Nga veriu në jugë dhunimet flasin vetë…

[Zero Cool]

KËRKESAT E SHOQATËS "DIELLI"

1. Nën kujdesin e Qeverisë, pushtetit bashkiak në Gjirokastër, në kohën më të përshtatshme, të marrë të gjitha masat që Memoriali i rilindësve të kthehet në gjendjen e mëparshme: rindërtimin cilësor të varreve, rrethimin e tij me mure e kangjella, me dyer e shkallë, gjelbërimin me bar, lule e pemë dekorative në mjedisin jashtë mureve rrethues, ndriçimin me drita elektrike dhe botimi i një fletëpalosje për vizitorët do të ishin disa nga kërkesat e para për Memorialin.

2. Memoriali të jetë nën kujdesin e shtetit si objekt i veçantë historik. Të ruhet, të mirëmbahet dhe në Guidën e Qytetit Muze të cilësohet vend historik dhe pikë turistike.

3. Qeveria, duke marrë shkas nga gjendja e Memorialit të Rilindësve në Gjirokastër, t'i paraqitë Kuvendit një projektligj (të rinovuar) "Për mbrojtjen e objekteve historike, figurave dhe simboleve kombëtare" (memorialë, varre, varreza, buste, shtatore, shtëpi muze, lapidarë, qendra arkeologjike, vlera folklorike, kënga polifonike, eposi i kreshnikëve, ndërtime kulti, kështjella të kohës ilire etj.)..

4. Për rastin unikal, përdhosjen masive të varreve të rilindësve të shquar (jo një herë, po tre herë gjatë tranzicionit), Shoqata atdhetare "Dielli" kërkon nga opinioni qytetar dhe nga shoqatat simotra, nga shtypi, media dhe institucionet shkencore e universitare të shprehin opinionet e tyre përsa u parashtruan në këtë Thirrje ose për raste të tjera analoge.

5. Kërkojmë nga Qeveria dhe institucionet shtetërore të zbatojnë ligjet në fuqi për zbulimin dhe dënimin e njerëzve që përdhosin vendet e shenjta, figurat e shquara dhe objektet historike shqiptare.

Nga Shoqata Atdhetare Kulturore "Dielli"