e jakupit ndaj PDKes po kjo esht nji tentativ e jakupt qe mos te flitet per SHIKun ne parlament ,nga frika se populli do te ket ma shum njohuri per ket organizat kriminale


e aktpadia ne prokurori kalon pa kurfar zhurme edhe populli nuk do te ndegjoj shum per ket organizat terroriste kriminale ,kur duhet se punimet e kuvendit deri ne ora 17 jan online


e dihet prokurorin e ka HASHIM THAQI ne duart e veta

[Llapjani_HH]

Hiqen taksat me Serbinë, mbahen me Kosovën

Shkëmbimet tregtare me Serbinë pritet të rriten akoma e më shumë, kurse me Kosovën mund edhe të përkeqësohen.

Me stadin aktual të tarifave doganore, Shqipëria ka kryer volume të mëdha tregtie me shtetin e Beogradit, ndërsa me vendin më të afërt, Kosovën, niveli nuk paraqitet aty ku duhej, por me ndryshimin e fundit të taksave raporti me këto vende do të thellohet.

Një tjetër marrëveshje e tregtisë së lirë me vendet e rajonit, në kuadër të CEFTA-s pritet të miratohet së shpejti nga Kuvendi i Shqipërisë.

Gazeta “Shqip” ka mësuar strukturën e re të tarifave doganore me vendet e CEFTA-s, ku futen Mali i Zi, Kroacia, Moldavia, Maqedonia, Serbia dhe Shqipëria.

Mes këtyre vendeve do të shkëmbehen mallra pa paguar tarifë doganore, mbi bazë të kuotave (në ton), që shkojnë deri në 15 për qind.

Mes këtyre vendeve duhet të kishte përfituar edhe Kosova, por për shkak statusit të njohjes ndërkombëtare, nuk ka pranuar të nënshkruajë protokollin shtesë të marrëveshjes.

Pakti mes 6 shteteve të CEFTA-s është firmosur më 12 nëntor 2010, në Beograd të Serbisë, ku ashtu si Kosova, edhe Bosnjë-Hercegovina nuk ka pranuar të firmosë marrëveshjen, madje nuk kishte negociuar me asnjë nga shtetet, kurse qeveria e Prishtinës kishte nisur bisedimet prej kohësh me Kroacinë dhe Maqedoninë, por në fund u tërhoq.

Sipas Ministrisë së Jashtme, marrëveshja e re për tregtinë e lirë mes vendeve erdhi pas përfundimit të periudhës tranzitore të reduktimit të tarifave doganore për produktet industriale.

Për këto mallra tarifat aktualisht janë zero dhe tani radha i vjen reduktimit dhe heqjes së taksave për produktet bujqësore dhe blegtorale, apo të vezës, verës dhe peshkut.

“Referuar shkallës së përfitimit nga tarifat preferenciale për shkak të origjinës të produkteve bujqësore të importuara (rreth 35-40 për qind) dhe tarifës doganore mesatare prej 2.4 për qind, që rezulton në këtë periudhë, efekti minus në buxhetin e shtetit nga reduktimi i taksave nuk shkon më shumë se 60 milionë lekë”, pohon Ministria e Ekonomisë, ndërsa ajo e Financave shprehet se me rritjen e shkëmbimeve tregtare, do të ketë zhvillim pozitiv në arkëtimet e taksës së TVSH-së.
Telegrafi

[tipi engjellor]

Postimi origjinal është bërë nga Llapjani_HH

Jakupi ia tregon "dhëmbët" PDK-së

Jakup Krasniqi më i sinqertë se kurrë.
Njëkohësisht me i paduruar ndaj PDK-së e veçmas komandant Kamishit.

Dy ditë pasi iu refuzuar në kryesi kërkesa që të hetohen krimet e pasluftës në Kosovë, Bekim Haxhiu sërish në Kuvendin e Kosovës ka kërkuar që të aprovohet kërkesa e tij për hetime. Pasi ka përfunduar me kërkesën, përgjigjen negative nuk e ka marr nga partitë e tjera por nga Sekretari i Përgjithshëm i partisë së tij, kryetari i Kuvendit, Jakup Krasniqi.

Ai i ka thënë që të gjithë ata që kanë prova apo fakte për ndonjë krim le ti drejtohen Prokurorisë dhe gjykatave kosovare e të mos e shndërrojnë Kuvendin e Kosovës në një arenë diskutimesh për krimin pasi këtë duhet ta bëjnë organet e tjera.

Pas kësaj, Kamishi nuk u bë i gjallë. /indeksonline/
Mesazhi.com

Po normal qe eshte i hapur Jakupi...

[Guri i madh]

Limaj e sheh vetën viktimë

Publikuar: Sot, më 29 prill 2011

• Limaj e sheh vetën viktimë

Prishtinë, 29 prill - Ka kaluar një vit nga bastisjet e bujshme të EULEX-it në Zyrat e Ministrisë së Transportit që atë kohë udhëhiqej nga Fatmir Limaj. Edhe pas kalimit të kësaj kohe, asgjë konkretisht nuk ka ndodhur. Fatmir Limaj, i cili vetën e konsideron viktimë në këtë rast kërkon shpjegime nga EULEX-i, pse ky spektakël siç ai e quan, nuk solli diçka konkrete.
“S’ka mo tjera fakte, s’ka mundësi me pas fakte, po të kishte fakte do të ishte kryer, por thjesht çka do që shtyhet dhe mbahet është për kalkulime të imazhit politik. Tash unë e shoh vetën viktimë. Absolutisht viktimë të tyre”, citon Telegrafi Limajn sipas emisionit Info Magazina në “Klan Kosova”.

Ai thotë se është i bindur qe EULEX, nuk ka asnjë fakt, prandaj sipas tij nuk ka edhe çka të thotë. Limaj mes tjerash deklaroi se nuk është marrë kurrë në pyetje për këtë çështje, për keqpërdorimin e tij të dyshuar, transmetojnë mediat.

“S’ka ministri që nuk hetohet, por tani vendoset nga vullneti i tyre, p.sh dikon e ka jaran dikush nga bosat e EULEX-it dhe thotë që këto zbon me prek”, shtoi Limaj, sipas të cilit EULEX ka dëmtuar imazhin e Brukselit duke filluar hetimet bazuar në një veti të njerëzve të ligë.

[Llapjani_HH]

Partnerët e ”Mabetexit” lypin nga Pacolli kthimin e borxheve në vlerë 3,6 milionë euro

Disa kompani që janë kontraktuar nga “Mabetexi” pretendojnë se pronarët e tij kanë ndaj tyre borxhe që kalojnë shifrën prej 3 milionë e 600 mijë eurosh.

Partneri i “Mabetexit”, kompania “Maber”, që ishte kontraktuar për furnizim me pajisje elektrike, pretendon se këto borxhe janë grumbulluar nga punët që janë kryer në projekte ndërtimore në Kosovë e Kazakistan.

Nga tenderi 15 milionësh që kompania “Mabetex” e kishte fituar nga Qeveria e Kosovës për renovimin e Pallatit të Medieve, (“Rilinjdes”) një shumë prej 150 mijë eurosh nuk i është paguar firmës “Maber”, thotë pronari i saj Claudio Vanini.

Një shumë prej 100 mijë eurosh ky biznesmen e lyp nga Behxhet Pacolli, për shkak të punëve që ka kryer në ndërtimin e shtëpisë rezidenciale në Hajvali, ndërkaq 320 mijë euro të tjera kërkohen për shkak të ndërtimit të një fabrike në Kosovë.

Mbi dy milionë euro, sipas Vaninit, janë borxhe nga angazhimi i kompanisë së tij në ndërtimin e dy spitaleve në Kazakistan.

Po ashtu, gjatë punimeve në këtë shtet ai pretendon se Pacolli i ka mbetur borxh 250 mije euro për pistën me akull në Kazakistan, ku janë mbajtur lojërat aziatike, si dhe 200 mijë euro për teatrin presidencial.

Po ashtu, sipas tij, “Mabetexi” ka borxhe edhe nëpër projekte të tjera ku ka qenë i angazhuar si furnitor.

Ndërkaq drejtuesit e firmës “Caloi Industria” pretendojnë se Pacolli duhet t’ia paguajë një borxh që kap vlerën e 150 mijë eurove, pasi kishte furnizuar me karrige kompaninë “Mabetex”, në projektin për ndërtimin e teatrit presidencial në Kazakistan.

Claudio Vanini nga kompania “Maber”, si dhe Cartulo Curtolo nga “Caloi Industria” kanë bërë publike në një medium italian “La tribuna di Treviso”, para disa ditësh, pretendimet e tyre se ish-presidenti i Kosovës nuk i ka kryer obligimet ndaj tyre dhe se shifra totale e borxheve e kalon shumën prej 3,6 milionë eurosh.

Ndërkaq zyrtarët e “Mabetex Group” në Lugano të Zvicrës kanë deklaruar se problemet me kompaninë “Maber”, e cila lyp t’i paguhen 3,6 milionë euro, kanë nisur gjatë punimeve në renovimin e ish-ndërtesës së “Rilindjes” për nevoja qeveritare.
Koha.net

[Neferta]

Qosiq, tani ndarja e Kosovës shumë më vështirë

Beograd, 29 prill 2011 - Idenë e hedhur kohëve të fundit për ndarjen e Kosovës e ka komentuar edhe shkrimtari i njohur nacionalist serb Dobrica Qosiq, i cili ka qenë i pari që është angazhuar për ndarjen përkatësisht copëtimin e Kosovës para tridhjetë vjetësh. Qosiq thotë se atëherë ideja e tij ka qenë më lehtë e realizueshme, ndërsa tani është "shumë më vështirë". "Idenë për ndarjen e Kosovës e kam propozuar pothuajse para 30 vjetësh. Atëherë kjo ishte shumë më lehtë të realizohet. Dhe atëherë kam thënë çfarë kam pasur për të thënë për këtë. Por atëherë (ideja) nuk kaloi. Tani kjo është edhe më vështirë", ka thënë Qosiq për revistën e përjavshme autoritative beogradase NIN, pas që shefi i ekipit negociator serb "zbuloi" për shtypin se Beogradi është i gatshëm për bisedime për të gjitha temat përfshirë ndarjen e Kosovës në dialog me Prishtinën. Revista në fjalë rikujton se Dobrica Qosiq ka vizatuar hartën e parë të ndarjes së Kosovës dhe planin për rindarjen e territorit në proporcion 33 ndaj 77 për qind në dobi të Serbisë. Linjat e ndarjes tërhiqeshin nga Prishtina ndrejt Pejës, pa Drenicën, përfshirë Prizrenin, Gjakovën dhe Deçanin. I vjetër 20 vjet, as në rrethanat e atëhershme, ai plan nuk është realzuar, pohon revista. Situata në terren në atë kohë? Rreth 200 mijë serbë më shumë në Kosovë. Në duart serbe ishte administrata komplete, ushtria dhe policia. Mbështetja solide e komunitetit ndërkombëtar pro Serbisë. Palën e kundërt e përrbinin shqiptarët e paorganizuar, me ëndrrën raomantike për pavarësinë, por pa vizion të qartë se si të realizohet. Tani në vitin 2011, pothuajse çdo gjë është përmbysur si tabloja në pasqyrë. Dhe ideja për ndarjen duket e tejkaluar, kur dy decenie më herët kjo nuk kaloi sepse nuk ekzistonte koncensusi në elitën politike serbe. Vemendjen nga Kosova, pas vizatimit të hartës asnjëherë të realizuar, e tërhoqën luftërat në Slloveni dhe Kroaci dhe shumë shpejt hartën për ndarjen e Kosovë e mbuluan hartat e ndarjes së territoreve të tjera të RSF Jugosllavisë. Kufijtë, ndërkaq, u vizatuan ashtu si i lejoi komuniteti ndërkombëtar, shkruan revista NIN me një dozë rezignacioni në numrin më të ri. qik

[GURI SYLAJ]

Shefi i Alkaides ,Osama Bin Laden ,eshte vra ne afersi te kryeqytetit te Pakistanit!
__________________

[Guri i madh]

Kostoja e “Thaçit 2” mbi 6 milionë euro

Publikuar: Sot, më 02 maj 2011





Prishtinë, 2 maj - Qeveria e “ristrukturuar” e Kosovës, e apostrofuar si Thaçi 2, e përbërë nga gjashtë zëvendëskryeministra, nëntëmbëdhjetë ministra dhe e “dizajnuar” për 36 zëvendësministra, do të rëndojë buxhetin e varfër të Kosovës me rreth 6 milionë euro, vetëm për paga, mallra dhe shërbime për stafin politik, shkruan sot “Zëri”.
Shpikja e disa dikastereve të reja qeveritare dhe shtimi enorm i numrit të zëvendëskryeministrave, nga opozita dhe shoqëria civile, shihet si “llastik politik qeveritar” për plotësimin e ambicieve partiake. Pavarësisht këtyre kritikave, kryeministri Hashim Thaçi ka vendosur që ta shtojë edhe një ministri, atë për Diasporën.
Analisti, Avni Zogiani thotë se 6 zëvendëskryeministra e 19 ministri, nuk i kanë as shtetet me dhjetëra miliona banorë. “Kjo puna e gjashtë zëvendëskryeministrave dhe e 19 ministrive nuk do as koment, është absurditet që tregon tepër shumë se shteti po u përshtatet partive dhe që po e zgjasin shtetin si plastikë për me iu ra tamam”, ka thënë Zogiani, duke shtuar se me këto veprime qeveria shpenzon si ia do qejfi.
Glauk Konjufca thotë se qeveria nuk duhet ta harrojë fjalën e urtë “që zullumi këputet prej së trashi”. Sipas tij, kjo është skandaloze që vetëm stafi politik të bëjë shpenzime sa bën Kuvendi i Kosovës.
“Të gjithë deputetët e Kuvendit të Kosovës, për paga në vit i harxhojnë afro 4 milionë euro, por edhe kjo është shumë. Nga ana tjetër, qeveria vetëm me staf politik harxhon më shumë se krejt kuvendi”, ka thënë Konjufca, duke shtuar se qeveria kontrollon gjithçka e atë nuk e kontrollon askush. Sipas tij, pushteti është shndërruar në pazarllëk për t’i plotësuar ambiciet e dikujt, krijohen ministri të reja.
“Ministria nuk krijohet për nevojën e diasporës, por që të mos prishet koalicioni ata krijojnë ministri për diasporën. Ky është një model shumë i keq”, ka thënë Konjufca.
Zëvendëskryeministri Hajredin Kuçi ka thënë edhe nga partitë tjera ka pasur ide për krijimin e kësaj ministrie për diasporën.
“Me miratimin e Ligjit për Qeverinë sigurisht do të ketë nevojë për një ridizajnim të tërësishëm qeveritar. Pas miratimit të ligjit do të ketë ridizajnim të dikastereve. Gjatë mandatit qeverisës njerëzit e kanë të vështirë ndoshta të bëjnë zvogëlime apo ndryshime të dikastereve, por një mandat i ri sigurisht gjithsesi se do të kërkonte zvogëlim të ministrive”, ka thënë Kuçi.
Rritja e kabinetit qeveritar edhe për një ministri nga Lidhja Demokratike e Kosovës shihet me shqetësim. Sekretari i përgjithshëm i kësaj partie, Ismet Beqiri ka thënë se rritja në 19 ministri është për t’u shokuar.
“Do të na e kenë lakmi vendet e ndryshme, se sa jemi të zotët të kemi një qeveri me kaq ministra, po shtohen për ditë. Ne nuk jemi kundër krijimit të ministrisë, por edhe ministritë aktuale që kanë fushëveprim që kanë të bëjnë me diasporën nuk e kryejnë punën e tyre. Sa herë të bjerë në krizë qeveria, këta bëjnë ministri të reja dhe një qeveri me 19 ministri, është për t’u shokuar dhe kjo ndodh vetëm në Kosovën, të cilën qeveri dhe vend pretendon dhe e thotë se e udhëheq zoti Thaçi”, ka thënë Beqiri.
Ndërkohë, Ardian Gjini nga AAK, ka thënë se është “lajm i keq” për Kosovën dhe për popullin e saj, formimi i një ministrie të re. Sipas tij, kjo rritje numrit të ministrave, zëvendësministrave dhe zëvendëskryeministrave, është barrë e popullit të Kosovës.
“Kjo është kultura dhe karakteri i kësaj qeverie, dhe fatkeqësisht Kosovën nuk e presin ditë të mira në të ardhmen, përderisa këta njerëz janë në pushtet. Mund t’u them se po vazhdon kultura e mashtrimit dhe kamuflimit të problemeve të vogla me probleme të mëdha”, ka thënë Gjini.
Nga ana tjetër, ish-ministër i Ekonomisë dhe Financave nga radhët e Aleancës për Ardhmërinë e Kosovës, Haki Shatri, thotë se ngarkimi i Qeverisë me zëvendëskryeministra, ministra e zëvendësministra pa ndonjë arsye, dëmton imazhin e shtetit, por edhe dëmton vetë buxhetin.
“Është totalisht e panevojshme që të ketë më shumë se 18 zëvendësministra. Është e paarsyeshme që militantët politikë të rehabilitohen në pozita politike e që rroga marrin nga arka e shtetit”, tha ai.
Totali i pagave mujore dhe vjetore
Ministra 19 X 1270,50 = 24, 139. 5 euro X 12= 289, 674
Zëvendëskryeministra 6 X 1356,30 = 81,378 X 12= 976, 536 euro
Zëvendësministra 36 X 1182,50 = 42 570 X 12= 510, 840 euro
Këshilltarë 120 X 577,50 = 69. 300 X 12= 831.600 euro
Shoferë 55 X 214,50 = 11. 797 X 12= 141.570 euro
Asistentë 55 X 214,50 = 11.797 X 12= 141. 570 euro
Shpenzime mujore për paga në total 240.981 euro
Shpenzime vjetore për paga në total 2. 591.610 euro
Shpenzime për derivate brenda një viti mbi 1 milion euro

[Guri i madh]

Obama: Kufiri Izrael-Palestinë, sipas marrëveshjes së 1967

Publikuar: Sot, më 19 maj 2011


Washington, 19 maj - Në një fjalim gjithëpërfshirës për Lindjen e Mesme, Obama tha se kryengritjet në rajon tregojnë se represioni nuk do të funksionojë më.
“Për gjashtë muaj, ishim dëshmitarë të ndryshimeve të jashtëzakonshme që ndodhën në Lindjen e Mesme dhe në Afrikën Veriore. Shesh pas sheshi, qytet pas qyteti, shtet pas shteti, njerëzit u ngritën që të kërkojnë të drejtat e tyre bazike”, tha Obama.
Ai theksoi se SHBA-ja i mbështet këto thirrje për ndryshime dhe shtoi se SHBA-ja kundërshton përdorimin e dhunës kundër njerëzve në rajon dhe mbështet të drejtat e tyre universale.
Obama tha se protestuesit pro demokracisë arritën për gjashtë muaj atë që terroristët nuk mundën ta arrijnë për dekada.
Presidenti Obama po ashtu tha se Osama bin Laden - lideri i Al Qaedas, i cili u vra nga forcat speciale amerikane në fillim të këtij muaji, nuk ishte martir, por një “vrasës i madh”, transmeton Radio Evropa e Lirë.
“Bin Laden nuk ishte martir, por një vrasës i madh që ofroi mesazhin e urrejtjes, insistoi që myslimanët të kapin armët kundër Perëndimit, kurse dhuna kundër burrave, grave e fëmijëve ishte rruga e vetme e ndryshimit. Ai refuzoi demokracinë dhe të drejtat individuale për myslimanët, në favor të ekstremizmit të dhunshëm. Agjenda e tij fokusohej në atë se çka mund të shkatërronte, jo çka mund të ndërtonte”, tha Obama, duke shtuar se agjenda e ekstremizmit të Al Qaedas në botën arabe tashmë shihet si e vdekur. Presidenti tha se lideri i Sirisë, Bashar al-Assad ka zgjedhur rrugën e vrasjes dhe paralajmëroi atë që ta ndryshojë kursin, ose ta lërë pushtetin. Ai u bëri thirrje izraelitëve dhe palestinezëve që të kuptojnë se “paqja nuk mund të imponohet”.
Obama tha se procesi i paqes duhet të rezultojë me dy shtete me “kufij të përhershëm palestinezë me Izraelin, Jordaninë dhe Egjiptin, si dhe kufij të përhershëm izraelitë me Palestinën. Kufijtë mes Izraelit e Palestinës, sipas tij, duhet të bazohen në marrëveshjen e vitit 1967.
Presidenti Obama premtoi ndihmë ekonomike për shtetet që përqafojnë reformat demokratike. Ai nënvizoi se SHBA-ja do t’i lehtësojë borxhet Egjiptit dhe se Washingtoni së shpejti do të lansojë një fond prej 2 miliardë dollarësh për mbështetjen e investimeve private në këtë rajon.
Obama, po ashtu, ritheksoi një plan për të riorientuar Bankën Evropiane për Rindërtim dhe Zhvillim që të mbështesë rajonin e Lindjes së Mesme dhe të Afrikës Veriore, ashtu siç i ka ndihmuar ish-shtetet komuniste në Evropën Qendrore dhe Lindore.

[Guri i madh]

Kompania e njerëzve të SHIK-ut përfitoi jashtëligjshëm nga Qeveria

Publikuar: Sot, më 19 maj 2011


Prishtinë, 19 maj - Miliona euro nga Qeveria e Kosovës ka përfituar kompania private “Ada Consulting Group”, që ishte themeluar nga ish-zyrtarë të SHIK-ut. Ish-punonjës të kësaj organizate kanë punuar si zyrtarë të lartë nëpër ministritë të cilat i jepnin tenderë kësaj kompanie. Auditorët kanë evidentuar shkelje ligjore nëpër tenderët qeveritarë që i ka përfituar kjo kompani. Pronari i kësaj kompanie, Avni Kastrati, nuk ka dashur të komentojë rreth fitimit të tenderëve nga ministritë ku kanë punuar ish-kolegët e tij të Shërbimit Informativ të Kosovës (SHIK).
“Me tenderë e me procedura ka shkuar gjithçka në rregull”, citon “Koha Ditore” Kastratin.
Ndërkaq, Latif Gashi, ish-drejtor i përgjithshëm i SHIK-ut, ka thënë se nuk ka pasur mundësi të ketë asnjë ndikim në tenderë gjatë kohës sa ka qenë zyrtarisht i emëruar si këshilltar politik në Ministrinë e Mjedisit e Planifikimit Hapësinor.
“Nuk kam ndikuar e as nuk kam pasur mundësi të ndikoj për tenderë”, ka thënë Gashi.
Sipas tij, pronari i firmës “Ada Consulting Group” ka punuar në SHIK, por kur është shuar kjo organizatë ka mundur të krijojë firmë e të merret me biznes.
Ish-zyrtari tjetër i SHIK-ut, Fadil Demaku, tash deputet i Partisë Demokratike të Kosovës, ka thënë se ishte punësuar në kompaninë “Ada Consulting” nga Prishtina, për të marrë një rrogë, pasi kishte mbetur pa punë.
“Unë kam punuar sa për rrogë aty për një vit. Ka qenë kohë kur kam mbetur pa punë dhe jam punësuar, por asnjëherë nuk jam marrë me tenderë se ku i fiton kompania”, ka thënë Demaku.
Pozita e tij në këtë firmë, sipas Demakut, ka qenë koordinator, ndërsa në SHIK kishte drejtuar Departamentin Antiterror.
“Ada Consulting Group”, që kishte të punësuar deputetin e PDK-së, Fadil Demakun, në gusht të vitit të kaluar ishte shpallur fitues në një tender publik të Komunës së Drenasit, që udhëhiqet nga vëllai i tij, Nexhat Demaku. Oferta e konsorciumit ku bënte pjesë kjo kompani kishte qenë 35 mijë e 387 euro dhe kishte të bënte me hartimin e planit rregullues për Lagjen e Dëshmorëve.
Raportet e Zyrës së Auditorit të Përgjithshëm kanë gjetur shkelje ligjore në tenderët që kjo kompani ka fituar në Ministrinë e Mjedisit e Planifikimit Hapësinor, si dhe në Ministrinë e Forcës së Sigurisë. Sipas auditorëve në tenderin “Rregullimi i varrezave të dëshmorëve në Mitrovicë”, me vlerë 171 mijë e 503 euro, punët nuk ishin të kryera në pajtim me kontratën, ndërsa pagesat ndaj kompanisë ishin bërë.
“Ekipi i auditimit të ZAP-it së bashku me kryetarin e Komisionit për pranimin e punëve që ishte caktuar nga Ministria bënë një ekzaminim fizik për të vërtetuar nëse punët ishin kryer në pajtim me kontratën. Punët nuk ishin kryer ashtu siç kërkohet”, thuhet në raportin e auditimit të Ministrisë së Mjedisit e Planifikimit Hapësinor për vitin 2009. Sipas auditorëve, dimensioni i skajoreve sipas kontratës ishte paraparë të jetë 10/20 cm, ndërsa ishin vendosur skajore të dimensionit 8/20 cm.
“Vendosja e skajoreve ishte dashur të jetë 3,000 m që nga 10.5 euro bëjnë 31.500 euro, ndërsa ishin vendosur 2 mijë e 602 m., që nga 10.5 euro kushtojnë 27 mijë e 321 euro. Punë të pakryera kishin mbetur 4 mijë e 179 euro, por që ishin paguar”, theksohet në këtë raport të auditimit.
Shkelja tjetër sipas auditorëve kishte të bënte me vendosjen e rigolave. Sipas kontratës duheshin vendosur 3 mijë m që nga 8 euro për njësi kushtonin 24 mijë euro, ndërsa ishin vendosur 1 mijë e 296 m që nga 8 euro i bie 10 mijë e 368 euro apo për 13 mijë e 632 euro punë të pakryera e që ishin paguar.
“Po ashtu dimensioni i rigolave sipas kontratës është dashur të jetë me dimensione 40/40 cm, ndërsa ishin vendosur me dimensione 30/20 cm”, thuhet në këtë raport të auditimit.
“Ada Consulting Group”, sipas auditorëve, po ashtu ka bërë ndryshime të specifikacionit teknik.
“Sipas specifikacionit teknik dhe kontratës lokacioni duhej shtruar në asfalt, ndërsa ishte bërë me kubëza betoni”, kanë evidentuar auditorët.
Ndërkaq, sipas raportit të auditimit për Ministrinë e Forcës së Sigurisë kjo kompani nuk i kishte plotësuar kushtet e parapara me dosje të tenderit, por ishte shpërblyer me kontratë nga kjo ministri. Ofertën e kësaj kompanie prej 919 mijë e 353 eurosh MFSK-ja e kishte vlerësuar me 100 pikë. Sipas auditorëve kompania që kishte fituar tenderin për riparimin e kuzhinës në kazermën e Mitrovicës nuk kishte prezantuar kopjet e faturave më të reja të pagesës së shërbimeve të ujit si dhe të mbeturinave.
“Këto dokumente janë kërkuar në mënyrë eksplicite me dosje të tenderit dhe operatori fitues i tenderit për riparimin e kuzhinës në kazermën e Mitrovicës nuk ka sjellë as polisat e sigurimit për punëtorët e përfshirë në projekt para nënshkrimit të kontratës. Polisat e sigurimit për punëtorët e përfshirë në projekt janë kërkuar me nenin 18 të kontratës”, kanë konstatuar auditorët në raportin për vitin 2009 të kësaj ministrie.
Kjo ministri edhe përkundër vërejtjeve të auditorëve, më 16 dhjetor të vitit 2010 ka shpallur fitues kompaninë “ADA Consulting Group Sh.p.k”, e cila ishte në konsorcium me kompaninë “Alb- Architect sh.p.k“, në tenderin për ndërtimin e objektit të kuzhinës në Pomazetin. Oferta e këtij konsorciumi peshonte 908 mijë e 852 euro. Kjo kompani vitin e kaluar ishte shpallur fituese edhe nga Ministria e Arsimit, e Shkencës dhe e Teknologjisë. Oferta e kësaj kompanie për ndërtimin e objektit të një shkolle në Vushtrri ishte 1 milion e 922 mijë e 210 euro. Ministria e Punës dhe e Mirëqenies Sociale e kishte shpallur fitues në tenderin për ndërtimin e Qendrës për Banim Social në Klinë për të cilin projekt “Ada Consulting Group”, kishte lypur 443 mijë e 823 euro. Po ashtu edhe Komuna e Vushtrrisë vitin e kaluar e kishte shpallur fitues në një tender për asfaltim rrugësh ku e kishte vlerësuar si më të favorshme ofertën e kësaj kompanie, e cila peshonte 246 mijë euro.

http://www.botasot.info/img/1Sheshi-vershimet-Pr-1.jpg


Reagim i KMDLNJ-së për vërshimet në Prishtinë

Këshilli për Mbrojtjen e të Drejtave e të Lirive të Njeriut në Prishtinë ka reaguar lidhur me vërshimet e djeshme në qytetin e Prishtinës dhe rrethinë.
Në reagim thuhet:
Këshilli për Mbrojtjen e të Drejtave e të Lirive të Njeriut në Prishtinë shprehë shqetësimin për gjendjen e familjeve të cilat pësuan nga vërshimet e ditës së djeshme në Prishtinë.
KMDLNj dje ka vizituar disa lagje dhe ka kontaktuar me banorë për të parë pasojat e vërshimeve të ditës së djeshme. Me këtë rast ka parë se një numër i familjeve ka pësuar dëme materiale në banesa, biznese dhe bujqësi.
Nga ajo që është parë dje del se dëmet më së shumti janë shkaktuar si pasojë e infrastrukturës së dobët dhe mungesës së mirëmbajtjes. Për këtë KMDLNj ka tërhequr vërejtjen edhe më herët, më saktësisht pas vërshimeve të vitit 2008.
Vërshimet kanë shkaktuar dëme në Lagjen e Spitalit, në Kodrën e Trimave, Fshatin Shkabaj, në disa rrugë të qendrës së qytetit etj. Sipas monitoruesve të KMDLNj gjendja më e rëndë është tek ato familja që kanë pësuar dëme në shtëpi banimi. Kjo për arsye se shtëpitë e tyre janë bërë të pabanuara dhe këto familje kanë nevojë urgjente për strehim.
Monitoruesit e KMDLNj po ashtu kanë parë se në këto lagje nevojiten një reagim urgjent për dezinfektimin e rrugëve dhe shtëpive që kanë pësuar sepse ujerat e zeza kanë shkaktuar ndotje e cila mund të paraqet rrezik për infeksione nëse nuk ndërhyhet.
Pas vërshimeve të djeshme rrugë të tëra në Kodrën e Trimave që nga dje janë pa energji elektrike.
KMDLNJ u bënë thirrje organeve të komunës së Prishtinës por edhe të gjitha organizatave humanitare që t’u ofrojnë një ndihmë emergjente këtyre banorëve. Organet e komunës së Prishtinës dhe kompanitë publike që janë përgjegjëse për shëndetin publik, ujësjellës-kanalizimet, rrymën dhe pastrimin e rrugëve duhet të reagojnë menjëherë. Strukturat komunale duhet të jenë më të përgatitura për të përballuar fatkeqësitë natyrore, thuhet në reagimin e Këshillit për Mbrojtjen e të Drejtave e të Lirive të Njeriut në Prishtinë.