Mustafa: PDK po na shantazhon me SHIK-un

[Zero Cool]

Prishtina, peng i politikës





sh-kandidati i AAK-së për kryetar të Prishtinës, Besnik Tahiri, njëherësh këshilltar i kryetarit Haradinaj dhe anëtar i Kryesisë së kësaj partie opozitare, ka thënë se situata e rëndë në Prishtinë, po vjen si rrjedhojë e neglizhencës totale ndaj problemeve shumë bazike në një anë, dhe, në anën tjetërm fundamentale për jetën dhe mirëqenien e qytetarëve të kryeqytetit.
Në një konferencë për media, të shtunën, Tahiri ka thënë se Prishtina, si kryeqendër, është bërë peng i pazareve politike.

“Në një anë Qeveria e Kosovës po saboton kryeqendrën me mosmiratimin e ligjit kurse në anën tjetër nuk ka një kërkesë dhe shtytje konsistente dhe serioze nga qeveria komunale. Krahas trajtimit të temave të mëdha nga nivelit qendror, për, dhe rreth Kosovës, qytetarëve e Prishtinës dita ditës po ju bëhet jeta e vështirë në qytet duke u ballafaquar me probleme fundamentale që ndërlidhen drejtpërdrejt me kualitetin e jetës së tyre”, ka thënë Tahiri.
Sipas tij, miratimi i Ligjit për Prishtinën është obligim kushtetues, dhe duke qenë kështu, është absurde që në këtë formë të diskriminohet kryeqyteti i Kosovës.

Tahiri ka thënë se Komuna e Prishtinës, në mungesë të Ligjit për kryeqytetin, ka humbur më së paku rreth katër milionë euro në vit, si dhe donacionin prej 14 milionë eurosh nga Komisioni Evropian.

“Ne rrezikojmë që në vitin e ardhshëm t’i humbim edhe rreth 10 milionë euro. Kjo duke llogaritur se në buxhetin e vitit 2010, komuna nga granti qeveritar i ka marrë rreth 31 milionë euro, kurse tani me regjistrimin e popullsisë, Prishtina ka dalë diku rreth 200 mijë banorë, e që i bie që do të marrë rreth 10 milionë euro më pak, pasi që ndarja e grantit qeveritar 89 për qind bazohet në numrin për kokë banori”, ka thënë Tahiri.